تـــجــــمع لبنات التقويم (اللي حاطين تقوووووويم اسنان)

[eng.jacvara]

كيتي
انشالله تصير ابتسامتج ولا ابتسامة انجلينا جولي
بعد اشتبين

 

[hello.kitty_85]

وي بس لا يصيرون براطمي نفس براطمها عفية كملي دعوتج بروحي خايفه لا ينتفخون براطمي

 

[eng.jacvara]

لوووووووووووووووووووول


بالعكس حجيه براطمج راح تدش داخل ويصغر حجمها والسبب التقويم يدخلها لي داخلي


نعيد الدعوة


يا رب يا رب
تتعدل اسنان هيلو كيتي وتصير ابتسامتها نفس انجلينا جولي
يا رب بس الابتسامة من غير البراطم
ياااااااااااااااااااااااااا رب بس الاسنان مانبي البراطم
لووووووووووول
^ _ ^

 

[hello.kitty_85]

لووووووووووووووووووول بعد عمري فديتج خوش دعوة الله يخليج لي امي مادعتلي جذي بس تعالي شلون البنات كاتبين ان شفايفهم انتفخت عقب التقويم وانتي تقولين يصغرون امبيه حدي خايفه باجر بركب التقويم بس يالله متى يصير باجر خايفه وبنفس الوقت متحمسه وايد ماني مصدقه متى ايي ياجر واركب تقويم واصير من ذوات الابتسامة الحديديه

 

[غزيل الفله]

هاى ياحلوة حاطة بعيادة الثريا يعنى نفس الدكتور حقى أنتى عند ميشيل؟ وااااااى الدكتور روعه صح بجم سويتى التقويم؟خل نفيد البنات اللى بيركبون

 

[غزيل الفله]

حياتى ياعسولات ياحلوات بنات بغيت أسألكم عادى أحمل وأناحاطه التقويم اناوصلت مرحله السيوروالدكتور يقول عالأغلب يبى لى شهرين شرايكم أتهور وأحمل ؟أمانه اللى تعرف لاتخلينى

 

[hello.kitty_85]

أمبيه مادري باجر بروح اركب التقويم تبين اسألج الطبيب اذا يصير تحملين ؟؟؟

 

[غزيل الفله]

أمبيه مادري باجر بروح اركب التقويم تبين اسألج الطبيب اذا يصير تحملين ؟؟؟

بعد عمرى عفيه سألى الدكتور والله كل مرة أنسى

 

[hello.kitty_85]

شكثر باجيلج وتشيلينه ؟ وانشالله باجر ارد لج خبر عقب ما ارد من العياده

 

[eng.jacvara]

كيتي
انا قصدي عقب ما تشيلين التقويم شفايفج بتصغر
وحتى بفترة التقويم
ما يكبرون بس يجدمون شوي
ومع فترة العلاج بتلاحظين الفرق وبتشوفين شفايفج دشت لي داخل

غزيل الفلة
عادي حبيبتي حملي
انا بنت خالي كانت حاطه التقويم وحملت واهي حاطته عادي
ليش انج ماراح تاخذين حبوب او ادويه فعادي السالفه

 

[ايام العمر]

التقويم يحتاج طولة بال خاصة في الأيام الأولى لأن هالفترة فيها يتحدد

اذا حالتك تحتاج خلع أو لا وبشكل عام التقويم حلو وما يخوف اصلا ما تحسين فيه

 

[eng.jacvara]

صاجه ايام العمر

 

[برونزيه نعومه كتكوته]

هااااااااااااي بنات شلونكم
اليوم رحت موعدي بعيادة اللؤلؤة بالجابرية كل شهر ايي استشاري من بره المهم رحت وشافني وسوالي فحص للتقويم وأشعه وبشرني وقاللي يصير انسويلج تقويم وخذا المقاسات وقاللي يوم الاربعا تعالي علشان يركبلي ياه وعقب ما اركبه انظف الاسنان واركب الحشوات لانه اهوا يقعد بس اسبوع وطبعا كلفني 1600 تقويم و95 فحوصات واشعه واول دفعه 200 دينار واقساط كل شهر 50

حبيبتي سؤال عنونو شلون طريقه دفع الاقساط استقطاع من البنك وله تدفعين عادي ؟؟

 

[eng.jacvara]

اقدر اجاويج من بعد اذن هيلو كيتي
حبيبتي كل اللي يعالجون وحاطين تقويم اقساطهم كل شهر لا استقطاع ولا شي
عادي
كل ماتروحين تشدين تقويمج تدفعين 50 دينار
يعني مو اقساط بمعنى اقساط ان يستقطعون منج او من البنك
لا لا
عادي تروحين العيادة يشدون اسنانج ولما تخلصين تدفعين 50 دينار والباقي عالحساب لين تخلصين مدة العلاج

 

[hello.kitty_85]

وااااي بنات اليوم موعدي وحدي خايفه والمشكلة من كثر ما افكر صارلي 3 ايام ضروسي يعوروني وخايفه يزيدون علي لما اركب التقويم وبالنسبة حق فرشة الاسنان الدكتور يعطيني والا اروح اشتريهم عفيه قولولي

 

[hello.kitty_85]

برونزية انا العيادة اللي رحتلها قاللي المدير كيفج دفعي بالطريقة اللي تعجبج الاقساط قاللي تبين تدفعين 50 او 40 او 30 كيفج العيادة اسمها اللؤلؤة بالجابرية اذا حابه تروحين روحي قبل لا يسافر الاستشاري ماشالله انا حالتي وايد صعبه ورحت بيرفكت دنتل كير مارضوا يسوونلي بس هذا وايد واثق من نفسه وانشالله اليوم بركب وابشركم بالنتيجه باجر انشالله

 

[غزيل الفله]

عليج بالعافيه حياتى بكرا أسنانج تصير روعه ومبروك للحلوة اللى ركبت الرتينر حياتى لاتخلينه بس بسألج التينر أخر شى
ولافى عقب شى؟

 

[برونزيه نعومه كتكوته]

لان عياده الميدان طلبو مني استقطاع من البنك و يحولوني على اصول مادري اعيان او المنار نسيت اسم الشركه و الله لو على سيارة مو حسافه
و زين بالنسبه للثريا يمدحونها البنات عندكم رقم تلفونهم ؟؟؟

 

[hello.kitty_85]

هاي بنوتات وناسه امس ركبت التقويم بس حطلي بس فوق والشهر الياي يحطلي تحت بس احسن علشان اتعود عليه ماشلله ايده خفيفه ودقيق حيل
غزيل الفله مشكورة حبيبتي الله يعافيج
برونزية الرقم أكيد موجود بالجريده يحطون ارقام عيادات من غير الصور يكون فيه اعلان حق ارقام الطوارئ

 

[غزلان]

امس موعد الشد كان لي
يعوور شوي