قصة حب بين طلال وشيخة ... مو صج!!عجيــــــــــــبه... "قصة حقيقية"

[شباصه ريش]

wooooooooooooooow
حدها عجيبه البارتات اللي طافت الصراحه ماقصرتي
بس هم اقولج لا تطولييييييييييين علينا

 

[رمانه كويتيه]

يالله روونه لاطولبن علينا نبى باجى القصه هههههههههههه ولدى رايح راد يبينى ادرسه علوم باجر عليه امتحان علوم يقولى يمه يالله درسينى وانا اقوله صبر بس خلنى اخلص الحلقه يقول يمه اى حلقه التلفزيون مصكر هههههههه حبيبى مايدرى ان امه تقرا الحلقه بالكمبيوتر بروح ادرسه بسرعه ورجع لاطولين حبيبتى انتى

 

[P!NKia]

راونا عرفت من انتى

انتى









انتى












امممممم حنااان صح >>>يعنى صايدتج لووول
مشكوووره البارت جوونان

 

[غيدآء]

رووووووووووووووووعه البارتات حدي اندمجت....


بانتظااارج

 

[دمي خفيف]

يالله روونه لاطولبن علينا نبى باجى القصه هههههههههههه ولدى رايح راد يبينى ادرسه علوم باجر عليه امتحان علوم يقولى يمه يالله درسينى وانا اقوله صبر بس خلنى اخلص الحلقه يقول يمه اى حلقه التلفزيون مصكر هههههههه حبيبى مايدرى ان امه تقرا الحلقه بالكمبيوتر بروح ادرسه بسرعه ورجع لاطولين حبيبتى انتى

ههههههههه
يحليله ولدج الله يخليه لج :eh_s(6):

 

[روح كويتيه]

فدييييت روحج استااانست لمن شبكت ولقيت بارتات وايد

ناطريييييين التكمله

 

[mo9a7ya]

مشكوووووره على البارتااات الحلوووه

 

[aldana]

يالله نحن منتظرييييييييييييييييييييييين على ناااااااااااااااااااااااااااااااااااااااااااار

 

[rawona]

مر على طلال يومين .. ماشاف فيهم شيخه اون لاين .. كان يحاتيها وايد .. دزلها ايميلات .. بس ماردت عليه .. تردد اشوي .. يتصل عليها والا لا ... وبعدين هون .. ويوم مر يومين ثانين وماسمع منها شي .. سحب سماعة التليفون واتصل على شقتها ..

كان قلبه يرقع مع كل رنة .. رن التليفون ورن .. وشيخه ما اتشيله!! خاف لا يكون صاير فيها شي!

سكر التلفون وقعد يفكر اشوي .. وقرر يتصل مره ثانيه ..

مع ثالث رنة ..شالت السماعه ..

شيخه: الوو (بصوت مبحوح وتعبان)

طلال تردد ..

شيخه: الوو ( وتكح)

طلال: شيخه!

ارتبكت شيخه يوم اسمعت الصوت .. مع انها مو سامعه صوت طلال بالتليفون من قبل بس حست انه اهو ..

طلال: شيخه.. هذا انا طلال .. اسف لاني اتصلت بهالوقت .. بس صارلي مده ماسمعت عنج شي .. وقمت احاتيج .. خصوصا ان ابوج اموصيني عليج .. (انتبه طلال انه قاعد يتكلم بسرعه ومن غير داعي فسكت)

شيخه: هلا طلال ..

شيخه: لا بس انا كنت اشوي تعبانه .. وماطلعت من البيت .. علشان جذي مارديت عليك ..

طلال: اسفيج تعبانه؟؟ فيج شي؟!

شيخه: لا مافيني .. بس انفلونزا .. مع برودة الجو الظاهر .. الحين انا احسن ..

طلال: تبيني ايي اوديج الطبيب .. ايبلج دوا؟ اي شي؟

شيخه: لا مشكور ماله داعي .. انشاءالله مايصير باجر الا وانا احسن .. بعد اشوي راح اتيني جمانه .. لا تحاتي ..

طلال: اوكي.. بس اذا بغيتي شي .. او حسيتي بتعب كلميني ضروري !

شيخه: انشاءلله ..

طلال: خلاص اخليج ترتاحين الحين .. ماتشوفين شر انشاءالله ..

