دار سلوى
New member
هذا ان نمت يصحيني هالفلم تقريبا اذا مو كل يوم يومين يرجع ....
لدرجه اني كرهت الدار اللي صممت كل شي فيها ورافقتني ايام الدراسه كلها من طفولتي الى مراهقتي الى النضج والحياه العمليه
وقررت اطلع منها وانتقل لغرفه جديده اجددها من الى ,,,
مابي اي شي من اغراضي اللي بغرفتي القديمه
اي شي اي شي اي شي
حتى الجديد مااااااااااااااااااااااابيه
طبعا بتقولين منو شار عليج وليش قررتي ما تاخذين شي
محد شار علي ..
وليلحين محد يدري باللي يحصل وقت النوم
تقريبا اهلي كانو لاهين بموضوع اصابعي المتفوخه
جاني احساس كرهت اغراضي
اثاثي
ديباجي
تواليتي باللي فيه
شي بداخلي يقول قطي كل شي
اطلعي من الغرفه
وتنازلي عن كل ممتلكاتج
لا تملكين شي
لا الغالي ولا الرخيص
وحتى العزيز عليج والذكرى والهديه
صيري لا تملكين اي شي حلو ومميز ويخصج ....
وكنت اتصرف كأني مسيره والعياذ بالله
انا مو انا
اهلي يعرفوني عدل
احتفظ بكل شي
شهاداتي هدايا المدرسه
نفنوف التخرج
حتى اوراق القبول واوراق الخروج من الحصه او الاستدعاء اللي تطلبه الاخصائيه
صوري القديمه
حتى الورود الطبيعيه اللي من رفيجاتي معلقتها عالكبت وصااااااااارات يابسه وجبت براويز وحطيتهم داخلها عشان اتم اتذكر رفيجات الدراسه اللي تركتهم بعد التخرج لانشغالهم او انشغالي
كل شي كل شي عندي احتفظ فيه واحافظ عليه واعزه ما اقدر اقطه لاني اشتاقله ولانه يذكرني بمناسبه
دبب واشرطه فيديو وملفات وكتب
غرفه تجنن
كل لمساتي العمريه عليها ما غيرت شي
فتخيلو الشكل النهائي لها شخابيط كاتبتها داخل الكبت بيوم العيد وانا عمري 15 سنه ورجعت نفس التاريخ كتبت اشياء ثانيه وانا عمري 18 وعقب وعمري 22 وكله احرص على اني اكتب بنفس التاريخ عشان اشوف الخط اشلون بيفرق والا الامنيه والا التفكير
رحت لامي وقلت لها يما ابي اغير غرفتي
هي تحسفت وقالت من صجج؟
حرام غرفتج تينن ..
تناسق الالوان الترتيب النظافه
يعني مملكتج هذي وين تودين اغرضج
قلت لها مابي شي منها..
طبعا هي على بالها اني بغير الاثاث ,,
او الصبغ او الارضيه ..
قلت لها اي بغير كل اللي قلتيه وزياده عليه الستاير والليتات والباب والديكور
قالت بس بس بس
فلوسج زايده والا بتعرسين وتسكنين عندي؟
والا مصممه تقعدين على قلبي وما تبين تزحزحين عشان اللي اصغر منج يجيهم نصيبهم >>> هذي مني عشان اغير مودكم شوي
بس انصدمت ان ليش بسوي جذي
شكو الليتات شكو الباب شكو الارضيه
يمكن الصبغ بالاثاث بخاطري لون او شكل معين لكن الباجي ليش؟
قلت لها تغيير
بغير نفسيتي شوي
فاقترحت علي دام الموضوع تغيير بس
اترك الغرفه مثل ما هي واسلمها لوحده من خواتي كانت تدعيلي ليل ونهار بالزواج عشان تستقل بغرفه بروحها وتفتك من شراكة اختي الثالثه معاها بنفس الدار
قالت عطيها غرفتج والله انا محتررره عليها
واخذي غرفة اخوج اللي تزوج دام تبين تجددين كل شي
اساسا غرفة اخوج غرفة صبي يعني ما عليها حسافه
وتعرفون الشي اللي يكون ملك صبي مو نفس البنت تاخذونه كانه جديد
كل شي
سياره بنت تفرق عن سياره ولد
ديباج بنت مو نفس ديباج الولد
حتى الكتاب
اخذو كتاب كانت تدرس منه بنت واخذو كتاب كان يدرس منه ولد بتشوفون الفرق
المووووووووووهيم
وافقت
وتركت كل ذكرياتي وشقاوتي وامتيازاتي وصوري وهداياي ودروعي وشهاداتي والعابي والدبب والورود
تركت شخابيطي وسرير احلامي اللي رميت عليه ليالي اعترافاتي وهمومي وانتظاراتي
مكتبي وملاحظاتي وكتبي المفضله واقلامي الريش
علاقة ملابسي وروبي
مراياتي اللي كنت اوقف قبالها اطالع نفسي وان كنت راضيه اغشمرها والعب دور الشريره اللي تهددها بالكسر اذا في احلى مني وان كنت زعلانه احط كرسي واتمكيج واتخيل نفسي مذيعه مقابله دكتوره وهي صورتي الثانيه بالمرايا واقعد اسالها عن الحلول وتجاوبني
مسجلتي وكاسيت راشد الماجد اخر ما تركته داخلها ( الله كريم الله كريم يهون الجرح الاليم لا صار ما طاع الزمن خلك على الدنيا حليم ياما بهالدنيا قلوب تخدع ولا يمكن تتوب ان جيتهم انت الحبيب وان رحت حطو بك عيوب ))
كنت اسمعها وقت شب علي التهاب اصابعي فكنت ابي احايلهم واغنيلهم يمكن يطخون
تركت كل شي بذيج الغرفه اللي حرمتني النوم ...
