شنو عيوب مدارس الحكومة اقنعوني

[داريني]

شلونكم امهات
جان زين تقولون لي ليش هالايام هابين بالمدارس الخاصه؟؟؟
يعني لي هالدرجه مدارس الحكومه هابطه ؟؟؟:0bee2e8d89:
ولا يمكن علشان المظاهر الناس قامت تدخل عيالها مدارس خاصة

انا عن نفسي والله محتاره مره اقول بدخل عيالي حكومه والي شاطر شاطر وطبعا ما راح اقصر معاهم بدرسهم وبساعدهم
وبدخلهم تقويه ومدرسين خصوصين:ggdw::ggdw:

بس هم مره اقول شنو لي بالشقا ادخلهم خاصه وارتاح لانه كل شي بالفلوس يمشي===حط فلوسك بالشمس واقعد بالظل

والله اني محتاره وحتى ريلي محتار وين نسجل ولدي خاص ولا حكومه؟!!!
وانا اختي مدرسه روضه سالتها تقولي مو منهم من حطوو الي ما تتشماس والمناهج اعتفست واعتفست معاهم نفسيه المدرسات
وتقول على حسب اداره الروضه يا توب يا تحت ماكو وسط

اوكي والابتدائي مو جنهم صارو خرطي وماحد يمدحهم ؟؟

وين اودي ولدي عفيه بردوو قلبي وساعدوني حدي محتاره

 

[bintmasr2009]

والله حبيبتى كلنا فى نفس الحيرة بس يقولون ان الحكومه ما فيها اهتمام كلش

والمدارس الخاصه حسب ميزانيتك وحسب مكانها

يعنلى شوفى ميزانيتك كام والاماكن اللى تناسبك وبعدين شوفى الزين بينهم وقارنى وما شاء الله البنات هنا ما يقصرون

 

[rawona]

شوفي حبيبتي انا باريحج واعطيج اياها من الاخر ...

انا وحده متأسسه في مدارس اجنبيه لين 4 ابتدائي وخريجة امريكا واخواني كلهم خريجين مدارس انجليزيه .. وانا وحده مثلج قلت مابي ادخل عيالي مدارس اجنبيه كا ماعاقنا شي ولا عاق ابوهم متخرج من مدارس حكومه والحمدلله خريج من بره ووظيفته ممتازه فقلت نفس كلامج باخلهم حكومه وانا اساعدهم والشاطر شاطر على كلامج ..

مو لاني ماابي مدارس اجنبيه.. لاااااااااا بالعكس انا حيل عاجبتني طريقتهم بالتدريس بحكم تجربتي الشخصيه ومتابعتي لاخواني الصغار بس قلت احنا بزمن اغبر واوفر فلوسي علشان اشتريلي بيت والا شي مايندرى باجر شيصير واذا على عيالي انشالله اذا نجحوا وتفوقوا بدراستهم ذيج الساعه لو ادزهم على حسابي بره مو مشكله .. وفعلا دخلت بنتي الروضه حكومه ومع الاسف مع الاسف مع الاسف!!!!!!!!! من سيء الى اسوأ!!!

يعني انا مو قاهرني ولا حارني الا ان بنتي ضاعت سنتين من حياتها برياض الاطفال واهي ماتعلمت غير انها تنط وتلعب بتقولولي مرحلة التعليم برياض الاطفال اساسها "التعلم من خلال اللعب" اقولكم على عيني وراسي بس وين التعلم؟؟ شنو اتعلم؟؟

بعدين الابلات الله يسامحهم كل وحده مالها خلق التدريس ادش تربيه واذا سألتيها ليش تحبين التدريس تقول لااااااااااااا!!! انزين ليش صرتي مدرسه ترد بكل بروووووووووووود علشان العطله والمعااااااااااااش!!! اذا هذا حال ابلاتنا ويلي على عيالنا والله

ادري قرقرت عليج وايد بس الزبده التعليم بالكويت كل ماله ونازل ما احمل المنهج المسؤليه ولا احمل الابلات احمل الوزاره اللي ماعندها تنسيق وتخبط في تخبط اي نعم انا موافقه النظام اللي مسوينه ممتاز بس المشكله وين اللي ينفذ؟؟!!

