تجمع للي توها والده واللي بالنفاس-------جديد xجديد

[A.A.A]

اي خبيرة اعشاب عندج وحدة معينه

 

[انا مو هني]

انا ما ولدت ليلحين بس انا بالشهر التاسع
بس سويت تجهيزات حق بعد الولادا
اول شي شريت المشد الاندونيسي حق الكرشا بعد الولادا
وسويتلي خلطات حق شد وتبييظ الجسم
وسويتلي كريمات حق الخطوط البيظا الي تطلع بالبطن
وشريت فيتامينات حق المرظعات من الصيدليا
وخذيتلي سليبات تشد علا البطن علا طوول وبس الباجي الحين علا امي

 

[سفيرة العشق]

بنات عفية شنو الخلطة اللي تسوونها تطير السواد من الرقبة لاعت جبدي ودي اطلع من النفاس ألق لق

 

[الكشخة]

اي خبيرة اعشاب عندج وحدة معينه

ام خالد اللي بالمنتدى،حاطه اعلانها بالصفحه الرئيسية فوق

 

[Brounzi_girlly]

بنات داوموو على الخلطة الصابونية مع الوقت توحد اللون
اما صدمتي اني ضايق خلقي احس اني ماراح اضعف مع اني ما آكل لازم أمشي ولا اسوي اي شي

 

[الزمن ماله أمان]

بنات داوموو على الخلطة الصابونية مع الوقت توحد اللون
اما صدمتي اني ضايق خلقي احس اني ماراح اضعف مع اني ما آكل لازم أمشي ولا اسوي اي شي

حبيبتي عادي شي طبيعي بس تطلعين من الاربعين يبين عليج اكثر انا مثل حالتج اكتأبت بس لما تذكرت اني بولادتي اللي قبل ما كنت آكل ومابين علي الا لما طلعت بس ديري بالج تخلين بطنج فاضيه اذا حسيتي بالجوع اكلي لأن الجوع الشديد والشبع الزايد يسبب هوا بالرحم لاحقه على الرجيم صدقيني نظافة الرحم والمنطقه اللي تحت اهم من الجسم اذا ماصارت مضبوطه ماتعجبين ريلج لو كنتي ملكة جمال تنفسي عدل وبعد الأربعين سوي رجيم قاسي سوي شوربة الملفوف ماتندمين

 

[الزمن ماله أمان]

السلام عليكم ؟؟؟ الزمن ماله امان حبيبتي التبخر انا خابره مو بمره بس معاها لازم قشر بصل وخوا جوا وبعدين المره لازم كسره صغيييره وفعلا تهببببل حق الايام الاخيره من النفاس والدوره تطل الهوا عدددل

عادي مره قشر بصل والمره الثانية مره بس عجيييييبه للهوا

 

[سيلينا]

مرحباااا

اشلونكم امهاات اليوم.؟؟

بنات ياليت تفيدونا اشلون جهزتوا حق طلعتكم من النفاس

يعني شنو شريتوا لبس .. لفات .. اكسسوارات ساعات والذي منه شنو شفتوا شي يسوى ومن وين

 

[سيلينا]

سفيره العشق

عندي وعندج خير رقبتي تلوع الجبد سووده ولا مخططه بعد

اي والله بنات الي عندها شي لسواد الرقبه تقولنا



الزمن ماله امان

اشلوونج شخبااارج؟؟ شا شكثر باقي لج ان شاء الله؟
وشنو زهبتي لطلعتج شريتي ملابس دراريع لزيارات وسوالف للاستقبال وملافع والذي منه ولا بعد؟

 

[سيلينا]

برونزي

اي خلج من الرجيم الحين اهم شي النفاس بعدين بتضعفين تلقائي

انا الحين 68 يبيلي 10 كيلو بس مخليتهم لي بعد النفاس ان شاء الله بالحركه وبالاكل ان شاء ننزلهم شيلي الضعف الحين من بالج
لاني سمعت ان الرجيم بالنفاس مو زين ادري وراج استقبال وودج تردين سمبتيكا مثل اول بس مع الوقت ينزل برووحه

 

[حور الجنان]

شنو سوالفكم حق الكرررش ؟

انا عندي شاي الاعشاب مال خبيرة الاعشاب صراحه احس ينظفني,,

بس تكفون السواااد شاللي يخففه بطني ورقبتي يااااربي لونهم سمبتيكا ؟

 

[سعادتي برضى ربي]

بنات لاتحاتون وايد

خلي اخر اسبوع من النفاس حمام مغربي وتشقير الجسم كامل مع شيره وبرافين جسم

تطلعييين روعه ويبيض حييييل


والسوق ترى حلوو بس اول شي ضبطو بورقه وقلم شنو تحتاجون عشان ماتحوسوون

 

[الزمن ماله أمان]

الزمن ماله امان

اشلوونج شخبااارج؟؟ شا شكثر باقي لج ان شاء الله؟
وشنو زهبتي لطلعتج شريتي ملابس دراريع لزيارات وسوالف للاستقبال وملافع والذي منه ولا بعد؟[/quote]

هلا حبيبتي انا صارلي 30 يوم دخلت ب31 خلصت المكياج والعطور طبعا دبنهامز عنده عطور عجييييييبه توها نازله خميت خم فيني فقر من النفاس محرومين من الريحة الحلوة وشريت مكياج من ديور وكلارنس وسان لوران عندهم ألوان شدو عجيبه وخذيت جنطه من مايكل آنجلو بشرق حلوووه حيل وفخمة حق استقبال وعروس وخذيت لي خامات مخمل وفصلت دراعات خذيت موديلاتهم من النت بس باجي لي بدلة الاستقبال راحت عن بالي باجر بفر على المصممات انشالله ألقى وحده تفصلي عاد آنا شنو ذوقي صعب أبي ناعم ونفس الوقت فخم مادري شلون بس باقي لي الملابس الداخليه واشياء خفيفة لأني ابي آخر اسبوع للصالون اب تفرك ومساجات ودلع محتاجه اغير جو

 

[الزمن ماله أمان]

لقيت هالخلطات بالنت بجربهم لأن واضح أن كل المواد طبيعية ومجربة شرايكم نبدي حملة نظافة وتبييض هذي الخلطات ونقوا

المقادير :
نصف فنجان قهوة عصير ليمون
نصف فنجان قهوة زيت لجليسرين
ربع فنجان زيت الخروع
نصف فنجان زيت اللوز الحلو
ربع ملعقة صغيرة مسك
اخلطي كل المقادير مع بعض و حطيهم في قارورة و ادهني بيها المناطق الى فييها سواد مثل ركب ..الابط .....الخ
استعمليها كل يوم مدة 3 اسابيع مع عدم استعمال مواد مزيلة للشعر بتمني تستفيدو من الوصفة
وصفة لبياض الرقبة
كريم الجلسرين الأحمر وبودرة جونسون للأطفال وزيت جونسون للأطفال
تخلطين الثلاثة مع بعض جيدا ثم تضعين الخليط بعلبة وتضعين منه كل يوم
حبيت اقولكم طريقة بالمررررررررررة جناااان
مافيها لا خلطات ولا تعب
تاخذون 2ملعقة ملح 1ملعقة خل التفاح
وتفركينه على الركب والاكواع..
تستعملينه فقط للركب والاكواع
وتفركينه شوي شوي
أقنعة لتبييض و تفتيح البشرة
فى فصل الصيف تكثر الشكوى من اسمرارالبشرة و وجود بقع سمراء بها و فيما يلى نستعرض معاً مجموعة من الأقنعة لتبييض و تفتيح و جمال البشرة
- قناع بياض البيض: يستخدم هذا القناع لتبيض البشرة العادية والدهنية فقط دون البشرة الحساسة أو الرقيقة ويتكون هذا القناع من بياض بيضة واحدة نقط من عصير الليمون و خلط المكونات جيدا ودهان الوجه والعنق بفرشاة ويزال هذا القناع بعد حوالى 10 دقائق فقط بالماء البارد.
- قناع اللبن بالدقيق:
ويستخدم قناع اللبن بالدقيق لتبيض البشرة العادية دون الحساسة ويحتوى هذا القناع على 3 ملاعق دقيق نقى وكمية مناسبة من اللبن الحليب الطازج و عصير ليمونة واحدة وتضاف هذه المكونات إلى بعضها وتخلط خلط جيدا إلى أن تتكون عجينة لينة يتم وضعها على البشرة على أن يترك هذا القناع على البشرة لمدة 20 دقيقة ثم يزال بالماء الدافئ.
- قناع عسل النحل بالخميرة لجمال و نعومة البشرة:يفيد هذا القناع فى تغذية البشرة الجافة و مدها بما يلزمها بفيتامين ب على وجه الخصوص و تستخدمه بيوت التجميل على نطاق واسع و يمكن عمل القناع فى المنزل بسهولة و يتكون من ملعقة عسل نحل و ملعقة حليب طازج و مسحوق قرصين خميرة يمكن الحصول عليهما من أقرب صيدلية و مزج المكونات جيدا و عمل دهان و يتم طلاء بشرة الوجه و العنق بفرشاة مع مراعاة الإبتعاد عن منطقة العينين الحساسة و يترك القناع على الوجه لمدة 15 دقيقة على الأقل و بعدها يمكن غسل الوجه بالماء الدافئ عدة مرات.
جبتلكم وصفة لبياض الإبطين :
1 فنجان بودرة جونسن
1/2 ملح ناعم
1 فنجان ماء ورد
يعجن ويوضع لمدة 1/2 ساعة
على الإبطين
1**
لتلميع الجـسم وازالة الخلايا الميته0
اخلطي كاس من السكر مع ملعقتين من ازيت الزيتون 00000
لتحصلي منه عجينه خفيفه" ثـم افركي بها جسمك ووركزي على المناطق الاكثر جفافا ثم اشطفيه جسمك با الماء البارد ودلكيه بمرطب للبشره0

