حملة العلاج بالخارج والانتظار والرفض

[أغصان]

قوة بنات اشلونكم اليوم رحت الصباح وانا قاعدة اسوي تحليل اتصدقون ولا وحدة تكنسل عمليتها للانابيب موافقين عليها العلاج بالخارج

والعلاج وايد متساهلين

ولا اخيرونكم بعد اهي تقول ولج مرافق واحد


والاسئلة جم لج متزوجة

وجم عملية سويتي

وعندج عيال ولالا


ان شالله بس اخلص علاجي من اللي فيني ان شالله بقدم تقول البنت وايد متساهليين

يارب ياكتبلنا ياام جسوم واغصان وكل البنات ان شالله

عاد قلت خن اقولكم الاخبار السنعة وتشجعون يلا اغصان بشرينا ان شالله انج بتروحين بلجيكا يارب

خوووش خبر يشجع ويخلينا نتفائل الله كريم
وان شاءالله بإذن الله ابشركم وتبشروني بعد بالموافقه يارب
ما سالتي البنت اذا وافقوا عليهم بواسطه او لا ؟ ومنو كان الدكتور باللجنه ؟
ادعووولي بنات حيييل خايفه انهم يصدموني بالرفض

 

[$غــ(ز)ــل$]

سنفوره..اللي اعرفه ان لازم تكونين مسويه انابيب

 

[أغصان]

يارب ارزقني..هذي الاخبار الزينه
الله يسخرهم لنا ياارب
ونسافر كلنا ان شاااءالله ونحمل

غصونه..متى موعدج؟؟

ان شاءالله بتاريخ 13 الاسبوع الجاي
الله يسخرهم لنا يارب

 

[الجوررى]

حبيباتى
عسى ربي يفرح قلبكم ان شاء الله
وترحون تعالجون ببلجيكا ولندن وتردون بتوائم
قولو امين
انا رفيجتى هناك موظفه
هم صج متساهلين الحين وياكثر اللى سافرو بالشهرين
وشدو حيلكم وعسى ربي
يفتحها بوجيهكم ان شاء الله

 

[sanfora]

يعني لازم انطر 3 سنين على مايصير دوري انابيب والله لايقول اذا مانجحت بعدين يوافقون علي؟؟؟

خو العمر خلص

 

[أغصان]

ماعندج فكرة ام جسوم عن شروط القبول للعلاج بالخارج..........

يعني اذا ماسويت انا عملية انابيب بالكويت اقدر اقدم عشان اسويها بره؟؟؟

للأسف حبيبتي من شروطهم انج مسويه عمليتين انابيب حتى لو في خاص

 

[أغصان]

حبيباتى
عسى ربي يفرح قلبكم ان شاء الله
وترحون تعالجون ببلجيكا ولندن وتردون بتوائم
قولو امين
انا رفيجتى هناك موظفه
هم صج متساهلين الحين وياكثر اللى سافرو بالشهرين
وشدو حيلكم وعسى ربي
يفتحها بوجيهكم ان شاء الله

آميييييين
مشكوره ياقلبي على دعوتج عسى الله يرزقج بالذريه الصالحه يارب

 

[الجوررى]

تسلمين يااغصان انا هم جربت عندهم بس عذرهم انتى عندج طفل
وربج كريم
والله لايحط رزقتنا بيدهم
ويرزقنا بلامنتهم
اللهم امين

 

[أغصان]

آمييييين الله يرزق الجميع يااارب

 

[om_jsoom]

ام جسوم انا سمعت ان في مرافق واحد
واذا عندج واسطه تاخذين مرافقين ولابعد بالدرجه بالاولى

احنا بس خل تنفع واسطتنا بالموافقه ومانبي شي
الحمدالله على كل حال

اي والله المهم يوافقون ومانبي شي منهم
تعالي غزوول نسيت انتي مقدمه طلب على العلاج وتنطرين اللجنه والا لي الحين؟؟

 

[om_jsoom]

ماعندج فكرة ام جسوم عن شروط القبول للعلاج بالخارج..........

يعني اذا ماسويت انا عملية انابيب بالكويت اقدر اقدم عشان اسويها بره؟؟؟

هلا والله حبيبتي
انا لمه رحت بوقع التقرير عند الدكتور واهوة قاعد يقرى التقرير قبل لايوقع
سألنا هالاسئله
جم صارلكم متزوجين ؟
قلناله 3 سنين وجم شهر
عندكم عيال؟
لا
جم محاوله سويتو؟
مرة بالخاص ومرة بالحكومه
جان يقول اي جذي اوقع لان شروط كاامله

لان يقول انا مااوقع حق الي مو مسوي اي محاوله
اوحق الي متزوجين سنه او جم شهر

وانا اقوول جربي اهني سويي عمليه وان شاء تنجح واذا ماصار قدمي وان شاء الله يوافقون لان لازم عندهم الي مسوي محاوله بالكويت
الله يسهل عليج حبيبتي

 

[ام يوسف القمر]

هلا بنات شلونكم

سنفورة عادي ان شالله يودونج جربيي منتي خسرانة

ام جسوم يودون مرافق واحد


في العلاج بامريكا بعد والله


الله يكتب لنا ان شالله كلنا بتاخر الانجاب

 

[ام يوسف القمر]

ام جسوم موشرط والله مايسألون

اللجنة اللي تسأل مو اهو بس مادري يمكن على حظكم انا قبل مقدمة مرتين وكنت مرفوشة بس عمرة ماسألني

 

[om_jsoom]

انا اصلا رايحه عند دكتور ثاني عشان يوقع الورقه ولمه سمعنا الدكتور هذا ان نبي نوقع التقرير قال انتو من شنو تشكون قلناله عقم قال عندي عندي
واهوة كويتي شااايب يقول المصري الي يمه ان اهوة مختص بتقاريرالعقم وشكله شدييد يقول انا مااوقع حق اي احد عشتو
اقولج قعد ربع ساعه يقرى الورقه ويسال
بس الحمدالله وقع وريحنا

 

[sanfora]

نزين ام جسوم شكثر نطرتي على ماقبلوا يسوولج طفل انبوب الحكومة

انا قابلت د.رائدة تقول مواقل من 3 سنين

 

[Coffee-Girl]

اغصان لا تحاتين الله معاج انتي توكلي على الله

ويااااااااااااااارب يوافقون وتسافرين وتردين بثلاث توام متعافييييين

 

[حلم الأمومة]

بناااات انا مسوية اربع محاولات بس كلهم بخاص .......زيعنى ولااا محاوله بالحكومة ؟؟ اتهقون يوقعون كتابنا ؟؟

 

[أغصان]

اغصان لا تحاتين الله معاج انتي توكلي على الله

ويااااااااااااااارب يوافقون وتسافرين وتردين بثلاث توام متعافييييين

ونعم بالله أنا الحمدلله متوكله على الله
والله فرحتيني بدعوتج عسى الله يرزقج بالذريه الصالحه ياااااارب

 

[أغصان]

بناااات انا مسوية اربع محاولات بس كلهم بخاص .......زيعنى ولااا محاوله بالحكومة ؟؟ اتهقون يوقعون كتابنا ؟؟

اي عادي حبيبتي قدمي وان شاءالله يوافقون عليكم يارب
من شروط العلاج بالخارج انج مسويه عمليتين طفل انبوب حتى لو بخاص مو شرط حكومه هذي من القرارات الجديده

 

[$غــ(ز)ــل$]

اي والله المهم يوافقون ومانبي شي منهم
تعالي غزوول نسيت انتي مقدمه طلب على العلاج وتنطرين اللجنه والا لي الحين؟؟

اي ام جسووم
موعد لجتنا بعد اسبوع ونص:0bee2e8d89:
وهذي محاولتنا للمره الثالثه