شفط الدهون بتقنيه الvaser

[الفرحه السجينه]

والله اخاف اسوي جذي العمر غااااالي يمااااا لما قعدت اقرا شلون دخلتي المستشفى بروحج بعددددددددد اهنيج على شجاعتج

تصدقين لما كنت اقرا الشفط بدون عملية وانه بليزر كان عبالي شي هين مو عملية وبنج انتي اللي سويتيه والله جنه عملية شفط تقليديه نقل دم وضربات قلب وانتفاخ وتورم ..... تهقين الدكتور خايرها والا اهي صج جذي

الحين اللي فات مات وبلاش نتكلم بالماضي لوووول اهتمي بصحتج ترى اللي سويتيه انجااااز ومغامره لازم تكافئين نفسج بالارداه القويه وان شاءالله تصيرين سمبتيك

وحمدلله عالسلامه

 

[salsa]

والله اخاف اسوي جذي العمر غااااالي يمااااا لما قعدت اقرا شلون دخلتي المستشفى بروحج بعددددددددد اهنيج على شجاعتج

تصدقين لما كنت اقرا الشفط بدون عملية وانه بليزر كان عبالي شي هين مو عملية وبنج انتي اللي سويتيه والله جنه عملية شفط تقليديه نقل دم وضربات قلب وانتفاخ وتورم ..... تهقين الدكتور خايرها والا اهي صج جذي

الحين اللي فات مات وبلاش نتكلم بالماضي لوووول اهتمي بصحتج ترى اللي سويتيه انجااااز ومغامره لازم تكافئين نفسج بالارداه القويه وان شاءالله تصيرين سمبتيك

وحمدلله عالسلامه

العمر تدرين متى تحسين بغلاته لمن تتمرمطين بالمستشفى وما بايدج حيله الحمدلله على كل حال,انا بعد لو ادري ان الموضوضع جايد هاهاها جان مو بس ما سويتها جان ما فكرت فيها بس القسمه..الدكتور لعبها صح وانتي الصاجه,,مشكوره حبيبتي على دمج العسل وابي منكم شويت بوشات عشان اصير سمبتيك,,تابعيني

 

[salsa]

الحنونه حبيبتي انا مخليتج للاآخر ولهت عليج والله انتي اللي تعطيني بوش اشكرج بعد عمري ..ان شاء الله بكمل شصار معاي امس واليوم كوني معاي

 

[salsa]

امس مشيت لمده ربع ساعه مثل ما قالي الدكتور طبعا على جهاز المشي اللي عندي بالبيت اسهلي لان لي الحين الحركه مو طبيعيه 100% طبعا المفروض اليوم ازيد الربع ساعه 5 دقايق بس اليوم للاسف ما مشيت ما مداني ,وطبعا امس فصخت الكورسيه لان قلت بسبح وشفت المنظره للمره الثانيه طبعا غير المره الاولى حاولت ادور اغلاط وطبعا لقيت بس قلت ان هذي مو النتيجه النهائيه لان لي الحين الجسم متفخ وانا صج ودي اشوف شلون بيصير شكلي خصوصا بنات ان لي الحين يبيلي ضعف لا تنسون المهم لبست الكورسيه وضيجته صكيته على الطباقي الثاني يعني ضيجته شوي وبس ما صار شي يديدامس

 

[salsa]

