يمكن بداخله ما تقدم لي إلا لوظيفتي)confused: 
السلام عليكم
لوول ضحكتوني على قصصكم بنات صج صج في ناس الحمدالله والشكر مادري على شنو يايين يخطبون
خلأقولكم سالفتي العجيبه
الله يسلمكم هاذي كانت اول خطبه لي .. يعني توني كنت مبتدأه على هالسوالف :eh_s(3):
وعلى حظي اول خطبه ويصير لي فلم من وراها لوووول
عمة الولد رفيجه امي .. دقت عليها على اساس ان تخطبني حقه
قالت لامي .. فلان ميننا عيزنا واحنا ندور له اللي يبيها .. لانه شارط شروط قبل مايشوفها .. فشفت ان بنتج فلانه فيها من شروطه
امي : شنو شروط فلان ؟
العمه : يبيها بيضه و ضعيفه و من العايله الفلانيه وعمرها 18 سنه
المهم امي كلمتني وجذي على اساس الام والعمه والخاله ييون اول يشوفوني اذا نفس شروط ولدهم ولا لأ
وقلت اوكي خلييون
كنت بريئه وايد لووول
وبعدين
قبل ماييون بيوم
دقت الام على امي
وقالت لها ترى فلان قال ان يبي بنتكم تلبس عبايه
طبعا امي استغربت قالت لها اهوا شايف بنتي من قبل ؟
جان تقول لأ بس قال اذا ماتلبس عبايه مابيها ابيها تكون لابسه عبايه
عاد امي مسكينه ماتدري شتقول فقالت لها ان شاءالله
اتخيلو قالت لامي سالي البنت اول اذا بتلبس عبايه ولا لأ قبل مانيي ونشوفها
لوووول امي بعد ماتعرف تتصرف بهالمواقف لو انا مكانها جان قلت لهم يبه مع السلامه
فيت كلمتني وقالت ولدهم شارط يبيج تلبسين عبايه
لوووووووووول قلت لها يماااااااااا صبر لحظه لحظه .. انا حتى امه ماشفتها .. اللي يسمعنا بيقول الملجه بعد يومين .. خلييون وخلأشوفهم وخليشوفوني وخلأقعد مع الولد وقعدو وياه وسألو عنه ولاحقين على هذا كله
المهم عطتني الوالده جم زفه لووول وقالت يالله عاد لاتتحلطمين وبعدين شفيها العبايه زينه لبسي عبايه
عاد وعليه علي رضيت وماقلت شي :eh_s(2):
اساسا انا مفكره البس عبايه على طول بس كنت ابي احد يشجعني
المهم
دقت امي على الام مره ثانيه وقالت لها ان البنيه راضيه تلبس عبايه
والام قالت اوكي وان شاءالله اليوم الفلاني بنيي لكم
والله قبل ماييون بيوم هم دقت !!
هالمره شقالت
قالت ولدي فلان يقول يبي بنتكم تلبس عبايه على الراس
لووووووووووووووووووووووووول
يامن شراله من حلاله عله ... انا بعرف اهوا شافني ؟ انا شفته ؟ من قبل مايشوفني واهوا كل يوم يعطيني شرط
امي قالت للام ترى بنتي ماتلبس عبايه كلش واهيه رضت بالعبايه العاديه .. فماتقدر على الراس من اول مره .. صبرو عليها شوي وبعدين سوالف العبايه هاذي بتكون بينه وبينها اذا الله كتب لهم نصيب
جان الام تقول لاااا مايصير ومايصير ومن هالحجي
المهم يتلي امي مره ثانيه وقالت لي يبوني البس عبايه على الراس
لووول قلت لها يماااا خلاص هونت مابي مابي .. شسالفه هذا وقبل مايخطبني جذي ينني كل يوم طالع لي بشرط عيل لما ياخذني شبيسوي فيني
جان تقوم امي وتعطيني محاظره دينيه لوووول العبايه زينه والعبايه ستر والعبايه مادري شنو :d
والله ادري ان العبايه زينه واصلا انا الحين قاعده اعود نفسي عليها والله ساعات اروح المشاوير القصيره بالعبايه وناويه بعد اعود نفسي عليها بالمجمعات والكليه
بس عاد مو كل شي يصير بين يوم وليله
المهم قلت لأمي هالحجي وقلت لها ان شاااءالله راضيه بالعبايه على الراس بس عاد خليصبر علي بالتدريج ان شاءالله اول شي اعود نفسي على العاديه وبعدين على الراس ان شاءالله
<< مع ويهي كنت عايشه الدور واسمع كلامه بعد لوووول
ودقت امي على الام وقالت لها اني راضيه وجذي
و صااااااار اليوم المنتظر اخيرا
و شرفت الام مع اختها وعمه الولد
وقعدت وياهم وشافوني وجذي
وطلعو يصيرون لمرت اخوي بعد
المهم صار ثاني يوم
دقت الام على امي من الصبح
قالت لامي ان شاءالله الاسبوع الياي بيي فلان علشان يشوف البنيه
امي : على خير ان شاءالله
الام : بس فلان عنده شرط بعد
امي بعد خلاص شوي وتسكر التلفون بويهها لوووووووووووووول تقول تعوذت من ابليس ومسكت نفسي لوووول
الام : فلان يقول يبيها تلبس نقاب !
