اشرايكم انشن حملة لا للخدم و نشجع بعض

[روحي رياضية]

خووووووووووووش موضووووووووووووووع ويعطيج العافية ... بس ما نقدر إحنا موظفات هذا أولا وثانيا أم زوجي كبيرة بالسبعين وامي كبيرة بتوصل الستين ما يقدرون عاليهال ...

وثالثا الزوج الكويتي أناني !!!! مو مستعد يتنازل عن طلباته وشغله يبي كلشي 5 نجوم ... وإلا راح ينقدعليج ويزهق عيشتج !!!

ما يقوووووووول : هذي موظفة حالها من حالي !

لأ

(((( قاعدة الزوج الكويتي )))) إجباري عليج يعتبرج:

1- الصبح : موظفة ... يبي نصيبه من معاشج !

2- العصر : طباخة وخدامة ... يبي غداه جاهز .. وغترته منشية والدشداشة مكووووية ..

3- المغرب : مربية ... يبيج إدرسين اليهال وتجابلين طلباتهم .. وطلبات المدارس ... وتعشينهم .. وتسبحينهم .. وتنوميهم .. وإن واحد مريض تودينه الطبيب وتصيرين (( سستر )) دوا وكمام ومضاد حيوي وكمادات ... وهو هايت برررررررة يا قهوة يا شيشة !!!


4- العشا : إمرأة مجتمع .. لازم تزورين حمولتج .. وتوجبين إخته الوالدة .. وبنت عمته أللي سوت العملية ... ويدته أللي يايه من الحج ... ويا ويلج إذا ما رحتي !!! يسوونج ما تعرفين السنع ويترسون راس ريلج عليج..

5- بلليل : يبيج تعطينه حقوقه الزوجية ... وإلا هددج يا يتزوج عليج ( إذا خايف ربه ويصلي ويصوم ) وإذا عادي لا صلاة ولا عبادة عااااادي يهددج راح يماشي وحدة من وراج !!!


هااااااااااااااااااه تقدرون تستغنون عن الخدامة ؟؟؟؟؟؟؟؟؟؟؟ مع أنانية الكويتي ؟؟؟؟؟ وعقليته إللي تقوله من انولد أن (( ملك )) والزوجة موجودة علشان تكون جاريته ؟


ردووووووووووووووووووا علي بسمع تعليقاتكم ؟؟؟؟؟؟؟؟؟؟؟؟

والله ضحكني تعليقج .. وانتي صاجه ..

فيه نسبه انانيه كبيره .. واللي مو متزوجه حتى بتلاحظ .. اخوانها بالبيت ..

فعلا ..

بس اضعف الايمان .. خليج مع الخدامه .. وراقبيها عدل .. واذا يصير اشتغلي معاها ..

مو تهدولها الخيط والمخيط .. >> هذول بعض الناس الله يهداهم ..

وعسى الله يجازي كل انسان ونيته ..

سلام عليكم ..​

 

[legally blonde]

بصراحه مينونه اللي تتزوج
الوحده في بيت أهلها عايشة اميرة و لما تتزوج تصير خادمه أو جارية على قولتكم

 

[ياعشيري جعلك السلال]

يافرحه ما تمت وصلت خدامتنا مو بالعتها والي قهرني وبط جبدي تناديني مداااام كرهتها خخخخخخخخ :cxxxp:

 

[[]نهاوند[]]

انا لو متزوجه عادي اقدر اعيش من غير خدامه

لكن الحين في بيتنا صعب بصراحه البيت كبير ويبي شغل وكرف وعزايم وغسيل كوي والرجاجيل الله يهديهم شغلهم اكثر من شغلنا ملابسهم واكلهم وغرفهم انا واختي نغسل ملابسنا وننظف غرفنا يعني معتمدين على نفسنا لكن هم لا

والديوانيه تجيها الصبح حوسه الله لا يوريكم صج الرجاجيل فاطسين مو مثل الحريم حنا كل شي نرتبه وننظفه قبل ننام وهم يعفسون ويمشون​

 

[legally blonde]

صح نفسيا أريح بس احنا مو متعودين
و بعدين اييب الاحباط لأنج مهما تنظفين و تغسلين يرد كلشي يتوسخ مره ثانية و تعيدين نفس الموضوع يعني نعيش بحلقة مفرغه من التنظيف و الغسيل و الترتيب
يارب تنتهي المأساة و توصلني خادمة :yaaaaaarb:

 

[ghalaty]

ووووووووووووواي انا معاج لا للخدم خل ننظم حياتنه واشوي اشوي راح نتعود على قلتهم

 

[^_^ نور ^_^]

