اي استفسار لطلبة الحقوق - جامعة الكويت

[jasmin90]

حبيبتي انا ما مو محووله انا سحبت اورااقي وانقبلت مره ثاانيه فوري بالعلووم الاجتمااعيه

 

[jasmin90]

يني انا ولامره حوولة سحبت اوراقي وقدمت من يديد اي واااحد ايعرف بليييييييز ردوو علي

 

[zoya_m]

والله ابوي ماعندي اي فكره إذا يصير اتحولين مره ثانيه

بس انتي دقي عليهم وسألي اسهل لج
دشي موقع الجامعه وطلعي رقمهم ودقي عليهم

 

[garga_girl]

وييييييينكم بنات الحقوق

ليش مانسوي تجمع كل الكليات سوو تجمع؟

زويا خل نفتح موضوع يديد اسمه تجمع احسن من استفسار لبنات الحقوق :eh_s(6):

ولا راح يدمجون الموضوعين؟؟ :gr4uu:

 

[garga_girl]

دنيا غريبه لا تحولين عادي انا السنه اللي طافت بأولى سقطت بمادتين لووول وباجي المواد عالحفه ومعدلي عالحفه وبعدين نجحوني عالحفه وكلشي فيني عالحفه :krkrkr:

وكاني بخلص ان شالله ثانيه ما بقى شي وهم عالحفه والله لا تحولين قزريها وراح تمشي


lawyer

منو هالدكتور اول مره اسمع فيه؟

بس المفروض تستانسين انتي عند جلال بالعكس كل من يبي عنده بالتزامات

انا اللي الله يعيني عند انور الفزيع وما خلانا نسحب منه يقول كلكم بتسحبون مايصير

بعد انتا اللي قاعد تخلي كل من يسحب منك

يقولون كل من يسقط عنده والمتفوقات ياخذون c و d عنده

واهوا اشكره قالنا انه شديد بالدرجات ومايصير كل الدفعه تاخذ a و b

عاد الماده عليها 8 وحدات حسااافه

بس من وجهة نظري وبعيد عن كلام البنات ان شرحه قوي وزين وفاهم ويفهم عدل

صج انه ظلمني بدرجتي بالامتحان

بس انتو جلال غير وايد احسن بالدرجات

 

[L a w y e R]

شلونكم زميلاتي

جلال باااااح لوول

لا جلال بعد اليوم

يايبين دكتور يديد ..

فرق السما عن الارض بينه وبين جلال

جلال شرحه يهببببببببببل يجذب غصبن عليج تحبين المحاضرة

هذا لا .. اوكي دمه خفيف بس شرحه ماايتقارن بشرح جلال

مادري اذا جلال بيرد والا لأ

بس فعلا قاعدة اعاني بمحاضرات التزامات مع الدكتور اليديد

يبيلي وقت على ماتقبله

 

[fdeetni]

واااي راح جلال وماراح يرد قالو انه خلص العقد اللي بينه وبين الجامعه بس الصراحه علقو البنات


والله بوفقج انا سنه اولى ادعوولي

 

[garga_girl]

امبي صج؟؟ الله يعينكم

 

[garga_girl]

فديتني الله يوفقج وسنه اولى سهله حدها ومواد شويه وكمية الكتب قليله شدي حيلج ورفعي معدلج حسافه تعدينها بمعدل مو زين :tek:

 

[small angle]

هاااي بنات انا ماخذه ماده اختياريه عندكم عند دكتور رشيد العنزي والماده النظام القانون الدولي
ابي اسألكم عنه وعن الماده شلون امتحاناته ومعاملته مع الطلبه ويحسب غياب والماده صعبه ولا سهله
وبليز الرد يكون على الخاص

 

[بنت العديليه الشقرديه]

اهلين ..شوفي دكتوور رشيد نظاامه امتحاناته واايد صعبه ..بس بعدين اخر السنه تنصدمين من القريد تقريبا كل الشعبه علامات كااامله ويحسب غيااب...بس لا اتحاتينه من ناحية الدرجااات عاال العاال سخي بالدرجاات

قرقا غيرل انتي ابدااااع لووووووووووووووووووووووووول ان شاء الله اتيبين متيااز مو عالحفه بس صرااحه اسلووبج ولا اروع

 

[L a w y e R]

رشيد عسل عسل عسسسسسسسسسسسل

من اروع الدكاترة اللي اخذت عندهم

يهبل هالانسان ماشالله عليه

محترم وطيب وونييس

امتحاناته صعععععبه ماتنحل

بس بالفاينل توقعي قريدج عالي ..

بس اهم شي .. واظبي عالحضور والتزمي معاه بالمحاضرة

 

[L a w y e R]

بنات سووري ماسألتكم

اول شي

بنت العديلية شخبارج حبي ؟

بشري شلون اصول ؟

كل شي تمام انشالله ؟

.
.

وبنات دفعتي حبيباتي ..

بشروا

شلون جنائي وجزاء ؟

الله يوفقكم انشالله

 

[garga_girl]

د.رشيد العنزي

امتحانه كان مو بس صعب ما حليت شي خاصة القضيه مادري وين يت على باله هالقضيه الله يهداه

والصراحه ما حبيته لسانه وايد طويل يعني اذا انتي عنده بمحاظره لازم تحوشج مسبه منه ايا كنتي

كل يوم يا ساب نائب او وزير بأسماءهم ماكو نائب ما سبه

يعني عيب يمكن احد يصيرله قاعد

ومستلم جمعية الاصلاح والاسلاميين وكل دقيقه طايحله سب فيهم (بلا اسلوب وبلا اخلاق)

الصراحه مادري شلون هذا مستوى دكتور بالجامعه

وكل يوم يقط نغزات على الشيعه ويهاجمهم ومره دقر وحده
وحزب الله ومادري شيقول

يعني مو عاجبه احد كلش

ويفتي على كيفه

واللي يساعده على هالشي انه محامي من سنين يعني عنده اسلوب محد يقدر يرد عليه

حرام تثير الفتنه والطائفيه والقبليه والتوجهات بين الطلبه

وتكره الطلبه بناس زينين بس لانهم مو عاجبينك

هذا بدال ما يعلم الطلبه على ان يتوحدون وكلهم دوله وحده ويثير الاخوه مو الفتنه والله حرام عليه

والله مادري شلون البنات ساكتين عنه

ما بقى احد بالكويت ما سبه لا وللاسف باساميهم يعني لو وحده ياب طاري ابوها او احد يصيرلها بتحقد عليه

ويليت يقول كلامه باسلوب حلو لا والله اسلوب حتى بالبيت ما ينقال من مسبات يهال وقذف

وللأسف وايد من دكاترة الحقوق جذي ليش اشمعنا هالكليه ما ادري

هذا الكلام الصج

لا وما يقبل ولا عذر وولا مرضيه اذا تبين تعالي قبل المحاظره قوليله انا مابي احظر وما يحسبج غياب حتى ما يسئلج عن العذر اما بعد المحاظرة لو تييبيله شهادة وفاتج هم ما يقبلها
انزين اذا مرضت فجأه الصبح او صارتلي ظروف يعني شلون بيي اقولك اذا ييت احظر المحاظرة وبس

(هذا بالنسبه حق هالسنه لانه يدرسني هااسنه مادري عن باجي السنين)

وبعدين قبلي لي اخر درجه في وايد دكاتره من قبيلته وحقانيين وما يهمهم الا ان الطالب يكون شاطر ويشوفون حله مو عايلته (مثل الدكتور عبدالسلام العنزي) اكثر انسان حقاني بالدنيا

هذا لا .. اللي من قبيلته ضامنين الدرجه الكامله حتى لو ما يحظرون وحلهم اي شي لان الدكتور قبلي لي اخر درجه ويحقد على البنات بس على اسم العايله او اذا ابوها عنده توجه معين او ينتمي لطائفه معينه اهوا مايحبها يعني يبي كل الناس نفسه ويقولون اخر السنه يزيد الكل بس عالمزاج يعني على القبليه يعطي درجات كامله

يليت لو يصير مثل عبدالسلام العنزي معني كل يوم اشوفه قاعد عنده بالمكتب بس الفرق بينهم فرق السما عن الارض


طبعا مو قاعده اقول سامعه او احد قايلي لا انا ماخذه عنده الحين هالسنه

وابوي قالي اشتكو عليه بس عشان نروح فيها بالدرجات p: وماراح تنفع الشكوى بشي


_____________________________________________________

بس انتي ماخذه ماده اختياري يعني ماراح تصير صعبه واكيد بيعطيكم درجات كامله لان الدكاتره كله يتساهلون مع الغير حقوقيين وما يعطونهم اقل من a

بس شاطرين علينا :rgewrg:

والقانون الدولي اسهل شي واسخف شي بعد ما احب مواد القانون الدولي ويع جنها سياسه ومالها شغل بالقانون كلش بس سهله مو مثل قسم القانون الخاص والمدني

حتى احنا دكاترة القانون الخاص والجزائي يقولولنا ان (القانون الدولي مو قانون بس لي قلنا جذي دكاترة القانون الدولي يزعلون).. مافيها شي انا بعد اشوفه مو قانون كله سياسه بسياسه

والدليل ان بكلية العلوم السياسيه او تخصص علوم سياسيه بعلوم اجتماعيه عندهم مواد اسمها القانون الدولي يعني قاعده تتدرس عندهم

 

[L a w y e R]

عاد تدرين ؟

صج كان يطب بالاخونجية والمتأسلمين

وبعض الشيعة ، وبعض السنة ..