امي اختصرت الموضوع وقالت لها خلاص ام فلان الظاهر ماكو نصيب
والام اخترعت وقالت لا ليش ومن هالحجي لووووول وامي شرحت لها الوضع قالت لها ان البنت اساسا حتى عبايه ماتلبس واهيه رضت بكل شي قلتوه بس النقاب شوي صعب عليها وانا اعرف بنتي عدل .. إلا اذا تصبرون عليها شوي شوي وبالتدريج ماعليه عادي تلبس العبايه على الراس وتتنقب بس بالتدريج
الام قالت لا مايصير ولدنا مايبي جذي يبيها مره وحده منقبه
اي زين جان قلتو من قبل .. ليش يعني بالقطاره حجيكم وشروطكم
المهم امي اعتذرت منها وسكرته
تخيلو بما انهم يصيرون لمرت اخوي
قامت الام ودقت على ام مرت اخوي وقالت لها خلتكلم امي وتقنعها !!
امبيه شفيهم لووووووول غصب غصب
عاد ام مرت اخوي يحليلها دقت على امي وقالت لها يبه نصيحه لا تناسبونهم هذيله معقدين حيل حيل ومعروفين بالعايله .. وايد متشددين بشكل موطبيعي حتى تلفزيون ماعندهم وفلانه ( اللي اهيه انا ) مارح تقدر تعيش مع بيئتهم ولا بيتقبلونها .. وثاني شي الولد احنا نعرفه عدل .. وايد وايد عسر بشكل موطبيعي ومايعجبه العجب
عاد قالت لها امي لا خلاص الحمدالله مارح نوافق عليهم ماكو نصيب
اتخيلو هالسالفه صار لها سنه بالضبط
من شهر .. مرت اخوي قالت لنا اتصدقون ان فلان للحين ماتزوج !
للحين يدروونه له مره
لووووووووول اللهم لا شماته بس صج من تقدر عليه واهوا جذي مايعجبه العجب ويتشرط
و هاذي سالفتي مع هالخطبه العجيبه اللي للحين ماأنساها
بنات ميخالف اسمحولي قتلكم انا يديدة .. وفيني حرة وبطلع على قولتهم كل الي بجعبتي ..:eh_s(6):
تذكرون الدعاية مالت شبس الي اتقول لما يفك ماحيصك ... هذا انا الحين الله يعينكم علي ماراح اوقف لين ما اخلص كل مواقفي :botetoo:
بس بالنهاية لما اخلص من العاهات راح اقولكم عن الزينين ... :eh_s(6):
موقف رقم 2: احنا اول مرة ايون الحريم وثاني مرة ايي الريال ...
لانه مرات من انشوف الحريم يعني ندري ما بناسبونه او ما ترتاحيلهم
المهم فاول ياية .. يت الام والبنت .. البنت بصراحة اتينن حلوة ماشاء الله وشخصيتها احلى وسوالفها وايد مريحة .. وايد استانست عليها .. بس بصراحة الام الله يهديها ... عاد انا عادة يحبوني الامهات بس هالمرة الحجية ما ادري شفيها من دشت علينا واهي مبوزة
وبنات في موقف دايما اتوهق فية ما ادري انتوا نفسي والا لا ؟
ما ادري اصافح بس والا اصافح واوبوس؟؟!! اذا بوس جيني قاطة عمري وذا مصافح جيني شايلة نفسي
بس مرات الي جدامج اهي تحسسج شتسوين
الام وهقتني .. تخيلوا ما قامتلي @@ مع انها مو وايد كبيرة الي ما تقدر .. ومدت ايدها شوية .. طبعا انحرجت وجندست وبستها
المهم اقعدوا سولفوا وقتلكم الاخت اتينن فقامت اتمدحني اشكرة ونوعي استحيت :eh_s(22):
بس الي استغربت منه انه الاخت الي اهي تكلمت بالموضوع وعطتني معلومات عن اخوها وقالتلي اذا بخاطرج شي تسالين عنه يعني حيل متعاونة
وتخيلوا الام ولا شي ... ساكتة وتخزني الله يهديها .. اي تذكرت سالتني بنزر بعد : انتي متحجبة ؟ قتلها اي الحمدالله
يعني انا حسيت انها صعبة بس ما حبيت اتكلم وقلت عادي اذا الله كتب راح اتعرف اني زينة
المهم عقب ما طلعوا دقت الاخت واتفقت مع امي على ياية ثانية مع الريال على دور الاسبوع
واحنا نوعنا لازم اخوي يقعد ما يدش ريال بروحة
المهم ففي الياية الثانية لما دخلت اخوي قاعد مع الريال بزاوية وامي ويمها امه والاخت بالزاوية المقابلة ..