انا عندي بنت عمرها سنة ونص ولا زم خدامة تركض وراها نو وييييييييي انا مرات لاطرشتها الفرع تقعد تصيح تبي احد يشيلها من سريرها تبي تعفس فوق تحت ويعني باجر ماراح اييب غيرها بييب بعد عيال راح اييب همن فترة الحبي والمشي لازم 24 ساعه وراها وقثا صياح إذا حطيتها بالحباسة
شسوي قولو؟؟

 

[دنياالوله]

الله يعين انا حاليا ماعندي خدامه
ومستانسه بشغل البيت بس تعب
وموعارفه اقسم وقتي

 

[le3bah]

طبيعة الحياة في الكويت تحتم عليج وجود الخدم في البيت هذي ماعليها نقاش، طبعا هذا بالنسبة للموظفة أم العيال،انتي ليش عايشة برا الكويت حاليا متأثرة باللي تشوفينه بس من تردين للكويت انشالله بالسلامة راح تحتاجين خدامة ،كلامي هذا مو حبا بالخدم بالعكس انا بالذات شفت بلاوي من الخدم بس الحمدلله عدت على خير ،لكن عندي نصييييييييحة لكم خواتي ابتعدوا عن الاندونيسييات والفلبينيات واللي ماعندها عيال لاتفكر تجيب خدامة حتى تفكير واذا كلش ماقدرت تلحق طالبة ولا موظفة تجيب وحدة نص دوام والله يستر علينا وعلى عيالنا من بلاويهم
واسفة ع الاطالة

 

[rehana]

هلاوغلا ...بالسنعات


كثير مانسمع الحريم...

تقول ماعندي وقت

..انظف وارتب واطبخ واغسل:



ماا أقدر اعتني بزوجي وأولادي عناية كاملة ...



بصراحه...أحس كسل ...مالي نفس اسوي شي..

..أبغى خدامة !!...حتى لو بالساعة ...؟؟!!

انسي كل الكلام هذا ...

وتعالي طبقي ...الحل الأكيد بإذن الله..

سوية كل يوم قبل النوم...وراح تشوفي النشاط والحيوية

راح تكوني نفسك تنفضين البيت نفض




♥الحل بإذن الله♥



التكبير والتسبيح عند المنام :

عن علي رضي الله عنه ،
أن رسول الله ـ صلى الله عليه وسلم ـ قال حين طلبت منه فاطمة ـ رضي الله عنها ـ خادمًا:
(( ألا أدلكما على ما هو خير لكما من خادم ؟ إذا أويتما إلى فراشكما ،
أو أخذتما مضاجعكما ، فكبرا أربعًا وثلاثين ،
وسبحا ثلاثًا وثلاثين ، و احمد ا ثلاثًا وثلاثين. فهذا خير لكما من خادم ))


♥ دعواتكمـ لي بالتوفيق بظهر الغيب بالتوفيق♥[/b][/b][/b][/b][/b]

 

[روحي رياضية]

عساكم ع القوة ..

والله يقدرنا نعيش بلا خدم

 

[.. Om Mr.7sN ..]

انا الحمدالله ما عندي خدامه واصلا ما اعرف اتعامل معاهم كلش ومستحيل ءامنهم على بيتي وعيالي بس لعدة اسباب :eh_s(1):

اول شي انا مو موظفة ربة منزل ولله الحمد يعني ما عندي التزامات غير بيتي واهلي واهل ريلي طبعا :ggdw:

ثاني شي والسبب الاهم الزوج اذا كان اناني مستحيل تقدرين تعيشين بدون الخدم ومن مواصفات الريال الكويتي الانانيه بس انا مطنشه هالسبب وعادي صج ان زوجي ما يساعد كلش (مثل غيره) بس اي وقت يتذمر اقوله مو انت ما تبي خدامه لازم تتحمل انا مو ماكينه :O_SHH_: والحين صار يقدر وما يتحلطم بس مازال مايساعد :wqedqw:
الله يعينكم يا موظفات :denya:

 

[روحي رياضية]

حبيبتي .. مشكوره ع الكلام الطيب المشجع ..

