تغارين على زوجج ؟

[نظرة اعجاب]

السلام عليكم يا كويتيات :eh_s(22):

شخباااركم


موضوعي عن الغيرة وما ادراك ما الغيرة يا بنات انا حدي اغار على زوجي

لمااطلع مع زوجي حق المجمعات واشوف هذيل البنات ولبسهم اموووووووووووووت وخصوصا اذا كانت تتمخطر جدامنا

انتوا ما تغارووووووووووووون ؟

حتى من التلفزيوون الأفلام والدعايات حدي امووووووووووت !


انتوا تغارون ولا عاديي وشلون اصير عادي

 

[في بحرهم عذبوني]

وااااااااااااااااي لازم اغار من صجج انتي ؟؟
حتى عنده اخوه اصغره منه بسبع شهور وااي ما اداني لانه اغار ع ريلي منه ههههههه

 

[الفراولـه]

لااااااازم تكون فيه غييره على الزوج بس بحدوود المعقول يعني مامصخها ... عشان مايتملل جذي

 

[غلا مشاري]

اكيد كل وحده تغار شي طبيعي بس ما ابين له هالغيره عشان ما اضايقه

 

[نظرة اعجاب]

شلون ما تبينوونهاااااااا

انا غلطتي اني ابين غيرتي تلقوني فجأه عصبت وطنقرت واخرب كل شي

حتى التلفزيون معاه ما قمت اشووووووف

 

[انجل22]

ما في وحدة تحب زوجها وما تغار عليه
بس طبعا لازم تكون بالمعقول والريال ترى ما يحب المرة اللي تغار
صج انه يستانس بعض الاحيان بس ترى يتضايق
واذا ما تبين اتبينين له حاولي انج تسوين روحج مو مهتمة ولا تحطين بالج
السالفة عشان ما تتعبين​

 

[om_doddy]

واااااااااي اصلا انا اتوقع انه مافي وحده تغار كثري لدرجة اني تعبت والله . أغار عليه من شي ماتتوقعونه من كثر ماهو سخيف وماله داعي . حاولت شكثر أغير من طبعي هذا بس مااني قادرة.

 

[tota kim]

اكيد اغار عليه بس بالمعقول ومودايما ابين له

 

[++The DuchesS++]

الغيره بحدود المعقول
وانا بالاساس ما اطلع ويا ريلي هالاماكن واعرض نفسي للاشياء هذي
لين بغيت اطلع رحتلي مطعم هادي ومالنه شغل باحد
او رحنا على البحر قعدنا مالنا شغل بالناس
صج الواحد المفروض يطلع ويغير الاماكن عشان ما يحس بالملل
بس ما يصير تودين ريلج الاماكن هذي وتمنعينه يشوووف

 

[candeya]

اف حدي اغار اموتت والسبه الغيرة لاعت جبده

 

[sallyq8]

أكيد ومافي شك أغار عليه مووووووووت وساعات أحس بداخلي ألم لما أتضايق من شي معين
مثل لما يشغله تلفون وأدري إنه صديقه ولا زميله بالشغل بس إنه يظل يسولف ويعطيه من وقته ويهتم له

وبالفعل من البنات المرصصات ومطلعين تقريبا كل شي ويتكلمون بصوت يفشل من كثر ما يتصنعون النعومة والدلال اللي زايد عن حده بس عشان يلفتون الانظار
ما أخاف عليه منهم بس أغار عليه إنه يلتفت لمجرد ثانية رغم إنه أكثر واحد يكره هالسوالف ويحب السنع والذوق بكل شي وما يحب المرصص ولا الماكياج الزايد وبلاه بالنسبة له يكون افضل بعد !!

بس أظل أغار شسوي مو بكيفي بس ما أبين له على قد ما أقدر إلا فيما ندر

 

[puppet]

الغيرة غلط ، لانه نوع من عدم الثقة بالنفس

الثقة بالنفس يخليج احلى وحدة بنظرج ونظر اللي تحبينه واللي تعادينه بعد

 

[مس ننوسه]

انا مو اغار انا موته ذابحه الغيره من كثر غيرتي عليه

 

[جوك احلى جو]

كل شي يزيد عن حده ينقلب ضده وانتي راح تتعبين اكثر وحده

 

[الغلاااااا]

اكيييييد اغااار وغيرتي حاره

اذا طلعنا مطعم تنبط جبدي من اللي ناسيه نفسها وتسولف وتتضحك بصوت عاااالي جنها ببيتها ((انا يجيني حارج ومااتهنى بأكلي))

وحتى اللي يتمشون قدامنها تلاقيني امشي وعيني على زوجي ماتسوى علي الطلعه اتنرفز وتنبط جبدي

 

[قطرية كوول]

اي اغار عليه بس مو الغيييييره الزاااايده

يعني ماغار من ناس في التلفزيون

ولا بنت ماشيه بالشارع

حتى لو كانت كاشخه ومتعدله وتتمخطر

اي انا شكو فيها اقول لها لا تتدلعين عشان بطلع مع ريلي

يوم ان هي بحالها وهو بحاله ومايطالعها عاااادي

وترى الريايل مايحبون اللي تخنقهم بالغيره وصدقيني يشوفونها ضعيفه ومو واثقه من نفسها

لو في شي يستدعي الغيره معليه اغار وابين غيرتي

واحيانا هو يحرشني على الغيره يعني ها غاري علي عادي اسوي نفسي غيرانه عليه حتى لو مافي شي يستدعي

 

[منووور]

أأأأأأأأخ يالغيره ملوووووووووووعه جبدي ومخربه نفسيتي الحمدلله والشكر

قبل كل يومين او ثلاث اتهاوش معاه وكل طلعه تنقلب هوووووووشه ونرجع البيت وقعدنا تقريبا 4 او 5 شهور ما نطلع مع بعض علشان مانتهاوش

والحين فيني غيره بس اطنش واقول بالطقاق كيفه خل يطالع مني لي باجر انا اهم شي صحتي ونفسيتي لاني حيل تعبت وما صرت ابين له اني اغار


والله يعيناااااااااا عالغيره هذي



منو عندها حل مريح ؟؟؟؟؟؟؟؟؟؟؟؟؟

 

[Ba$ko0oTa]

الغيره بحدوود عشااان لا يمل

 

[kandora]

اطلع واستانس معاه ماعلي من احد وليش اغار من البنات اللي بالمجمعات ؟ الحمدالله مايخز لو تمشت جدامه مفصخه لاني تارسه عينه ويحترمني !! وليش اخرب طلعتي على ولا شي؟ بس الحين اهوا صااااااير يغااااااار وريلي اكثر واحد يطالع افلام اجنبيه والله اقعد وياه واطالع ماعلي من ولا شي اريحلي واريحله !!! مع اني اموووت غيره عليه بس باعتدال وبلاشياء اللي تستاااااااهل مثلا ما ارضى بنت خالته ولا عمته ادق عليه سواء تبي شي او غيره حتى لو متزوجه وعندها عيال مارضضضضضى !!! واذا عطى اهتمام حق احد غير امه ابوه اغار وبس​

 

[بنت باباتي]

انا اغار عليه بس ما اغار من البنات ولله الحمد عمري ماغرت من احد بس اغار عليه يعني ما احب احد يطالعه مو اغار ان اهو يطالع احد اشوه مايخز