مصطلحات ملابسية

[حنان!!]

سلاموووووو
بنات في مصطلحات يديدة كل يوم اسمع البنات يقولونها عن الملابس وجذية وانا ماعرفها فا تمني انه اللي تعرف كل مصطلحات يديدة ساعدني وتكتبهم هني حتى ما احس نفسي ما افهم شي بس مابي ما تردون علي انا بسال عن لقينقز وجيجيب

 

[نسكافيه بالحليب]

حبيبتي الليقينز اهو البنطلون الاسترج اللي ينلبس تحت القمصان او البلايز
والجيجي اتوقع الهيليهوب

 

[الوافيه43]

حلوه الفكره ياليت الموضوع يلقى تفاعل اكثر

 

[Little_Queen]

انا بعد باط جبدي الجي جي ! شنو هذا بالظبط ؟؟


الليقينقز اعرفه .. البنطلون السترتش !

 

[لوالو_q8]

الجيجي اهو الهيلاهوب

 

[ام انس انا]

<-- متابعه

 

[جـــــوود]

الجي جي الهيلاهوب الشفاف

الوانه الشفافه الوان الجلد

والليقنز الاسترج اللي ينلبس تحت النفانيف القصيره

 

[خليج***]

جي جي يعني هيلاهوب ياحلات اسمه جي جي,,
تفضلي\
ميني جيب=تنورة قصيرة.
ميكسي=طويل.
برمودا=بنطرون ثلث تربع.
جبنيز=بدي او قميص جمه شوي اطول من الحفر يعني ربع جم مو نص خخخخ
ليقينز=بنطرون ضيج
السكيني=هم بنطرون ضيج خخخخ
صندل=حذاء مفتوح.
بوت=جوتي شتوي.
ميد ان=صنع في
شابو=قبعة
فلات=حذاء واطي بدون كعب.
سبورت=لبس رياضي
بروش=اكسسوار له دبوس يعلق على اللبس.
جي جي=هيلاهوب شفاف.بقته من اللي فوقي هههه
فستان=نفنوف.
بدي=قميص ضيج.
اسكارف=قطعة خام تنربط على الرقبة او الحقيبة.
شال=قطعة خام شتوية يلف بها العنق.
بنطرون شلستون=بنطرون وسيع من تحت.
لبس فورمال=لبس رسمي
سليبر=حذاء خفيف ينلبس داخل البيت.
ستراس=لمعة
اندر وير=ملابس داخلية.
لينسيز=عدسات للعين
ترينق=لبس رياضي.
شوبينغ=تسوق
تايغر=نقش نمر
زيبرا=نقش حمار وحشي
سيل=تنزيلات
كاروهات=مربعات
هاي ويست=بنطرون خصر عالي.
لو ويست=بنطرون خصر واطي
كولكشن=مجموعة
نيو=جديد
ليميتيد اديشن=كميات محدودة
امطة=قبعة مالت المتحجبات
تي شيرت=قميص
سايز=مقاس
كيرلي=شعر متموج جدا------شكو
ويفي=شعر قليل التموج
ستريت=شعر ناااعم
بف=شعر منفوخ.
ملفع=شيلة=لفة
حجاب=حجاب ههههه
سكيرت=تنورة
ديزاين=موديل الخياطة
شوارفسكي=حبات كرستالية
بترينا؟؟واجهة المحل الزجاجية التي يعرضون بها اللباس.
منيكان؟؟عارضة الزي التمثال
سترج=خامة ضيجة
اولد=قديم
بنطرون ستريت=بنطرون قصته سيدا
هاتسhats=قبعات
دس كونت=تنزيلات



اوكي انا راح اكتب مجموعة اسماء وانتم قولولي شنو يعني,,

تايور؟؟
شنو الفرق بين القميص والبلوزة خخخخخ؟؟
توب بالتاء؟؟
شنو الفرق بين الجاكيت والكوت والبالطو؟؟
شنو الفرق بين الليقينز والسكيني؟؟؟؟
بلوزة كت؟؟
جوتي سابو؟؟
بلوفر؟؟؟
لبس كاجوال؟؟
لبس فانكي؟؟
كورسيه؟؟
خزامة للانف؟؟واضحة ههههه
باند الشعر؟؟
جليهات؟؟
هوت كانتور؟؟

 

[حنان!!]