شيخه: الشر ما اييك .. مشكور على الاتصال ..

طلال: ماسويت شي .. يالله مع السلامه ..

شيخه: مع السلامه ..

سكر طلال السماعه واهو مرتاح ومو مرتاح! مرتاح لانه تطمن على شيخه .. ومتضايق لانها تعبانه من جم يوم ومايدري عنها!

راح يدزلها ايميل .. واختار هالاهداء ..

الاهداء: هذي انتي – طلال سلامه ..

هذي انتي .. هذي انتي .. هذي انتي .. احلى من كل البنات ..

هذي انتي احلى من اول واكثر .. دايم انتي احلى من كل البنات

هذي انتي لو كبرتي وصرتي اكبر .. شفت اول احلى من اول حلاة ..

هذي انتي .. احلى من كل البنات ..

المرسل: طلال ..

***************************** يتبع!

​

 

[rawona]

الكويت – بيت بو طلال

نوره: يمه .. طلال كلمج .. قالج شي؟

ام طلال: عن شنو؟

نوره: لا بس أسألج .. مافتح معاج موضوع مني .. مناك؟؟

ام طلال: اشموضوعه؟ اشتقصدين؟

حصه: لا يمه اهي ما تقصد شي .. بس يعني نسأل .. الحين مدام طلال الحمدلله ماشي بدراسته .. مو ناوي يرد .. يخطب فطوم بنت عمي؟

ام طلال: والله مادري .. بس اهوا لمحلي من فتره .. ان فاطمه بنت عمه .. ادزله ايميلات .. واتكلمه بالكومبيوتر .. مادري اذا بيرد يخطبها والا لا؟ ... وعموما .. ذاك اليوم مرت عمج قاعده اتلمحلي على الموضوع .. ويعني اللي فهمته منها انهم ماعندهم مانع يزوجونها من طلال ..

نوره: اي اضمنت مستقبل بنتها .. اكيد ماعندها مانع!

ام طلال: عاد اضمنت والا اقعدت .. كل شي بايد طلال .. اهو اللي بيده القرار ..

حصه: يالله ماباجي شي على رجعته .. وياخبر بفلوووس ..!

** ** ** **

بيت بو مشعل..

بدريه: كثري من السوائل الدافيه .. وشربي عصير ليمون .. ودفي روحج عدل قبل لا تطلعين ..

شيخه: يمه والله .. والله ..فهمت! انشاءالله راح اسوي كل اللي قلتيلي عليه .. لا تحاتين انا صرت احسن بوايد الحين ..

بدريه: ميخالف بس هم ديري بالج على نفسج .. صج امس مرتنا حنان رفيجتج .. ردت من شهر العسل قبل رمضان .. والمسكينه ما قصرت .. يايبتلنا صوغه .. وهم ذاكرتج بهديه خليناها بدارج .. واتسلم عليج وايد ..

شيخه: ياحلوها حنون .. ما اتخيلها صارت مرا! لول
بدريه: لا صايره اتهبل ماشاءالله .. اي تعالي .. ليونه اتسولف ذاك اليوم .. ياحلوها اوريها عزيز صورتج ويقولها منو خذي؟ اتقول "اميمه" يعني عميمه !

شيخه: واااااااااااي ياحلوها ... صج مشتاقتلها موت اهي وخلودي .. يالله ماباجي شي على الرده انشاءالله .. ابوي حاجاني امس .. وقالي انه حجزلي تذكره حق يوم 14 ..

بدريه: اي قالي امس .. يالله يمه شيوخه.. خالتج ناطرتني بنروح بيت خالج عندهم غبقه اليوم .. ناقصج شي حبيتي؟

شيخه: لا يمه سلامتج .. سلمي عليهم ..

بدريه: يوصل انشاءالله .. يالله حافظج الله حبيبتي .. ديربالج على عمرج ..

شيخه: لا تحاتيني .. يالله بيباي ..


***************************************** يتبع!


​

 

[rawona]

امريــــــــــــــــــكا ..

