موضوع خاص للأستفسارات المتعلقة بالأسنان

[دكتورة أسنان]

قوه اختي

عساج بخير ؟

بغيب أستفسر منج عن شغله

انا أمس رحت سويت تنظيف أسنان

أسناني الحمد لله ما فيهم شي محافظه عليهم

لكن أمس قالي عندج 4 ضروس طواحن فيهم بداية سوس

فاليوم رحت الطبيب مره ثانيه

سوالي ضرس واحد .. عطاني بنج ونظفه لي وحطالي حشوه

رديت البيت وكل شي تمام

الحين البنج فج

قاعده أحس بعوار بهالضرس اللي اشتغل فيه

هل العوار هذا طبيعي ؟

ما عمري حسيت بهالعوار .. لما يحوشه ماي أحس بعوار مثل شي يكهربني

الضرس أساسا ً مافيه عوار قبل لا أسويه

قاعده أحاتي هالعوار

هلا حبيبتي ..

اي عادي لاتحاتين غالبا بعد الشغل تحسين بعوار مكانه لان الشغل كان بمنطقه العاج و هالمنطقه حساسه فلاتحاتين راح يروح ان شاء الله

 

[دكتورة أسنان]

مشكوره على الرد ماقصرتي
بسالج ممكن تكتبين لي احسن غسول للفم؟
واحسن فرشه للاسنان ؟ ممكن تنزلين صورتها ؟
وانتظر ردج ياقلبي​

حياج الله حبيبتي ..
عموما انا افضل المنتجات اللي معترف فيها بجمعية طب الاسنان الامريكيه .. و نظرا لزياده لكثرة الاسئله حول اسامي المنتجات .. ناطرين رد المشرفه اذا في مجال اكتبهم ولا لا

سامحونا عالقصور

 

[دكتورة أسنان]

السلام عليكم ورحمة الله وبركاته ... دكتورتنا الغاليه بغيت اسلج عن تقويم الاسنان عندي بنتي عمرها 14 سنه اقدر اسوي لها الحين وشنو الاجرات اللي ابتدي فيها مو عارفه من وين ابدي وانا اقدر اسوي تقويم للعلم عمري 34 سنه ؟؟؟ ودمت ِ بحب :eh_s(17):

وعليكم السلام ورحمة الله و بركاته ..

حبيبتي انا افضل التقويم بعد مايطلعون ضروس العقل .. يعني 17 او 18 سنه .. و الاجراءات اول شي تنظفين كل التسوسات و الجير بالمستوصف .. او اذا عمرها 14 بالصحه المدرسيه .. تالي اهم يعطونج تحويل حق التقويم و بس اما بالنسبه لج فطبعا التقويم ماله عمر معين و كل شي يحدده الفحص روحي فحصي اذا كل شي تمام راح تقدرين تسوين باذن الله ..

حياج الله

 

[سلطـ زمانها ــانة]

السلام عليكم

يعطيج العافيه دكتورة

دكتورة انا اسناني مفرقه بس مرتبه يعني خرابها بس الفتحات واللي تحت مفرقه بس مو حيييل

اما اللي فوق لا كلهم بينهم فتحات

فاخترت كذا حل ورسيت عالتقويم

وانا عرسي ان شاء الله شهر 9 وتوني ركبت التقويم

فلما قلت للدكتور قالي ان راح يخلي الشد كل 3 اسابيع تقريبا وغالبا الفتحات ماتآخذ وقت

انتي شرايج يعني فيه مجال يجي العرس اكون شايله التقويم ان شاء الله

 

[دكتورة أسنان]

هااي حبيبتي

بلييز حبيت اسألج شنو احسن نوع معجون اسنان يبيض الأسنان و ممكن اسمه و صورته ما عليج امر؟؟

و بالنسبة لعيادات الأسنان وين احسن عيادة و شغلهم حلو؟؟

اهلين حبيبتي

ان شاء الله راح اكتبلكم الاسامي بس ناطره رد المشرفه اذا يسمحولي من عيوني ..

اما بالنسبه للعيادات والله ماعندي خبر كلش اسمحيلي

 

[ملوووكة]

السلام عليكم
دكتوره لو سمحت انا بنتى عمرها 6 سنوات تقريبا واسنانها الاثنين الاماميه من فوق طاحوا قبل سنه تقريبا مادرى انا اظن انه هذا وقت طويل واسنانها للحين مالها اي اثر فانتى شرايج حبيبتى ؟؟؟

 

[دكتورة أسنان]

عزيزتي الدكتوره والله يعجز لساني عن شكرك يالغاليه ويعطيك العافيه
حبيبتي انا سويت العصب حق ضرسي وحطيت حشوه دائمه بالمستوصف بس الضرس اللي سووله العصب صار لونه اسود
ولكي مني جزيل الشكر​

حبيبتي انتي حق وواجب الله يعافيج ..

اي شي طبيعي لان العصب ميت الضرس يقلب لونه .. لبسيه حبيبتي علشان اللون و علشان لاينكسر لانه راح يصير هش مع الوقت ..

حياج الله

 

[دكتورة أسنان]

السلام عليكم

يعطيج العافية دكتورة

عندي سؤال لو سمحتي

انا الحمدالله اسناني مافيها مشكله صفة وحده بس في شغله اكرها فيهم.. مو نفس الطول!
خاصه صوب الناب يخرب شكل الابتسامه

يعني نفس الصوره


ابيهم نفس الطول شلون؟


يبردونهم ولا يلبسونهم ؟

وعليكم السلام ورحمة الله و بركاته ..

حبيبتي الصوره الاولى اهي شكل الاسنان الطبيعي ولازم كل ضرس له طول معين بالنسبه للي يمه .. بس اذا تبين تجميل ممكن يسوولج برد و ممكن تلبيس و ممكن قشور بورسلان اللي تحبين

 

[دكتورة أسنان]

مشكووووره على الرد دكتورتنا

حياج الله حبيبتي

 

[دكتورة أسنان]

دكتورتنا سؤالي الاول حسب ردودج عالبنات صج لو عندي ضرس بعد علاج العصب احتاج تلبيس او زراعه يسبب رائحة بالفم و بالنسبة للمواعيد بالاميري بعيده واللا اروح خاص :eh_s(14):

ثانيا هل توجد مضره صحية من حشوات الرصاص القديمة وانها تاثر عالقلب و غيره من كلام نسمعه وايد وبعد حبيبتي لو استبدلتهم بحشوات تجميلية لانهم مشوهين الفم صج يتغير اللون واللا التغيير عادي و ممكن ما استبدلهم هم بعد ممكن يسببون ريحه :tomato2:

ثالثا و اسفة عالاطالة عندي ضروس عقل طالعين بره بس شي عوي و شي غايص مو مستفيده منهم حتى حركو الضروس الامامية شرايج اشيلهم وممكن بعد الخلع الضروس اللي تحركت تاخذ وضعها السابق والف شكر لج حياتي

هلا حبيبتي ..
عدل .. بعد علاج العصب لازم تلبيس .. مو زراعه لا تلبيس .. و عدل كلامج التلبيس يسبب روائح كريهه اذا ماعتنيتي فيه تزيد مع الوقت .. طبعا مواعيد الحكومه مو مثل الخاص بس الشغل مايفرق ابد ..

حشوات الرصاص ماتسبب ريحه .. والكلام اللي انقال عنها بالنسبه للزئبق , مافي دراسه اثبتت هالشي و الكلام كله شكوك من جذي الناس قالت ابعد عن الشر .. ولكن انتي حطيتيها خلاص فالضرر هني اذا شلتيها عقب ماحطيتيها لان بهالطريقه الزئبق ممكن يطلع منها الا اذا الدكتور كان حريص وركبلج rubber dam المطاط الواقي علشان يظم ان مافي شي يدخل داخل المعده من بقايا الحشوه .. بالنسبه للونها بعد التغيير مايتغير عادي بس الحشوات التجميليه عمرها الافتراضي اقصر من الرصاص مايعادل 6 سنين ..

حبيبتي ضروس العقل اذا ماطلعت بالوضع الطبيعي تمام يفضل تنشال .. توكلي على الله و الاسنان اللي تحركت ممكن بعد فتره طويله انها ترتاح بس ماترد 100% ..

حياج الله

 

[dress-shop]

دكتوره بصراحه احسج فاهمه ابيلج اعالج ضروسي لاعت جبدي شقول شخلي

 

[يازيين بختي]

بعد قلبي دكتورتنااااااااااااااا على ردودج
بغيت اسالج حبيبتي انا ودي اسوي تبيض اسناان ابي نفس المشااهير الي اسنانهم تشوق بيييييض وتهبل
اي نوووع تبييض اسويه واذا ممكن تقولي لي اي عيااده شغلهم بروفيشينااال ؟؟
ويعطييييييج الف عااااااافيه

 

[ما حلاتي]

هلا اختي
انا عندي ضرسين العقل ضامرين مش طالعين ,,, و المفروض طبعا اخلعهم
بس من فترة حسيت لوزي التهبن ,,, يمكن مرتين بالشهر واول مرة يصير جيه
وانا طبعا ماجلة سالفة الجلع حاليا
سؤالي هل ممكن الالتهابات المتكررة تاثر على لوزي او تخربهم,,, ومتى المفروض اشهلم بسرعة
شكرا

 

[قلب راشد]

مساائج خير دكتوره

استفسار بسيط

اختي عرسها بالصيف وكانت مسويه حادث من اربع سنوات تقريبا

وصار عندها كسر بالفك السفلي

واسنانها السفليه غير مرتبه والعلويه بارزه

فما هو الحل الانسب والاسرع لتجميل اسنانها ؟؟

ثانيا : ما هو الحل لبروز اللثه عند الابتسامه ؟؟

 

[يا ليل مطولك]

السلام عليكم
دكتوره انا اليوم سويت بدايه علاج للعصب بضرسي (واحد من الطواحن)

عااااد الدكتور يقول انا اليوم فتحته لج عشان ترتاحين وحطلي داخله دواء
المهم قالي الموعد الجاااااي عند كتوره عصب تكمل العلاج وتحطلج فيه دوا

استفساااااري: هل يعور هالعلاج وشنو راح يسوون فيني بالضبط
>> حدي خواااافه

ومشكووووووووووره...

 

[Lemon Juice]

مشكوره ما قصرتي اختي

عندي سؤال ثاني

الحين صارلي اسبوع بالضبط من ركبت الحشوه

الضرس من يحوشه ماي بارد أو شي بارد يعورنــي .. مو عوار .. بس مثل صقيع

قالولي 3 أو 4 أيام ويروح .. بس انا صارلي اسبوع الحين

هل هذا طبيعي ؟

والا لازم أراجع الدكتور أخاف مو حاط الحشوه عدل ؟

الحشوه صغيره حيل .. مغطي جزء صغير من الضرس لانه على كلامه بداية تسوس صغير نتفه

 

[شـهد]

السلام عليكم
عساج ع القوه


عندي سؤالين :

1- سويت تقويم وعقبه بسنتين احس اسناني مو متساوية حيل , يبيلها شد زياده , هل فيه لها علاج بدون تقويم ثابت ..




2- ابي اعرف جميع الحلول الممكنة لمشكلة الابتسامة اللثوية ..



3- ابي اعرف احسن غسول ومعجون للـ اللثة الحساسة

 

[البرنسييسه]

اختي الله يعافيج انا مسويه اسناني الي قدام (الثنيه )علاج عصب بالعدان وبعدين قالي الدكتور لازم تلبيس بس انا خايفه يسوون لي تلبيس بعدين يطلع لون الثنيه غير عن باقي اسناني وين تنصحيني اسويه بأي عياده لأني خايفه من مستشفى العدان والله يعطيج العافيه

 

[دكتورة أسنان]

السلام عليكم

يعطيج العافيه دكتورة

دكتورة انا اسناني مفرقه بس مرتبه يعني خرابها بس الفتحات واللي تحت مفرقه بس مو حيييل

اما اللي فوق لا كلهم بينهم فتحات

فاخترت كذا حل ورسيت عالتقويم

وانا عرسي ان شاء الله شهر 9 وتوني ركبت التقويم

فلما قلت للدكتور قالي ان راح يخلي الشد كل 3 اسابيع تقريبا وغالبا الفتحات ماتآخذ وقت

انتي شرايج يعني فيه مجال يجي العرس اكون شايله التقويم ان شاء الله

وعليكم السلام ورحمة الله و بركاته ..

الله يعافيج حبيبتي .. طبعا انا ماشفت شنو حالتج بالضبط بس ااذا دكتورج قالج في مجال فاتكلي على الله خاصه انج سويتيه خلاص .. غالبا تنجح هالحالات بس لاتهملين موعدج .. و اهتمي بالتقويم المتحرك اذا شلتي الثابت لانه مهم جدا ..

والف مبروك الله يتمم عليج ياربي

 

[دكتورة أسنان]

السلام عليكم
دكتوره لو سمحت انا بنتى عمرها 6 سنوات تقريبا واسنانها الاثنين الاماميه من فوق طاحوا قبل سنه تقريبا مادرى انا اظن انه هذا وقت طويل واسنانها للحين مالها اي اثر فانتى شرايج حبيبتى ؟؟؟

وعليكم السلام ورحمة الله و بركاته ..

حبيبتي عادي مافي مشاكل جدامج لي 10 سنين لاتحاتين