شقرديه
New member
- إنضم
- 28 مايو 2008
- المشاركات
- 11,727
- مستوى التفاعل
- 0
- النقاط
- 0
تكفوون يا كويتيات ساعدوها :eh_s(1):
&
&
&
&
&
بسم الله الرحمن الرحيم
الشكوى لغير الله مذله...اسأل الله العظيم رب العرش العظيم ان يشفيني,
اخواتي .. رغم صغر عمري ! لقد مررت بتجربه حياة جربها انسان مالا يقل عمره عن 30
بأختصار وهذه خلاصه دنياي مع تجاربي
احببت...... وكرهت
فرحت.....فحزنت
ضحكت......فبكيت
ولكني !! رغم كل الألم.......نهضت!فعشت ومن ثم تعلمت
ان جرحي ومرضي لا يتعب احد في الوجود "غيري" وان اقرب الناس لي لن يفيدوني بشي تعلمت ان اثمن الدموع واصدقها هي اللتي تنزل بصمت...ولا ينفع الصراخ والبكاء...اجمل ابتسامه لي هي اللتي ترتسم على شفتي في عز المي !!تعلمت ان افرح مع الناس وان احزن وحدي.... وكان لي دواء واحد يدواي جرحي هو رضائي بقدري
قد اكون اصغر منكم بسنه واعلم منكم بسنين
حق كل الي وصلت لهم رسالتي .. ابيكم تفيدوني اللي اجرت اي عمليه جراحيه تجميليه تراسلني وابي دكاترة متخصصين للتجميل (تشوه+عيوب خلقيه) ويخافون الله لعمل عمليتي سواء بالكويت او بره الكويت
صراحه افتريت ودرت لمن يأست
بالله عليكم لو كنتو في مكاني شتسون دكتورج تعالجين عنده سنين ولمن قرب موعد عمليتي !! امرني ان لازم احد من اهلي يوقع..توقيع على شنو اتوقعون؟؟؟
ان يشيل ايده من بعد العمليه اللي بيسويها لي قال: انا اسويها ومن ثم بعد العمليه ضروري ضروري اتحولين لمستشفى ثاني بتيكم السالفه ؟؟ اثق فيه؟؟؟ سؤالي ؟ ليش يشيل ايده ؟هل العمليه خطره؟؟ قلت يالله مو مهمه هالسالفه... طوفتها وبشوف اللي بعدها ؟
امرني الدكتور ان لازم اروح...اخذ موعد مع دكاتره !!!انزين ليش؟ واي دكاتره؟
قالي لازم اتروحين مستشفى(حسين مكي جمعه)للأمراض السرطانيه بالكويت وكل كويتي وكويتيه يدرون بهالمستشفى.....انزين...سؤالي الثاني... انا شنو ذنبي؟؟؟صرت ضحيه بين ايادي الدكاتره من اجل عيب خلقي صغير وتشوه في جسمي.........!!!! قلت مو مشكله اروح بس المهم افتك من هالعباله كلها رحت ودشيت المستشفى عطيتهم ورقت التحويل وطبعا الدكتور خذاها للمدير ورحنه وراه ولا المدير طبعا اهو بعد دكتور واضن اهو احسن دكتور في المستشفى سألني سؤال واحد :قالي: هذا اي حمار اللي يبيج اتسوين العمليه وتحولين عندي بهالمستشفى عشان اعالجج بالأشعاع؟ قال مستحيل ما يصير خطرجدا ان تكونين مسويه عمليه وسيده اتسوين اشعاع...وقال مافي ولا حاله عندنا نسمح لها بهالشي لازم ننطر الجرح يبرى(انزين لو تلاحظون هذاك الدكتور قال بعد العمليه ضروري اتسوين اشعاع انما هالدكتور قال لا مستحيل وما يصير! بالله عليكم هذا دكتور وهذاك دكتور منو اللي اصدق؟؟؟
ف.... افيدوني الله يخليكم انا كل اللي فيني تشوه وعيب خلقي ما قلت ريل ولا ايد مقصوصه ولا فيني مرض ولا شي كل التحاليل تثبت ارسالناها لألمانيا وما في شي بس اهني شوي خوراه مابي تغير ولا شد ولا نفخ ولا تحويل من جنس لجنس اخر ولله الحمد اللي ابيه اشيل هالعيب مجرد جراحه تجميليه في الاذن وتجميل في الصدر بس.... واتمنى اي وحده عندها فكره عن دكاتره التجميل او احد اتعرفه مجربته او اي شي يفيدني بلييييز بنات بليييييز تبلغني ولها الاجر انشالله الله واكون شاكره لها
بليز واللي ما تقدر اتسوي لي شي اتمنى بس تدعي
(يارب انشالله يشفيني )
لا تردوني خائبه
مددت يدي لكم
أسال الله العظيم رب العرش العظيم ان يشفيج
همتكم يا كويتيااات بليز اللي تعرف دكتوور شاطر لا تبخل عليها اهي بحاجه لكم ولدعائكم :eh_s(1):
![•●[HăŸbăt MąləKă]●•](/data/avatars/m/40/40086.jpg?1621060478){kind=avatar}