اليوم كان موعدي مع دايت كير الصبح رحتلهم عشان ابتدي وياهم من لسبوع الياي طبعا قلتلهم اني مسويه شفط فالاخصائيه طبعا خذت هالشي بعين لعتبار والمفاجأه لمن قاست طولي بنات طلعت طااااااااااااااااااااااااااااااااااااااااااااااااااااااااااايله لووووووووووووووووول صار طولي 162 سم جان اقولها انا طولي 160 جان تقول اي عادي الشحم كان ساحبج لي تحت فكان جسمج شوي متقوس فالطول فرق الحين لمن شلتي الشحم لوووووووووووووووووووول صعقت انا من هالمعلومه وستانست,المهم ضبطت وجباتي مع الاخصائيه حق لسبوع الياي واعدتني ان الوزن ينقص 4 كيلو بالشهر اقل شي ان شاء الله طبعا انا المفروض ينزل وزني حاليا الفتره اليايه لان الجسم متفخ من الماي اللي فيه,طبعا اهي قاست وزني ولي الحين ناقصه 4 كيلو بس من اول ما سويت العمليه,العصر كان عندي موعد بعياده الدكتور عشان ابتدي جلسات الليزر اللي كتبتلكم عنها من قبل ولمن رحت قالتلي اللي تسوي الليزر ان هالجلسات راح تخلي جسمي الين لان يشيل الماي لمخزن من عقب العمليه ويشيل التتفخ والورم هذا اللي شرحته وقت التطبيق طبعا تدهن على الجسم وتمشي الجهاز على الجسم رايحه راده طبعا الجهاز يشفط الجسم شويه ويطلع حراره بسيطه ويعور لان الجسم متفخ وتقول ان المسام مسكره والجهاز يفتحها فمن جذي تعور وخلتني المس الجسم عقب صار الين وراح التتفخ شوي وصرت اتحرك بسهوله اكثر من اول وقالتلي ان راح يتدي ينزل الوزن لمن تستمرين بالجلسات لانها تنزل التتفخ ويتضبط شكل الجسم,طبعا سكرتيره الدكتور شافتني ولاحظت الفرق عقب العمليه تقول تغيرتي وقالت نطري سبوعين راح ينزل وايد وزنج ..عطتني دفعه تفاؤل

 

[salsa]

ودي اقولكم عن شكلي لان لاحظت ان في تساؤل من هالناحيه, مادري شقولكم الوزن كان 111 قبل دخول العمليه ,حاليا 108 شكلا ضعفت من صوب البطن والخصر وايد بس بللبس ما يبين وايد طبعا انا سدري كبير وعندي لي الحين زنود فهالشي يأثر بالشكل كهدوم بنطلوناتي صوب الخصر وايد فرقت واليوم لمن طلعت لبست حزام بكل ثقه لان الخصر صار صغير ..وسلامتكم ملاحظه"الدكتور شال 10 كيلو بس اهم يبوني لي الحين ما طلعوا من وزني"لووول

 

[خطيبه زوجي]

الحمد لله على السلامه

 

[AFRoDiT]

حياتي الحمدلله عدت على خير ..

وانشالله تنعمين بـ أحلى رشاقه

صدمتيني لما قلتي ان طولج زاد لووووووووووول

اخاف اضعف و اطول ماني ناقصه طول الصراحه

 

[** باربي **]

الحمد الله على سلامتج حبو

 

[salsa]

الحمد لله على السلامه

الله يسلمج

 

[salsa]

حياتي الحمدلله عدت على خير ..

وانشالله تنعمين بـ أحلى رشاقه

صدمتيني لما قلتي ان طولج زاد لووووووووووول

اخاف اضعف و اطول ماني ناقصه طول الصراحه

افروديت شلونج يا قلبي الله يسمع منج ان شاء الله واصير صج رشيقه,وبالنسبه لموضوع الطول انا اصلا صعقت لووول بس مستانسه لان الطول يعطي مظهر رشيق احسن من القصر يا معوده..

 

[salsa]

الحمد الله على سلامتج حبو

الله يسلمج من الشر

 

[ftafet85]

هلا سلسلا شلونج حياتي اليوم الحين بس خلاص ماراح نسالج عن العوار لان انشالله خف بس بنبلش انحن عليج بكل مشاركه جم ضعفتي جم مقاس نقصتي جم يوم صارلج لووووووووووووووول يعني مشاركاتنا عباره عن جم وجم عاد انتي طولي بالج000000المهم اليوم رحت حق الدكتور ماجد تقي يازينه صج جنتل هل ريال وكلاس المهم قلت له بشفط بس على فكره انا رايحة له من قبل سنه تقريبا وكنت اضعف من جدي بوايد حول 8--9 كيلو اضعف كان جسمي حلو بس يبيله تقسيم شويه من تحت صوب رداف بس الدكتور قالي حرام لا تسوينهم يبيلج بس ميزو بس انا ما سويت الميزو مو سامح صادق الي سيده يقولي عمليه بس حرام سامح لما رحت له كنت سامنه عشان ما اظلمه المهم قالي الدكتور ماجد ليش جدي سمنتي حرام تخيلاي حتين الدكتور متدكر ولا يمكن عشان قرى الريبورت مالي مادري بس قالي سوي رجيم خفيف لاني توني سامنه فيقول سهل ينزل الوزن وقالي عقب ادا يبيلج بسويلج شفط بشيل 1-2 كيلو وبس فشرايج بس انا ماكو ارادددددددددددددددددددددددددددده اختصر الطريج وشفط يالله عطوني الحل