 

[جنون 1]

يسعد مساكم حبيباتي ..:33_1185028183:
بصراحة البيت بدون شغالة واووووووووو مريح جدا
انا اتكلم عن تجربتي الشخصية :كنت موظفة وطبيعة عملي متعبه شوي مما استدعى اني اجيب شغالة وكانت جنسيتها اندنوسية علشان تدير بالها ع البيت وعلى العيال ..وماكنت مرتاحة رغم انها ماكانت مقصرة بشيء ..والحين بعد ماتركت عملي لظروف خاصة سفرتها ماعاد لها داعي .. صحيح شغل البيت متعب ومرهق:dfgl: لكن الحمد للله تخلصت عليه بترتيب الوقت وتنظيمة .. وربي اني احس براحة بال ماتتصورونها ..حسيت اني حرمة والله وانا اسوي شغل بيتي واطبخ لزوجي وعيالي ومتعة كنت محرومة منها يوم كانت الشغالة عندي ..والله والله والله اني ارتحت نفسيا من سفرت الشغالة ..:RoadRunner:
وانا برايي اللي مو موظفة نصيحة مني لا تخلي الشغالة تاخذ مكانك بالبيت .. ياليت يمنعون استقدام الشغالات الا في الحالات الضرورية ..وربي مامن وراهن الا المصايب وخراب البيوت الله يكفينا شرهن :bye22:

 

[اطباق ماي ورد]

اهلين بنات

والله ان كلامج عدل حبيبتى وجان زين نقدر نستغنى عنهم .... تصدقين انا كان عندى ثنتين ويوم سافرت وحده منهم ما تصدقين فرحتى واااااااى احس ان بيتى صار ملكى مره ثانيه مع انى على راسهم ومو معطيتهم فرصه حق اى سوالف بس احساسى انهم قلوا وصاروا بس وحده كان عجيب طايره من الفرحه خصوصا انى ماكنت احبها اللى راحت
وقاعده اقول هذى وحده راحت جذيه فرحت اشلون لو تروح الثانيه بعد ويفضالى البيت
بس بينى وبينكم .... ادرى ماراح اقدر اتحمل مع انى قاعده بالبيت ما اشتغل بس ما شاءالله بيتى عود نسبيا مو شقه واعيالى ما شاءالله عليهم اصبيان يعنى لالالالالالالالالالالالالالالالامبالاة ولا ترتيب ولالالالالالالالالالالالالالالا اى مساعده

فبروحى ما اعتقد راح اقدر حتى لو وزعت الشغل على ايام الاسبوع انزين طلباتهم اسمالله عليهم ما تخلص
على هالحال متى بلاقى وقت اقعد فيه مع نفسى والا مع ريلى بهدوء والا متى بعرف افتح النت واشبك معاكم ههههههه

بس عموما الفكره واااااااااااايد حلوه وبالعكس انا مفكره فيها بس يمكن لما يدش ولدى الصغير المدرسه ويعرف يعتمد على روحه اشوى على الاقل بروحة الحمام
ولما يتزوج ولدى العود مع انه اسم الله عليه ما عنده طلبات مسكين
اما الولد الثالث فانشاءالله يكون عاد شوى كبر ويعرف يعتمد على نفسه بطلباته بس على الاقل
ولما اشوف ريلى يمد ايده معاى شويه بالبت ويساعدنى
وووووووووووو........................خخخخخخخ

لالا جد والله انا معاى ... شوفى خدامتى باقى لها 6 شهور خل اشوف منى لى هالوقت يمكن احاول ما اطلب الا بعد ما تروح عشان اتم اجرب نفسى هالشهرين على ما توصل الجديده اذا اقدر والا لأ .

الله يعينا يارب ونقدر نستغنى عنهم ... اهو بس لو يخترعون لنا شغالات ريبوت شان وايد زين صح !!

 

[arnooba_fahad]

والله من زمان أتمنى هالشي وانا بعد وياكم وعلى فكرة انا نزلت بيتي 3 أدوار وسرداب من دون خدامة وعندي اعيال بعد

 

[زهـــر]

و الله ودي
ووايد افكر بالهشي
بس شلووون
ماكو وقت
هذا و انا ما عندي عيال
من فير الله بقوم ازهب الريوق قبل الدوام
و بعد الدوام ارجه هلكاااانه
ويلي اجابل البيت
ويلي اجابل روحي
ويلي اشوف ريلي وطلباته
علىالاقل اهي تشيل هم البيت عني

 

[مســـــافره]

الحياه تغيرت المره قامت تشتغل والخدم شر لااابد منه للأسف

 

[محبة الاستغفار]

الله يعينا واياكم

 

[بمبة المفترسة]

اللي تقول الريال الكويتي مايساعد !!!!!11
انزين مو علمه على جذيه ؟؟؟؟ المرة
هي تحط من معاشعا معاه هي اتييب اغراض الجمعية وفي بعضهم قاموا يروحون الشبرة والكراج
يعني انتو علمتوووهم
وحتى المرة اتييب هدومه من المصبغة وهم مايسوون شي وهذا الغلط عودوا عيالكم على الاعتماد على نفسهم
والحين اكوو غسالات اوتوماتيم وجلايات ايضاا تساعد
وممكن الزوج او العيال هم اللي يغسلون المواعين او بالغسالة بعد مايبيلهااا شي