ليش تركتها مادري اكيد كان في حل ثاني تعمدت ما افتش عليه كان ممكن اقول حق اهلي او اي احد
كان ممكن اشغل فيها قران
كان ممكن اسوي اشياء كثيره
بس قلت لكم
كنت مسيره ,,
القرار مو قراري حد يتصرف بشخصي واسمي
سكن ايدي عشان يتحرك فيها مثل ما يبي
ويكرهني كل شي حلو او تنبهر الناس فيه ..
يبعدني عن اي شي يقهر او يضايق او يربحني واحد صفر ضد اللي مطرشته علي ...
شنو هالشي ومنو اللي مطرشه وشصار عقب ما طلعت من الغرفه وشخبار الدوام وشخبار حيزبونه وشخبار اصابعي
تابعونا بالحلقه القادمه من مسلسل نور
لا امبيه . اتغشمر بضحكم والله
ميخالف كان ماضي وراح لحالو فرفشو عاد تجيبون النكد اضحكو شوي عطوووني بوار ترى ان شفتكم مادين البوز ما راح اكمل بوزع كلينكس وببجي معاكم بروحي على طريف
ابيخ شي النهايات الحزينه مو؟
وانا عارفه انكم بتنطرون التكمله على نار لان تقريبا خلصنا بس باقي احط لكم حلقات مال سنه كامله علاج وانقطاع عن العمل
بس شفتو
لا ان شاءالله الليله بحاول اكمل لكم علاقل انتقالي للغرفه الثانيه والثالثه واول شيخ دين اروح له واخبار الدوام واخبار اصابعي واخبار سحيله
بس الاهم الاهم الاهم الاهم الاهم
انتو
شخــــــــــــــــــــــباركم.؟
لدرجه اني كرهت الدار اللي صممت كل شي فيها ورافقتني ايام الدراسه كلها من طفولتي الى مراهقتي الى النضج والحياه العمليه
وقررت اطلع منها وانتقل لغرفه جديده اجددها من الى ,,,
مابي اي شي من اغراضي اللي بغرفتي القديمه
اي شي اي شي اي شي
حتى الجديد مااااااااااااااااااااااابيه
طبعا بتقولين منو شار عليج وليش قررتي ما تاخذين شي
محد شار علي ..
وليلحين محد يدري باللي يحصل وقت النوم
تقريبا اهلي كانو لاهين بموضوع اصابعي المتفوخه
جاني احساس كرهت اغراضي
اثاثي
ديباجي
تواليتي باللي فيه
شي بداخلي يقول قطي كل شي
اطلعي من الغرفه
وتنازلي عن كل ممتلكاتج
لا تملكين شي
لا الغالي ولا الرخيص
وحتى العزيز عليج والذكرى والهديه
صيري لا تملكين اي شي حلو ومميز ويخصج ....
وكنت اتصرف كأني مسيره والعياذ بالله
انا مو انا
اهلي يعرفوني عدل
احتفظ بكل شي
شهاداتي هدايا المدرسه
نفنوف التخرج
حتى اوراق القبول واوراق الخروج من الحصه او الاستدعاء اللي تطلبه الاخصائيه
صوري القديمه
حتى الورود الطبيعيه اللي من رفيجاتي معلقتها عالكبت وصااااااااارات يابسه وجبت براويز وحطيتهم داخلها عشان اتم اتذكر رفيجات الدراسه اللي تركتهم بعد التخرج لانشغالهم او انشغالي
كل شي كل شي عندي احتفظ فيه واحافظ عليه واعزه ما اقدر اقطه لاني اشتاقله ولانه يذكرني بمناسبه
دبب واشرطه فيديو وملفات وكتب
غرفه تجنن
كل لمساتي العمريه عليها ما غيرت شي
فتخيلو الشكل النهائي لها شخابيط كاتبتها داخل الكبت بيوم العيد وانا عمري 15 سنه ورجعت نفس التاريخ كتبت اشياء ثانيه وانا عمري 18 وعقب وعمري 22 وكله احرص على اني اكتب بنفس التاريخ عشان اشوف الخط اشلون بيفرق والا الامنيه والا التفكير
رحت لامي وقلت لها يما ابي اغير غرفتي
هي تحسفت وقالت من صجج؟
حرام غرفتج تينن ..