رد طلال من الجامعه واهو حده تعبان .. مر على ماكدونالدز وشراله وجبه يفطر عليها! صارله جم يوم حاس بملل وضيقه .. ماسمع عن شيخه اي شي عقب ذاك اليوم يوم كلمها .. راح غسل وصلى .. وتالي اكل وجبته .. وعقب راح سبح وبدل.. و حاول يتمدد اشوي ايريح جسمه وينام! قعد بعد فتره .. وشاف الساعه .. كانت 9 بليل .. والله نام وايد! اشوه ان باجر ويك اند وماعنده دوام .. اتصل على محمد .. لقاه رايح مع الشباب اللبنانين منيسوتا يزورون رفيجهم اهناك ..

قام غسل وصلى العشا .. وشاف ساعته .. الحين نايمين اهله في الكويت .. راح سواله قلاص جاي .. وقعد جبال اللاب توب .. جيك ايميله .. ولقى ايميل من فاطمه وايميل من شيخه!

شاف ايميل فاطمه اول ..

السلام ...

شلونك طلال؟ شخبارك؟ ماسمعت منك لاحس ولا خبر من زمان؟

شكلك لاهي مع الامتحانات .. الله يوفقك ويسهل عليك اللهم امين ..

ماقلتلي متى ناوي ترجع انشاءالله؟ علشان نعمل احسابنا وننطرك في المطار؟ : )

يالله ديربالك على نفسك ..

فاطمه..

ابتسم طلال .. ومارد على الايميل ..

راح يشوف ايميل شيخه..

لقاها دازه كرت اهداء من غير اي رساله..

الاهداء : اغنية احلام – عايش حياتك..

المقطع المهداء: ليتك تشاركني الشجون .. بالحلوه والمره نكون
تحبني انت بجنون .. وانا على نار احتريك ..
عايش حياتك وشعليك.. مرتاح وقلبك بين ايديك
ماهو مثل حالي انا .. اذوب من شوقي اليــــــــك!

المرسل: شيخه..

قال طلال لنفسه: والله انا اللي ذايب ياشيوخ مو انتي!

شبك على الماسنجر .. ولقى شيخه شابكه..

طلال: السلام...

شيخه: وعليكم السلام اهلين ..

طلال: هاااااااا اخيرا بينتي!

شيخه: شفت شلون؟ : )

طلال: عموما نورتي الماسنجر (وقلبي<< قالها لنفسه)

شيخه: ثانكس ..

طلال: ها حجزتي للرده انشاءالله ..

شيخه: اي الوالد حجزلي ..

طلال: متى رجعتج؟

شيخه: تاريخ 14 وانت؟

طلال: ماحجزت للحين .. راح اشوف اخر امتحان عندي يوم الاثنين تالي احجز انشاءالله ..

شيخه: انشاءالله ..

طلال: شلونج الحين؟ احسن؟

شيخه: اي والله الحمدلله ..
طلال: دووم يارب ..

طلال: شيوخه..

شيخه: هلا ..

طلال: مادزيتيلي ذاك اليوم اللي وصيتج عليه!

شيخه: شنو اللي وصيتني عليه؟

طلال: ايميل اللي اتحبينه!

شيخه ( ضيعت وما استوعبت اشيقصد): هه؟!

طلال: لا شكلها ذاكرتج انمسحت مع الانفلونزا! : )

شيخه: ايييييييييييييي .. هيهيهيهي توني استوعب!

شيخه: اي لا خلاص مابي ماني دازتلك ايميله!

طلال: افاااااا ليش؟ ماني قايله شي .. بس باقوله ليش ماتقول حق شيوخه انك اتحبها؟

شيخه: وانت اشدراك انه يحبني؟

طلال: لانه بيطلع غبي اذا ماكان يحبج!

شيخه: هيهيهي .. انزين انت اشسويت مع اللي اتحبها؟؟

طلال: لا جديد .. للحين الوضع مثل ما اهو..

شيخه: تقصد انها ماقالتلك اذا كانت اتحبك او لا ..

طلال: لا انا ادري انها اتحبني .. بس للحين ما اعترفتلي!

شيخه: هيهيهي .. حلوه الثقه بالنفس!

طلال: لووول اكيــــــــــــد..

يحط طلال رابط اغنيه انا احبك لراشد الماجد ..

طلال: انزين ماقلتيلي .. انتي ليش ما اتصارحين اللي اتحبينه بحبج؟ يمكن المسكين ناطر اشاره منج!

شيخه: لاااااااااا مستحيل!

طلال: ليش؟

شيخه: اول شي انا بنيه.. واي شي يطلع مني بيكون محسوب علي .. وبعدين انا فيــــــــــن والحب فيــــــــــن .. خلها على الله!

طلال: اووف ليش جذي؟ ليش انتي وين والحب وين؟

شيخه: شوف طلال .. انا يوم قررت اني ادرس اهني بامريكا.. شلت سالفة الزواج من راسي .. فمابالك بالحب؟ اللي الله يعلم شنو راح اتكون نهايته! وبعدين لا تنسى وضعي الحالي .. واني اهني بامريكا!

طلال: شنو يعني انتي بامريكا؟

شيخه: ماعندي اي فكره!

طلال: لووول ..

طلال: لنفرض انه اهو اللي بدا وصارحج اول .. شراح اتسوين؟؟

شيخه: امممم والله مادري ..انا بس قاعده اتخيل الموقف الحين .. ويهي صار طماطه!

طلال: هيهي..

شيخه: لا بس ما اعتقد انه بيقولها لي ابد!

طلال: ليش؟

شيخه: السبب الاول انه مرتبط بوحده ثانيه..

شيخه: والسبب الثاني .. امممم ما اعتقد اني محظوظه لهالدرجه! لووول

كانت شيخه تنطر طلال يخلص طباعة الكلام اللي قاعد يكتبه .. استغربت انه طول بالطباعه .. وكانت اتلاحظ انه يطبع .. وبعدين يوقف اشوي .. بعدين يرد يطبع .. فحبت اتخليه ياخذ راحته قبل لا تقاطع كتابته .. وبعد فتره .. طلع لها هالمسج على الشاشه..

طلال: شوفي شيوخه .. كان ودي اقولج هالشغله وجها لوجه .. او على الاقل بصوتي وبطريقتي ..

طلال: بس مثل ماتعرفين ماكنت اقدر ..

طلال: ودي اقولج كلمه .. تحمل كل معنى حلو بهالدنيا .. وكل عاطفه بقلبي .. كلمه احس مافي وحده بالدنيا كلها تستاهل اني اقولها لها غيرج انتي ..

طلال: اي شيوخه .. انا احبج .. مو من الحين ولا من امس .. انا حبيتج من اول حرف انطبع منج! والله يعلم اشكثر شغلتيني .. وعلقتيني .. وانا ماكنت اعرفج ولا اعرف طيبتج وقلبج الابيض.. وانتي تستاهلين هالكلمه "احبج" .. شيوخه..

قرت شيخه الكلمات .. مره ومرتين وثلاث .. قرتها بعيون دامعه.. خلتها ماتقدر تشوف الاحرف عدل... مو معقوله اللي قاعد يصير .. اكيد اهي بحلم! حست بقلبها يرقع.. وبرعشه بايدينها.. وقفت لحظه مو عارفه تتصرف فيها .. ولا عارفه شلون اترد ! ماتدري .. اول مره حست انها متسمره بمكانها ومو عارفه شلون تتصرف!

عقب ما طبع طلال هالكلامات .. نزل راسه وحطه على المكتب يخش ويهه! قال لنفسه: انا اشسويت!! حس انه اندفع وقال اللي بقلبه من غير مايعمل احساب لردة فعلها!! .. حس بجسمه حار .. وقلبه يرقع.. وموقادر يرفع عينه ويشوف الشاشه .. خاف انه ما يلاقيها.. او انه يشوف شي مايبي يشوفه!! وظل ناطر بتوتر .. لين ياله صوت المسج بالماسنجر.. وعرف انها ردت عليه!

بعد ما اعيزت شيخه من التفكير برد مناسب .. وعقب ما حست انها توهقت وانحرجت .. مالقت جدامها الا انها اترد بهالرد!

شيخه: يعني طول المده اللي طافت .. طلعت "انا البنت اللي انت اتحبها" ؟ : )

طلال ( واهو يتنفس براحه!): ايي .. ومنو غيرج تستاهل قلبي؟

شيخه: عيل انا بعد راح اقولك سر اصغير ..

طلال: ؟

شيخه: وانت طلعت "الحبيب" اللي قلتلك عنه!

طلال: : ) ادري ..

شيخه: حلوه الثقه ... ها؟ : )

طلال: شيوختي .. مادري شاقولج والله ..

شيخه: لاتقول ..

طلال: ما اقول غير عسى ربي يوفقنا انشاءالله .. ويسعدنا .. ومايفرقنا ابد.. قولي امين!

