`•.¸¸.•¯`••._.• آلــدورآإتـ ’ آلخــآصــه `•.¸¸.•¯`••._.•

[قـــــ م ـــــر الكويت]

صباح الخير أنــــــ والحــــــظ ـــا شلونج ابي استفسر منج اذا ممكن
انتي كانتي تمهيدي بعدين تخصصتي ؟
وكم جبتي نسبه علشان قبلوج بابرمجت حاسب؟

 

[أنــــــ والحــــــظ ـــا]

هلا حبيبتي
تمام انتي اخبارج
لا انا ماأخذت تمهيدي لانه هالكورس قالوا اللي 58 وفوق ماياخذون تمهيدي واللي أقل ياخذون

سألي بش بش هي كانت تمهيدي يمكن تقدر تفيدج سوري حبيبتي انا مافدتج بشيء

 

[shy.girl]

قمـــر الكوويت

انا كنت تمهيدي وقبلوني برمجه حاسب آلي وانا نسبتي كانت 79.8 ترى حدها شويه بالنسبه حق التمهيدي لان وااااايد سهل بس انا انصدمت من النسبه بس الحمدالله على كل حاال وكاان في بنات اقل من نسبتي بس ان لاتنزل عن السبعينات

عاد انتي اختي شدي حييلج علشان تاخذين الامتيااز ويعطونج مكافاه اتوقع 250 دينار تنزلج كل شهر :d

يعني ونااااسه حده

 

[shy.girl]

بناات محد يدري عن ماادري والله !! شصاار على قبولها بأكادميه سيمز ؟؟

انا غيرت تخصصي بكبره والحمدالله صااار ومشت امووري تمااام :d

وان شاء الله اهي بعد تكون ماشيه امورهااا

 

[BshBshanea]

شاااي ...

لا تيبين طااري المكافأه

انا من سبة المكافأه الاعانه نفسها ما قامت تنزلي

وماادري والله اليوم كنت افكر فيها

وكل مادخلت بنت يديده عننا اقول يمكن اهي بس بعدين اتذكر انها حاسب الي

ان شاء الله تكون من الوناسه ان قبلو تحويلها نست التجمع

 

[shy.girl]

حياااااااااااااااتي ماااعليه

والله ان اكاديمه سيمز موو ذااك الزوود ولي الدرجه اني انحشت منهاا وحولت مسائي والله ارحم من قاعاتهم الي جنها محكر حماام

والله يمكن تكوون خيره لج وصدقيني حمدي ربج على الي انتي فيه لان محد اشتكى على قاعاتهم

احنا بسيمز بس قالولنا ان بس تخصص برمجه حاسب اهما الي جي قاعاتهم صغييره ومافيها نفس وفوق هذا 17 طالبه بمكان صغييير

يعني والله نعمه انج بحوولي

لايضييق خلقج حبووبه وبلاخير اهي شهاده وحده سواء بكواليتاس او سيمز

فديت قلبج لايضييق خلقج

 

[منوة القلب]

ســـــــــــلام بنات ..


من بقسم محــــــــــــــاسبه ... الي بميدان حـــــولي ...

ابسئل بديتم او لا .....؟


وبسئل بعد فيه باااااااااااصات ...

ومشكورين

 

[BshBshanea]

ماادري والله ...

لا تضيقين عمرج ولا شي

هـ الشي خيره لج

والحمدلله على كل شي

رفيف ...

ان شاء الله بنااات ميدان حولي يردوون عليج

وتوني ادري انج محاسبه عبالي بس انا ويمي

 

[قلبي حبيبي]

شخباركم بناااات

قمر الكويت ... انتي اي قاعه اي دور ؟؟؟
والله زين في هني بنت مستجده تمهيدي نفسي واااااي واخيرااا بعد العناء الطوييييييييييييييييل

 

[قلبي حبيبي]

بش بش ... الا بسألج المحاسبه صعبه عندكم

 

[منوة القلب]

طيب بش بش وش اخبار المحاسبه وشو المواد الي تدرسونها .. اجل انتي بالسالميه

 

[BshBshanea]

قلبي حبيبي &رفيف ...

الكل يقوم محاسبه صعبه

ومن شخص لي شخص يختلف

ممكن عندي سهله عند غيري صعبه

و احنا تونا بـ البدايه

ولي الحين كل شي اوكي

رفيف ...

مواد المحاسبه الي ناخذها ثلاث مواد

اقتصاد كلي و رياضه ماليه و محاسبه 1

والباقي اربع مواد الي ياخذونها التخصصات كلهااا

واي انا بـ السالميه

 

[ســارونــه وبـس]

قوه بنوتات انا طالبه بالاتصالات او ملاحه

وحابه احول عندكم شلون الدراسه معاكم

وشنو احسن تخصص ؟؟

 

[BshBshanea]

ياااهلا والله

اول مره تمر على وحده تبي تحول من الاتصالات لـ الدورات

دوووم العكس

والتخصصات كل كورس تتغير

وحسب انتي وشنو ميولج

بس اكثر شي اشوف البنات يبون برمجة حاسب الي

 

[تنآهيد ..~]

صبآآح الخير بنات


شلوونكم اشتقت لكم ​

 

[BshBshanea]

مساءالخيرااات

وتشتاق لج العافيه

وسلااامااات ماتشوفين شر يااارب

 

[أنــــــ والحــــــظ ـــا]

مساء الخيير
شخباركم
ماأدري واللله
اليووم كنت قاعد افكر فيج والله شبكت بسال عنج مثل مااقالولج البنات لاتضايقين انشاء الله خيره
وبالعكس الأساتذه حيل زينين بس ادارتنا شوي متشدده
وبس بالأول والله باجر تتعودين ويصير عادي انا أول الأيام كنت ارد شوي وابجي كرهت المعهد بس ألحين الحمدالله احسن حتى قروبي كنت كارهته بس الحمدالله هاليومين صايرين يهبلون وناسه
انتي اي قروب؟؟

تناهيد تشتااقلج العافيه
واحنا اشتقنالج^_^

 

[أنــــــ والحــــــظ ـــا]

أب
أب

مساء الخيير
ويينكمـ بناات؟.
ليش جذي نايمين كل ماأدخل ماألقى احد

 

[BshBshanea]

مسااء الخيراااات

 

[أنــــــ والحــــــظ ـــا]

أهلين بش بش

محد يحرك هالتجمع غيرنا
شخبارج؟ وشخبار الدراسه