تعالى اعلمج شلون استفدت من قانون الجذب

[احلام النهار]

احب بابا جابر

الكتاب فيه نسخه عربيه

نعومه بنت مطيريه مبروك ما جاك والله يخليها لكم

 

[حبيبه امها]

السلام عليكم
شلونكم بنات ؟
اول شي اختي صاحبة الموضوع مبروك عليج الصغيرة وحمد الله على سلامتج .. وربي يخليلج ويباركلج فيهم

بخصوص قانون الجذب انا شفت السي دي مال كتاب السر .. وان شاء الله راح اقرا الكتاب
اهو مثل ما قلتوا خواتي .. السر هذا موجود اساسا بدينا .. وابسط مثال الحديث القدسي : انا عند حسن ظن عبدي بي ..
اهو طبعا تدرين له خطوات .. بس احنا علينا انه نطلب وندعي ونكون على ثقة بكرم ربنا ورحمتة

بقولكم مثالين صارولي لما طبقت كتاب السر
المثال الاول انا سويتة من زماااااان ومن غير قصد وطبعا وقتها ما كنا ندري عن هالكتاب ولا قانون الجذب

كنت الله يسلمكم ايام الجامعه كنت اتخيل نفسي بوظيفتي الحالية _ والحمدالله وظيفتي حيل حلوة وقليل الي يوصلولها
واتخيل شغلي وشراح اسوي والمكان _ وطبعا ما وصلتلها سيدا مريت بكذا مكان قبل لكن بنهاية وبعد الصبر والتوفيج من ربي
وصلت على الوظيفة الي انا ابيها

المثال الثاني
كان عندي رفيجة حييييييييييل غالية على قلبي بس للاسف صار بينا سوء تفاهم وخلاف وافترقنا على زعل
وعلى قولتهم ابليس دش بينا وتعاندنا ولا وحدة سالت ولا اعتذرت لثانية واستمرت القطاعه سنة ونص
ادري مدة طويلة صح ...
المهم كانت تمر طبعا في بالي .. واقول بقلبي ما ودي نفترق واحنا مختلفين لو على الاقل نتصالح وتصفى القلوب
المهم قررت اطبق عليها كتاب السر
وفعلا يا بنات كنت افكر انه ابي حيييل ادق علي وانه نسال عن بعض ونرد من غير عتاب
استمر ت هالفكرة في بالي جم اسبوع ..
وبعدها اتفجا انها دزتلي مسج تسال ... والله يا بنات ما صدقت الي كاتبتة
طبعا بعد السلام والسؤال والعتاب ...
قالت انتي طبعا في بالي بس الاسبابيع الي طافت ما ادري شفيني بزود عليج .. وصج ودي اكلمج @@
صج استغربت واستانست طبعا والحمد الله انه تصافينا

الحين انا قاعدة اطبق خطواتة باشياء ثانية اكبر وان شاء الله تصير .. وطبعا الاكثر اني واثقة بربي ورحمتة

اعذروني طولت عليكم ..
بس صج اختي نعومة شنو خطوات صلاح الراشد الي 14 مرة ؟ سامعه فيها بس ناسيتها ممكن اتقولينها ومشكورة[/center]​

 

[روزالكويت]

ممكن تقولين خطوات صلاح الراشد لاني اعشق برمجة اللذات نااااااااااااطره..

 

[ناتشوو]

يعطيكم العافية
علشان جذي مرات كثيرة يدق علينا احد واحنا ناوين ندق عليه
ومرات نكلم رفيجاتنا ويقولون كنا ناوين ندق عليكم
طبعا انا اقول يالجذابة كل مرة تقولين انج بتدقين
طلع هالشي صج
وانا امس بعد صار لي موقف محد يصدقه بس نفس المعنى: الجذب
لدرجةاني بجيت ماكنت مصدقة
بس مالي خلق اكتبه

 

[Shiny Star]

مشكورة يالغالية والله يخليك حق عيالك وزرجك

كلامك صح 100% واحنا الحمدلله دينا فيه كل الراحة والطمأنينه بس نبي نطبق اللي فيه عدل عشان نحس بالراحة

وشفتوا بنات حلقة د.منى الغريب عن كرستالات الماي لما نقرأ عليها القرآن شنو يصير فيها ؟؟؟؟؟!!!!!!!!

فما بالك بالإنسان اللي 60% من جسمه ماي تخيلي شنو يصير فينا ، أكيد راح نحس بالراحة والطمأنينة

يا ربي عسى دوم مرتاحين ومتهنين

 

[مولي65]

مشكورة بعد عمري على النصيحة وعسى الله يهدي سرك وسرك عيالك وزوجك انشاله ويجعلكم أسعد خلقه ..... حبيبتي بغيت أسالك التغيير حصل من قريتي كتاب الراشد وإلا كتاب السر لأني بآخذ بنصيحتك وبروح اشتري الكتاب فتنصحيني بأيهو أفيد وأوضح وأسهل للتطبيق ؟؟؟؟؟؟؟ وشنو اسم كتاب صلاح الراشد ماعليك أمر.........

 

[نعومه بنت مطيريه]

اولا الحمدلله على السلامة

وربيتي ما جبتي يارب
وانا اقول وينها بنت مطيريه
يا مطول الغيبات <<

وانا تقريبا طبقت هالطريقه على الثانيه عقب ما تاذيت من الاولى حيييييل

والحمدلله احسن حييل من اختها الي ما كانت تنام عدل بالليل وتبجبج

كنت اقرا عليها وابدل ملابسها بعد ما ادلكها بزيت جونسون للاطفال

واردد واقوول انها ما راح تصير مثل اختها ( كنت حيل متعقده وخايفة تصير مثلها )

وانها راح تنام وما راح تفز واسبح واكبر

واقول الحمدلله الي رزقني بطفل صحيح معافي

والحمدلله احسن وان شاءالله ربي يهدي اختها الكبيرة

حبيبتى اشكرج عالمرور الطيب اولا
ثانيا اشكرج على ذكلرج لتجربتج لى وللبنات وفعلا ذكر اسم لله عجييييب بعدين انتى كنتى تتفائلين لها بالخير بس احب ابين لج شغله اذا بتتفائلين لها بالخير اذكريه بالفعل المضارع يعنى قولى بنتى شاطره بنتى مؤدبه بنتى ماتزعجنى الحين الخ حسب اسلوبج معاها دايما قولى انا بخير كل شى تبينه خليه بالمضارع
والله يصلحها اهى واختها يااااااااااارب

 

[نعومه بنت مطيريه]

مشكورة بعد عمري على النصيحة وعسى الله يهدي سرك وسرك عيالك وزوجك انشاله ويجعلكم أسعد خلقه ..... حبيبتي بغيت أسالك التغيير حصل من قريتي كتاب الراشد وإلا كتاب السر لأني بآخذ بنصيحتك وبروح اشتري الكتاب فتنصحيني بأيهو أفيد وأوضح وأسهل للتطبيق ؟؟؟؟؟؟؟ وشنو اسم كتاب صلاح الراشد ماعليك أمر.........

حبيبتى انتى لاشكر على واجب وانا احبكم مثل خواتى عشان شذى اى شى استفيد منه على طول احب انقله لكم
بالنسبه لسؤالج الكريم انا جربت الطريقه من برامج الدكتور صلاح الراشد وكنت ادون كلامه عندى بدفتر صغير وطريقه 14فى 2 كلامه لايخرج عن الدين الاسلامى فهو ايمانى ايجابى مريح جدا اما كتاب ذاسيكرت فهو جميل جدا فيه من الطرق الجديده يعنى اذا انتى تبين تبرمجين نفسج وعقلج وجوارحج وكل شى اهومن الريموت يحولج عالشى اللى انتى تبينه وكتاب صلاح الراشد تكونين مهيه لاستقبال المعلومه وتطبيقها طبعا هذا من وجهه نظرى انا وحسب تحليلى للكتب وتحليلى لشخصيتى وشلون اسيرها للى تبيه حاليا وانتى براحتج الاثنين رووعه
بالنسبه لاسم كتاب الدكتور اكتبه لج بعدين لانى موفى بيتى الحين واكيد لى عوده لج يالغلا

 

[ثقتي بالله كبيره]

مشكوره حبيبتي لأنج شاركتينا تجربتج المفيده

وأشكر كل البنات اللي يكتبون تجاربهم ويفيدون خواتهم

في كتاب انكتب قبل أكثر من 20 سنه ,, وهالكتاب يتكلم عن كيفية تحقيق الانسان لاهدافه عن طريق جذبه لما يريد

والكتاب صج روعه واسمه

You can heal your Life

وبالفصل الأخير الكاتبه تقول قصة حياتها وشلون كل شي تغير وشلون افكارها السلبيه يابت لها التعاسه وشلون تفكيرها الايجابي حقق لها كل اللي تتمناه و زود

وعلى فكره الكاتبه ذكرت في الكتاب طريقة المرايه ,, يعني تطالعين نفسج بالمرايه وتقولين ((آنا أحبج ,, انتي تستاهلين الأفضل ,, انتي حلوه ,, ىنتي سعيده ,, كل شي بخير)) ,, وأشياء من هالقبيل ,, وتقول دايما ركزو على اللحظة الحالية مو المستقبل .. يعني انا سعيده مو انا سأكون سعيده ,, وانا أملك بيت رائع مو آنا سأملك بيتا رائعا ,,



طبعا مثل ما ذكرتو كل هذا مذكور بديننا الاسلامي بالقرآن والاحاديث النبويه الشريفة

ان شاء الله نكون دائما متفائلين وممتنين لله ونعمه التي لا تعد ولا تحصى

 

[ناتشوو]

وعلى فكره الكاتبه ذكرت في الكتاب طريقة المرايه ,, يعني تطالعين نفسج بالمرايه وتقولين ((آنا أحبج ,, انتي تستاهلين الأفضل ,, انتي حلوه ,, ىنتي سعيده ,, كل شي بخير)) ,, وأشياء من هالقبيل ,, وتقول دايما ركزو على اللحظة الحالية مو المستقبل .. يعني انا سعيده مو انا سأكون سعيده ,, وانا أملك بيت رائع مو آنا سأملك بيتا رائعا ,,

حلو هالكلام
خاصة مع زمن الفضائيات والاهتمام الجنوني بالشكل محد صار مقتنع بشكله

 

[ثقتي بالله كبيره]

بالفعل حبيبتي ناتشوو

أصلا تذكر بالكتاب انه وايد من كشاكل الانسان تنشأ عن عدم حبه لذاته ,, تقول وايد من اللي عالجتهم لما قعدت معاهم اكتشفت انه مشكلتهم الاساسية بالحياة انهم يعتقدون انهم قبيحين ,, او انهم فاشلين ,, أو انهم ما يستاهلون ,,

وتقول بالكتاب انه هاذي المشكلة ترجع جذورها الى مرحلة الطفوله ,, وانه االانسان لازم يتجاوزها ويتصالح مع ذاته ويحبها عشان يقدر يحقق انجازات بحياته ,, الانسان مثل ما تقول لازم يتخلص من مشاعر الالم وكره الذات والضغينه والحقد والغضب عشان يقدر يحرر نفسه ويحقق احلامه

 

[اسرار2009]

مشكورين

 

[غيدآء]

موضوعج حده عجيب...

وكتاب السر ممكن نلاقيه بكل المكتبات؟؟

وبغيت اسم كتاب صلاح الراشد...

ومتابعين


ثانكس

 

[ما أروعك!]

مشكورة يا صاحبة الموضوع

الله يوفقج ويرزقج سعادة الدارين

ومشكورين البنات اللي فادونا بتجاربهم ..الله يسعدكم و يوفقكم دنيا و اخرة

 

[ناتشوو]

بالفعل حبيبتي ناتشوو

أصلا تذكر بالكتاب انه وايد من كشاكل الانسان تنشأ عن عدم حبه لذاته ,, تقول وايد من اللي عالجتهم لما قعدت معاهم اكتشفت انه مشكلتهم الاساسية بالحياة انهم يعتقدون انهم قبيحين ,, او انهم فاشلين ,, أو انهم ما يستاهلون ,,

وتقول بالكتاب انه هاذي المشكلة ترجع جذورها الى مرحلة الطفوله ,, وانه االانسان لازم يتجاوزها ويتصالح مع ذاته ويحبها عشان يقدر يحقق انجازات بحياته ,, الانسان مثل ما تقول لازم يتخلص من مشاعر الالم وكره الذات والضغينه والحقد والغضب عشان يقدر يحرر نفسه ويحقق احلامه

شكرا على الرد
بس فعلا تربية العيال مسؤولية كبيرة الله يستر
اشياء بسيطة ممكن نسويها لهم تطلع سبب لعقدة ف حياتهم