مو المفروض يوم انا غيرت النظام فوق تحت ادخل المرسات والمدرسين دورات عن هالنظام؟؟ مو لازم اخليهم يطلعون ويفهمونه عدل قبل تطبيقه؟؟


الزبده حبوبه انا باشتري العافيه وعلى قولتج باقط فلوسي بالشمس واقعد بالظلال وقررت ادخل بنتي الابتدائي مدرسه اجنبيه وانشالله الله يسهل امرها واسجلها على خير

واذا دخلتيهم حكومه وحطيتي لولدج والا بنت من اولى ابتدائي مدرس خصوصي بعد اشحقه هالعباله؟؟ دخليهم خاص وتوكلي على الله اذا انتي همج مصلحة عيالج..

والله يسهل اموركم ويوفق الجميع

​

 

[أمواج البحر]

شوفي من ناحية فرق بين الحكومه والخاص فاكيد فرق كبير

لكن انا عيالي في مدارس حكوميه مو لاني ما اقدر ادششهم خاص لا الحمدلله قادرين ماديا ولله الحمد

بس ما ادري ليش انا ضد المدارس الخاصه

احس لما الياهل يدخل المدرسة الخاصه جنه تخلى عن هويتية العربيه الاسلاميه

ما ادري بس هذي وجهة نظري!

الحكومه والله ما شفت منهم شي شين

والحمدلله كل المدرسات اللي مروا على عيالي من اروع ما يمكن

لدرجة ان ابلات عيالي اذا كان عندهم اي ملاحظه يدقون علي

عيالي برابعه ابتادئي و ثانيه ابتدائي و اولى ابتدائي

اكيد التعب عليج اكثر من ان ولدج يكون بمدرسه خاصه

بس شنسوي جزا الوالدين الينه

عيالي ماشاء الله عليهم متفوقين و الحمدلله التعب مشترك بيني و بين المدرسات

واذا على الانجليزي اشوف مستواهم وايد وايد وايد زين

عيال اختي بمدرسه خاصه والحمدلله ما حسيت فرق بيهنم

واذا على المناهج اليديده ترى المناهج قريبة من مناهج المدارس الخاصه

بس الفرق احنا بالعربي و اهم بالانجليزي

ومع الاسف اغلب الامهات قعدوا يتحلطمون قبل ما يدرون شنو الطبخه

لسبب وحيد جدا تغير المنهج!!

شي طبيعي يتغير ... المنهج من زمن الطفحه ... الزمن قاعد نتغير ولازم نسايره

واذا على سالم وعبير

انزين ليش حارينكم خخخخخخخخخخخخ اشفيهم والله سؤال

ليش محد عاجبه سالم وعبير!!! صج سؤال ماني لاقيه له اجابه!

وبالنهايه اكيد اللي مدششه عيالها مدارس خاصه بتتحابه لها واللي مدششه عيالها مدارس حكومه بتتحابه لها

والله يوفق عيالنا

 

[طيبة الكويتية]

انا بس حبيت اقول شي
اختي قالت لي انه من السنه اليايه ان شاءالله الروضه راح يصير لهم كتب و بيدرسونهم ما ادري عاد صج ولا لأ. و اذا صج شي حلو والله على الأقل الياهل ما تضيع عليه سنتين من عمره بس لعب.

 

[طير الحب]

انا عندى حكومه وعندى خاااااااااص

فرق السما عن الارض

الحكومه مافى اهتمام ما يدرون عن الياهل والابلات حدث ولا حرج تقولى عن بنتى فيها وفيها ولما اوريها الدفتر تقول يمكن انا ما اعرف بنتج !!!!! اشلون تتكلمين عيل

واللى صارلها قرن تقول مليت من التدريس بس ابى اخلص اقساطى !!!!!!

