بدت مرحله انتقالي للغرفه من الغرفه اللي فيها كل مراحل عمري
الى غرفة ثانيه عل وعسى ان اجد الراحه فيها
بللشت مع العمال واللويه والمكاسر والهواش والتنسيق وادور الاثاث وشي يطلع اكبر من الباب وشي اصغر
الموووووووووووووووهيم غرفة نوم كاااااااااااااااااااامله
اكسسسسسسوارات كامله
ملابس كااااااااااااااااااااامله
كل شي كل شي
عزكم الله جواتي
اندر وير
كريمات عطور
ويني عن المنتدى ذيج الايام جان غرقو التاجرات من قرضي
المووووووووووووووووووووووووووهيم
جددت كل شي
وليش مادري
امي تصرخ بصوب حرام عليج هذا اللي تسوينه ما يرضي الله
اكو وحده تاخذ قرض حق خلاجين ومكياج وعطور
ليش يما انتي لاقيه فلوسج بالشارع ما تشقين بوظيفتج
وطبعا انا نوووووووووووكووووووومينت
جهزت غرفتي
وكنت يوميا ركضه ركضه بالفروانيه وفحيحيل والسالميه وحولي والشويخ ما خليت مكان ولا اثاث مادري شنو ابي ولا ادري لوين ابي اوصل
اشتري واقط !!!!
تخيلو !!!!
اشتري واقط ,, قمت ادوس عالهدوم وهي بجياسها وبالليبل تارسه الارض
عدا اول اسبوع علي بالغرفه كان الوضع تقريبا اوكي لاني اصلا ما انام عدل اجازة ووراي علاج طبيعي حق اصابعي جود الدم يتحرك شوي فيهم
فما كنت اصلا انام فيها اتمدد بالصاله لان الغرفه اصلا ريحه الصبغ مسكت فيها وهذا اللي خلاني اقط الهدوم اللي شريتهم وهم ما حاشو جسمي!!!!
شفيني يارب
يا ربي يا ربي ياربي
انا البنت المرتبه اللي تحافظ على اغراضها كانها تلق وما تهمل شي وما تنسى شي البنت اللي تعرف اشون تصرف راتبها ومتى تدش السوق وشنو تبي منه
انا اللي غرفتي القديمه تركت فيها طفله مطيعه ومراهقه عاقله وامراه مكافحه استرخصها بهالسهوله وكل شي عقبها بعيني يصير هوا ..
كان في شي ما يبيني البس واجابل الناس
كان شي يبيني فوضويه ما اقدر اركز بشي معين واضيع بكثره مشاغلي واعتزل الناس وتنسى الناس اناقتي وشياكتي اللي موجوده فيني من رب العالمين بدون رتوش ولا ميك
رقي اسلوبي وابتسامتي اللي ما تفارقني
وتقريبا لما شطططططططبت الغرفه
كان باقي على دوامي يومين ....
حطيت حرتي بنفسي
يما شسوي بشعري اصبغه؟
يما ويهي ما يبيله شي
يما مو جنه شريت هدوم بس الحين صارو اكبر بهالثلاث اسابيع ابدلهم والا ما يسوى العنوة اشوفلي غيرهم
امي انفجرت وقالت حرام عليج احنا نقول نفسيتج ختغير البنت وانتي مو عارفه شتسوين بنفسج
اللي مثلج تفكر بمصيبتها والا انتي ناسيه اصابعج اللي بتقطع والبراغي اللي بتتركب شفيج انتي شفيج مو ملاحظه اصابعج كلها روس كأنها روس شيطان وعروق بارزة كان كل صبع بروحه فيه شبح غير عالثاني
بهالايد قاعده تخبصين مو قادره تركزين على شي
شفايده كل اللي بتسوينه اذا اصابع ما عندج؟
ما تبين تتعالجين
استسلمتي يأستي رضيتي بكلام الدكاتره اللي كل يوم راي انا امج واعرف بلاج مهو مرض
حسيت اني ارجف كأن امي فضحت سر كنت اعرفه بس فاقده الذاكره ولما تكلمت تذكرت
جان اقولها اي مو مرض هذا مس سحر عين نفس ادعوة خبيثه
مدري بس هذا ابتلاء
وانا مابي اسوي شي
ورحت الغرفه وقعدت فيها 3 ايام
ما نمت نص دقيقة!!!!!!
من قالت لي امي هالكلام
وانا فيني نشاط وطاقه مو طبيعيه
بنت تقعد 3 ايام متواصله لا تكلم احد ولا تتحرك ولا شي ولا تاكل
والله اني اشوف التلفون يرن اطالعه وما ارد
بتقولون شعندج
قاعده وساكته
تخيلو
اللهم ان انطق الباب
حدي بي ( منوو)
سؤال بجواب
تبين تاكلين
لا
شقاعده تسوين
ارتب
ارتب شنو
مادري
بسرعه سالت نفسي هالسؤال
انا اشلون ما نمت 3 ايام؟
هذا عادي يصير مع البشر؟
وصار موعد الدوام وقلت خل اروح اباشر
نفس اليوم دقت علي فوووووووووووق المليووووووووووووووون مره تشكل تشكل تشكل تشكل ورا بعض لدرجه ان من كثر اتصالاتها وانا حاقرتها وانا بعدي بالبيت قبل لا اطلع بس حركت طفا التلفون وخلص الشحن.....
الله يقلعها هالبومه فقر فقر فقر
يومها امي هسترت علي حسبت فيني شي ولما رجعت البيت لقيتها تبجي لان اول مره جهازي مسكر وما اطمنها
تتوقعون البومه غراب البين شتبي؟ ليش كل هالاتصاااااااااالات من فير الله؟
بشوفج شراح تلبسين عشان نسوي مفاجأة لابسين نفس الالوان
مينونه انا اعطي مجال للمقارنه بيني وبينج؟
والا مصدقه ان قلوبنا على بعض ولابسين نفس الالوان اشوة لو تنط ما رديت ولا ارد
قلت لها والله؟
من الساعه 6 الصبح للساعه 9:5 وما بطلتي اتصالات عشان تسالين شنو بلبس؟
ما استحيتي اكون نايمه تعبانه عندي ظرف مشغوله اتصالج يدودهني
جان تقول لا والله قليب خايفه اسالج قبل لاتيين تبين تفاجأينا خو انتي كل ما تغطين نيو لك حصري لج
وكنت يومها تعبانه وسهرانه والعيون حمر وشفايفي جافه من قلة الماي والاكل
قلت لها ان شاءالله عجبج هاللوك ..
جان تقول اي زين بعد لو يشوفج مسؤلج احسن
لان قبل شوي شافني وشاف كشختي صدفه يم الاصنصير
فخل يشوفج عشان يعرف ان الماكياج كان لاعب دور
قلت لها بقولج شي
الاسود اسود والجلاب جلاب
