حرمه زوجي ولدت شنو اهديها إقتراحاتكم ياحريم

[التحدى والاصرار]

الله يهنيكم
زوريها وخليج طيبه مدام زوجك طيب
وما عليج من الحريم
صلحى مصالحك تسلكين
والله يتمم عليكم ويفرحكم اثنينكم
بزوجكم
ويهدى الجميع
احيك على هالروح الطيبه

 

[بشه المنفشه]

يا حلاتج والله يبيلج بوسه على هالموضوع ما قمنا نشوف حريم مثلج هالأيام

دوري الشي الحلو وما يكون حيل بسيط لأنه من قيمتج ومن قيمة زوجج

الككاو والورد أحس أشياء ثانوية يعني مو شي أساسي تودينه .. يا إنج تستغنين عنهم وتودين شي ثاني أو تودينهم مع الهدية الرئيسية

عندج بروش ذهب للياهل أو تراجي للأم .. أقصد شي يبين بالعين عرفتي قصدي ؟

وطبعاً يعتمد على الميزانية

وهم حطي في بالج شغلة ..

لا تودين شي أغلى من اللازم عشان ما تطلعين بصورة اللي اتشيحط عليهم .. هالملاحظة مو بس تخص الشريجة لأ بشكل عام أي وحدة نوديلها هدية ما نعطيها شي قيمته كبيرة لأن هالشي يحرجها لأن لو تصير مناسبة تخصنا اهي بتوهق شنو تعطينا بالمقابل


والله يوفقكم

 

[الأماكن]

حبيبتي زوريها مع زوجك

والهدية بوكية ورد مع ككاو إذا بالمستشفى

وروحي بعد 10 أيام بيتها زوريها و عطيها هدية فلوووس ... أو ذهب​

 

[باربية الكوووويت]

الافضل تزورينها مه الوالده ومعاج بوكيه ورد وهديه للبيبي اي شي حسب الميزانيه والله يتمم عليكم ويسعدكم

 

[Gourges]

ليش

لان شي غريب علي... بس والله من طيب اصلج حبوبه
وبجاوبج عن سؤالج عطيها فلوس وغلفيها علشان تفيدها اكثر
او برووش حق الياهل ذهب
وزوريها مع امج

 

[الباحثه]

الله يهنيج ويعطيج علي قد نيتج
دزيلها بوكيه ورد وكتبي لها عباره حلوه تهنينها بسلامتها وبالمولود وبعدين
زوريها مع ريلج وعطيها فلوس او اشتري بدله كامله بجوتيها وكمالياتها للبيبي بس تكون ماركه راقيه وتغليفها مميز
ولا تنسين الزياره تكون مع ريلج احسن عشان ريلج يفتخر فيج

 

[جوزائيه مغروره]

مريومه لا تفكرين تغيرين رايج وما تزورينها

حبيبتي روحي لها وحطي لها فلوس بالبيبي

علشان اذا قاصرها شي اهي تشتريه

انا اسوي جذي مع رفيجاتي واهلي لانه مودري شلي ناقص

والحلويات والموالح راح تخلص وماراح تستفيد منها شي

حطي لها بالبيبي 40 ولا 50 دينار

 

[بدوره 22]

اقولج شي


















































زيارتج لها اكبر هديه



ماشاء الله عليج انا اهنيج على سماحة قلبج وان شاء الله بتشوفينه بميزان حسناتج

 

[أم منورة]

الله يتمم عليكم وعين العقل انج بتزورينا بس اذا اهي طيبه معاج وما تتوقعين منها تحطج بموقف محرج او شي روحي مع الوالده

واذا لا متخوفه روحي مع ريلج وما قصرو البنات اخذي ككاو معاج عالاقل بنوكل ولا الورد ينقط هذا إذا ماكان مجفف لان المجفف او الصناعي حلو ويتم تحطه باي مكان

وبعد عشر ايام روحي مره ثانيه ودي لها فلوس او سألي ريلج اذا انتي مستحيه منها يمكن ناقصها شي وقايلت له اييبه ييبي لها اياه انتي

والله يتمم عليكم السعاده يارب

 

[hashim5ام هاشم]

ورد وحلوا موفقين انشاء الله

 

[chocolat]

ما شاء الله عليج الله يتمم عليكم و يزيد المحبه بينكم انا اقول اخذي لها كاكاو بعلبه و طقم حق البيبي ماركه و غلفيهم بطريقه غريبه او كاكاو مع الفلوس هم غلفيهم بطريقه حلوه

 

[TooToo]

انتي نادرة الوجود ماشاءالله عليج ولج اجر كبير
-- طرشيلها ورد ناعم وبس

 

[الام الحنونه]

اولا..اللهم ادم المحبه فيما بينكم,ثانيا..وهدايا المواليد وايد(بدله من مذركير,شنطة ملابس مع كيس المولوود,عربانه كشخه,كوبون مشتريات بالقيمه الي تحبينها لأي محل تفظلينه مثل اج اند ام او مذر كير وفي محلات كثيره تسوي هذه الطريقه الحين) وان شاء الله اكون افتج

 

[ام الغالين]

انتي نادرة الوجود ماشاءالله عليج ولج اجر كبير
-- طرشيلها ورد ناعم وبعدين عطيها الهديه افضل فلوس احسن

والله يتمم عليكم والفال لج يارب تشوفين ذريتج يارب عن قريب

 

[مريم -الكويت]

انتي نادرة الوجود ماشاءالله عليج ولج اجر كبير
-- طرشيلها ورد ناعم وبعدين عطيها الهديه افضل فلوس احسن

والله يتمم عليكم والفال لج يارب تشوفين ذريتج يارب عن قريب

تسلمين والله حياتي انتي شنسوي هذي الا دنيا دار ممر وحلو الواحد يسوي فيها الاعمال الصالحه اللي ترضي الله وماينتظر رد جميل من اي احد لانه بجذي راح يرتاح طول حياته

 

[مريم -الكويت]

انتي نادرة الوجود ماشاءالله عليج ولج اجر كبير
-- طرشيلها ورد ناعم وبس

حبيبتي انتي تسلمين والله

 

[مريم -الكويت]

اقولج شي


















































زيارتج لها اكبر هديه



ماشاء الله عليج انا اهنيج على سماحة قلبج وان شاء الله بتشوفينه بميزان حسناتج

حياتي انتي مشكورة
الكره والحقد والحسد يدمر الانسان وهو مايحس ويبعده عن احبابه
ويعيش بحياته كله بكدر بكدر
التسامح والحب والتغافل عن اخطاء الغير يخلي حياتج جنه

 

[Alesar]

مشالله الله يتمم عليج القلب والنية الطيبة وانشالله تكون اهي بعد جذي زوريها مع الوالدة واخذي لها ذهب وورد

 

[فديت منورة]

الله يعطيج على قد نيتج


انا اعرف شرايج جنهم خوااااااات لا وبعد موت الزوج صارت غرفتهم وحده و سريرهم واحد



(( ورد و فلوس واهي تشتري اللي تبي فيهم لانها يمكن ما يعجبها اللي انتي تاخذين فا الفلوس احسن ))

 

[أم حيدر]

عطيها فلوس ولفيهم لها لفة حلوة

وعسى الله يبرج بعيالج