مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[*الماضي على ويش نعيدهــ*]

واجبين حبيبتي

ومواد ال 16 وحده 4 واجبات بس تتقسم على كورسين يعني كل كورس واجبين

مو خوش بشاره

 

[قشطة]

بنات الجامعه تفتح الكورس الثاني ؟؟؟؟؟؟؟؟؟؟؟؟؟؟؟؟

 

[F.A]

مو شرط اختى زبده 4 واجبات لمواد ال16 وحده
احنا بالم206-عندنا3 واجبات بالكورس الواحد
لا وبالتى209 4 واجبات كنا بالكورس الواحد بس الله رحمهم هالكورس وصاروا2

 

[زبــــــــدة]

F.a

والله مادري بس احنا تخصصنا جذي والكورس الثاني يكون في بروجكت

 

[سندريلا]

بنات اشلونكم بليز اللي عند د عايده العيدان مهارات تعلم متى تسليم الواجب

 

[F.A]

الظاهر كل تخصص غيرعن الثانى أنا تخصصى it

 

[زبــــــــدة]

اي يمكن ^_^

 

[ماكينتـ*زينة*ـوشة]

ويت ويت مافهمت شنو يعني الكورس الثاني؟

لاتقووولون الكورس الثاني نفس المواد شنو نظام سنووي؟
ادري السؤال يفشل بس ما فهمت يعني الكوورس الثاني مو نسجل مواد غير؟ ولا شسالفة ؟؟

احس اسألتي عبيطة شوي

 

[F.A]

حبيبتى ماكنتوشه :bbbiu:
المواد اللى فيها 8 او6 وحدات(بجامعتنا يقولون ساعات)
تأخذينها على جزئين بالمواد ال8 وحدات تأخذين 4 ساعات P1 بالكورس الأول و4 ساعات P2 بالكورس الثانى
أما مواد ال16 وحده 8 الكورس الاول و8 الكورس الثانى
وتدفعين على مرتين الكورس الأول مع الكتب والكورس الثانى من غير الكتب
بس اذا كان عندج( أخت أو أخو أو زوج بس غير هذول ما يرضون) ما تدفعين فلوس الكتب
مو تقولين بنت عمى أو خالى بس اللى فوق:050103nbh_prv:
وأنا أخوى مستفيد من وراى ما يدفع فلوس الكتب اللى توصل 80 د ك ساعات لموادنا:rgewrg:
ان شاء الله أفدتج مو تنصدمين:eh_s(10):

 

[ماكينتـ*زينة*ـوشة]

انصدمت

بس انا توني بالحمد مو ماخذة مواد جذي بس انجليزي 98 وعربي 111 وتعليم ذاتي

وسالفة الكتب سالفة اهم شكووو فيني

يعني غصب اشتري الكتاب حتى لو ماخذتة من رفيجتي جذي قصدج؟؟

 

[مس احساس]

بنات كنت بسجل بالجامعه بس شكلي بهون .. والله حوسه << حولت
اقرا ابي افهم مافي

بنطر الجامعه الخاصه الجديده ..

 

[*الماضي على ويش نعيدهــ*]

حبيبتى ماكنتوشه :bbbiu:
المواد اللى فيها 8 او6 وحدات(بجامعتنا يقولون ساعات)
تأخذينها على جزئين بالمواد ال8 وحدات تأخذين 4 ساعات P1 بالكورس الأول و4 ساعات P2 بالكورس الثانى
أما مواد ال16 وحده 8 الكورس الاول و8 الكورس الثانى
وتدفعين على مرتين الكورس الأول مع الكتب والكورس الثانى من غير الكتب
بس اذا كان عندج( أخت أو أخو أو زوج بس غير هذول ما يرضون) ما تدفعين فلوس الكتب
مو تقولين بنت عمى أو خالى بس اللى فوق:050103nbh_prv:
وأنا أخوى مستفيد من وراى ما يدفع فلوس الكتب اللى توصل 80 د ك ساعات لموادنا:rgewrg:
ان شاء الله أفدتج مو تنصدمين:eh_s(10):

مو فاهمه سالفة الاخت والاخو والزوج

يعني لو عندي كتب هم لازم اشتري كتب؟؟؟

زين المادة الي فيها 8 وحدات اخذ 4 ساعات هالكورس وال4 ساعات الثانيه اخذها الكورس الثاني بنفس الاستاذ ونفس الوقت ولا شنو؟؟؟

امبيه راسي افتر :eh_s(1):

 

[*الماضي على ويش نعيدهــ*]

بنات كنت بسجل بالجامعه بس شكلي بهون .. والله حوسه << حولت
اقرا ابي افهم مافي

بنطر الجامعه الخاصه الجديده ..

حلوة جامعتنا وبكل جامعه خاصه راح تلقين الحوسه

 

[Athwaq]

والله اختي بجامعه خاصه ثانيه و مو حوسه تبارك الرحمن يهبلون

الحوسة بس عندنا

 

[سمو]

بنات كنت بسجل بالجامعه بس شكلي بهون .. والله حوسه << حولت
اقرا ابي افهم مافي

بنطر الجامعه الخاصه الجديده ..

حبيبتي بس تفهمين جامعتنا راح تحبينها صراحه ...اهم شي تقدرين تشتغلين وتدرسين ..وحياتج ماشيه ..مو تدرسين اربع سنين وعقب تتوظفين ...وراح من العمر ماراح ؟!!الله يعطيج طول العمر


وصراحه اسعارها وااايد زينه ...وتعرفين وين قاطه فلوسج ...مو تدفعين للكورس بالالاف ما تعرفين وين راحوا


والله يوفق الجميع

 

[ماكينتـ*زينة*ـوشة]

اميــــــــــــــــــــــــــــــــن

 

[مس احساس]

اوك .. بس جد

نصهم يقولون صعبههه ونصهم يقولون لا

بس سؤالي دراستهم انقليسي < اغلب موادهم
انا لي اكثر من سنه بلبيت بخاطري اكمل من زمااااااااااان

 

[ماكينتـ*زينة*ـوشة]

اي حبيبتي الدراسة بالانجليزي بس ترى مو انجليزي معقد يعني تتعودين عليه مع الوقت


وفي جم مادة بالعربي المواد الاجبارية او اختيارية يعني يطلع لج 4 او 5 مواد

بصراحة انا انصحج فيها انا كان وياي شهادة دبلووم مساعد مهندس وقعدت بالبيت 9 شهووور واللحين انا فيها ومرتاحة اتمنى لج التوفيق

 

[مس احساس]

طيب صج دراستكم اغلبها بالانقليزي ..؟

 

[ماكينتـ*زينة*ـوشة]

اي حبيبتي بالانجليزي بس ما يخرع والله ومو معقد


انتي شنو حابة اي تخصص؟؟


يعني الانجليزي راح يكون بكلمات تخصص التخصص وراح تستخدمونها وايد مع الوقت بتعرفينها