ما يمنع انه فى ابلات ذهب

الخاص انا اختلف مع امواخ يوم قالت يتخلى عن هويته بالعكس والله انى ما احفظ ولدى الايات اييبون لهم مطوع ويقول افتتاحيه مثل الدعاء وغيره اللى عمرى ما سمعته من اللى بالحكومه

اذا شافو الولد فيه شى ولا مستواه متغير يقول لج تعالى كلمى الناظر والمدرس

الحكومه استدعااااااء اذا الطيور طارت برزاقها

 

[عدسات ملونة]

انا وجهة نظري الشاطر شاطر الحكومة مافيها شي شوفي نهاية السنة بالجرايد اللي نسبهم فوق ال 90 ما شاء الله شكثر صورهم واسماؤهم

تارسة الجرايد وبعدين الكويتيين فيهم طبع ناس طالع ناس وصارت المدارس الخاصة موضة للاسف

 

[xxx]

شوفي حبيبتي انا باريحج واعطيج اياها من الاخر ...

انا وحده متأسسه في مدارس اجنبيه لين 4 ابتدائي وخريجة امريكا واخواني كلهم خريجين مدارس انجليزيه .. وانا وحده مثلج قلت مابي ادخل عيالي مدارس اجنبيه كا ماعاقنا شي ولا عاق ابوهم متخرج من مدارس حكومه والحمدلله خريج من بره ووظيفته ممتازه فقلت نفس كلامج باخلهم حكومه وانا اساعدهم والشاطر شاطر على كلامج ..

مو لاني ماابي مدارس اجنبيه.. لاااااااااا بالعكس انا حيل عاجبتني طريقتهم بالتدريس بحكم تجربتي الشخصيه ومتابعتي لاخواني الصغار بس قلت احنا بزمن اغبر واوفر فلوسي علشان اشتريلي بيت والا شي مايندرى باجر شيصير واذا على عيالي انشالله اذا نجحوا وتفوقوا بدراستهم ذيج الساعه لو ادزهم على حسابي بره مو مشكله .. وفعلا دخلت بنتي الروضه حكومه ومع الاسف مع الاسف مع الاسف!!!!!!!!! من سيء الى اسوأ!!!

يعني انا مو قاهرني ولا حارني الا ان بنتي ضاعت سنتين من حياتها برياض الاطفال واهي ماتعلمت غير انها تنط وتلعب بتقولولي مرحلة التعليم برياض الاطفال اساسها "التعلم من خلال اللعب" اقولكم على عيني وراسي بس وين التعلم؟؟ شنو اتعلم؟؟

بعدين الابلات الله يسامحهم كل وحده مالها خلق التدريس ادش تربيه واذا سألتيها ليش تحبين التدريس تقول لااااااااااااا!!! انزين ليش صرتي مدرسه ترد بكل بروووووووووووود علشان العطله والمعااااااااااااش!!! اذا هذا حال ابلاتنا ويلي على عيالنا والله

ادري قرقرت عليج وايد بس الزبده التعليم بالكويت كل ماله ونازل ما احمل المنهج المسؤليه ولا احمل الابلات احمل الوزاره اللي ماعندها تنسيق وتخبط في تخبط اي نعم انا موافقه النظام اللي مسوينه ممتاز بس المشكله وين اللي ينفذ؟؟!!

مو المفروض يوم انا غيرت النظام فوق تحت ادخل المرسات والمدرسين دورات عن هالنظام؟؟ مو لازم اخليهم يطلعون ويفهمونه عدل قبل تطبيقه؟؟


الزبده حبوبه انا باشتري العافيه وعلى قولتج باقط فلوسي بالشمس واقعد بالظلال وقررت ادخل بنتي الابتدائي مدرسه اجنبيه وانشالله الله يسهل امرها واسجلها على خير

واذا دخلتيهم حكومه وحطيتي لولدج والا بنت من اولى ابتدائي مدرس خصوصي بعد اشحقه هالعباله؟؟ دخليهم خاص وتوكلي على الله اذا انتي همج مصلحة عيالج..