دخلت وسلمت .. وكليك ثاني مرة الاكشن .. الام ما فزتلي .. وجندست بس هالمرة الريال بظهري
اوووووووووووووف شنو افتشلت سخنت .... انا بروحي داشة منحرجة ولابسة هالكعب وسويت شو جدام الريال والله احس سخنت :s141:
المهم قعدت .. اخوي يتكلم معاه وبعدين خل الحديث بشكل عام علشان الريال يشوفني .. يعني حركات
والاخت قامت اطالع امي علشان يعني ما تحرجني وتخليني اطالع اخوها
تخيلوا كل ما ارفع عيني بشوفه القى الام ترفع الاستكانة تشرب الشاي وتخزني ...
هاو حجية الله يهديج صدي شوي بطالع الولد
قاعدتلي الله يهديها
وكملتها وفجاة وبصوت عالي قالتله : فلان كلمها اسالها ؟ اهو انحرج جان يقول شقول ؟
جان اتقولة قول اي شي اسمع صوتها حلو مو حلو ......... هاو بغنيلة انا ؟؟؟
صج طفرت .. والله عاد مو مدح فيني انا احب الحريم الكبار واحس اهم هم يحبوني لاني اعرفلهم
بس اهي الله يهديها ما ادري شفيها .. صج شبيت قعدت شوي واستاذنت
سبحان الله مع انه صار قبول والولد عشتو عجبتة وانا رضيت مع اني كنت صج خايفة من الام بس كنت اقول هم مع الوقت راح تعرفني واتطخ ... بس بعدين مالله كتب .. اهلي مع السؤال وجذية قالوا خلاص ماكو نصيب ... وقلت اكيد خيرة لي .. لاني الحمدالله مستخيرة جم مرة .. طولت عليكم ادري ...
بس ماكو فكة راح اكملكم بعدين
بنات انا لاحظت الخطاب يا ايييون مرة وحدة يا تيي فترة كساد ماكو احد
تخيلوا بعد موقف رقم 2 باسبوع هم يالي واحد
وانا كان مالي خلق يعني انتوا تدرون الخطبة شوي تاثر بالنفسية
ما تدرين القرار الي تاخذينة صح او لا .وتفكرين .. وكل ساعه تسمعين معلومة ..فتحاتين وايد
ورقم 2 على الرغم من خالتي قماشة كنت قابلة فيه مبدئيا
المهم انتقلكم الى رقم 3
موقف رقم 3 :
كان ياي من طرف وحدة من الاهل .. تخيلوا يا بنات قبل ما ايي واشوفة كان واصلني صييتة عن جمالة
كذا وحدة قالوا فلان الفلاني .. اينن .. هانسم .. مزيون .. ورزة ومن هالسوالف ..
تخيلوا واحد تسمعين عن جمالة قبل ما تشوفينة
عاد انا اخر شي يهمني الجمال .. اساسا ما احب الريال الي حيل حلو ..
اسمحولي اغلب الي حيل حلوين تلقين شخصيتة مو حلوة
انا يهمني شخصيتة اخلاقة شهادتة وظيفتة هالسوالف .. شكلة يكون مقبول بس..
يعني صج الحلو ما ينعاف بس قتلكم في امور بالنسبة لي اهم ..
بس هم اهو صج كان بعد وظيفتة زينة وشهادة عالية ومركز.. وعمرة 37
كان ملج مرة وانفصل بدون دخلة .. قلت يلا ماعلية عادي
وعقب ما خلصنا ييت الحريم وصار قبول لانه قتلكم مناسبين ناس يصيرولنا وامي عرفتهم اساسا فمو غرب علينا
في اليوم الموعود .. وصل المزيون
دخلت .. وكان اخوي موجود والريال والحريم
وعقب ما سلمت وقعدت وطالعت ..
