قصة حب بين طلال وشيخة ... مو صج!!عجيــــــــــــبه... "قصة حقيقية"

[ام فهوودد]

بصراحه القصه روعه انا من امس قريتها كلها وتوني مخلصه وناطره الباجي لا طوليييييييييييييييين ونتعلق بليز

 

[حور العيون]

ننطرج عقب صلاه المغرب

 

[z8rtia]

عاااااشت روااااان

متااابعه بقوووه

 

[» мσσ∂ч ģίяĻ «]

yslmooooo 7boba
waiting

 

[eNg_ToTa]

اونسس البارت

حبيتي اخذي راحتج مو قصدنا نضغط عليج :*

موعدنا عقب الصلاة انشالله (;

 

[أغلى حبيبه]

ناااااطرييينج

لا اطولييين علينا

 

[بدوره 22]

صليت المغرب وقاعده انطرج على احر من الجمررررررررررررررررررررررررر

 

[مشاعل بنت شعله]

ناطره .................

 

[rawona]

انــــــــــــــــــــا وصلت! :eh_s(9):


والله حبيتكم كلكم .. وحده وحده.. عســــــــــل .. اتهبلون والله .. تشجيعكم لي وايمانكم بموهبتي << امصدقه نفسها لوول..

لا جد والله حبيتكم من حبكم لشبخه وطلال .. وترى على فكره شيخه متابعه معانا القصه .. ومستانسه حيل لانكم حبيتوها ..

يالله خل انزل اللي عندي الحين قبل لا تعصبون علي :s141:


يالله مستعدين.. كاهوا البارت .. يايكم .. زهبو قهوتكم وحياكم :nbptr:
​

 

[rawona]

خذا طلال الرياييل واقعدوا بره بالبلكونه.. وفهد وعبدالعزيز راحوا يلعبون "بلاي ستيشن" بالدار .. ام طلال وام مشعل والبنات اقعدوا بالصاله.. قدمت حصه العصير .. وبعد السلام والمجاملات ..

ام طلال: انا ماودي احط لكم جاي وخرابيط الحين بعدين ما تتغدون .. فشرايكم نحط الغدى الحين؟ اخاف الرياييل يواعه..

ام مشعل: اي والله انا اقول جذي بعد ..

ام طلال: اي يالله.. حصه.. نوره.. (نادتهم علشان يساعدونها بالمطبخ)

ام مشعل: لحظه سعاد .. محنا غرب ترى .. يالله شيخه مع البنات خل نساعد خالتج..

ام طلال: والله مانبي انتعبكم .. خلكم .. ماعندنا شي زايد..

بس ام مشعل مارضت وراحوا كلهم يتساعدون ويفرشون سفره طويله بالصاله ويوزعون عليها الصحون والقفاش والقلاصات..

حاش شيخه شعور غريب!! اول مره تحس بهالشي.. ولا مره مرت بمثل هالموقف.. حتى بزواراتهم ومع اهلهم .. ماعمرها ساعدت في تحضير السفره او ترتيب الصحون وجذي .. لان كل شي كانوا يحطونه الخدم.. وحتى في بيتهم .. ماكانت تساعد بالمطبخ الا برمضان! اهل طلال ماشالله عليهم ماحطوا حواجز بينهم ومايحبون يتكلفون ويتصنعون ووايد حبت هالشي فيهم.. واستانست اكثر لانهم حسسوها اهي واهلها انهم من العايله.. وهالشعور فرحها وايد من غير ماتحس!

كل شي كان محطوط على السفره وجاهز .. وراحت حصه تنادي الرياييل .. استغربت شيخه قعدتهم كلهم على سفره وحده! ماتوقعت هالشي بالمره وخصوصا انهم اول مره يعرفونهم.. تدري ان امها وسعاد رفيجات من زمان بس ابوها توه يعرف ريل سعاد وتوهم تعرفوا على عايلة طلال ..

