: : الدكتوره حفصه البوعركي اشرايكم فيها ؟ : :

[أغصان]

السلام عليكم ورحمة الله

بنات اشرايكم بالدكتوره حفصه البو عركي ؟ بمستشفى رويال حياة
فيه احد سوا عندها طفل انبوب ونجح او سمعتوا عن احد تعالج عندها وحملت
لأني ماسمعت عنها أي شيء ياليت تفيدوني

 

[الجوررى]

هلا حبيبتى
الدكتورة حفصة رفيجتى عالجت عندها وحملت لله الحمد
وتمدحها تقول انها تعطيج من وقتها وتاخذ وتعطى معاج ومعاملتها ممتازة
انا شفتها بس ماتعاملت معاها
بس الكل يمدحها
وربي يرزقج بالذريه الصالحه امين

 

[أغصان]

الله يجزاج خير حبيبتي
رفيجتج مسويه عندها عمليه انابيب او متعالجه بالمنشطات ؟
الله يثبت حملج يا رب ويقر عينج بشوفته وهو بصحه وعافيه اللهم آميييين

 

[نيبال الايمان]

ضى الايمان

انا بصراحه مات اعرفها بس وايد اسمع عنها بالمنتدى 000 يقولون زينة واسلوبها وتعاملها راقى 000 الله يرزقج يا عمرى ويفرح قلبج بضمة النونو بحضنج اللهم امي يارب 000

اللهم يارب ارزقها وارزقنى وارزق كل محروم ومحرومه منهم اللهم امين يارب

 

[نيبال الايمان]

ضى الايمان


حبيبتى يالجورى 000 عسى الله يثبت حملج باذن واحد احد امين يارب 000

اللهم يا مالك الملك يا واحد يا احد يا من اذا اراد شيئا ان يقول له كن فيكون ثبت حمل الجورى وقر عينها بشوفة النون بحضنها وبلغها فيه واجعله من الخلف الصالح البار فيها اللهم امين يارب

اللهم يارب ارزقنى وارزق كل محروم ومحرومه منهم اللهم امين يارب

 

[أغصان]

الله يجزاج خير يا ضي الايمان على ردج عسى الله لا يحرمج من شوفت ضناج اللهم آميييين

 

[$غــ(ز)ــل$]

غصونه حبيتبي ان شااءالله البنات يفيدونج
وانا دايما اسمع عنها بالمنتدي
وبالتوووفيق حبيبتي
وان شاءالله تبشرينا بحملج قريب يااارب

 

[نيبال الايمان]

ضى الايمان


اللهم امين غزل الله يفرحنا بسماع اخبار حمالكم باذنه الواحد الاحد اللهم امين يارب 000 وعساه ياللى عينه ما تنام يرزق كل محروم ومحرومه منهم اللهم امين يارب

 

[أغصان]

تسلمين على ردج يا غزل عسى ربي لا يحرمج يارب ويسهل عليكم دربكم اللهم آميييين

يا حبيبتي يا ضي الايمان عسى ربي لا يحرمج من الذريه الصالحه يارب
ويقر عينج وعين امج وزوجج بشوفت ضناج اللهم آمييين ويسهل عليكم دربكم يارب

 

[أغصان]

اشدعوه ماكو احد سمع فيها ؟

 

[أغصان]

uuup

 

[أغصان]

ربي لا تذرني فردا وأنت خير الوارثين

 

[WaChoCha]

مرحبا اغصان ... عسى ما تنهي هالسنة الا وانتي حامل يا رب

انا مثلج بقيت عنها شوي معلومات ... انا مريتها قبل يومين اخذ منها عرض اسعار لان عندي موافقة على العلاج بالداخل قعدت معاها شوي ..سألتها عن نسبة نجاح العمليات عندهم برويال قالت القسم توه جديد صار له سنتين ولحد الآن نسبة النجاح عندهم 30% ..انا قلت كان النسبة قليلة بيني وبين نفسي .. يا ريت احد يقول لنا عنها شي علشان نعرف

وكل شي توافيج من الله سبحانه

 

[الزين والحلا]

هلا حبيبتي أغصان ،،أنت نفسي سبحان الله ،،صارلي جم يوم أفكر أروح عندها بسوي حقن والله يكتبلنا فيه الخير ،،

وأولا وأخيرا توكلنا على الحي القيوم ،،،والله يرزقنااااا يااااااارب التووووووووووووووأم

 

[bnt_kwt]

شوفي اغصان رفيج ريلي يمدحها وايد وكانت تعالج مرته
بس انا ما اعرفها يقولون وايد زينه

 

[أغصان]

وشوووووشه حبيبتي أنتي معاي بنفس الدكتوره عسى ربي يرزقنا من أول عمليه يارب
أحنا الاسبوع اللي طاف رحنالهم واخذنا عرض اسعار بس مادخلونا على الدكتوره مدري ليش
وان شاءالله الله يرزقنا ومايخسر علينا تعبنا اللهم آمييييين

حبيبتي الزين والحلا كله
عسى ربي يرزقج ياااارب بالتوأم الصالح اللهم آمييين وأنا متوكله على الله مع اني ماسمعت احد تعالج عندها
بس الله كريم ولا يخسر علينا تعبنا يارب

 

[أغصان]

حبيبتي بنت الكويت
عسى ربي يرزقج ياااارب بس ماقلتيلنا حملت زوجة رفيج زوجج نبي نتفائل
وماقلتي أي مستشفى تختارين لو تعالجتي على حساب الصحه ؟

 

[bnt_kwt]

ايييييي الحمدلله احملت سوت عندها مره واحملت
واتوقع سوت عند العرف مره

وعندها من المرتين بنتين
يعني اول مره يابت بنت وثاني مره بعد يابت بنت

 

[bnt_kwt]

تفائلي تفائلي حبيبتي احلى شي بالدنيا التفائل

اغصان انتي شنو مشكلتج ؟ اذا مافيها ازعاج لج

 

[bnt_kwt]

حبيبتي بنت الكويت
عسى ربي يرزقج ياااارب بس ماقلتيلنا حملت زوجة رفيج زوجج نبي نتفائل
وماقلتي أي مستشفى تختارين لو تعالجتي على حساب الصحه ؟

انا يا عند الدكتور باتريك
او عند الدكتوره فوزيه القطان
وبعدين افكر بحفصه واسامه صالحه وناهض حماديه
ههههههههههههههههههه
ماخليت احد ماشاء الله علي