مشكورين وايد بنات كلكم على اللي قلتوه
ههههههههههههههه وردة بمشاعر مشكورة وايد حبيبتي بس كل اللي قلتية معرروف بس عقدني شنو لقينقز وجيجيب
ههههههههههههههههه مشكورة قلبي وايد فدتيني حبيبتي انتي واذا في بعد بنات ضيفوا لنا

 

[خليج***]

زين جاوبوا على اسالتي..
شنو يعني,؟؟؟؟؟؟


تايور؟؟
شنو الفرق بين القميص والبلوزة خخخخخ؟؟
توب بالتاء؟؟
شنو الفرق بين الجاكيت والكوت والبالطو؟؟
شنو الفرق بين الليقينز والسكيني؟؟؟؟
بلوزة كت؟؟
جوتي سابو؟؟
بلوفر؟؟؟
لبس كاجوال؟؟
لبس فانكي؟؟
كورسيه؟؟
خزامة للانف؟؟واضحة ههههه
باند الشعر؟؟
جليهات؟؟
هوت كانتور؟؟

 

[Little_Queen]

تايور؟؟

طقم .. بس بالفرنسي

شنو الفرق بين القميص والبلوزة خخخخخ؟؟

القميص له زرارات بس البلوزة لأ .. تنلبس من فوق من صوب الراس .. أتوقع

توب بالتاء؟؟
اي شي ينلبس من فوق و مو قميص ولا بلوزة .. شغلات الشيفونات و هالسوالف نفس هذيل الي تحت ..

شنو الفرق بين الجاكيت والكوت والبالطو؟؟
جاكيت .. جاكيت بعد مالها تفسير !! الكوت اهو البالطو خووووووووووو شفيج بس كوت بالانجليزي و بالطو بالعربي !


شنو الفرق بين الليقينز والسكيني؟؟؟؟
شوفي الليقينز يكون الخام سترتش ... او قطن ... السكيني اهو الجينز الضيق من صوب الريول .. نفس القصة بس الاسم يكون من الخام نفسه ..

هذا سكيني ..

و هذا ليقينقز ..

بلوزة كت؟؟
بلوزة تبين البطن او تكون حفر .. يسمونها كت

جوتي سابو؟؟

يعني شبشب نعااااال و انتو بكرامة

بلوفر؟؟؟

الي يكون صوف و ينلبس فوق القميص مثلا يكون نفس طريقة البلوزة ينلبس من فوق من صوب الراس بس لازم يكون تحته شي .. قميص او تيشيرت .



لبس كاجوال؟؟

لبس عملي و مريح حق الطلعات و الروحات السريعه او بالنهار ..

لبس فانكي؟؟

لبس خبل


كورسيه؟؟

مشد يكون على شكل شورت ممكن عشان يلم الكرشة و ما تحتها الى الركبه ، او يكون على البطن بس عشان يشد الكرشة ، او يكون كامل ... عشان يالله يالله يلممممم البلاوي " شيلمهههههن شيلمهههههن "

خزامة للانف؟؟واضحة ههههه

اختراع بايخ و احسه يعور .. ترجية بالخشم ! كنا نتطنز عالهنود الحين قمنا نحطها !! اشوة اني لا اتطنز ولا احطها !

باند الشعر؟؟

ربطة شعر ..


جليهات؟؟
مثل الجاكيت بس حفر و ينلبس فوق القمصان و التيشيرتات و الدشاديش


هوت كانتور؟؟

اسمه هوت كوتور .... ملابس سهرة ..

 

[عسولة ودلوعة]

ياااااااااااا حلاااااااااااااااااااااااتكم

 

[خليج***]

مشكورة وايد ليتل كوين على المعلومات
وتصحيح بدلياتي
كانتور ههههههههه طلع كوتور

بس عندي سؤال اخر,,,,,
البنطرون السترج القطن,,اسمه,,
ليقينز ولا ليقينقز ولا عقنقز خخخخخخخخ؟؟؟؟؟؟؟

 

[Little_Queen]

عقنقزززززززززززز
لووووووووووووووووووووووووووووووووووووووووووووووووووووووووووووووول امبييييييي وردة انتي انتيييكه جد جد أحب اقرا ردودجججججججججججج فظيعه ! حلات الصورة الشخصية مالتج صج احبهااااااااااااااااااااااااااااااااا ارتاح نفسيا لما أشوفها يا حلاتج والله


اسمه ليقينقز

LEGGINGS قسميها اثنين عشان تعرفين تنطقينها

LEG يعني ريييل .. ساق
GINGS .. قينقز .. يعني مادري شنو


شوفي حتى في موسوعه ويكيبيديا كاتبين عنه

Leggings are any of several sorts of fitted clothing to cover the legs. Originally leggings were two separate garments, one for each leg.

In contemporary usage, leggings refers to tight, form-fitting trousers that extend from the waist to the ankles; in the United States, they are sometimes referred to as tights (although the word tights is often used to refer to opaque pantyhose). Modern leggings are typically made from a blend of lycra, and either nylon, cotton, or a cotton-polyester blend. However, leggings can also be made from wool, silk, and various synthetic fabrics as well.


يعني ممكن يسمونه بعد تايتس .. TIGHTS .. و اكثر شي يكون مصنوع من الليكرا LYCRA او النايلون أو القطن .... و ساعات الليقينقز يصير عبارة عن قطعتين ... يعني تلبسين كل ريل بروحها ..

 

[soseta]

لوووووووووووووووووووووووووووووووووووووووووووووووووول ..
والله الموضوع عجيب وردود البناااااااات تهبل ..

بس بنات انا عندي مشكله بالشوارفسكي ..

مره اسمع شويره فسكي
والا شواره فزكي
والا شويره فزكي
شوارفزكي
شوارفسكي

وااااااي ماادري شنو كتبت بس كل وحده تقول شي
ايييي واخر شي سمعته من مذيعه بالتلفزيون , ياربي شنو قالللللت لحظه بتذكر ممممممممممممم

ايييي اييييي
شواروسكي

كاااااااااك تعقدت ..

وحبيبتي اللي تسال عن الجيجيب ( اهوا اسمه جي جي ) مثل ماقالوا البنات هيلاهوب , ياشينهم على هالملاقه طول عمري اعرف ان هيلاهيوب صار جيجييييييييييييييييييي ..

والفرق بين الليقنزر والسكيني , ان الليقنز الخام يكون سترج , بس السكيني البنطلون الضيج من فوق لي تحت وخامته تتنوع

 

[خليج***]

شكرا ليتل كوين,,
ماشاء الله عندج اجابة حق كل سؤال,,
وبالنسبة لصورتي,,هههههه انا وايد اتفائل فيها,,

اخت سوسيتا,,

لو تلاحظيم مكتوب فوق swarovski
انا انطقها جذي شوارفسكي,,,,,,,,
وانا اول مرة اسمع احد يقول شويرة فسكي, يعني,شنو شويرة؟؟؟ يمكن بنت الشوارفسكي ههههههه

 

[الشاهينه]

ما شاء اجاباتج عجيبه
الكورسيه شي يخنقج علشان تصيرين رشيقه

 

[ام رهف]

حلو الكلام علشان مانتوهق في المحلات ماندري شنقول
حلوه جيجي هذي طول عمرنا نعرفه هيلهووووووووووووووووب

 

[soseta]

ههههههههههههههههههههههههههههههههههههههههههههههههههههههههههههههههه شكرا على التوضيح والموضوع عجيب

 

[دلع السلاطين]

لا انى اموووت واعرف شنوو اسم الكعب الى يكون عريض

عرفتوهم الكعبوه ماتكون ضعيفه لاتكون بطه من تحت

كله انسى اسمهم