كانت متوهقه.. مو عارفه تاخذ راحتها بالقعده على الارض وبنفس الوقت مستحيه.. كان طلال قاعد يم عبدالعزيز اخوها .. في الجهة المجابلتها بس على يسارها شوي .. وكانت نوره وحصه قاعدين يمها ..

بو مشعل: تسلم ايدج يا ام طلال.. ماشالله خوش طبخه..

ام طلال: عليك بالعافيه..

بو مشعل: بس ذبحنا الفلفل شوي!

ام طلال: فلفل؟! مو حاطين فلفل!

ام مشعل: وييي ماتدرين ابونا البهار العادي عنده فلفل! (تضحك)

بو مشعل: لا والله حار .. شوفي الفلفل كاهو جدامج (ويأشر على المرقه جدامه)

بو طلال (يضحك): اي بس يابو مشعل العلب مسكر مو مبطل ..

بو مشعل: بعد اسمه فلفل .. مسكر والا مبطل موجود كاهو جدامكم .. (يضحك)

ام طلال: وييي طلعت مو من ربع الفلفل.. عكسنا بالضبط! ترى هذا ولاشي عندنا! (تضحك)

ام مشعل: انا نفسكم امووت بالفلفل ومحد فيهم لا ريلي ولاعيالي طلع يحبه مثلي..

ام طلال: انا عندي بس نوره ماتحبه والا الباجين يحبون ياكلونه ..

ارفعت شيخه راسها وطالعت صوب طلال بنظرات "خاطفه" جنها مو اهي .. كان قاعد ياكل بايده.. وحست جنها اول مره اتشوف ريال ياكل بايده!! (مع ان ابوها واخوانها ياكلون بايدهم ) بس ماتخيلت طلال ياكل بايده .. ماتدري ليش.. فجأه حست بالصدمه!! وعرفت السبب!

طلال بالنسبه لشيخه كان شخصيه انترنتيه او شخصيه خياليه .. صحيح انها تعرف اهوا منو ومنو اهله .. بس كانت تشوفه مجرد احرف وكلمات تقراها بالمسنجر! تتعاطف مع مشاعره وتضحك على سوالفه .. مثل القصص اللي تقراها في الكتب .. تتفاعل مع احداثها وتبجي مع ابطالها بس عمرها ماتتصور انها ممكن تقابل هالبطل او البطله بيوم من الايام.. وطلال كان بالنسبه لها بطل قصه.. وفجأة استوعبت انه صار حقيقه واقعه بحياتها.. وهالشي اربكها حيــــــــل..

عقب الغدا راح طلال يصب الجاي لابوه ولابو مشعل .. وام طلال راحت تصلي مع ام مشعل .. والبنات يتساعدون بتنظيف المطبخ..

نوره: اتصدقين عاد.. الحين ذكرت اني شايفتج مره بالكليه.. بس ماكنت ادري انج شيخه رفيجة حنان ..

شيخه (تبتسم): اي وانا بعد اعرف نوره رفيجة حنان بس ماعمري ما شفتج : )

نوره: طالعي وين تلاقينا الحين؟ هيهيهي

حصه: اشرايكم ناكل الحلو بره؟ انييب الطاوله الثانيه من البلكونه الفوقيه ونحطها بره ونقعد.. الجو وايد حلو ..

نوره: خلاص انا باروح اقول حق فهد ينزل الطاوله على ماتزهبين الصحون والقفاش..

شيخه: اتهقون بياكلون شي الحين؟ انا للحين مفوله.. احس مامداني ايوع : )

حصه: اللي يسمعج يقول مخلصه اكلنا كله! ماكليتي شي كلها لقمتين .. والا هذا اهو سر رشاقتج؟

شيخه: هيهيهي اي رشاقه .. اذا عندج كيلوين زياده ماتبينهم عطينياهم ..

نوره: والله لو ندري محتاجتهم جان يبناهم لج من الكويت..

شيخه: اشمعنى من الكويت؟

نوره واهي اطالع حصه وتضحك: لان المورد الخاص بالعايله مالتنا المختص بهالسوالف اهناك !!

