موضوع خاص للأستفسارات المتعلقة بالأسنان

[دكتورة أسنان]

مشكووووورة حبيبتي

بس انا مرة سويت تنظيف الجير وصج كان روووعه يوم شفت اسناني عقب
بس رد مرة ثانيه والحين مافيني جير بس اللثه متفوخه شوي

حسافه لوووووول
انزين دكتورة تنصحيني بالحكومه ولا الخاص؟؟
ابي يسوولي واخلص بسرعه مابي مواعيد طويله

حياج الله حبيبتي ..

اي حبيبتي مو شرط تشوفينه يمك اقل من المره الي طافت من جذي ماشفتيه بس طالما في التهاب اكيد في جير خاصه ان كان في اول و اكيد هالمره الالتهاب اقل من المره الي طافت

والله حبيبتي ما اشوف في فرق بس اذا مشكلتج ماتقدرين تنطرين و عندج امكانيه انج تروحين خاص .. توكلي على الله اما اذا فيج صبر او ماعندج امكانيه ترى ابدا مافي فرق من وجهة نظري .. و احنا موجودين لكم جربي اذا ماعجبج الوضع ماخسرتي شي روحي خاص ..

طمنينا عليج حبيبتي

 

[دلوعه و لايق عليها]

يعطيج العافيه دكتوره
انا بين فتره و فتره اييني عوار بضرسي مو طبيعي
خاصة لما آكل فبغيت مسكن قوي؟
يا ريت تدليني على واحد

 

[dal3 kuwaiti]

السلااام عليكم ورحمة الله وبركاته

شلونج دكتورتنااااا ؟؟؟

انا بسألج بأمور تتعلق بالتقويم ...

انا سويت تقويم من شهر 8 اللي فات بس ماخلعت ولا ضرس وكان فيني فراغات بسيطه الحين اسناني عااال العااال الحمدالله ردوااا وشكلهم حلوووو بس قالت لي الدكتوره انه الاسنان الاماميه الخط اللي يكون بين الضرسين مايل على اليمين شوي قالت لي الدكتوره انه بخلع لج ضرس صغير عشان يصير الخط بالنص والشي هذا مو ضروري بس انتي بكيفج ...

تبين الصج حرااام اقط لي ضرس بالزباله وهووو نظيف بس اهلى يقولون اذا صاار الخط بالنص بيكون احلى ... انا ادري انه بيكون احلى

اتمنى انج تشورين على برايج ... لاني انا من طبعي لااازم اخذ اكثر من رااااي :eh_s(6):

وتقبلي سؤالي بصدرٍ رحب ...

اختج

:::: دلــــــــــــــع ::::

 

[ام هيووونه]

السلام عليكم

دكتوره بسالج انا نفاس ..اقدر اعالج اسناني الحين بفترة الاربعين؟؟ ووين اقدر ابيضهم ابي تلبيس لانهم مرقعين من الحشوات

ويعطيج العافيه

 

[* المزيونه *]

عزيزتي دكتورة أسنان لدي ثلاث أسنان محتاجين علاج عصب سويت المطلوب في مستوصف منطقتنا وحولوني على المركز المتخصص عالجت دكتورة العصب واحد من عندهم وقالت راجعي المستوصف علشان يحطون حشوه دائمه صارت لي ظروف وتاخرت وطاحت الحشوه المؤقته فيا ترى لازم ارجع لدكتورة العصب عشان ترجع تحطلي الحشوه المؤقته ولا اروح المستوصف على طول يحطون لي الحشوه الدائم
ولكي مني دكتوره كثير الشكر​

 

[نووووونا]

 

[دكتورة أسنان]

يعطيج العافيه دكتوره
انا بين فتره و فتره اييني عوار بضرسي مو طبيعي
خاصة لما آكل فبغيت مسكن قوي؟
يا ريت تدليني على واحد

الله يعافيج حبيبتي
اشهر المسكنات من الاقوى للاضعف هي
brufin 200mg قرصين ثلاث مرات باليوم لمدة 5 ايام
او cataflam 50mg قرص ثلاث مرات باليوم لمدة 5 ايام
او ponstan 250mg قرص 4 مرات بايوم لمدة 5 ايام
او adol 325-650mg قرص ثلاث مرات باليوم لمده 5 ايام

غالبا احب ابدا بالاضعف اذا ما نفع انتقل للاعلى منه علشان لا تتكون عندج مناعه ضد المسكنات و قبل كل شي استشيري طبيبج اذا كان في اي امراض تتعارض مع المسكنات .. و لا تاخذين مسكنين مع بعض وقبل كل شي راجعي طبيبج علشان تعرفين سبب الالم

 

[دكتورة أسنان]

السلااام عليكم ورحمة الله وبركاته

شلونج دكتورتنااااا ؟؟؟

انا بسألج بأمور تتعلق بالتقويم ...

انا سويت تقويم من شهر 8 اللي فات بس ماخلعت ولا ضرس وكان فيني فراغات بسيطه الحين اسناني عااال العااال الحمدالله ردوااا وشكلهم حلوووو بس قالت لي الدكتوره انه الاسنان الاماميه الخط اللي يكون بين الضرسين مايل على اليمين شوي قالت لي الدكتوره انه بخلع لج ضرس صغير عشان يصير الخط بالنص والشي هذا مو ضروري بس انتي بكيفج ...

تبين الصج حرااام اقط لي ضرس بالزباله وهووو نظيف بس اهلى يقولون اذا صاار الخط بالنص بيكون احلى ... انا ادري انه بيكون احلى

اتمنى انج تشورين على برايج ... لاني انا من طبعي لااازم اخذ اكثر من رااااي :eh_s(6):

وتقبلي سؤالي بصدرٍ رحب ...

اختج

:::: دلــــــــــــــع ::::

وعليكم السلام ورحمة الله و بركاته

هلا حبيبتي بخير عساج بخير ..

اذا يهمج الشكل شيليه بس لو انا مكانج ما اشيله طالما مافيه عيب ولا ياثر على عمل التقويم .. لان في بعض الاحيان نحتاج خلع احد الاسنان لانه يتعارض مع عمل التقويم بس في حلتج مافي مشاكل غير الشكل .. فالامر راجع لرغبتج

حياج الله حبيبتي

 

[دكتورة أسنان]

السلام عليكم

دكتوره بسالج انا نفاس ..اقدر اعالج اسناني الحين بفترة الاربعين؟؟ ووين اقدر ابيضهم ابي تلبيس لانهم مرقعين من الحشوات

ويعطيج العافيه

وعليكم السلام ورحمة الله وبركاته

اي حبيبتي تقدرين عادي .. طبعا طالما في حشوات ماينفع تسوين تبييض اما بالنسبه للتلبيس فموجود بالحكومه و الخاص بس من رايي طالما مافي سبب علاجي للتلبيس تحاشي المجازفه فيه والامر راجعلج طبعا

الله يعافيج مشكوره

 

[دكتورة أسنان]

عزيزتي دكتورة أسنان لدي ثلاث أسنان محتاجين علاج عصب سويت المطلوب في مستوصف منطقتنا وحولوني على المركز المتخصص عالجت دكتورة العصب واحد من عندهم وقالت راجعي المستوصف علشان يحطون حشوه دائمه صارت لي ظروف وتاخرت وطاحت الحشوه المؤقته فيا ترى لازم ارجع لدكتورة العصب عشان ترجع تحطلي الحشوه المؤقته ولا اروح المستوصف على طول يحطون لي الحشوه الدائم
ولكي مني دكتوره كثير الشكر​

هلا حبيبتي ..
طبعا تحتاجين التاكد من ان لا يوجد اي التهاب و غالبا اذا مافي الم ان شاء الله مافي مشاكل .. روحي المستوصف عادي ينظفونه و اذا مافيه مشاكل راح يحشونه اما اذا في مشكله راح تضطرين ترجعين المركز علشان تنظفينه مره ثانيه ..
حياج الله حبيبتي و ماشر

