شوفو العلاج بالخارج شنو مسوين!!!!!!!

[اشتاق الى الجنة]

أمس كان عندي لجنة طبية للعلاج بالخارج لأن علاجي للحمل بعد آخر مرحلة وصلتلها واللي اهو مركز طفل الأنابيب مو متوفر بالكويت

كنت متفائلة والحمدلله بس من طلعت منهم نفسيتي من 100% صارت 0%

المهم دشيت انا وزوجي على اللجنة دكتوري يشوف التقرير ويكلم الدكتور الثاني شكله مسئول جان يقولي الدكتور شوفوا ترى تكاليف السفر الروحة والردة والسكن والمصاريف الثانية عليكم أما الدولة بس عليها تكاليف العلاج في المستشفى بس اهني حسيت فقدت كل شي بس أملي بالله أكبر من جذيه

قلت انزين متى النتيجة قالولي بعد اسبوعين
سألته في إمكانية انهم يرفضون قالي دكتوري اممممممممممممممممم انشالله لا

هذا كوم وحل المجلس كوم ثاني يعني مهما كان وحتى ان علاجي مو بالكويت لازم واسطة والحين مافي نواب قولولي يا بنات انا شسوي الحين
ووقت ما قاللي الدكتور عن حالتي لما كنت أراجع المركز انا علاجي مو بالكويت وعلاجج مو موجود الا بأمريكا أو لندن قاله زوجي يحتاج أدخل واسطة قال لا ما يحتاج لا نائب ولا وزير لأن حالتي انا نادرة والعلاج من الأساس مو متوفر عندنا

واشوف الحين الكلام بدا يتغير ويدب فيني الشك بعدم الموافقة لا والأدهى والأمر سالفة المصاريف كلها والتذاكر

ما أقول غير حسبي الله ونعم الوكيل

 

[::: بنت جابر الخير :::]

يالغاليه وإنتي تتكلمين نسيتي شي مهم

إن الله سبحانه هو المشافي المعافي وإن الأطباء بالخارج ماهم إلا سبب من الأسباب
الله سبحانه اللي قادر على شفائج قطي كلام الأطباء عن العلاج فقط بأمريكا أو لندن ورى ظهرج

الله سبحانه اللي إذا يبيج تحملين قال للحمل كن فيكون
إلجي لله وقومي الليل وإستغفري إنتي وزوجج لأن علاج العقم الإستغفاااار
الله سبحانه دلنا ع العلاج بقوله (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينوَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً)

الله يشافيج ويرزقج الذريه الصالحه
بإذن الله بيجي اليوم اللي بتفرحين فيه وبتحسين بنبض الطفل إبطنج
ولكن ثقي ثقه تاااااااااااامه بالله وإنسي كلام الأطباء صدقيني ماراح يقدم ولا يأخر
طبيبج هو الله وعطاج الوصفه ما خلاج حايره وضايعه

إفتحي هالروابط وإدعي لي :eh_s(6):

خالد الجبير - أسباب منسيه

http://audio.islamweb.net/audio/index.php?page=audioinfo&audioid=85612

عصام العويد - أسباب الشفاء

http://www.islamway.com/?iw_s=Lesson&iw_a=view&lesson_id=35229
​

 

[Flower20]

اي والله حسبي الله ونعم الوكيل

بعض الناس حتى لو فيهم كحة ودوهم لجنة العلاج بالخارج عشان يتعالجون

واحنا المواطنين الي على قد حالنا عيال البطة السووودة لو فينا مليوون مرض بالغصب يوافقون

حسبي الله ونعم الوكيل

 

[اشتاق الى الجنة]

اختي بنت جابر الخير

شكرا على ردج بس حبيت أقولج اني انا ولله الحمد مو عقيم وفي امكانية إذا أراد الله سبحانه اني أحمل وهذا شي بارادة رب العالمين

لكن اللي فيني شي ثاني ما احب اني اتكلم عنه

 

[اشتاق الى الجنة]

اختي flower20 يسلموا

يا ما ناس راحت علاج بالخارج وتخيلوا اشفيهم؟ عشان أسنانهم

انزين شنو سالفة القانون الجديد ان كل شي علي انا ما عدا العلاج في المستشفى على الدولة

وبنات بغيت أسألكم وتكفون ردوا علي

هل النائب ممكن يسوي شي والمجلس منحل

 

[هنـــد]

ادعي الله سبحانه وتعالى وان شاء الله مايصير الا كل خير

والله يشافيج ويرزق كل محرومه امين

 

[اشتاق الى الجنة]

الله كريم

 

[jinaan]