حصه: هيهيهيهي اي واذا تبين بعد كيلوات زياده عادي طلبي في مخزون كبير شايلين منه احتياط الاجيال القادمه ..

نوره: هيهيهيهي.. عجيبه!

شيخه اطالعهم واهي ضايعه بالطوشه مو فاهمه شالسالفه! بس تبتسم بارتباك! وماكانت تدري ان البنات يقصدون مرت عمهم وليد ليش انها حيل سمينه .. ومربعه .. وفوق هذا كله حد الثقه بنفسها!

** ** ************************* يتبع!


​

 

[rawona]

كانت قعدتهم حلوه حيل .. وايد خذوا على بعض جنهم يعرفون بعض من زمان .. عزم بو مشعل بوطلال وعايلته عندهم في البيت بعد يومين.. وافترقوا على جذي.. طبعا شيخه ماكلمت طلال كلش.. وهم ماكانت تقدر اطالعه الا بلحظات غفله من اللي حوالينها .. وماصادف ان عيونهم تلاقت عقب اول مره!

بو طلال بعد ماراحوا شيخه واهلها لديرتهم ..

بو طلال: والله خوش ناس ماشالله.. والنعم فيهم..

ام طلال: اي والله ام مشعل اذهبه.. اتهبل .. وايد حبيبه.. اتصدق اعرفها من 12 سنه وهذي اول مره اشوف فيها عيالها..

حصه: عاد ماشالله عيالها حلوين.. وشيخه اتينن.. اهي بس عندها بنت وولد؟

ام طلال: لا عندها بعد ولدها الكبير مشعل.. متزوج وعنده اثنين اذا ماني غلطانه..

نوره: عاد تدرين يوم كانت بالكليه عندنا.. كانوا يسمونها "المغروره" .. لانها كانت ماتعطي ويه لاحد وعلى طول تطلع بعد المحاضره وماتقعد بالكليه.. والله حتى انا علبالي انها متكبره.. بس اطلعت عسل .. وحبوبه..

طلال كان قاعد يقرا الجريده بالانترنت وقاط اذنه جنه مايدري! وابتسم يوم سمع طاري شيخه!

الكل انسحب ينام بداره.. وشبك طلال على المسنجر على طول .. وضاق خلقه يوم ماشاف شيخه اون لاين.. طالع ساعته .. المفروض انهم يكونون واصلين من ساعه او اكثر.. فكر يمكن تكون تعبانه ونامت على طول .. فدخل موقع البطاقات ودزلها اهداء..!

اقعدت شيخه الساعه 6 الصبح.. كانت شبعانه نوم.. تذكرت انها نامت بطريج الرده امس من كثر التعب .. اسحبت اللاب توب من تحت سريرها وادخلت المسنجر.. مالقت طلال.. جيكت ايميلها وقرت الاهداء..

كان طلال دازلها اغنية عبدالمجيد عبدالله –

عمري ما فكرت فيك .. وماخطر علبال حبك..

لين قلبي قال ابـيـــك... وقالت عيوني أحبك..
الرساله: صباح الخير شيوخه.. شلونج؟ انشالله مرتاحه؟ دخلت المسنجر امس بليل ومالقيتج فقلت اكيد تعبانه ونايمه .. نوم العوافي.. بس حبيت اشوف شلونكم عقب امس؟ انشالله استانستو؟ ماقلتيلي اشرايج في اهلي؟ : ) .. على العموم سلمي على اهلج .. وسامحينا على القصور..

المرسل: طلال..

حست باحباط لانه ماعلق على شكلها امس! بعدين هزت راسها رافضه طريقة تفكيرها وقالت لنفسها: اشفيني ينييت؟؟ شكنت ابيه يقول يعني؟؟ عقلي ياشيوخ .. وعن الخرابيط!

