طريقتكم في تنظيف الكفرات (اللحف)

[sky is high]

السلام عليكم ورحمة الله وبركاته
:68_asmilies-com:



بناتي وفلذات اكبادي
اشلونكم وشحالكم



سؤالي واضح وصريح ومافيه لف ولا دوران...
هل كيف يعني ازاااااي يعني اشلووووون
تغسلون الكفر اللي تتلحفون فيه ؟؟ لاني مع الاسف عيزت ادور مصبغة تدير بالها على الكفر كلهم يقطونهم عالارض قبل الغسيل ويدوس عليها كل من هب ودب ..وبعضهم هم بعد الغسيل على بو انهم بيسفطونهم يحطونهم عالارض (شووووف عنوني)
وانا لم ولن اقبل بهكذا معاملة حق كفراتي ..وغسالتي صغيرة عليهم يعني الشراشف والغطا الكوشيات والمخاد ويادوب بس الكفر العملاق المتين لا
ويش اسوي فيدوني

 

[sky is high]

امبيييي شنو يعني
محد يغسل كفره
والا كل ماتوصخ تشترون يديد <<<<<جني اوحيت لي بفكرة

 

[مس*فلحه*]

حبيبتي بقولج طريقتين:
الأولى : تحطين الكفر بطشت كبير وتنقعينه بالماي والشامبو أو الماي والصابون وتخليطن الماي بيدجوتنقعين الكفر فيه خليه جذي نص ساعه تقريبا وعقب غسلي ريولج ودوسي عليه حيل حيل_03ba: (حطي حرتج فيه لووووول) وقلبيه وردي دوسي, عقب كتي الماي وحطي ماي يديد ودوسي ومره ثانيه كتي الماي وحطي ماي يديد ودوسي يعني مرتين وخل أحد يساعدج عشان نترينه لانه راح يصير ثقيل مع الماي

 

[مس*فلحه*]

طبعا انتي تدوسي عليه أحسن ما واحد من الصكه يدوس عليه(مضمون)
أما الطريقه الثتنيه وغالبا نستخدمها حق الكفر الشتوي:
غسلي الأرضيه عن الغبار والوصخ وفرشي الكفر عالأرض وصبي عليه الماي ورشي الشامبو او الصابون و أخذي مخمه(طبعا تكون خاصه للكفر بس تستعملينها حق غسيل الكفرات) وفركي فيها الصابون وعقب صبي ماي وانتي تفركين عشان يروح الصابون وخل أحد يساعدج عشان تشرين الكفر.

وانشالله ما كون طولت عليج وانشاله طريقتي تعجبج, او اذا غسالتج كبيره حطيه..
لا تنسيني بدعائج ان بري يعطيني اللي ببالي ويرزقني الرزق الحلال

 

[منارو]

موضوعج حلو
الصراحه اذا وديت كفري المصبغة يعورني فلبي
من شكل العمال الي يشتغلون الواحد منهم يبي له غسيل وتنظيف شلون بغسلون كفراتنا وهدومنا
الله يذكرها بالخير امي بعد عمري الله يشافيها كانت تغسلهم في البانيو تنقعهم مثل طريقة الاخت مس فلحه
بس الي يعرف مصبغة نظيفه واهم شي العماله الي فيها يكونون نظاف وامينين على الكفرات مو يحذفونه بالارض

 

[sky is high]

مشكورين يالغاليات ماقصرتوا الله لا يقصر باعماركم ان شاء الله وينولكم اللي ببالكم ...((القارئ يقول امييييييييييييييييييين))
اممممم سالفة البانيو عجبتني
وجاننننن بخت عندي غسالة عودة بس غسالتي عنونة يادوب تشيل خلاجيني انا وريلي ))))

 

[رووووعه]

موضوع مفيييييييييييد الله يجزاك خير

أما أنا من هالشهر ما راح اودي للمصبغة والله يابنات عقب طلاعتي وديت ديباجات عيالي جديدة أول مرة أوديها المصبغة بس كان فيها بقعة كاكاو كبيرة الله يصلح هالعيال والله مثل ما وديتها جبتها ولما شميت ريحتها مامر عليها الصابون ويقولون على ذمت الراوي إنهم يغسلون ديباجات الأوادم كلها مع بعض ووووووووويع ..

وعندي طريقة حلوة من اختي الله يخليلها عيالها ... تغسلين البانيو عدل مدل بالمنظفات والكلوركس وبعدين تعبينة ماي وتحطين الديباج مع الصابون ويتنقع يوم .. وبعدها تدوسين عليه وتفركينه بإيدينج وتعصرينه واتسبعينه من الصابون عدل وتلفينه و تحطينة طرف البانيو لين ينزل الماي وبعدها بمنشر الملابس لين ينشف .. ولما تتأكدين انه تمام نشف تشغلين بخور أو عود وتحت المنشر تحطين المدخن لين تدخل الريحة كلها .. وعقبها رشئ أي مشعل تحبين ريحته..

وســـــــــــــــــــــــــلامتكم:tek:

 

[Tender Heart]

انا طريقتي اغسل البانيو بجف وماي وشوي كلوركس ابيض وعقبه افركه بتايد بعدين اصك البانيو بسداده البالوعه واترس البانيو ماي مع فانيش واريال وماي وعقبها اشطفه

 

[noorq8]

أفضل وأنظف طريقه انج تغسلين البانيو غسال مضبوووط وتترسينه ماي وتحطين الصابون العادي مال الغسيل ونقعيه ساعه وتالي فركيه وعقب فتحي البالوعه خل يروح الماي ولي راح الماي شيلي الكفر وحطيه على كرسي بالحمام (كرسي بلاستيك مال الحديقه وطبعا يكون مغسول ) وعقب ردي غسلي البانيو وترسيه ماي مع كمفورت وحطي الكفر نص ساعه عشان يتشبع بريحة الكومفورت وكرري العمليه مالت اخراج الماي وتالي حطيه على الكرسي لين يطلع كل الماي لأم ماراح تقدرين تشيلينه وهو متروس ماي ثقيل عقب شريه ويفضل تسويين هالشغله هاليومين قبل الشتا لأن اذا مافي شمس ماينشف بسرعه وريحته تصير خمره.وهذي أفضل طريقه كنت قبل أوديهم المصبغه ومن قالت لي زميلتي المصريه ازااي تسقي بالمصبغه دول بيحطووهم مع بعض بتوع العجزه واللي فيهم بوووول وييييييع ومن يومها وهذي طريقتي بالغسال.على الاقل تحسين انهم طاهرين

 

[قبيطه]

احسن شى المصبغه

 

[النبيطة]

وحدة اعرفها حاطة سريرين بالسطح طبعا بدوون مرتبة عشان تنشر عليهم اللحاف او البطانية بعد اتلغسيل

 

[~ام خالد~]

حلوه طريقه غسيله بالبانيو ... بس شلون ننشره؟؟؟
الحبل ما يتحمله
ما لنا الا المصبغه مضطرين شنسوي

 

[noorq8]

الشر على الحبل ماراح ينفع لالا فرشيه على المنشر عقب ماينزل الماي منه وبينشف بساع .

 

[م فطومه]

انا اول في بيت ابوي كنا نحطهم بالبانيو بعد مانغسل البانيو عدل وفرك فيهم فرك وبعدها بالغسلة الاخيرة كوب ديتول وكومفورت واخليهم ساعه تقريبا واخر مرحلة الشطف ولان عندنا حوش فاشر الكفرات على 4 حبال تقريبا لانه يكون ثقييييييييييييييل




اما الحين كلة مصبغات لان ماعندي بلكونة ولا حوش وشكلي بوديهم بيت ابوي وغسلهم وارجعم لان كل ماييب كفراتي ريحتهم شي غريب مادري شنو


وكفراتي غالية الصراحة تبهذلو

 

[أم الطيب]

انا ريحت عمري كلششششششششششششششششش
من شفتهم شلون يغسلون بالمصبغه ، لالالالالالالالالالالاعب جبدي من الوساخه

شريت الديباج الأبيض يلي ينباع بـ ايكيا
وصرت اشتري أجياس للديباج من ايكيا وسيتي سنتر وسنتر بوينت وأبدل كل اسبوع جيس
واغسله بالغسالة مثل الشراشف
ولالالالالالالالالالالالا حوسة المصابغ ووصاختهم قطيييييييعه

واصلا شذيه ماتملين من الكفر نفسه على السرير ، كل اسبوع لون وشكل غير

والديباج الابيض اغسله مره كل 3 شهور بالغسالة شحلااااااااااااااااااااااته نظيف

 

[ام سعودي]

بصراحه المصبغه احسن وانظف

 

[<< أزيان >>]

مالك الا الغساله الكبييييييييييييييييييييييييره تغسله وتنشفه وتزبطه تزبيط لأني مااعتقد اني اذا غسلته بينشف من غير ماتطلع فيه ريحة خموره وعفونه بعد هذا رايي وبس

 

[hadeel111]

....انا مشكلتى مع الماترس...شلون انظفه؟مهما نظفتيه يكون سطحى وما يتنظف من الداخل!

 

[الشاهينه]

لا والله المصبغه قمه الوساخه يخلطون كل الكفرات مع بعض وانتي ما تدرين هالكفرات شنو فيها

 

[يارضاها]

انا مره شفت غساله كبيرة 15 جالون

اتوقع تشيل الديباج

لكن المشكله تبي لها مكان مو زي الغساله العادية​