حبوبه لايضيق خلقج وماتدرين يمكن خيره لج وللحين ماحان الاوان الي تروحين فيه بس انا اعرف وحده ماكو شي ماجربوه فيهم اهنيه بالكويت ومالله كتب لهم وبعد فترة تعرف زوجها على واحد مصري وسأله ليش ماعندك عيال المهم هالمصري قال علاجك عندنا بمصر ومايكلف عليك 4000 الاف جنية يعني بحدود 200 دينار هذي مصاريف بس العلاج والعيشة هناك بمصر رخيصة وفعلان راح مع زوجته لدكتور وسوو اطفال الانابيب يعني خذو من زوجته البويضة ولقحوها بالحيوان المنوي وبعد ماتلقحت ردوها برحم الزوجه وماشاء الله الحين حامل وبشهرها الخامس وانا خذيت منها اسم الدكتور ورقمه وتقدرين تتصلين عليه انتي وزوجح وتشريحين له حالتج وصدقيني يمكن الله كاتب لج الحمال بدولة عربية وهذا الرقم : 0020237609071
دكتور شريف الشرقاوي - مستشفي آدم الدولي للخصوبة والعقم - 20 شارع عدن - المهندسين جيزه القاهرة

رقم الفاكس : 33371285
على فكره عندهم بعد بنك لحفظ الاجنة اتصلي والله يرزقج ويرزق كل محتاج ..
واتمني من الله يفك كربج وينولج مرادج ياقلبي ..

​

 

[أغصان]

حبيبتي للأسف اذا تبين واسطه علشان سالفة المصاريف انسي
لأن هالقرار من الوزير بس يتحملون تكاليف العلاج اما المصاريف والسكن عليكم
روحي شوفي قسم تأخر الانجاب اشكثر اللي موافقين عليهم وانا من ضمنهم
بس للأسف ماكو مخصصات حتى التذاكر علينا الله يرحم الحال

 

[اشتاق الى الجنة]

اختي أغصان انتي رحتي والا بتروحين ومتى طلع هالقانون

وبعدين رفيجتي توها جاية من العلاج بفرنسا التذاكر والسكن عماما المصاريف من الدولة واشلون الحين لا
اشمعنى ليش يسوون جذيه ليش يضيقونها علينا حسبي الله ونعم الوكيل

 

[اشتاق الى الجنة]

اختي jinaan اي مصر اللي تقولين عنها صج انه اللي اكتشف حالتي يوم رحت مصر بالصدفة بس تخيلوا يقول عمليتج تكلف ابتداءا من 35 ألف دولار
يوم قلت لدكتوري قال شنوووووووووووووووووو استغرب وقال أصلا تكلف تقريبا من 1500 لي2000 بس

وتقولين مصر!!!!!!!!!!!!!

 

[توت عنكبوت]

انا اختي توها موافقين على علاجها وهم المصاريف عليها

الحمد لله على كل حال يا بننت امريكا رخيصة لندن هي الموت الغالية

 

[نعوووووومي]

الله يرزقش ويرزق كل محرومه الذريه الصالحه
ولا تنسين الدعاء ...

 

[نيبال الايمان]

أمس كان عندي لجنة طبية للعلاج بالخارج لأن علاجي للحمل بعد آخر مرحلة وصلتلها واللي اهو مركز طفل الأنابيب مو متوفر بالكويت

كنت متفائلة والحمدلله بس من طلعت منهم نفسيتي من 100% صارت 0%

المهم دشيت انا وزوجي على اللجنة دكتوري يشوف التقرير ويكلم الدكتور الثاني شكله مسئول جان يقولي الدكتور شوفوا ترى تكاليف السفر الروحة والردة والسكن والمصاريف الثانية عليكم أما الدولة بس عليها تكاليف العلاج في المستشفى بس اهني حسيت فقدت كل شي بس أملي بالله أكبر من جذيه

قلت انزين متى النتيجة قالولي بعد اسبوعين
سألته في إمكانية انهم يرفضون قالي دكتوري اممممممممممممممممم انشالله لا

هذا كوم وحل المجلس كوم ثاني يعني مهما كان وحتى ان علاجي مو بالكويت لازم واسطة والحين مافي نواب قولولي يا بنات انا شسوي الحين
ووقت ما قاللي الدكتور عن حالتي لما كنت أراجع المركز انا علاجي مو بالكويت وعلاجج مو موجود الا بأمريكا أو لندن قاله زوجي يحتاج أدخل واسطة قال لا ما يحتاج لا نائب ولا وزير لأن حالتي انا نادرة والعلاج من الأساس مو متوفر عندنا

واشوف الحين الكلام بدا يتغير ويدب فيني الشك بعدم الموافقة لا والأدهى والأمر سالفة المصاريف كلها والتذاكر

ما أقول غير حسبي الله ونعم الوكيل

اختى اول شى قولى الحمدلله على كل حال 000 واللى ايمانه بالله قوى صدقينى الله ما يخيب رجاه 000

حاولى قد ما تقدرين تدبرين عمرج وتسافرين ما تدرين باجر شنو القرار الجديد اللى بيطلع يمكن حتى اللى طالعة قراراتهم بالسفر حتى لو على حسابهم هم راح يكنسلونهم

الله كريم ولا تنسين رحمت الله اوسع واشمل من الكل 0000 وعسى الله يرزقج ويفرح قلبج انشاء الله وتفرحينا بخبر حمالج
وطبعا لا تنسين الدعاء وكثرة الاستغفار والله يوفقكم

 

[faro7a_el7elwa]

لاتنسين ان رحمت ربج وسعت كل شي سبحانه واستغفري وتصدقي واذا ربج كاتب لج هالسفره بتسافرين واذا مو كاتب فالحمدلله على كل حال وربي يرزقج ويرزق كل محرومه اللهم آميييييييييين

 

[++The DuchesS++]

الله يسر اموركم ان شاء الله
انا وااااااااااايد منصدمه من القرار هذا ونفس الوقت مستغربه منه
قرار الوزير كلللش مو بمحله
ناس تسافر علاج على شغلات تافهه وتتحمل الدوله كل مصاريفه
والمساكين اللي يبون عيال يتبهدلون
الله المستعان
الله لا يحوجج لهم ان شاء الله ويشفيج ويرزقج الذريه الصالحه ياااارب

 

[اشتاق الى الجنة]

جزاكم الله خير
وانا لي رب كريم

اختي توت عنكبوت أمريكا الحين عسرة ويشرشحون الواحد ودكتوري قالي لا تفكرين تروحين لامريكا لانها بهذلة وانا كوني دكتور ما اقدر اروحلها سمهم وموتهم الحين يشوفون واحد مسلم

انزين بنات اذا وافقوا علي لروحة لندن جم الميزانية كلها الروحة والردة والمصاريف والسكن وانا ما ادري جم شهر راح اقعد ما ادري يا بنات انا ضايعة وما ادري شسوي والله اني اكلمكم وانا ابجي

يا رب يا كريم لا تحوجني لاحد غيرك يا رب اللهم اني اسألك التيسير في سفري

حسبي الله ونعم الوكيل
اللي فيني ما يعلمه غير رب العالمين

 

[ام عيون عسلية]

ياحيااااااااااتي ان شاء الله كل اللي صااااارلكم يكوووون خييييييييره

وان شاء الله تحملين قبل لاتساااافرين ..

 

[نيبال الايمان]

جزاكم الله خير
وانا لي رب كريم

اختي توت عنكبوت أمريكا الحين عسرة ويشرشحون الواحد ودكتوري قالي لا تفكرين تروحين لامريكا لانها بهذلة وانا كوني دكتور ما اقدر اروحلها سمهم وموتهم الحين يشوفون واحد مسلم

انزين بنات اذا وافقوا علي لروحة لندن جم الميزانية كلها الروحة والردة والمصاريف والسكن وانا ما ادري جم شهر راح اقعد ما ادري يا بنات انا ضايعة وما ادري شسوي والله اني اكلمكم وانا ابجي

يا رب يا كريم لا تحوجني لاحد غيرك يا رب اللهم اني اسألك التيسير في سفري

حسبي الله ونعم الوكيل
اللي فيني ما يعلمه غير رب العالمين

مس جاندوفلى اول شى عسى الله يوفقج ويرزقج وما يحوجج لاحد اللهم امين يارب 000
شوفى اختى انا حماتى سافرت هم للعلاج بالخارج عشان العقم بس الحمدلله ما شملهم قرار التذاكر والمخصصات المالية 000
المهم سافرت ودايم تراسلنا حيل حيل مرتاحه هناك من اسلوبهم ومعاملتهم وتحلف ان حتى ناسها طيبين فما ادرى على اى اساس دكتورج قالج هالكلام واخذيها منى امريكا من ناحية التقييم درجة اولى بعلاج العقم وتجى بعدها لندن فاذا قدرتى سافرى امريكا لمستشفى مايو كلينيك واذا تبين تسكنين اسكنى بعمارة الماجد جنب المستشفى وصاحبها واحد اماراتى وبصراحه حماتى تمدحها حيل هم اجروا الشقة مؤثثة بالكامل ب3500 دولار بالشهر وغير هذا اذا بتروحين للمستشفى فى نفس الجسر المعلق على شكل نفق يربط ما بين العمارة والمستشفى والله اليوم دزتلى ايميل تمدح امريكا حيل وتقول ما توقعتها جذى منناحية الاسواق والاكل كل شى رخيص بس السكن هو اللى شوى غالى بس مو مثل لندن لندن كل شى فيها غالى وغير هذا زحمة وهم غير هذا هى تقول منطقة حيلا هادية وراقية
وعسى الله يثرزقج بالذرية الصالحه انشاء الله ولا يحوجج لاحد غيره
وترى مافى احد خالى ياختى بس قولى الحمدلله على كل حال

 

[شجره الدر]

هلا امريكا هي ام العلوم انا بخاطري امريكا مستشفي جونز هوبكنز في ولايه ميرلاند واجد ناس يمدحونه مصنف الاول في عده امراض الله يكافينا الشر ويشافي الجميع.افضل من لندن التجاريه لندن الحلو فيها القرب ولمه المعارف بس والا شنو فيها غير الاكراد والغلا الجنوني......وبعدين القرار مايتغير الا بضغط من الاعضاء علي الوزير والاعضاء لازم احنا نضغط عليهم كل وحده يله تقول حق زوجها وهي علي لجنه العضوء النسائيه في المقرات الانتخابيه وتري صاحب القرار اعتقد حازم الرميح حسب ماسمعت والله العالم ..........دزوا مسجات ياخوات للقناوات الفضائيه حتي يحسوا فيكم تري الدق يفك اللحام ........الله يرزق الجميع