رابطة أمهات رابعة وخامسة....تعالو نآزر بعض بهالفترة لي نهاية الامتحانات

[omneyaty]

السلام عليكم انا معاكم بالرابطه ولدي برابعه


مدرسة ولدي باديه معانا الامتحانات مبجر فغصب علينا قاعدين ندرسهم وهم اصلا يسوون مراجعه لهم


لان المدرسات خايفين على اطلبه من امتحانات الوزاره الله كريم هدووا ا بالكم سهاله ان شاء الله

 

[نووووونا]

يعطيكم العافيه والله سباجه جنج تدرين عن ايللى شاغل بالى احاتيه بس

ان شاءالله من باجر بدرسه شوى شوى ,,

على فكره مدرسة الاسلاميه قالتلى امتحانهم لجنه تسمع الايات اهو يحفظ كل ايللى عطوه

واهما اللجنه يختارون ويسمعون له ,

 

[زهراء]

واااااااااااااي لا ذكروني عندي برابع وخامس والله يا ويله من ربه هاللي حط هالقرار يقول كلش بيطلعون عيالنا رواد فضاء رابعة متوسط وياليت بالدز إما تطبيقي أو يحليله إذاجيش أو حرس .ياريت لما يغيرون الوزارء يغيرون قراراتهم .

 

[الدلال]

انا ولدي برابعه ومشكلته ومشكلتي بعد كتاب هالوطنيه اللي ما ادري شنو سالفته وياليت المدرسه تعطيهم اوراق عمل علشان نعرف الزبده

وحتى الاجتماعيات مو هين

بس بغيت اسأل ,,لما ادرسه العربي شلوون؟؟ يعني شنوادرسه بالضبط؟

 

[F.A]

الدلال انا شارية مرشد جمعية المعلمين وقاعده أسأل ولدى وأدرسة منه واايد حلو ويسهل علينا تدريسهم وايد وأسئلة التربية الوطنية فيه شاملة ومرتبه
واهو ينفع حق كل المواد فية امتحانات والله عجيب

 

[الدلال]

عيل برووح اشتريه وادرس ولدي منه

مشكووره وماقصرتي يالغااليه

 

[وحش الريم]

اول شي ما قصرت صاحبة الموضوع ...........والردووود الحلوة بعد .......
انا ولدي بخامسة ما بديت معاة للحين قايلة من باجر بادرسة ............وحاطة جدول يسهل الامور شوية
الله المستعان..............

 

[أوركيد]

سبووج ..حبيبتي ىنا موافقه على نقطة الترفيه <<<هيا بنا

بعد عمري حاسه بمعاناتج ويا البطل ..:0bee2e8d89:

آنا بابتدي بالمواد اللي اعاني منهم ...التربية الوطنية ..العربي ..الاجتماعيات

لأنه ولدي عشتوا نظام علمي ..ما يقدر على الحفظ

واللي مريحني انه مدرسة ولدي يخصصون الاسبوع الياي اللي فبل الامتحانات لإمتحانات تجريبية ..

فــهالشي يساعد شوي..

جربي تسوين لعيالج امتحانات ..كل مادة يدرسها عطيه ورقة عمل فيه ..

لا تنسين الترفيه :ggdw:

 

[miamy]

كل المواد كوم

والاجتماعيات كوووم ثاني

واي من صجهم!!!! وكل البنات مزفتين بالاجتماعيات مادري العيب بالمنهج واللا البلات

انتو شلون عيالكم بالاجتماعيات؟

 

[xtina-90]

امبي حرام علييج سبائك ليش اتسوين جذي جدامه ترا اذا شافج مالج خلق ادرسين اهوا بعد مايصير له خلق يدرس واذا شافج اتثاوبين راح يتثاوب
احسن شي سوي جدول خلي كل ماده مثلا لها 1 او 2 لاطولين وايد عشان ماتملون
وسوي جدول عن الاشياء الي انتي لازم ادرسينه والاشياء الي بروحه لازم يدرسها مثل حفظ جدول الضرب كلمات انجليزي او المرادفات بالعربي مادري يعني انتي اخبر وانشالله اتعدي هالفتره على خير وينجح ولدج وايي نسييت لا تخلينه على كيفه ياخذ بريك حدديله بريك يعني 3 ساعات باليوم طبعا غير وقت الاكل والصلاه

 

[توفي اللطيفه]

السلام عليكم ..انا وياكم عالط ..ابي منكم حبيباتي امتحانات ..الله يعافيكم

 

[الريم30]

لاعت جبدنا من الامتحانت ااااااااف حسبي الله على كان السبب

 

[سبائك]

شلونكم بنات عساكم بخير

تصدقون للحين ما بديت تدريس

الحين سمعت خبر يديد يقولون بيسوون تجارب عملي حق العلوم بالقرعة يعني الطالب يسحب ورقة واهو وحظه التجربة الي تطلع له يسويها

قالولكم عيالكم عن هالشي؟؟

والامتحانات التجريبية كل من بدا وخلص الا احنا ما ادري شسالفة مدرستنا!!!!!

 

[رهوف]

الله يعينكم ... بس نصيحة التربية الوطنية اخذوا الكتاب مال مكتبة العجيري انا العام على الله ثم عليه ... لأن التربية الوطنية الاسئلة ما تدرين شلون صايره !!!!

وبالنسبة للنفسية هذا اهم شي ... يعني لازم تخلون جو الدراسة حماس ومكافئات واهم شي الوقت المستقطع <<< حلوة مستقطع

لأن سبحان الله اذا كنتوا على قعده وحده الياهل يحس بخمول وما يستوعب

بس انا باخذ رايكم بهالمشكلة وياليت القى حل عندكم ... انا بنتي الله يحفظها بسادس وتقريبا ما عندها مشاكل بالدراسة اللهم الا الرياضيات تقول احب الرياضيات بس بالامتحانات لازم تخبص وتعفس الدنيا وبالذات بالمسائل اللي فيها كلام solving problems مادري شسوي اكثر ماده ندرس لها واعطيها تمارين بس ماكو فايده ويبت لها مدرس من مدرستهم بس ما فادها بالعكس اكثر امتحان خبصت فيه لما اهو درسها

 

[الدلال]

انا اليوم بلشت معاه بالتربيه الاسلاميه

عليه امتحان قران كريم يوم الاربعا

وعقب ما سمعت له وخلصت قلت خل ابلش معاه بالدروس

بس في مشكله اعاني منها مع ولدي,,

ولدي من امسك الكتاب واقوله بدرسك يقعد جدامي وانا احفظه وادرسه اشوف دموعه اربع اربع, ومسكين يمسح دموعه ويكمل معاي

بصراحه يكسر خاطري وينرفزني بنفس الوقت..مادري شسوي معاه؟؟؟

 

[سبائك]

رهوف مشكلة المسائل الحياتية ان كل مسألة لها فكرة غير عن الثانية

يعني كثفي لها التمارين بس هذا حل مشكلة بنتج علشان تكون مارة عليها كل الافكار وعسى الله يسهل عليها يارب

الدلال بعد عمري ولدج كسر خاطري مسيكين ما ينلام الدراسة ضيقة خلق الصراحة خاصة الصبي يبي ينطلق ويلعب وعلية

انتي لا تطولين معاه يعني ساعه تالي خليه 10 دقايق يرتاح وهكذا علشان لا يتعب نفسيا

 

[الدلال]

ايه والله سبائك صدقتي, انا ولدي بس يبي يخلص بسرعه علشان يلعب

راح احاول اسوي الطريقه اللي قلتي عليها وانشالله تفيد يارب

يسلموو يالغاليه

 

[أم صالح]

الله يوفق اعيالنا يارب وينجحهم ياحلو ايامنا محد درسنا ونجحنا ورحنا الجامعه وتخرجنا وامي ماتدري متى الامتحانات تبدي ليش احنا غيير محاتات واكتئاب ومأذين اعيالنا اعصاب ونرفزه مساكين مناهجهم وقرارات الوزاره خايسه يعني ليش من اول الكتاب وموحد ولجنه والله يهال حرام

 

[أم عبووووود]

السلام عبيكم حبيباتي

والله قلبي عورني على ولدي وعيالكم الله يوفقهم يارب وينور قلوبهم انا من اليوم ان شاء الله راح ابدي احط امتحانات الفترة الثانية والله يسهل
ولاتحاتون خواتي احنا نسوي اللي علينا ونتوكل على الله

 

[طوق البنفسج]

الله يعينكم ..