** ** **

قعد طلال ثاني يوم الساعه 10 ونص .. وكان قاعد مبتسم.. لانه شاف شيخه بالحلم! تمطط شوي على الفراش .. وقعد شوي يفكر .. ونقز تالي على اللاب توب .. شبك ومالقى شيوخه شابكه.. بطل ايميله ولقى منها اهداء ..

كان الاهداء اغنية شفتك لعبدالله الرويشد..

شفتك ولا حطيت عيني بعينك ..
خايف عيونك لا تنادي عيوني ..
ةأخضع و أنا عندي خضوعي بدينك ..
أكبر مصيبة في معالم جنوني..

يا نور عيني لا تبين حنينك ..
كل يهون إلا أنت لا ما تهوون ..
ودي بقربك بس ويني و وينك؟؟
بُعد الليالي صار دونك و دوني ..

الرساله: اهلين .. شلونك؟ ثانكس على البطاقه.. وبالعكس والله ماشفنا منكم قصور .. اهلك ناس طيبين وايهبلون .. والحمدلله وايد مستانسين بمعرفتهم .. وخواتك بعد حيل حبوبين ودمهم خفيف : ) وقعدتهم ماتنمل..

يالله انا باطلع الحين.. بنروح اليوم انتمشى بالمنطقه.. القاك على خير انشالله ..

المرسل: شيوخه..


************************************


​

 

[rawona]

بنات.. وانا بعد ودي اطلع مثل شيخه لووول

جد والله صارلي شهر مو طالعه :eh_s(16): اذا تسمحولي يعني ولا تعصبون علي .. حاجزه موفي بعد شوي وباروح السينما .. وانشالله .. اذا رديت وفيني شدة اكتب .. راح انزل بارتات يديده.. واذا لا مالكم الا الصبر وباجرالقاكم على خير انشالله ..!!


وبليز لا تزعلون مني.. ولا تصيرون انتوا وسي سيد والزمن علي! لوووول ويالله ويك اند انتوا بعد طلعوا واستانسوا :icon30:
​

 

[بدوره 22]

واي وناسه كملي تكفييييييييييييييييييييييييييييييين

 

[روح كويتيه]

عجيييييييب البارت

وباطين جبدي اثننينهم حدهم داقين ثقل


مشكوره حبيبتي واسفين اذا ثقلنا عليج

 

[احساس طفلهـ]

يعطيج العافيه على البااااااااااااااااارت

ومشاهده ممتعه ان شاءالله واجازه سعيده

 

[مشاعل بنت شعله]

الله يجزاج الف خير يارب
وناطرتج على احر من الجمر
خلييج على راحتج

 

[miss 3yara]

ثينكس عالبارتات وانا الحين بطلع وانشالله لما ارجع بلقا بارتات احلى واحلى

 

[rawona]

واي وناسه كملي تكفييييييييييييييييييييييييييييييين

انشالله والله راح اكمل ويايه سوالف احلى بعد .. اذا مو الليله .. باجر انشالله
​

عجيييييييب البارت

وباطين جبدي اثننينهم حدهم داقين ثقل


مشكوره حبيبتي واسفين اذا ثقلنا عليج

ايييييييييييييي ... تدرين بعد لانهم معرفه كل واحد خايف لا الثاني يفهمه غلط :flower:

​

يعطيج العافيه على البااااااااااااااااارت

ومشاهده ممتعه ان شاءالله واجازه سعيده

مشكوووووووووووووره حبيبتي وانشالله البارتات اليايه اكثر واطول واحلى باذن الله :nbvppw:​

 

[rawona]

الله يجزاج الف خير يارب
وناطرتج على احر من الجمر
خلييج على راحتج

ثينكس عالبارتات وانا الحين بطلع وانشالله لما ارجع بلقا بارتات احلى واحلى

يسلمووووووووووو :nbvppw: :nbvppw: :nbvppw:​

 

[الغاليه ام احمد]

حبيبتي من حقك ترتاحين واحنا ناطرينك على راحتك بالسلامه ان شاء الله