ولدج / بنتج بأي مدرسه ؟ وشلون نظام الواجبات فيها ؟

[محبة الاستغفار]

انا ولدي ثانيه ابتدائي يعطونه الواجبات لماده العربي بورقه لاسبوع كامل وفي يوم الثلاثاء يكون عليه املاء قبل ولدي ما يستوعب ولا يعرف الاحرف قمت احفظه كل يوم سطر من الدرس لي يوم الاملاء يكون حافظ الدرس كامل وبالنسبه للدين احط له السور بالجهاز يكررها مع القارئ ليما يحفظ السوره
وبناتي الكبار اساعدهم بالاشياء الصعبه عليهم بس اكثر شي اركز على ولدي لان توه ما يقدر يعتمد على نفسه

وشكرا على الموضوع حلم

 

[محبة الاستغفار]

هم المواد الثانيه اشوف شنو خذوا واساله عشان يركز الموضوع في راسه

 

[حلم الطفولة]

العفو محبة الاستغفار وأشكرلج مشاركتج


وأم حنونه شاكرتلج المشاركه والله يعيـــنكم والله على عدم التنسيق بين المدرسين هذي صج مشكله كبيره

 

[اثمان]

اكره شىء بالموضوع اهو الامتحانات المفاجئه اللى تكون باى وقت خلال الاسبوع +التقارير والبحوث اللى مو موجوده بالخطه الاسبوعيه

 

[حلم الطفولة]

اكره شىء بالموضوع اهو الامتحانات المفاجئه اللى تكون باى وقت خلال الاسبوع +التقارير والبحوث اللى مو موجوده بالخطه الاسبوعيه

أثمان صــــاآجّــــه !! البروجكتس والتقارير وايد ياخذون من الوقت

 

[اثمان]

أثمان صــــاآجّــــه !! البروجكتس والتقارير وايد ياخذون من الوقت

لا وخصوصا لما يخلونهم بايام الامتحانات:eh_s(14):

 

[حلم الطفولة]

لا وخصوصا لما يخلونهم بايام الامتحانات:eh_s(14):

الله يعينج أثمان والله ...
هذا النظام أثمان بمدرسة الكويت ثنائية اللغه ؟؟
بالابداع ما قط صار بروجكت وقت الامتحان .. آنا ما حصلت مع عيالي ,.

 

[حلم الطفولة]

يالله
فوق !
فـــووووق!!

 

[ReeMaN]

خوش موضوع بصراحه ومنكم نستفيد .... انا ولدي بمدرسة الحياة العالميه اولى روضه ويوميا يعطونه واجب يوم عربي حرف ورقم ويوم واجب بالانجليزي هم حرف ورقم وكل اسبوع يكتب كلمه بس هالواجب يكون اختياري مو اجباري وولدي يحل الواجب واسملله عليه يطلع روح روحي على مايخلص الواجب لان يزهقونه مسكين كل يوم واجب وساعات واجب بس صفحه وحده وساعات اربع صفحات وعندهم كل خميس جنطه حبابه هذي تعتر جنطه فيها قصه اقراها له بالعطله ويردها الاحد وماادري اذا يتناقشون بالقصه والا لا .... بس عن ولدي مسكين افتر راسه من كثر ضغط الواجبات صار مايميز بين العربي والانجليزي بالاحرف وانا سجلة ولدي بتقويه انجليزي عقب الدوام لمدة ساعه بس ماكو فايده نفس التيشر وكل ما اروح اخذه القاهم يل يلعبون مادري مااحسه مستفيد والله كريم انشالله اسفه دوختكم

 

[حلم الطفولة]

مسكين ريمان كسر خاطري ... أولى روضه وعليه ,, الله يعينه ويعينج .

 

[ReeMaN]

وييييي نسيييييييييييت ماقلتلكم شي بعاااااااااد كل اسبوع ولدي يعطونه ورقه فيها رسومات ولد يسوي حركات بايده وفيها كلمات مو مفهومه وحتى ولدي مو فاهم كل مره اقول بسال التيشر انسى عاد اليوم على حظي وانا ماخذته من التقويه والا اتطيح منه الورقه جان اسالها عن الورقه والله ماتصدقون اشقالت لى .... قلتلها بعاااااااااااااااااااادفوق العربي والا انجليش تعطونه الساين لااااااااااانفويش لغة الاشاره لا بالله ولدي بيستخف حرام عليكم الولد افتر راسه قامت تضحك اتقول بعد هذا منهج احنا ماشين عليه شقولها بالله ....

 

[حلم الطفولة]

عربي .. انجليزي .. قرآن .. لغة اشاره .. @@ داخ ودختي معاه ريمان !!

 

[ام عبوشى]

انا ولدى مدرسة الكويت النجليزيه اكثر شى يركزون عليه القصص والمحادثه والاحرف

 

[ReeMaN]

اى والله يعطونه لغة الاشاره ... اى اسم هاليومين كنت بروح اسال الاداره عن سالفة لغة الاشاره بس كلش مافضيت واتوقع ان بس جذي يعطونه لان مو مكتوب بالتقرير علامته بهاللغة مادري بس جذي يعطونه والا بس عشان الرسومات يلونهم الياهل ... عموما انشالله ان فضيت بروح اسالهم شساااااااااااالفتهم مع هاللغة .... انا سالت ولد اختى اذا يعلومنه هاللغه يقول مادري ماعرف ... اى اسم ولدج شيقول يعطونهم والا بس الكي جي

 

[اي اسم]

هلا ريمان
ولدي ما عمره ذكر شي عن لغة الاشارة واهو نايم الحين والا جان سالته
اساله باجر ان شا الله
بس صراحة مالها داعي
يعني لو يزيدون الانشطة الترفيهية للطفل بدال هالشغلات وايد احسن
عفية ساليهم وقوليلنا

 

[سيدة الكويت]

شنو فايده لغه الأشاره؟؟؟؟؟؟؟؟؟؟؟؟؟؟؟؟؟؟

 

[ReeMaN]

اشدرانى شبيستفيدون منه فيه ... خو يالله يتكلمون ويركبون كلام مفهوم على بعضه هالمره بعد لغة اشاره !! انا والله هالاربع ايام كلش مافضيت اروح لهم اشوف شالقصه ... بس انشالله ماتكون السالفه صج لغة اشاره

 

[اي اسم]

اي والله ريمان لما تسالينهم طمنينا لان عندي ولدي الصغير السنة الجاية بقدم له كي جي 1 وحاطه الحياة من الخيارات

 

[ReeMaN]

انشالله الاسبوع الياي راح اسالهم ... اى اسم جنج بتكملين المشوار مع الحياة والا بتطلعين اللي بقريد 1 وبتدخلين الصغير؟؟

 

[ReeMaN]

تصدقين لاحظت وايد امهات اللي عيالهم بمدرسة الحياة مرتاحين فيها ويقولون ادارتهم حيل قويه ومنظمه وقادرين على اليهال اكثر من ام قالت لى ان بنتها او عيالها وايد تحسنو بشخصيتهم ماشالله عليهم .... ولد اختى قريد 1 يقول كل ابلاتهم قبل لايدشون الصف اذا شافو صيحه التيشر بس ترفع ايدها نفس هتلر وتقول قرييييييييييد 1 يقول بسسسسسسسسسسسرعه نقعد بكراسينا وولا كلمه ولاااااااااااااااااا حس حتى ولدي مع ان كي جي 1 هم يسوون له جذي وياحلاااااته لا قعد يمثل لي ... ويقول مايرضون انوصخ المدرسه و صج المدرسةحيل نظيفه من داخل ماشالله