الكتاب اللي تقصدينه كتاب السر ولا كتاب صالح الراشد
كتاب السر عندي من جم شهر ولا قريته تصفحته ع السريع وينطرني اقراه

 

[هاي مون]

--------------------------------------------------------------------------------

مشكورة يا صاحبة الموضوع

الله يوفقج ويرزقج سعادة الدارين

وانا بقووولكم تجربتي يبنااات بس والله العظيم انه سحر واحنا كنا جاهلين فيه انا جربت اشياء كثيره خاااصه قااانون الجذب

لو أكتب في اللي صارلي من تغيرااات ماراااح تكفي الصفحه بس مابيكم تملوون

بقوولكم عن شي واااااحد الحين تذكرووون بنااات لما كتبت لكم اهنيه بالمنتدى وعنوانه يبناات انا انقبلت بوزارة العدل وكنت حاااطه استفسااارات اسأل عن هالوزاره >>>> للعلم جتني فتره وكنت بس ودي اتوظف بصراااحه يبناات كان ودي اغير اشغل وقت فراغي

وهم ماني جاااذبه عليكم كان ودي يكوون عندي معاش خااص فيني اسوي اللي ابيه واشتري اللي ابيه لبناتي المهم ماابي اطول عليكم
انقبلت بالوزاااره وانا مو مستانسه اني بتوظف واول شي سالت عنه بصراااحه كم بيكووون معاااشي ههههههههههه
ويوووووو استاانست لما قالولي انه 560 او 530 والله ناااسيه طرت من الفرحه وقمت اسال منيه ومناك وشوفوا حتى موضووعي المهم
واشكثرره البناات اللي مامدحولي هالوزاااره واتعرف على غزلان معانا بالمنتدى يحياااتي واتواعد معاها اني اشووف الشغل قبل لااتورط
بهالوزاره المهم لما شفت الوضع رياااايل رااايحين وجااايين وفوووق هذا التعب اللي يتعبوونه البناات مايسوى هالمعاااش جااان اكنسل هالوزاره واحط على وزاراات الكرف عندها شوي والمعااش نفس المعااش بالعربي كنت اتمنى بوظيفه تعبها خفيف ومعاااش مايطيح عن ال500 دينااار هههههههههه ادري بتقووولوون تتشرطين بعد بس والله ينااات قعدت شهرين وانا افكر واتخيل انه عندي بطااقه وكل شهر 500
نااازل بحسابي والله يبنااات طبعا مع الدعاء والتفاااؤل والاستغفار تتخيلووون شنوووو صااار ماتوظفت ولا نزل اسمي كلش
بس











صااااار كل شهر ينزل بحسابي 500 دينااار والله العظيم سحر


والحين افكر واتخيل باشياااء ثااانيه انا ابيها ويااااارب تتحقق امانه ادعووولي

بس شغله وحده بااااطه جبدي ماادري ليش للحين ماضعفت معني اتخيل اني رشيقه وشعري اسووود كثيف وطويل ولابسه تنوووره ضيييييجه
يووووووووه ماادري شنو الغلط اللي اسويه علشااان ماتحقق عالشي ممكن بناات تفيدوني

 

[ناتشوو]

يالله عاد
شنو 500 بلا وظيفة

نااازل بحسابي والله يبنااات طبعا مع الدعاء والتفاااؤل والاستغفار تتخيلووون شنوووو صااار ماتوظفت ولا نزل اسمي كلش
بس


صااااار كل شهر ينزل بحسابي 500 دينااار والله العظيم سحر

ماصار قانون جذب
اكيد قاعدة تضحكين معانا؟

 

[ناتشوو]

بس شغله وحده بااااطه جبدي ماادري ليش للحين ماضعفت معني اتخيل اني رشيقه وشعري اسووود كثيف وطويل ولابسه تنوووره ضيييييجه
يووووووووه ماادري شنو الغلط اللي اسويه علشااان ماتحقق عالشي ممكن بناات تفيدوني

حظج جذي
يمكن قانون الجذب عكس معاج صار يجذب الشحوم؟

 

[Galb.sh]

مشكووووووووووووووووووووووووووورة

 

[روزالكويت]

ناتشو بدعتي لوووووووووول
صج اختي شلون جات 500 من غير وظيفه بحسابج كل شهر ورثتي احد لوووووووول