 

[akadenia]

الحمدلله على السلامة

ونورتي بيتكم وفريجكم بعد

الحين انتي خلصتي شهر ؟؟؟؟

مادري سبحان الله

ببالي شي بقوله

يعني لو ماشية على الدايت كير اول بعيد شديتي يكون احسن او مصغرة المعدة او حزام

بس مو مشكلة الخيرة فيما اختاره الله

الله يوفقج ويشرح صدرج و ينولج مرادج

 

[salsa]

هلا سلسلا شلونج حياتي اليوم الحين بس خلاص ماراح نسالج عن العوار لان انشالله خف بس بنبلش انحن عليج بكل مشاركه جم ضعفتي جم مقاس نقصتي جم يوم صارلج لووووووووووووووول يعني مشاركاتنا عباره عن جم وجم عاد انتي طولي بالج000000المهم اليوم رحت حق الدكتور ماجد تقي يازينه صج جنتل هل ريال وكلاس المهم قلت له بشفط بس على فكره انا رايحة له من قبل سنه تقريبا وكنت اضعف من جدي بوايد حول 8--9 كيلو اضعف كان جسمي حلو بس يبيله تقسيم شويه من تحت صوب رداف بس الدكتور قالي حرام لا تسوينهم يبيلج بس ميزو بس انا ما سويت الميزو مو سامح صادق الي سيده يقولي عمليه بس حرام سامح لما رحت له كنت سامنه عشان ما اظلمه المهم قالي الدكتور ماجد ليش جدي سمنتي حرام تخيلاي حتين الدكتور متدكر ولا يمكن عشان قرى الريبورت مالي مادري بس قالي سوي رجيم خفيف لاني توني سامنه فيقول سهل ينزل الوزن وقالي عقب ادا يبيلج بسويلج شفط بشيل 1-2 كيلو وبس فشرايج بس انا ماكو ارادددددددددددددددددددددددددددده اختصر الطريج وشفط يالله عطوني الحل

فتافيت حبيبتي اي صح حاليا الالم اخف تدرين شنو احس شفتي سمالله علي وعليج لمن الواحد يكون محترق ويبتدي مكان الجرح يبري ويطلع جلد يديد ويابس احس جذي اللهم خفف ما انزلت احس بيبوس بالجلد بس وابشرج قمت انام على جنب بس ما اتقلب شويشوي الوضع قاعد يتحسن وان شاء الله مع جلسات الليزر يخف اكثر واليوم طبعا قست وزني نقصت كيلو تقريبا ,فتافيت اليوم لبست تريننق ضيج ورحت بيت خالتي وايد فرقت عليهم يقولون ما شاء الله صار عندج خصر وبصراحه منطقه ظهري صارت شي ثاني عمر ظهري ما كان جذي مقوس لي داخل شوي وماكو زغاديد الحمدلله احس صار شكل ظهري اصغر اول كان ظهري ظهر مره كبيره ام عيال لوووول اللهم لك الحمد,فتافيت ال 8 كيلو مقدور عليهم انا تدرين فيني الحين عقب العذاب اللي مريت فيه مانصح احد بالعمليات بس اذا انتي ملزمه صراحه اول شي حطي في بالج اذا بتشيلين وزن من مكان لمن تسوين رجيم ممكن يضعف لا تسوينها اما اذا بتسوين بمنطقه فيها عيب بالجسم ما يروح وما يتغير حتى بالرجيم فستخيري وعقب لستخاره توكلي على الله لان والله فتافيت انا الحين يبيلي انزل تقريبا 20 كيلو وهم راح اكون بعيده عن الوزن المثالي بس انا اهم شي عندي يصير شكلي طبيعي ومقبول واول شي الصحه لانها نعمه وتاج على راس الاصحاء فاللي الله عطها هالنعمه اقولها ترى الكمال مو من سمات البشر فلا تبحثين عنه لانج راح تتعبين ..وسلامتج

 

[salsa]

الحمدلله على السلامة

ونورتي بيتكم وفريجكم بعد

الحين انتي خلصتي شهر ؟؟؟؟

مادري سبحان الله

ببالي شي بقوله

يعني لو ماشية على الدايت كير اول بعيد شديتي يكون احسن او مصغرة المعدة او حزام

بس مو مشكلة الخيرة فيما اختاره الله

الله يوفقج ويشرح صدرج و ينولج مرادج

الله يسلمج حبيبتي ما تقصرين لا انا توني صارلي بالضبط 11 يوم من سويت الشفط وكنت قبل الشفط آكل اكل الله لا يوريج اروح كل جم يوم اشتريلي كيكه "كيكه عيد ميلاد واحطها بالثلاجه وكل يوم اكل منها لمن تخلص خلال اسبوع او اقل غير المكدونالدز اللي رايح راد كنت اكل بشكل مو طبيعي الله لا يوري احد ولا يعيد ذيج الايام ,وانا سويت عمليه شفط بس الشد صراحه ما افكر فيه ان شاء الله ما احتاجه , اما بالنسبه لعمليه تصغير المعده والتحزيم وغيرهم فانا هالعمليات مو مقتنعه فيها لان المعامناه فيها تبتدي بعد اجراء العمليه وتحقق ضعف للانسان صح بس مو هذا اللي انا كنت احتاجه بس انا كنت ابي اضبط صوب الظهر والفخوذ والكرشه لان هالاماكن كانت صعبه تتأثر بالرجيم ممكن تضعف اي بس ماني عارفه اشرحلج شقصد يعني كان فخذي يضعف بس عندي جزئ متفوخ بفخذ واحد لو شسوي ما يروح وظهري الزغاديد لو شسوي ما تروح اضعف وتصغر الزغاديد بس ما تروح وبطني كان نازل قالي الدكتور هذا مو بطن وحده بعمرج فهمتي شقصد اقصد الموضوع مو بس موضوع ضعف طبعا قدر الله وما شاء فعل واللهم لا اعتراض ,ودي بعد اوضح امر الشحم طبعا هذا شي مكتسب مو من تكوينه جسم الانسان يعني الانسان ممكن يقضي عليه بطرق عده ومن هالطرق الشفط طبعا مابي افتي اذا اهي حرام او حلال,بس موضوع ان الشخص يفتح جسمه ويغير شي في احشاءه ووضائف جسمه الداخليه هذا شي جايد حرمه هالشي الله اعلم فيها بس انا احسه شي جايد ما يقدم عليه الا اللي ممكن السمنه تسببله وفاه او الدخول قي مراحل صعبه انا هذي وجهه نظري الشخصيه والله اعلم,اكادينيا حبيبتي مشكوره والله يسمع منج

 

[omjasim]

الله يسلمج يا ام جاسم اشكر تعاطفج وكلامج الحلو ,الله يعينا على السيرفر خرب التجربه ,مدام يا ام جاسم الله انعم عليج بنعمه الجسم الحلو لا تطمعين ترى من طمع طبع ومدام بو العيال مو مضايقج لا تدورين الطلايب اذا على الكرش فاغلب النس عندها كرش وانا ان الله رزقني وتزوجت ويبتلي ياهل ان شاء الله بيخترب هالتعب وبيطلع كرش بس يستاهلون اللي يطلعون الكرش اتوقع ولا شتقولين :dddds:

صاجه حبوبه انا كله اتخيل شكلى بيصير فينى مثلك وازود بعد
بس ابشرج انا سويت( ريجيم فطوره )ونزلت 2كيلو والحمد لله
العمرغالى والعيال اغلى :gathering::dddds::dddds:

 

[salsa]

صاجه حبوبه انا كله اتخيل شكلى بيصير فينى مثلك وازود بعد
بس ابشرج انا سويت( ريجيم فطوره )ونزلت 2كيلو والحمد لله
العمرغالى والعيال اغلى :gathering::dddds::dddds:

مبروك عليج النزول يلا استمري وعطينا التطورات

 

[alotroja]

الحمد لله ع السلامه عيوني والله معاكي
وتكملين المشوار

 

[Dancing^Queen]

هممممممممممممممممممممممممممم


سمحيلي اختي سالسلا



ترا خلال 11 يوم وايد مبجر ان يصير كل هذا!!!!!!!!
الجسم المفروض ان لي الحين وارم!
ولاتنسين ان مكان الشفط يحل ماي والماي اثقل!
والجسم يحتاج وقت علشان يصرفه
حتا بالليزر والجلسات
وقبل لا انسي سؤال ، شنو جلسات الليزر اللي قاعده تسوينها؟ ترا اكتف؟ والا ال بي جي (ديرمولوجي؟) والا ليزرسليم؟


شلتي الغرز والا بعد؟