ماكنت اتضايق واقول شي .. يزاهم واقل من يزاهم

مايطب باحد مني والطريج حرااااام

وكل اللي اييب طاريهم بالكلاس

بلاويهم تارسة الجرايد والسايتات وخياسهم فايح للاسف

وسالفة القبلية لما كنت عنده عممممممره ماميز بين البنات

معنه ترى رفيجات بنته كانوا معانا بحكم ان بنته زميلة لنا بنفس الدفعة

بس بالعكس ماظلم احد ..

انا اعترف لو كنت اداوم عنده مثل الاوادم واواظب عالحضور

جان عادي حاطلي باعمال السنة 38 او 39 بس لان عندي وايد غيابات حطلي 36

وكل الكلاس بهالريت تقريبا ..

وللاماااانة والظليمة شينة

عمره ماغلط على اي طالبة بالشعبة ، كلنا كنا محترمين المحاضرة وملتزمين فيها

وتعامله كان بقمة الرقي معانا

حتى لوبغينا نكشت كنا نتعذر عنده وعفية دكتور وعندنا امتحان بنراجع والا بنرد ندرس باجر امتحان

والا في ندوة خنرووح ( سوالف الثنوية لوول )

وحرام كان يخليينا نروح ..

ومرة انا ورفيجتي كنا طالعين نتغدى بالراية ولما ردينا حاشتنا زحمة الدوامات الغثييييثة

على ماوصلنا الا الكلاس بادي او على وشك انه يخلص

رحنا كلمناه وحضرنا .. عطانا الكشف قالنا حضروا روحكم

ودايما كل مايدخل الكلاس ويشوف البنات حاطين باجات القوائم يزفهم

أيا كانت القائمة ..

يقول لما تدخلون محاضرتي شيلوا الباجات ، وهالشي ينحسب له

حبييييب هالدكتور ماشالله عليه

 

[garga_girl]

يمكن على وقتكم جذي

بس هالسنه بالضبط يسوي مثل ما قلت

وانا موجوده وسامعه كلشي

ووايد بنات احقدو عليه بسبة اسلوبه

وبعدين اللي اهو يشوفهم مو زينين او انتي تشوفينهم انهم تارسين الديره ببلاويهم يمكن غيرج مايشوفهم جذي او يكون منهم ويأيدهم

ليش يقعد يسب جدامه

هذي وجهات نظر وكل واحد عنده ان وجهة نظره اهي الصح

مايصير اروح اقول رايي بهالاسلوب في شي اسمه اسلوب مو جذي

يقعد يغلط على الموجودين على بو انه تارسين الديره ببلاويهم

اوكي خل يقول بالنغزات مو بالاسم يعني لو واحد يصيرلج بترضين يقول عنه جذي؟

ومن ناحية القبليه انا سامعه بنت من قبيلته تقول انهم ماخذين عنده بس لانه يضبطهم

هذا غير كلامه بالقاعه اللي يدل على هالشي

وهالشي قاعد يصير هالسنه مو السنه اللي طافت يمكن شعبتكم ما كان يتكلم فيها

 

[garga_girl]

وبعدين المتأسلمين اذا تقصدين فيهم السلف لا مو من حقه انه يقعد يسب فيهم يمكن لانج نفس رايه تأيدينه بس نص الموجودين بالقاعه ما يأيدونه وماعنده اسلوب كلش واللي غلط عليهم كلهم على بعض يطلعون 80 او 90% من الكويت عيل من بقى

فا ما عنده عذر انه يتكلم جذي جدامنا

حتى لو مايحبهم خل يحترم اللي قاعدين

هذا بمحاظره جذي عيل شلون بره المحاظره

 

[a7la_dlo0o3a]

واي بنات انا بعد ماخذه عنده نفس الماده بس انا ماخذتها اوفر لود لان مواد هالكورس صعبه وما ابي انزله

احترت الحين اخذ عنده ولا لأ

 

[jasmin90]

بنااااااااااااااااااااات اشلووون طريقه الدرااسه لاصوول قااانون وجم يووم يبيله

 

[Mrs.pacodelucia]

بنوتات ابي وين صاير مبنى 3 ش عند اي بوابه بالضبط

ومبنى 5 ؟؟

من صجي رجاءا لحد يضحك ..

اول مرا ايي الحقوق :bbbiu: