MoonDiamond
New member
ابدش بالموضوع دووووووغري
زوجي ياب الشبره كلها عندي بالمطبخ وهالخضره بتخترب ومحد اكلها فا تذكرت........
وحده قالتلي عن هالشغله وعجبتني بس ما سويتها الا من يومين وما هقيتها بهاللذاذه والطعامه
اول شي نقلي بطاط وباذنجان (وهذا اكثر منه) وزهره وبيبي جزر وبيبي بصل او بصل اخضر وقطع ثوم بزيت الزيتون او السمسم انا اخلط الاثنين بكميات متساويه وبعدين تسوين حمسة طماط عباره عن:
طماط+بصل شرائح+علوب+ثوم مدقوق+شويه زنجبيل مدقوق+نص علبه معجون كي دي دي+قفشة كمون مطحون+ملح=تحمسين وتحمسين وتحمسين لين يصير الخليط ناعم بس القطع على عدالهم وذايبين بصلصة الطماط
تالي تييبين برطمان عود شوي وتحطين الحمسه بعد ما تبرد وفوقها استكانة خل التفاح وتسكرين وتخضيينها حيل عشان تتجانس مع الخل وبعدين تحطين الخضار اللي قليتيه بالبرطمان ومعاه علبه بازاليا خضرا (الرجل الاخضر احسن شي واحلى شي) واحط فوقه شوية بقدونس وشبنت بس شويه
وتخضين
وتخضين
تخضين
وبعدين خليها ساعه عشان تتبل عدل وبصراحه انا ازيدها كمون لاني احبه
وبس ..... تقدرين تاكلينها بخبز او مقبلات مع العيش وانتي كيفج........
وصج صج ياريت اعرف انزل صور عشان انزلكم شكل الخضره بالبرطمان حده يشهي خصوصا العلوب واهيا غرقانه بالصوص
وبالعافيه
التعديل الأخير:
