تجمع امهات 2008 حياكم

[كويتيه وافتخر]

السلام عليكم

باجر باذن الله
يطلع ولدي من العنايه المركزه لي الجناااااااااااااااااااااح

 

[داريني]

صبااااح الخير
وحشتوني
خلصت اجازتي ورديت للشقى

 

[داريني]

السلام عليكم

باجر باذن الله
يطلع ولدي من العنايه المركزه لي الجناااااااااااااااااااااح

الحمدالله يا رب:eh_s(6):

 

[داريني]

امس بالليل فضونه طاحت من سريرنا
واااي فجاه سمعنا صوت تخبط فزينا انا وريلي مخترعين
ندرو شنو صاير
ولا فضونه متكوده بالارض مع مخده وكنبل وحبيبتي نايمه ههههههههه
من خرعه قمت اخضها
بجت شويه وردت نامت===دوا كحه له مفعول هههه

وضحكت عليها هالخيسونه دمها شربااااااات

 

[الاستاذة]

صباح الخير بنات شلونكم؟؟؟

توما وين هالغيبه ولهنا عليج يالله انشالله الوصله زينه عشان انشوفج كل يوم

ام وجيه الله يرحمه برحمته ويخفف عنه يارب وياحلوها فطوم انا زيونه بس فالحه تنادي الخدامه وقامت تقول ماي اذا شافت نافوره او مياهه تستانس بشه بنتيواتصدقين ماعندها الا 3 اسنان اثنين تحت وواحد فوق كسلانه

ام نيرمينا وام وجيه وتوما واستبرق الله يبارك فيك حبيايبي والفال حق عيالكم يارب

استبرق لا تحاتين انشالله مافيها الا الخير اخذيلها البرهم من المستوصف ترى وايد زين اطخخها وخليها تمسك جزره تعضضها وتكون بارده تبرد على لثتها وانشالله فتره وتعدي يارب

داريني يالله ولكم باك بس استانستي يالله اشتغلي هي هي واي ياشين الدوام بس شنسوي مانولدنا وابؤنا ملعئه دهب لول ريلي كله يطنز علي ويقول هالكلمه

رقي وينها فقدناها والله لها وحشه

كويتيه وافتخر الحمدلله الحمدلله يالله الله يطمنج على طول يارب انا اذكر يوم كنا عند امي اللاب توب كله ناخذه معانا المستشفى تونس مستشفياتهم

القاردينا شلونج الحين بشرينا عنج؟

 

[الاستاذة]

اليوم مسوين يمعه بالدوام كل وحده يايبه شي _03BA:

وفي لبنانيه معانا يايبه تبوله عاد تبولتها تهبلللللل صج فرق بين تبولتنا وتبولتها

حياكم:082502bye_prv:

 

[داريني]

الاستاذه
مبروك على ملجه اختج والله يتمم عليها انشالله

وبالعافيه عليكم عاد انا من حملت ابناتي وكرهت التبوله
بس امس اخذت تبوله امريكانا وكل ما ابي اكلها تنسد شهيتي

 

[كويتية1]

صباح الخير
اشلونكم
ام جوجو انه شقتي بسلوى!!!!

 

[أم وجيه]

السلام عليكم

آنا قريت بس ما عندي وقت أرد على الكل

كويتية وأفتخر هذي الأخبار الحلوه وان شاء الله واهو متعافي تمام المعافاة

دردر الله يعينك على الدوام عقب الاجازة أولها صعب

كويتية1 سلوى ما أعرف بس بسأل وأقولك اليوم باذن الله

 

[داريني]

رق رق وينها
؟
قاردينا وينها ؟
استبرق؟
ما تشوف شر بروقه واكره شي التسنين يمه يمه انا ضرس العقل وبستخف منه عيل اليهال شلوون

 

[إستبرق]

صباح الخير

كويتيه الف الحمدالله والشكر يارب يوم يرد الديره معافى يارب




الاستاذه عندي المرهم واحط لها منه بس الحمدالله من امس احسن شوي حتى نامت بليل وعادي تلعب الله يكافيهم الشر يارب




الاستاذه بالعافيه عليكم يارب



داريني وييييييييييييي يختي عليها المسكينه وكملت نومتها وانتي معودتها تنام معاكم ؟
وبروقه الحمدالله من امس احسن شوي الله يديم عليهم الخير وشر ماييج حبيبتي