والله يسهل اموركم ويوفق الجميع

​

قلتي كل الي بقلبي

:icon30::icon30:

 

[جورىة2]

والله انا ولدى ب3 ابتدائى بالحكومه ووضعه وووووووووووووووووايد نازل وبنتى بالباكستانيه وووووووووووايد احسن منه مدارس الحكومه كلش مو شئ حرام تضيعين مستقبله بمدارس الحكومه:krkrkr::krkrkr:

 

[باونتى]

الحكومه وما ادراك ما مدارس الحكومه .. انا اخصائية اجتماعيه .. وذاك اليوم يتنى مدرسة الرياضيات مسويه استدعاء لطالبه راسبه بغيت اقولها جنه مبجر >> أتطنز .. يعنى تسويين استدعاء لمن البنت ترسب !!! هذا نموذج بسيط لمدرساتنا .. شقوول وشنو أخلى الوضع سئ مدرسات مالهم خلق تدريس .. أنا اشوف بنات اخوى بالرؤيه والله مره جدامى دقت المدرسه الظهر على مرة اخوى قالت بنتج ما سلمت الدفتر وانا ما ابى انقصها ليش اهيا دفترها مو كامل ؟؟؟ شوفى الاهتمام واحنا الطالبه سلمت ولا ما سلمت المدرسه مثل الورد تحط لها صفر وما تعب نفسها نهائيا ..

 

[rawona]

الحكومه وما ادراك ما مدارس الحكومه .. انا اخصائية اجتماعيه .. وذاك اليوم يتنى مدرسة الرياضيات مسويه استدعاء لطالبه راسبه بغيت اقولها جنه مبجر >> أتطنز .. يعنى تسويين استدعاء لمن البنت ترسب !!! هذا نموذج بسيط لمدرساتنا .. شقوول وشنو أخلى الوضع سئ مدرسات مالهم خلق تدريس .. أنا اشوف بنات اخوى بالرؤيه والله مره جدامى دقت المدرسه الظهر على مرة اخوى قالت بنتج ما سلمت الدفتر وانا ما ابى انقصها ليش اهيا دفترها مو كامل ؟؟؟ شوفى الاهتمام واحنا الطالبه سلمت ولا ما سلمت المدرسه مثل الورد تحط لها صفر وما تعب نفسها نهائيا ..

اي والله صاجه ليش ينطرون يطيح الفاس بالراس تالي يتحجون.. والله الاهتمام مو بس بالدراسه انا وحده ماهمتني لغه اللغه الطفل يقدر يكتسبها من الافلام اللي لسنه من دورات خارجيه من مخيمات صيفيه وربيعيه تدرس اللغه انا همني بالدرجه الاولى التعامل مع الطفل ..

للاسف بالحكومه مايعطون ويه مااقول الكل علشان مااظلم القله المخلصه بس الغالبيه مالهم خلق..انا همي انهم يعطونن عيالنا ويهه وياخذون ويعطون معاهم بالكلام ويشجعونهم على التعبير عن ذاتهم مو تجعم وتدقر فيهم

واذا على سالم وعبير منهج الخاص نفس الحكومه بالعربي والدين يعني ورانا ورانا لوووول

​

 

[طير الحب]

الحكومه وما ادراك ما مدارس الحكومه .. انا اخصائية اجتماعيه .. وذاك اليوم يتنى مدرسة الرياضيات مسويه استدعاء لطالبه راسبه بغيت اقولها جنه مبجر >> أتطنز .. يعنى تسويين استدعاء لمن البنت ترسب !!! هذا نموذج بسيط لمدرساتنا .. شقوول وشنو أخلى الوضع سئ مدرسات مالهم خلق تدريس .. أنا اشوف بنات اخوى بالرؤيه والله مره جدامى دقت المدرسه الظهر على مرة اخوى قالت بنتج ما سلمت الدفتر وانا ما ابى انقصها ليش اهيا دفترها مو كامل ؟؟؟ شوفى الاهتمام واحنا الطالبه سلمت ولا ما سلمت المدرسه مثل الورد تحط لها صفر وما تعب نفسها نهائيا ..