طبعا اطالع من تحت لي تحت .. علشان محد يجكني .. تدرون يعني مستحية
بنات الريال زوووووووووووووووغة .. اقول بقلبي هذا الوية اصبح وامسي فيه كل يوم ... معقولة ؟
المهم تكلم وبدا يسولف ...... اةةةةةةةةةة وياريت ما سولف .. يا زينة واهو ساكت
خرب الصورة .. اول شي وايد ماخد راحتة بالسوالف لا ويتكلم عن الاوضاع السياسية وايامها كان صيف لو تذكرون لبنان فيها مشاكل
وحركة حماس وحركة ما ادري منو ...... اقول بقلبي .. شدخل الحرب وانا قاعدة ؟؟ حتى اخوي يرد علية بمجاملة حاسة فيه
قلت يلا يمكن الريال عفوي جدا او انحرج مالقى موضوع.. بس جينة واحد قاعد بزوارة ماخذ راحته
وقرقة ...... يطلع من سالفه لي سالفه
عاد اخوي قاله اذا بخاطرك اي سؤال اسئلها .. المهم سالني عن شغلي سؤال عادي وجاوبتة
وتدرون لما تتكلمين واهو يسمع والكل ساكت حدج تنحرجين يعني مبين اني مستحية واجاوب بدن ما اطالعه
المهم خلصنا ورد يسولف ما ادري عن شنو ... بنص الحجي تخيلوا شقال ..؟
( اي عاد هذا هالحمار ) شنوووووووووووو ستوووووووووووووووب
امبيه شنو هالكلمة ؟؟؟ بنات احنا بجد ما عندنا هالحجي بالبيت وشكو اتقول هالكلام وانت عند ناس اول مرة تشوفهم وبخطبة !!
يعني مثلا مرة قطها واهو معصب يلا قولي بالغلط .. مو سوالف عادية يعني الكلمة هذي عادي بلسانه ..
وقتلكم عمرة 37 يعني ريال كبير مو ياهل ما يثمن كلامة
اهني عرفت وتيقنت انه الشخصية زيرو.. قمت واستانت وانا عارفة وناوية انه لا طبعا
المهم لما طلعوا سالوني اهلي قتلهم لا خلاص مابي وقتلهم ملاحظاتي
جان ايقولي اخوي خلاص اكيد ماتبين نسال اكثر قتلة لا مابي
قال شوفي صار شي منه انا ما عجبني قبل ما تييون .. بس ما حبيت اقولج لين ما اسمع رايج
قال اول ما دخل .. جان يقول ابي طفاية .. هاوو الريال بيدخن اشكرا ..قاله اخوي لا اهني ما عندنا تدخين
تخيلوا اخوي نفسة يدخن بس ما يدخن جدامنا عيب احترام لنا يروح يدخن بغرفتة ويرجع واخوي بعد بطقتة بالعمر
انا صج افضل واحد ما يدخن علان صج ما احب ريحتها .. بس اذا يدخن ماراح ارفضة علشان هالسبب
بس هذا ما يستحي داش عند ناس غرب وبتشوف بنتهم وتبي ادخن ؟؟!!
ما ادري يبي وانا داشة اطلع من بين الدخان والا شنو ؟؟
قلت لا بينت السالفه .. ايقنت برايي اكثر انه اغلب الي حيييييييييل حلوين ماكو شخصية
وبس نفس الشي.. امي قالتلهم ماكو نصيب ..
وااااااااااي ضحكتيني :dddds:
ذكرتيني بموقف صار لي من جم سنه .. وطبعا مثل ما قلت لكم بنات انا متزوجه من عشر سنين ... متزوجه وانا بالثانويه
وما يبين ان عندي عيال اسم الله عليهم ..
المهم وحده شافتني بحفلة ملجه وانا راده مكاني (كنت ارقص )
جان تقولي انتي بأي مدرسه تدرسين ؟؟ ضحكت قلت لها انا ادرس (مدرسه ) ما ادرس
جان تقول حلووووووووووووووووووو والله بنات قالتها بصوت عالي :dddds:
انا طبعا @@@@@@@
جان تقولي بخطبج حق اخوي .... قلت لها انا متزوجه :krkrkr:
جان تقول غميييييييييييييييييظه عاد انتي جميله ومدرسه ... عز الطلب ... وعفست ويها :eh_s(14):
بغيت اصكها بالكرسي :dddds:
على ذكر العباية والنقاب
انا قلت رايي بالصفحة الي قبل ..
ومع احترامي لكل الخوات الي ملتزمين ويلبسون ربي يباركلهم وياجرهم
ويهدينا معاهم
بس انا عندي رايي بهالموضوع وياريت محدي زعل انا الي باط جبدي والي اشوفه
انه بعض مو الكل .. بعض الازواج اشوفهم ملبس مرتة العباة ووالنقاب واهو يخز بهالبنات !!! وعيونة طايرة عليهم
خصوصا اذا سفور .. يعني بفهم ليش ؟ يا اخي استح على ويهك وراعي مشااعر زوجتك
واهو معاها يخز ؟؟ !!
ومثل ما قتلكم قبل يروح حق الي مافيها ويقولها ابيج تسويين مو متحجبة يحن عليها على الحجاب
بعد لو شارط اول الخطبة قولي اشوة ممكن تقبل وممكن ترفض
انا اعرف ناس بعد الزواج بدا يحن عليها تنقبي .. انزين انت خذتها مو متنقبة !! يا انك دورت على شروطك او قتلها من الاول
انا واحد يصيرلي فكرتة حلوة عجبتة وحدة ..واهي مو متحجبة وخطبها وقالها .. انتي حاطة في بالج الحجاب والا لا كلش ؟
قالتلة امبلة ابي اتحجب قالها اذا صار نصيب ميخالف خلال سنة اتكونين متحجبة .. علشان تستعدين وتشترين الي يناسبج وهالسوالف
وافقت البنت .. وعقب اشهر تحجبت بعد مو سنة ..وشزينهم ..
مو جيك بوم .. سوري طولت عليكم بس الموضوع صج حارني
[color="purple"]فديتج حياااتي والله يلا يلا كندوووش زهبي البخوووور .... عاد والله انا متابعة لمواضيعكم من زمان وانتي ويا كندية مواضيعكم دايما حلوة وتونس :tomato2:كويتية...هذول فري فري فري... لو انا جان قلت هزيمة بلانوتر البحر على ضوء الشموع.... وفوق مو تحت...
اي اهما فعلا كانوا وايد فري اصلا الولد كان قايل انه بس يملج علي اذا انا حابة ادرس بره اهوا موافق ومستعد ينطرني بالكويت لين اتخرج وياخذني :krkrkr: بس ماصار نصيب :0bee2e8d89:انا متحسفة على الولد بسبة انه بيخليني ادرس بره
تسلمين كنديه على هالموضوع والجمعه الحلوه يوووووووووووووه نبي نفضفض كل الي بقلوبنا
<<<كانت مضيعه موضوعج صارلها مده
أنا إنخطبت واجد قبل <<<لا تقولون عجوز
كنت أرفض لأنه ما كان في بالي فكرة الزواج <<<الأخت متحسفه إنها رفضت
ما كان في عاهات واجد راح أقولكم سالفه صارت لي بس مو أهو العاهه أخته العاهه
شافتني بعرس أختي وكانت من جماعة أهل المعرس المهم بعد العرس بشهر كلمت أم زوج أختي وقالت لها شوفي نبي وحده من الثنتين
يا أخت العروس أو خالتها
بذمتكم هذي سالفه الله يهداج وعلى قولة أختي حبيبة أمها هاااااو كان سويتي قرعه وشفتي منو يطلع لج أنا ولا خالتي
السلام عليكم...
والله يا أخواتي هل شي قام يخرع :eh_s(2):...
أنا معلمه صار لي ستة سنوات خلال كل هل سنوات وأنا ما يجيني إلا النطيحه والمترديه ليش لأن المعاش والعطل:23_asmilies-com:!!
يعني يشككونج بالكل .. فحتى لو جا الزين قمت أخاف وأقول
مو مبالغه يا أخواتي لكن حتى صديقاتي إلي معاي يواجهون نفس المشكله ..
والحين كل من يسألني شنو وظيفتج؟ أوقل لهم بالتربية وأضيع الموضوع
كندووووش يبيله نسوي اضراب جماعي ونمتنه عن الزواج يا يتسنعون والا فلا .. شفيهم رياييل الامريكان يا زينهم يدلعج ويقولج بيبي وماي لوف واي لوف يو واشقر واخضر وحمر واحنا هالاجلح الاملح تلقين راسه ماكو شعر وجسمه غابة جنه شاذي وفرة بالانتاج وسوء بالتوزيع وفووق هذا رافع خشمه عليج وجايف نفسه احسن مج وحتى شهادة ماعنده ليش ليش ؟؟ لانه ذكر اقوول والله قاثيني قاثييييينييييي هدوني عليهم اهووووه هدوووني