 

[دكتورة أسنان]

حبيبتي و انتي بخير

 

[* المزيونه *]

مشكوره حبيبتي على الرد...بس عندي استفسار اذا ممكن شنو الفرق بين شغل المستوصف والمركز يعني الدكتوره اللي بالمركز شنو سوت بالضبط يختلف عن دكتور المستوصف وشنو اللي بعد الحشوه الدائمه اللي يحطونها يعني شبيسوون بالسن....وشكرا مقدما وأعتذر عن هذرتي الوايد

 

[adool70]

السلام عليكم دكتورة

يعطيج العافية

دكتورة انا عندي استفسار عندنا بالعايلة ولد عمره 11 سنة و اسنانه مو مرتبه
واخته عمرها 8 سنوات و اسنانها صايرة فوق بعض
متى تنصحين بالتقويم ؟ و وين المفروض يراجعون ؟ الصحة المدرسية ؟

 

[dal3 kuwaiti]

وعليكم السلام ورحمة الله و بركاته

هلا حبيبتي بخير عساج بخير ..

اذا يهمج الشكل شيليه بس لو انا مكانج ما اشيله طالما مافيه عيب ولا ياثر على عمل التقويم .. لان في بعض الاحيان نحتاج خلع احد الاسنان لانه يتعارض مع عمل التقويم بس في حلتج مافي مشاكل غير الشكل .. فالامر راجع لرغبتج

حياج الله حبيبتي

دووووووووووووم ان شاءالله بصحه وعااافيه ...

انزين يالغاليه سؤال اخير ... هل لو اشيله ضرس ويتحركون اسناني ليما يصيرون ع الوضع المطلوب ... هل يأثر على مستقبل الاسنان ... يعنى بعدين ما تطيح اسناني والسبب تحرك الاسنان من موضعهااا الاساسي ..:ggdw:

 

[دكتورة أسنان]

مشكوره حبيبتي على الرد...بس عندي استفسار اذا ممكن شنو الفرق بين شغل المستوصف والمركز يعني الدكتوره اللي بالمركز شنو سوت بالضبط يختلف عن دكتور المستوصف وشنو اللي بعد الحشوه الدائمه اللي يحطونها يعني شبيسوون بالسن....وشكرا مقدما وأعتذر عن هذرتي الوايد

حياج الله حبيبتي ..
بالمستوصف يتم تنظف السن نفسه و ازالة التسوسات و فتح القنوات و من ثم توضع قطعه من القطن في حجرة القنوات حتى لا تدخلها الميكروبات و يحدث بها تسوس جديد وبعدها توضع الحشوه المؤقته لاغلاق مكان الحفر بالسن ايضا لنفس السبب و يتم تحويل المريض للمركز التابع له حيث تزال الحشوه و القطن و تنظف القنوات داخل جذور السن ويزال العصب منها بعد ذلك توضع حشوات خاصه داخل القنوات مكان العصب و تغلق ثم يتم وضع حشوه مؤقته لاعادة اغلاق السن واجراء صورة اشعه لزيادة الاطمئنان و بعد اسبوع يراجع المريض المستوصف مره اخرى لوضع حشوه دائمه و الغرض من المده ( اسبوع ) هو للتاكد من راحة المريض التامه من الحشوه داخل القنوات و عدم وجود اي التهاب او عصب سقط سهوا من الطبيب . هذا بالنسبه لعلاج اقنية الجذور

اما بالنسبه لما بعد ذلك .. يتم تحويل المريض من المستوصف الى قسم التيجان و الجسور في المركز التابع له .. يؤخذ مقاس الفك بالصلصال ثم يبرد السن من جميع الجهات و توضع حشوه مؤقته ( تاج مؤقت ) .. يرسل المقاس اللى المعمل و يطلب من المريض شراء غرامات من الذهب و ذلك من اعانة المرضى بنفس المركزعلى ان يسلم للمعمل في نفس اليوم .. ياتي المريض في زيارته الثانيه لتجربة التاج و تعديل المقاسات .. ثم الزياره الثالثه للتركيب .

