طيب القلب
New member
بناء على طلب اخت Laura Mercier و الاخوات اللي ردوا عليها اقدم لكم طريقتي المعتمدة و المطلوبة من الاهل و السريعة التحضير. طبعا المكونات مشروم طازج و هو الذ من المعلب، بصل، مكعب ماجي دجاج، زبدة، كريمة سائلة، ملح و فلفل. تحمسين البصل بالزبدة مع الماجي و قليل من الزيت عشان لا تحترق الزبدة لين يذبل البصل و تضيفين المشروم و تحمسينه ما ياخذ وقت وايد و تضيفين ماي يغطي الكمية اللي حامستها. بعدين تطحنين ثلاث ارباع الشوربة بالخلاط و تردينه في الجدر و تخلطينه مع الربع اللي مو مطحون و تضيفين الكريمة السائلة حسب الرغبة و الملح و الفلفل و تخلينه يغلي شوي لحد ما تشوفين الشوربة صارت ثخينة و لما تقدمينها بامكانج رش جبن بارميزان على الوجه و بالعافية