تناسق الالوان الترتيب النظافه
يعني مملكتج هذي وين تودين اغرضج
قلت لها مابي شي منها..
طبعا هي على بالها اني بغير الاثاث ,,
او الصبغ او الارضيه ..
قلت لها اي بغير كل اللي قلتيه وزياده عليه الستاير والليتات والباب والديكور
قالت بس بس بس
فلوسج زايده والا بتعرسين وتسكنين عندي؟
والا مصممه تقعدين على قلبي وما تبين تزحزحين عشان اللي اصغر منج يجيهم نصيبهم >>> هذي مني عشان اغير مودكم شوي
بس انصدمت ان ليش بسوي جذي
شكو الليتات شكو الباب شكو الارضيه
يمكن الصبغ بالاثاث بخاطري لون او شكل معين لكن الباجي ليش؟
قلت لها تغيير
بغير نفسيتي شوي
فاقترحت علي دام الموضوع تغيير بس
اترك الغرفه مثل ما هي واسلمها لوحده من خواتي كانت تدعيلي ليل ونهار بالزواج عشان تستقل بغرفه بروحها وتفتك من شراكة اختي الثالثه معاها بنفس الدار
قالت عطيها غرفتج والله انا محتررره عليها
واخذي غرفة اخوج اللي تزوج دام تبين تجددين كل شي
اساسا غرفة اخوج غرفة صبي يعني ما عليها حسافه
وتعرفون الشي اللي يكون ملك صبي مو نفس البنت تاخذونه كانه جديد
كل شي
سياره بنت تفرق عن سياره ولد
ديباج بنت مو نفس ديباج الولد
حتى الكتاب
اخذو كتاب كانت تدرس منه بنت واخذو كتاب كان يدرس منه ولد بتشوفون الفرق
المووووووووووهيم
وافقت
وتركت كل ذكرياتي وشقاوتي وامتيازاتي وصوري وهداياي ودروعي وشهاداتي والعابي والدبب والورود
تركت شخابيطي وسرير احلامي اللي رميت عليه ليالي اعترافاتي وهمومي وانتظاراتي
مكتبي وملاحظاتي وكتبي المفضله واقلامي الريش
علاقة ملابسي وروبي
مراياتي اللي كنت اوقف قبالها اطالع نفسي وان كنت راضيه اغشمرها والعب دور الشريره اللي تهددها بالكسر اذا في احلى مني وان كنت زعلانه احط كرسي واتمكيج واتخيل نفسي مذيعه مقابله دكتوره وهي صورتي الثانيه بالمرايا واقعد اسالها عن الحلول وتجاوبني
مسجلتي وكاسيت راشد الماجد اخر ما تركته داخلها ( الله كريم الله كريم يهون الجرح الاليم لا صار ما طاع الزمن خلك على الدنيا حليم ياما بهالدنيا قلوب تخدع ولا يمكن تتوب ان جيتهم انت الحبيب وان رحت حطو بك عيوب ))
كنت اسمعها وقت شب علي التهاب اصابعي فكنت ابي احايلهم واغنيلهم يمكن يطخون
تركت كل شي بذيج الغرفه اللي حرمتني النوم ...
ليش تركتها مادري اكيد كان في حل ثاني تعمدت ما افتش عليه كان ممكن اقول حق اهلي او اي احد
كان ممكن اشغل فيها قران
كان ممكن اسوي اشياء كثيره
بس قلت لكم
كنت مسيره ,,
القرار مو قراري حد يتصرف بشخصي واسمي
سكن ايدي عشان يتحرك فيها مثل ما يبي
ويكرهني كل شي حلو او تنبهر الناس فيه ..
يبعدني عن اي شي يقهر او يضايق او يربحني واحد صفر ضد اللي مطرشته علي ...
شنو هالشي ومنو اللي مطرشه وشصار عقب ما طلعت من الغرفه وشخبار الدوام وشخبار حيزبونه وشخبار اصابعي
تابعونا بالحلقه القادمه من مسلسل نور
لا امبيه . اتغشمر بضحكم والله
ميخالف كان ماضي وراح لحالو فرفشو عاد تجيبون النكد اضحكو شوي عطوووني بوار ترى ان شفتكم مادين البوز ما راح اكمل بوزع كلينكس وببجي معاكم بروحي على طريف
ابيخ شي النهايات الحزينه مو؟
وانا عارفه انكم بتنطرون التكمله على نار لان تقريبا خلصنا بس باقي احط لكم حلقات مال سنه كامله علاج وانقطاع عن العمل
بس شفتو
لا ان شاءالله الليله بحاول اكمل لكم علاقل انتقالي للغرفه الثانيه والثالثه واول شيخ دين اروح له واخبار الدوام واخبار اصابعي واخبار سحيله
بس الاهم الاهم الاهم الاهم الاهم
انتو
شخــــــــــــــــــــــباركم.؟
