&رعبوووبه&
New member
ادش بالموضوع على طول
ما صار حمل للحين وماشيه بخط العلاج والف الحمد لله على كل حال
طلب مني الدكتور نسوي تلقيح صناعي بعد المنشطات اللي اخذتها الشهر اللي طاف واللي وصلوا 10 ابر
زوجي الله يحفظه رفض ولاسباب تخصه :cxxxp::cxxxp:
صار جماع عادي بايام التبويض والنتيجه ان الدورة انزلت قبل موعدها باسبوع طبعا النفسيه زفت والحاله حاله
لما شافني الدكتور بهالحاله وطلبت منه ان يجد جديد بخط العلاج
قال بسوي لج منظار واكوي المبيض عشان تنزل الاكياس وخلاص خلصي الدورة وتعالي باليوم الفلاني
سويت تحليلين وبعد يومين دخلت المستشفى اللي صادف 4-2 الساعه 12 ونص فجرا
ثاني يوم سويت المنظار والله لا يوريكم خفت خوووف موطبيعي طبعا بنج كااامل دخلت 1 ونص الظهر للعمليات
وطلعت 4 العصر 3 ساعات افتحوا بطني 4 فتحات وااي شكل الضماد يخرع
بالليل ياني الدكتور وصــــدمني يا بنات
قال انا ماسويت لج كي للمبيض قلت ليش واحنا متفقين ان المنظار بس عشان كي المبيض
قال انا شفت ان الانابيب عندج مسكره وملتصقه اه من الاحباط
والشي الثاني عنق الرحم (مش استريت) يعني ملتوي وفي حاجه مسكراااه على قولته
وقال لي ان سوا اللي عليه وشاف انه هالشيئين سبب بمنع حملي لحد الحين وانه متفائل بعد المنظار بالخير انشاء الله
المهــــم
وقال انه خاف لا يحرق انسجة المبيض بسبب صغر سني وانه التصاق الانابيب والتواء عنق الرحم اهما اسباب منع الحمل
عندي ---- طلعت من المستشفى يوم 5-2 دفعت 411 دينار
عطاني مضاد حيوي وتحاميل فولترين مسكنه وحبوب منع الحمل عشان تطيح الاكياس وعشان اريح المبايض هالشهر
واعطلها عن اي نشاط واراجعه يوم الاثنين عشان يشيل الغرز
_______________
نسوي اللي علينا والباجي على الله
اشرايكم بنات