 

[mrs_sugar]

امس بالليل فضونه طاحت من سريرنا
واااي فجاه سمعنا صوت تخبط فزينا انا وريلي مخترعين
ندرو شنو صاير
ولا فضونه متكوده بالارض مع مخده وكنبل وحبيبتي نايمه ههههههههه
من خرعه قمت اخضها
بجت شويه وردت نامت===دوا كحه له مفعول هههه

وضحكت عليها هالخيسونه دمها شربااااااات

وي ما تشوف شر

انا متعودة على هالسالفة

كل عيالي حاشتهم

ينامون معانا عن خاطرهم و ما نوعى بالليل الا

طرااااااااااااااااااخ

و وراها صرخة و عقب صخةةةة

اثاري الحبيبة نايمة و تتقلب و تهبد من فوق الفراش و تصرخ و تكمل نومتها بالعافية

 

[mrs_sugar]

السلام عليكم

باجر باذن الله
يطلع ولدي من العنايه المركزه لي الجناااااااااااااااااااااح

الف الحمدلله على سلامته

و قرت عينج

 

[mrs_sugar]

صبااااح الخير
وحشتوني
خلصت اجازتي ورديت للشقى

الشقى ورانا ورانا

الحمدلله على كل حال

 

[mrs_sugar]

سلالالالالالالالالالالالالالالالالالالام

هو آر يو اول

وي آر فاين ماي دير

هاو ار يو اند وات تباوت ث كيدز

:dddds:

 

[الاستاذة]

يالله الحمدلله على سلامتها استبرق وانشالله دوم مرتاحه

 

[إستبرق]

واي شوقر الله يعين على هاليهال ما استحمل بروقه تطيح وادري ورانا سوالف الله يستر






الاستاذه الله يسلم قلبج حبيبتي وامين يارب واجمعين

 

[بنت بنوت]

السلام عليكم

سامحوني طولت عليكم وايد بس كنت اطل عليكم بين فتره والثانيه عالسريع لاني ما استغني عنكم .. بس والله مايكون عندي وقت ارد

واول شي الف مبرووووك كويتيه وافتخر على نجاح العمليه والحمدلله على سلامته ويااارب يتحسن اكثر واكثر والله كريم وانشالله تشوفينه معرس اهو واخوانه وتشوفين عيالهم وعيال عيالهم على الصحه والعافيه يااارب

بنات انا امس رديت من ماليزيا .. والحمدلله استفدت من البنات في المنتدى من ناحيه الاماكن الحلوه

واشكر القاردينيا يوم عطتني الرابط اللي فيه كل المعلومات عن ماليزيا

واشكر شقوره لاني استفدت من موضوعها عن ماليزيا وايد .. وسكنت نفس الفندق اللي سكنت في في كوالامبور (استانا) وخذينه خوش غرفه

 

[HaPpY_SpiRiT]

بالعافية بنت بنوت
عاد امس ريلي يحن على السفرة مرة ثانية بخاااااااطره ماليزيا من تزوجنا و احنا نقول بنروح بس عاد الحين مالي قلب أهد ملوح مرة ثانية صج أول يومين كيفنا بس عقب من أشوف ياهل ألعاب أقلبها مناحة ربي لك الحمد و الشكر و آخرتها كشت فيني بالمطار و رايح عند أبوه

 

[بنت بنوت]

واشكر بعد بروقه لما قالتلي ان لنكاوي احلى من بينيغ .. لأن فعلا هذا المكان اللي كنا محتاجينه من زمان وسوينا فيه delete حق مخنا انا وزوجي خخخخ

والفندق اللي قعدنا فيه هذا بحد ذاته متعه (برجايا) نظام اكواخ .. واحنا خذينه الكوخ اللي يصير من داخل رخام ومن بره طابوق انظف واحلى ومافي منه وايد

توما الله يعافيج .. ويي سكتي والله قلبي عورني على بنتي بس شسوي ماقدر اخذها تعب الرحله .. وطول السفره اقول واااي ودي ارجع بس عشانها .. ولما رديت جان اقول وااي جان زين مطوله اكثر خخخخخخخخخخخخ