عفيه عليج هذا اللى نقوله عقب ما تصير السالفه بقرن يقولون استدعاء عاد انت زين على الاقل انا مره الاخصائيه قالتى مافى احد ينادى المدرسه اهى بالصف الفلانى:eh_s(14):ورحت لها:dddds:جاان تقول ممنوع اشلون دخلتى قلت لها البركه بالاخصائيه عاااد كانت الله لا يواريج تلوع الجبد
ايه اهم يقولون احنا شنو نسوى :krkrkr:

 

[ام _خلودي]

تبين الصراحه اناا ادرس بمدرسه حكوميه

ولا افكر ادخل عيالى حكومه رحت سجلت

بنتى بخااص حبيبتى يوم الثلاثاء اختبار القبول


ان شاء الله يقبلونه


الحكومه كل ساعه يايه نشره قرار يديد

وتكليف ورش عمل اجنماعيات فنيه

مسابقات علميه بحوث مشاريع يعنى الابله

يعنى صار التدريس مو وظيفتهاا الاساسيه

لا صارت ثانويه والمشكله لما اييي قرار تكليف

او ورشه او ندوه والابله تقول ياجماعه عندى حصص

متاخره بالمنهج يصرون لازم تروحين ولا فيهاا افاده

وشنو يصير بنهايه الدرس الا يبله اسبوع ينشرح بيوم

ومنو متضرر اكيد الطلبه فوق هذا وهذا البنات تغيروا

الجيل كل ماله بنازل وسلوكيات البنات صارت تخرع

واحس بالحكومه يتساهلون وايد مع البنات بعكس الخاص

 

[رفرف]

انا مدرسة بالحكومة ومافكر ادخل بناتي حكومة الا اذا اضطريت ..

اول شي .. اغلب المدرسات للأسف الشديييييييد كارهين المهنة ويايين علشان المعاش والعطلة او مجتمع الحريم او مغصوبين من اهلهم .. طبعا تقدرون تتخيلون شلون يعاملون اليهال !!!!!
اضافة الى ان بعضهم معذورين في وايد اعباء غير التدريس على المدرسة يعني ماتيي حصتها الا وهي مهدود حيلها من الشغل اللي ماله علاقة بحصتها !!!!
ومهنة التدريس طاردة وماكو تقدير والمدرسة تتقيم على كل شي ما عدل حصتها ..


ثاني شي .. كل توجيه المهم عندهم الترزز والمناسبات اللي مالها سالفة وورش العمل والمسابقات واخر اهتماماتهم مستوى الطلبة !!


ثالث شي .. عيالنا صايرين حقل تجارب .. يطبقون قرار تالي يكتشفون انه فاشل واكبر مثال الملف الانجازي اللي اول 3 سنين لعب و4 و5 يخرعونهم بلجان واختبارات ماكو تدرج كلش والمدرسات يعرفون انا شقصد ..
ويكتشفون الغلط بس عقب شنو عاد ..؟؟ ماكو فترة تجربة .. ماكو دراسة عدلة للمشروع .. يجربون كورس بمدرستين تالي يتعمم ولا عمري سمعت بقرار جربوه وما تعمم سبحان الله كل القرارات ناجحة ولي طبقوها وطاح الفاس بالراس تطلع مو من مصلحة الطلبة ..


رابع شي .. يبقى الخاص مدخلتهم بفلوسج شغلة تجارية بحتة المعاملة توب وينمون شخصية الياهل هذا غير المستوى التعليمي بس الصراحة عن نفسي النفسية اهم لان الياهل لي حب المدرسة ايبدع فيها

 

[فلونة احلى وردة]

واي شجعتوني والله ان استمر وبخلي عيالي بالخاص ابركلي
المهم
انا مدرسة وهم اقولج ادا تقدرين وتهتمين بنفسية عيالج وديهم خاااااااااااااااااااااااااااااااااااااص
وادا ما يهمج النفسية وديهم حكووووووووووووووووووووووووومة
لان الشاطر شاطر ماله علاقة بالمكان كثر ماله علاقة بالوراثة والدكاء
ولو علي انا جان كل عيالي بالخاص
بس ما يعوقني الا المادة
وعلى الله المستعان
وصدقيني مو موضة كثر ماهي فطنة من الناس وقامت تقلد الزين عند الغير
ويمكن غيرة مو موضة مثل ما قلتي

 

[caramella]

انا مدرسة بالحكومة ومافكر ادخل بناتي حكومة الا اذا اضطريت ..

اول شي .. اغلب المدرسات للأسف الشديييييييد كارهين المهنة ويايين علشان المعاش والعطلة او مجتمع الحريم او مغصوبين من اهلهم .. طبعا تقدرون تتخيلون شلون يعاملون اليهال !!!!!
اضافة الى ان بعضهم معذورين في وايد اعباء غير التدريس على المدرسة يعني ماتيي حصتها الا وهي مهدود حيلها من الشغل اللي ماله علاقة بحصتها !!!!
ومهنة التدريس طاردة وماكو تقدير والمدرسة تتقيم على كل شي ما عدل حصتها ..


ثاني شي .. كل توجيه المهم عندهم الترزز والمناسبات اللي مالها سالفة وورش العمل والمسابقات واخر اهتماماتهم مستوى الطلبة !!


ثالث شي .. عيالنا صايرين حقل تجارب .. يطبقون قرار تالي يكتشفون انه فاشل واكبر مثال الملف الانجازي اللي اول 3 سنين لعب و4 و5 يخرعونهم بلجان واختبارات ماكو تدرج كلش والمدرسات يعرفون انا شقصد ..
ويكتشفون الغلط بس عقب شنو عاد ..؟؟ ماكو فترة تجربة .. ماكو دراسة عدلة للمشروع .. يجربون كورس بمدرستين تالي يتعمم ولا عمري سمعت بقرار جربوه وما تعمم سبحان الله كل القرارات ناجحة ولي طبقوها وطاح الفاس بالراس تطلع مو من مصلحة الطلبة ..


رابع شي .. يبقى الخاص مدخلتهم بفلوسج شغلة تجارية بحتة المعاملة توب وينمون شخصية الياهل هذا غير المستوى التعليمي بس الصراحة عن نفسي النفسية اهم لان الياهل لي حب المدرسة ايبدع فيها

rayey men ray el ekhet eb kel 7arf galetah
abda3tay 9ara7aaa

 

[باونتى]

رونه , رفرف .. كلامكم عدل أهم شى النفسيه .. نفسية الطالب قبل الدراسه .. بصراحه المدارس الخاصه واايد يهتمون من الناحية النفسية وزرع الثقه بالطالب .. الطالب عندهم شخصيته حلوووه .. انا وحده من الناس أكره مادة الرياضيات والسبب ان ابلة الرياضيات لمن كنت فى اولى ابتدائى >> ملاحظييين اولى ابتدائى كانت تطقنى بالمسطره الخشب اذا جاوبت غلط وبس صار عندى كره شديد لمادة الرياضيات لى يومكم هذا ومو بس جذى والله العظيم لمن يكون عندى امتحان رياضيات كانت نفسيتى تتعب وبس ابجى

 

[malekatsabaa]

السلام عليكم

انا كنت متردده مثلج..
بصراحه اذا تفكرين بالخاص لازم تكونين ميسوره الحال..مو ناطره المعاش علشان تدفعين قسط المدرسه..ولا تحطين جمعيه ولا تاخذين قرض..والله زمنا صعب والواحد لازم يفكر لي بعيد شوي..

في وايد مدارس حكوميه اداراتها ناجحه..من غير لا مدرسين خصوصيين ولاشي

كل شي يعتمد عالطالب..وعليج
اهو بذكاءه وحبه للدراسه وانتي بتهيياه لاستقبال المدرسه نفسيا

الفرق الوحيد ان طالب الخاص لغته الانجليزيه اقوى

منو قال ان المناهج فاشله؟؟؟انا عندي باولى ابتدائي لي سابع وكلهم ماشاءالله عليهم ممتازين
يمكن المناهج صعبه ومو مرتبه خاصه لاولى ابتدائي..لكن في النهايه يطلع الياهل يقرا ويكتب من احسن ما يكون
ومافي طفل غبي..لكن لازم تعرفين الطريقه الي تناسبه لتوصيل المعلومه..واتاعينه بالبيت والمدرسه..وهالشي هم راح تسوينه لوكنتي بالخاص
وبالنسبه لي انا احط المبالغ الي بدفعها من الحين لي 12 سنه جدام..حق مستقبل الولد وحق دراسته في احسن الجامعات..

ومثل ما وايد قالو.. بقولج
ياما الحكومه طلعت دكاتره ومحامين ومهندسين ..وناس من انجح ما يكون

والله يوفق عيالنا وعيالكم ويصلح حالهم ويهديهم.

 

[Queen-q8]

انا خريجة مدجارس حكومة وهمن جامعه الكويت وكنت متفوقة ونسبتي كانت فوق ال90 %

بس تدرين كنت ضعيفة بالنسبة لمستواي العام بالمحادثة انجليزي ودراستي بالجامعه كانت انجليزي والله فرق بيني وبين زميلاتي خريجات المدارس الانجليزية مو بالشطارة لا انا احس اني اشطر منهم بس اهما يقرون ويدرسون كأنهم يدرسون عربي يعني اللغة مو مشكلة بالتالي المنهج بالنسبة لهم واضح مو مثلنا كنا ندرس والديكشنري بيدينا نطلع معاني نالي نفهم يعني معاناة

وهمن كنت اتلعثم وانا اكلم الدكاترة وبالامتحانات ما كانت صعبة بالنسبة للمادة العلمية بس كلمة بالسؤال تغفلين عنها او ما تفهمينها كل شيء يعتفس وطبعا اخذ وقت اكثر عشان احل الامتحان

ومن يومها تعقدت وعشان جذي عيالي دخلتهم من الحضان منهج انجليزي والحمدلله قراري كان صائب واحس انهم ما شاء الله عندهم معلومات عامة اكثر مني لما كنت بسنهم وهمن عقليتهم وايد متفتحه وهمن انا متابعه معاهم وتصدقين انا قاعدة استفيد شخصيا وااااايييييييد من مناهجهم وصار عندي كم كبير من الوووردز اللي لو ما دخلتهم ما كنت اعرفها الا اذا خذيت دورات وانا قاعدة اتقوى وياهم

يمكن انتي هالموضوع مو مهم بالنسبة لج او في وايد ناس ما يهمه انها تستفيد بس انا للحمد طموحة واحب اكسب معرفه ومعلومات والاهم من هذا كله شغلي مع اجانب واحتاج اللغة وايد في مجال عملي وهمن قاعدة افكر جديا اني اكمل اذا الله سهل يعني انا فعلا مرتاحة وما افكر حاليا اني اطلعهم واذا الله عاني ان شاء الله اخرجهم منها الا اذا زادت الاحمال علي راح اشوف طريقة ثانية اخفف منها المصاريف وبعد اتابع معاهم بنفس المناهج مع مدرسين مناهج انجليزية

بصراحة التدريس هني حاليا صارت المناهج ممتازة بس المشكلة بالتعليم والمدرسات والادارة بس كمنج وووايد قووه وصار مقارب للمناهج الخاصة نفس تقريبا العلوم والرياضيات بس الانجليزي يفرق معاهم

وهمن الخاص قاعد ياخذون تاريخ وجغرافيا وهمن فرنسي طبعا غير الاهتمام الثاني بالمواد اللي تبني مهاراتهم وشخصياتهم وتقويها


انا من رايي اذا انتي قادرة الخاص افضل وووووواااااااييييييد بالوقت الحالي

 

[كويتيه فنتك]

موضوع متعب نفسيا...
افكر اخلي جيلي القادم في البيت احسن..
اعلمهم أسس التربيه والعقيده مادام اني جامعيه ومعي كم تخصص؟؟
ليه اخلي جيلي يتأثر مادري شنو يصير حكومي او خاص؟؟؟؟
فديتهم شنو يصير على اليهال ؟؟؟؟؟