شيخه: امين..

طلال: ما تتصورين اشكثر انا مستانس الحين!

شيخه: دوم انشالله ..

طلال: ماني مصدق .. اكيد انا مو بحلم؟؟

شيخه: هيهي.. اقرص نفسك علشان تتأكد!

طلال: هم فكره بعد.. : )

شيخه: ممكن اهديك اغنيه؟

طلال: اكيد!

شيخه تحط رابط اغنية ذكرى – قالها!

الاغنيه:

قالها ... قال احبك ... قالها ... و اخيرا قالها
قالها ... قالها
ما اصدق ... قالها
ما يهم انه همسها
المهم .... قالها

كم لي و انا انتظر ... منك هالاربــــع حروف
ذوبت كل الصبـــر ... و ذوبني حيره و خوف

انا كنت احس بهـواه ... بس كنت ابغي دليل
كلمه تجي من شفاه ... تحيي متيــــم عليل

طلال: حبيبتي والله! وهذا اهداء مني لج ..

احبك لا تقول شلون
كثر ماتغير احوالي كثر ماجيت في بالــــي
خيالك يرسم البسمه على شفاهـــــــــــــي
وياخذني الى آخر مدى في الكــــــــــــون
وطن عمري غلاك وطرف الســـــــــــاهي
واذا نادتلك ايـــامي احبك لا تقول شلـــون

ابد ما انشغل عنك انا مشغول عنك فيـــــــــــــــــك
ابي ارضيك ودي ارضيك ولا ادري شلون ارضيك
اشوفك حلم والدنيا حوالينك ربيع اخضـــر
حتى العمر ياعمري يرفض اننا نكبـــــــــر
خيالك يرسم البسمه على شفاهـــــــــــــي
وياخذني الى آخر مدى في الكــــــــــــون
وطن عمري غلاك وطرف الســـــــــــاهي
واذا نادتلك ايـــامي احبك لا تقول شلـــون

تبي اكثر غلى اعطي تبي عمري اذا يرضيـــــــــك
فداك العمر واحلامي وكل لحظه من ايـامــــــــــي
تعال انسى بك الدنيا مسافر والفرح معنى
بدون الحب وعيونك حياتي مالهــــا معنى
خيالك يرسم البسمه على شفاهـــــــــــــي
وياخذني الى آخر مدى في الكــــــــــــون
وطن عمري غلاك وطرف الســـــــــــاهي
واذا نادتلك ايـــامي احبك لا تقول شلـــون

واقعدوا يسولفون ويضحكون ويهدون بعض اغاني لين يا موعد السحور .. وافترقوا وكل واحد شايل بقلبه حب وشوق للثاني!




​

 

[rawona]

انشاءالله تعجبكم البارتات ..

ناطره ارائكم .. اردودكم .. القاكم باجر على خير انشاءالله ..




:33_1185028183:

​

 

[It'S Me]

lallala tkfeeeeeeeeeeeeeeeeeeeen part wa7ed plz plz plz plz plz

yoooooooooooooooooooom 9aaart tgolen bacher rawona plz

walla akser elkha6eer 7rarty mertaf3a o ham mjabla el laptop walla ana akser elkha9er

kamla part wa7ed 6weeel pllllllllllllllz

 

[It'S Me]

shofay kelklamy badleyat

 

[ام البنين2000]

اخيررررررررررررررررا نطق
عظمه علي عظمه يا سييييييييييييييييت

 

[ام البنين2000]

بس عندي سأل انت ليما الحين ما قلتي اهما شنو يدرسون ؟؟؟
نفس التخصص ولا تخصصات مختلفه ؟؟؟

 

[New Mum]

رونه مو صج
القصه بدت تحلو اكثر واكثر
مافينا صبر والله

 

[حمره بنفسجيه]

عفيه روونه بس بارت واحد حتى لو تحطينه لنا يالليل على التسع او عشر بس واحد عفيه عفيه طلبتج

 

[om_7amo0od]

لاااااااااااااااااااااااااااا بلللييييييييييييييييييييييييييييز تكمليييييييييييييييييييييي شوقتينا

 

[aldana]

رااااااااااااااااااااااااااااااااااااااااااااائعه
عجييييييييييييييييييييييييييييييييييييييييبه
مشووووووووووووووووووووقه