تجمع أمهـات الأمـريكية الدوليـة ( ais )

[malgoofah]

هاي اشلونكم ترى بحطون ال sport day بالوطن تي في الساعه 9:30 لايف وناسه دازين ورقه مع بنتي شوفوهم بنتي مع green a

 

[* LOVE STORY *]

هاي اشلونكم ترى بحطون ال sport day بالوطن تي في الساعه 9:30 لايف وناسه دازين ورقه مع بنتي شوفوهم بنتي مع green a

هلا ملقوفه
صج ؟ عاد آنا حاطته عالوطن ماشفته يمكن طافني

 

[*نور الكويت*]

هلا جيسيكا
الله يوفق ولدج ان شاالله
والمدرسه ماعليها كلام ماشاالله قويه وايد وفيها مميزات ماشوفها في باجي المدارس
وان شاالله يقبلون ولدج فيها وتفرحين فيه وتنظمين لتجمعنا

واي شي بتستفسرين عنه احنا حاضرين

تسلمين حبيبتي ماقصرتي
والله يوفق ولدج ان شاالله
اي والله المدرسة ممتازة
ماتدرين متى يفتحون باب التسجيل ؟

 

[malgoofah]

هلا بنات اشلونكم لا ترى ما طافج ما حطوه كانو دازين ورقه بس مادري ليش ما حطوهم يالله ما عليه و جيسيكا ترا ماشالله المدرسه حدها قويه و زينه انتي دقي سأليهم احسن هذا سايتهمhttp://www.aiskuwait.org/

 

[ReeMaN]

شلونكم بنات

​

شرايكم بنات تسولفون عن المدرسة وشلون نظام دراستهم ومنهجهم وشنو انشطتهم وشلون تعامل الاداره مع اولياء الامور والطلبه وصج اللي قالو ان منهجهم وايد صعب ؟ ترا اتفيدونى واتفيدون اللي ماعنده خلفيه عن هالمدرسه :bbbiu:

 

[fajer alkuwait]

السلام عليكم ورحمة الله وبركاتة

حبيت بهالموضوع نتناقش فيه عن امور عيالنا

وأمور المدرسة وكل شي فيها


حياكم الله :tek:

مرحبا انا بعد اعيالي في المدرسه ais بنتي في اولى روضه وولدي اولى ابتدائي الحمدالله بنتي وولدي ماشيه امورهم والمدرسه ومرتاحين فيها بس ولدي عنده مشكله بس بالقراءة القصص وانا اعاني من هالسالفه ومدرسة مالت الأنجليزي تقول بس عنده مشكله في القراءه وبالبيت احاول اقره معاه ماكو فايده يتملل شنو الحل معاه احط له مدرسه في البيت ؟ حتى دراسة معاي عسره ومساكين بعد واجباتهم واايد شنو الحل؟ :eh_s(10):

 

[ReeMaN]

يا حافظ ليش جذيه محد معطينا ويه :bbbiu:

 

[* LOVE STORY *]

هلا حبيبتي ReeMan
افا عليج نعطيج ويهين بعد
بس صارلي يومين مادخلت النت

بتكلم أول شي عن تعامل الأدارة مع أولياء الأمور والطلبه
بما انه ولدي توه اول سنه معاهم التعامل فوق الممتاز ,,
هذا اللي آنا أشوفه ولمسته منهم , بشوشين والأبتسامه ماتفارقهم
مدرسات ولدي فوق الروعه ماشاءالله
عندهم وايد أنشطه
منهج المدرسة أمريكي , وعندهم برنامج ال PYP من اولى ثانوي وهالبرنامج
بس 117 مدرسة بالعالم يعطونه , وال AIS اهي المدرسة الوحيدة بالكويت اللي عندها هالبرنامج
والسنة اللي طافت المدرسة ماخذه المركز الاول بتعليم اللغة العربية بالتعليم الخاص
صج انها منهج أمريكي بس الطلبة العرب لهم مدرستين عربي أساسية ومساعده
واللغة العربيه أساسية عندهم يعني آنا ولدي بري كي جي واتييهم مدرسة لغة عربيه تعلمهم الأحرف
والأعداد
الطلبة اللي مع ولدي أغلبهم اخوانهم وآبائهم متخرجين منها
سالفة المنهج انه صعب توني أسمعها منج , ولدي توه بري كي جي فماعندي خلفيه عن هالموضوع عدل
بس المدرسة قوية وايد وبرايي انه اللي يجتهد بياخذ حقه

يمكن ملقوفه وفجر الكويت يقدرون يفيدونج أكثر مني لأن عيالهم بالقريد

اي استفسار حاضرين حبيبتي:eh_s(17):

 

[* LOVE STORY *]

مرحبا انا بعد اعيالي في المدرسه ais بنتي في اولى روضه وولدي اولى ابتدائي الحمدالله بنتي وولدي ماشيه امورهم والمدرسه ومرتاحين فيها بس ولدي عنده مشكله بس بالقراءة القصص وانا اعاني من هالسالفه ومدرسة مالت الأنجليزي تقول بس عنده مشكله في القراءه وبالبيت احاول اقره معاه ماكو فايده يتملل شنو الحل معاه احط له مدرسه في البيت ؟ حتى دراسة معاي عسره ومساكين بعد واجباتهم واايد شنو الحل؟ :eh_s(10):

هلا fajer alkuwait
اشتري له قصص وحاولي تخصصين له ساعة باليوم يقراها
مثلآ قعدي انتي وابوه وقولي الحين انته بتقرالنا قصه عشان يتشجع , كافئيه اذا قرالكم
قبل لاينام عطيه قصه قوليله اقراها لي عشان انام معاك , حاولي تحببينه بالقراءه عشان مايكرها
او ييبي له مدرسة خاصة للقراءة يمكن يستحي منها لين يتقوى بس
والواجبات ترى كلللل المدارس واجبات وايد , وآنا أشوف هالشي من مصلحة الطالب
اذا ماتقدرين عليهم اثنينهم استعيني بمدرسة تساعدج

الله يوفقهم ان شاالله

 

[ReeMaN]

مشكووووووووووووره اختىلوف ستوري على المعلومات وعسى الله يسخر لج هالنونو ويبلغج فيه ويحنن قليبه على والديه
واتمنى باجي لبنات يساعدونى على المدرسه ولو الود ودي علىكل المدارس الامريكيه نتكلم عنها وناخذ معلومات من بعض

 

[* LOVE STORY *]

مشكووووووووووووره اختىلوف ستوري على المعلومات وعسى الله يسخر لج هالنونو ويبلغج فيه ويحنن قليبه على والديه
واتمنى باجي لبنات يساعدونى على المدرسه ولو الود ودي علىكل المدارس الامريكيه نتكلم عنها وناخذ معلومات من بعض

اللهم آمين
مشكووووورة على هالدعوة الحلوة اللي مثلج

حبيبتي آنا أنصحج تروحين بنفسج لأي مدرسة خاطرج فيها ال ais أو غيرها
وتاخذين فكرة عنها عن قرب , تستفسرين عن النظام , المنهج , وكل شي بخاطرج
عشان لي سجلتي ولدج تكونين على بينه بكل شي .

 

[ReeMaN]

مشكوره لوف ستوري على هالمعلومات وانشالله اشوفها واشوف غيرها ... طيب بسالج يصير اذا بسجله فيها احط اسمه على اساس احجز كرسي حق ولدي الحين ؟؟ والا لازم انطر وقت التسجيل؟

 

[* LOVE STORY *]

مشكوره لوف ستوري على هالمعلومات وانشالله اشوفها واشوف غيرها ... طيب بسالج يصير اذا بسجله فيها احط اسمه على اساس احجز كرسي حق ولدي الحين ؟؟ والا لازم انطر وقت التسجيل؟

لاماكو حجز
تنطرين يفتح باب التسجيل وتاخذين الأبلكيشن اتعبينه وتقدمينه لهم ويعطونج موعد للأختبار
يختبرونه وتالي يتصلون عليج يبلغونج بالنتيجه اذا انقبل أولا
ال ais من شهر1 يبتدون يستقبلون طلبات الألتحاق بالمدرسة والأختبارات شهر3

 

[ReeMaN]

تسلمين اختى لوف ستوري ويعطيج الف عافيه والله يوفق وليدج

 

[* LOVE STORY *]

الله يعافيج حبيبتي وعيالج ان شاالله

اليوم عندهم بجاما دي ,, ولدي من قعد من النوم لين وصلنا المدرسه يحن
ماما شلون أروح سكول بالبجاما بس لما شاف ربعه استانس ,,

 

[* LOVE STORY *]

تسلمين حبيبتي ماقصرتي
والله يوفق ولدج ان شاالله
اي والله المدرسة ممتازة
ماتدرين متى يفتحون باب التسجيل ؟

هلا جيسيكا

شهر1 يبتدون يستقبلون الطلبات

 

[ردينه]

هلا بنات ---ولدي قجنت له فيها قالوا لي وايد صغير لاززززززم انسوي له retest( اعادة اختبار)

احتريت منهم ----فرحت ASK , و الحمدالله مرتاحه منها

 

[ردينه]

lovestory اليوم ال ask هم بعد باجاما دي و حبيبي راااح فيها سلم قلبه

 

[* LOVE STORY *]

هلا ردينه حياج الله
جم عمره كان ؟ وبري كي ولا كي جي

 

[ReeMaN]

لوف ستوري .. ابي اسالج شيسوون بيوم البيجاما دي؟ يدرسون والا يعتبر يوم ترفيهي لهم؟؟ وشنو المناسبات اللي يسوونها غير البيجاما دي؟
كل شهر والا شنو؟