هل تعانين من اختلاف الون الركبتين والمرفقين عن باقي الون الجلد000!!
الحل هنـــا
1- امزجي عصير اليمون بمسحوق الشوفان 0افركي با المزيج الركبه
وووالمرفق عدت مرات في اليوم0 وبعد اغسليهماوودهنيهما با الكريم00

2-اخلطي عصير اليموون بزيت الزيتون او الجليسرين وووادهنيهما كل ليله0

ثانيا:
الإبط:
بعد الحمام تفركين المنطقة بالليمون ولما تنشف تحطين عليها كمية قليلة من الباودر (بودرة جونسون أو أى نوع تحبينه)
1- يفضل عدم إستخدام أى نوع من انواع الباودر المعطر
2- لا تحطين الليمون على المنطقة بعد شيل الحلاوة لأنه يسبب التهابات وحرقان

النتيجة:
1- تعقيم المنطقة 100 % من الجراثيم
2- تبيض المنطقة وتوحد لون المنطقة
3- يغنيكم عن مزيلات العرق ومشاكلها
4- انتعاش واحساس بالنظافة
5- نعومة
للحصول علي أكواع بيضاء ناعمة أولاً نحتاج الى عدة أشياء و هى ليمونة - ملح - مقشر للجسم Body Scrub
- كريم جلسوليد أو جلسرين.
تقطع الليمونة إلى نصفين ويرش الملح عليها ، ضعي الكوعين عليها واتركيهاا لمده 10 دقائق.
اشطفيها بالماء بعد كذا وقشريها بنعومة بالمقشر.. ثم وحطي كريم جليسوليد.
يمكنك عمل هذة االطريقة مرتان فى الأسبوع حتى تحصلين على النعومة و البياضالذىتريديه

غسول الفواكه ـ لتبييض اليدين :
المكونات :
ـ 8 ملاعق كبيرة ماء ورد.
ـ 3 ملاعق كبيرة جلسرين.
ـ 3 ملاعق كبيرة كحول نقي..
ـ 1 ملعقة كبيرة عصير ليمون طازج.
ـ 1ملعقة كبيرة عصير برتقال.
ـ 1 ملعقة كبيرة خل التفاح.

التحضير والاستعمال :
تخلط المكونات جيداً.. ثم تعبأ في زجاجة مع الرّج عدة مرات.
إن غسل اليدين بالماء والصابون يعمل على زوال المادة الحامضية الطبيعية التي تحمي الجلد.. وباستعمال هذا المستحضر فإنه يعمل على الحفاظ على هذا الحامض الطبيعي. وهو يستخدم يومياً بعد غسل اليدين.. وله أثر في تبييض بشرة اليدين ونعومتها.

 

[ام الجــوري]

هلا بنات شلووونكم؟؟؟؟ تبون اللي يوخر سواد الرقبه ( الأسكينول) استعمليه مرتين باليوم وشوفي شلون يشيل السواد وترد رقبتج تلق

 

[ام الجــوري]

الزمن ماله امان
أنا نفسج تقريبا خلصت تجهيز بس بدلة طلعتي الاربعين مادري من وين اخذها؟؟؟

 

[الزمن ماله أمان]

بياااااااااان هاااااااااااااااااام خلطة لتبييض الرقبة

حبايبي هذي خلطة مجربتها ومضمونة 100% والله بنفاسي ببجري جربتها والله أول ماولدت كانت رقبتي سووووووده وتلوع الجبد شريت كتاب أسرار الحريم جربوه والله روعه تلاقونه بالمكتبات سعره دينارين ونص المهم في ملف خاص للعناية بالنفاس كان في خلطه لتبيض الرقبه والله جربتها حيييييييييل فرق معاي اللون كنت اسويها بشكل يومي وهذي اهي الخلطة
ملعقه عسل+ بياض بيضه+ 8 نقاط زيت زيتون+ ملعقه عصير ليمون
تحطينها على رقبتج لمدة ربع ساعه طبعا بتصير مثل الماسك وتيبس بعد الربع ساعه غسليها بماي دافي عشان ماتلتهب بلاعيمج بعدها كنت احط جلسرين الأحمر وأفرك الرقبة حيل بالليمون والله عجيبه جربوها وماراح تندمون

 

[ام الجــوري]

الزمن ماله امان

استعملتي تحاميل؟؟؟

 

[الزمن ماله أمان]

الزمن ماله امان

استعملتي تحاميل؟؟؟

اليوم رحت الصيلية وخذيت تحاميل بيتادين ببدي فيهم اليوم لي نهاية الاربعين انشالله

انتي جم لج اليوم؟

 

[ام الجــوري]

انا اليوم 33