بالعكس جبيبتي اسعدني مرورج

 

[دكتورة أسنان]

السلام عليكم دكتورة

يعطيج العافية

دكتورة انا عندي استفسار عندنا بالعايلة ولد عمره 11 سنة و اسنانه مو مرتبه
واخته عمرها 8 سنوات و اسنانها صايرة فوق بعض
متى تنصحين بالتقويم ؟ و وين المفروض يراجعون ؟ الصحة المدرسية ؟

وعليكم السلام ورحمة الله و بركاته

الله يعافيج حبيبتي .. غالبا التقويم نفكر فيه ابتداء من عمر ال 16 سنه .. لازم يروحون الصحه المدرسيه انظفون كل التسوسات و يحطون الحشوات الوقائيه في الاسنان اللي مافيها تسوسات .. و ينظفون الاسنان من الجير و يطبقون الفلورايد الي ان يكملون ال 16 سنه نعطيهم تحويل للتقويم

 

[دكتورة أسنان]

دووووووووووووم ان شاءالله بصحه وعااافيه ...

انزين يالغاليه سؤال اخير ... هل لو اشيله ضرس ويتحركون اسناني ليما يصيرون ع الوضع المطلوب ... هل يأثر على مستقبل الاسنان ... يعنى بعدين ما تطيح اسناني والسبب تحرك الاسنان من موضعهااا الاساسي ..:ggdw:

حبيبتي اجمعين

لا ماياثر الاسنان دائما تتحرك باتجاه الفراغ و حيثما يغلق الفراغ تقف عن الحركه

 

[dalola24]

السلام...........دكتوره آنا أعاني من الم في ضرسي........ورحت المستوصف عملولي اشعه علي الضرس....فقالتلي

الدكتوره فيج خراج وعصب..وعطتني مضاد حيوي اسمه جولافموكس...وحبوب ديكلوفاست...وقالتلي تعالي بعد ماتخلصين

المضاد اسحبلج العصب...وتروحين التخصصي تحطين موعدلحشوه عصب....بعدين ترجعيلي احطلج حشوه.......

دكتوره ابي رايج؟؟؟انا اساسا هالضرس مسويتله حشوه من سنين كان فيه سوس؟؟؟وحبوب ديكلوفاست شنو استخداماتها

لان الالم مستمر يروح ويرد...شتنصحيني اخذ اي مسكن؟؟؟ودكتوره انا خذيت مسكن بونستان اليوم وقبل يومين وتوني

اطالع تاريخ الانتهاء طلع منتهي شهر 2 عام2008 شلون اتصرف؟؟وشاكره لج جهودج الطيبه...وتعبناج ويانا...شكرا دكتوره

 

[حسايف*]

دكتووووورة لحقي علي تكفين
اليوم شلت لي ضرس وصارلي ساعتين ينزف
مع اني اضضضضضضغط علية ماوقف
تمضمضت بماي وملح هم مافاد انا لاعت جبدي من دم شسوي قبل لايخلص دمي
اول مارديت البيت كليت 2حبة بندول عادي
لان دكتور كتب لي حبوب بس قالي ماتناسب اللي ترضع
2_بغيت اعرف شالفرق بين الاستشاري والاختصاصي بتقويم
ومشكووووووووووووووووووووووووورة

 

[حسايف*]

دكتورة انا شلت ضرسي واول مارديت البيت غسلت بناي وملح طوووول الاربع ساعات وماكنت ادري انة ممنوووووووووووووووع انا مييييييييييييييييييتة خووووووف يعني شبيصير فيني هو للحين ينزف ويعورني اخخخخخخخخخخخخخ