موضوع خاص للأستفسارات المتعلقة بالأسنان

[دكتورة أسنان]

السلام عليكم ورحمه الله وبركاته

دكتوره اليوم ولدي طاح وانكسر سنه الامامي كسر افقي والعصب باين منه خفيف

شنو الحل له هل اسويله حشوه تجميليه ولا اشيل العصب


اخاف يصير سنه اسود بعد الحشوه مع العلم ان عمره 8 سنوات

ومشكوره

وعليكم السلام ورحمة الله و بركاته

الف لا باس عليه .. اذا عمره 8 سنين معناته السن دائم .. لزم تسويله اشعه تشوفين العصب تلف ولا لا اذا مافيه شي اسوولج حشوه لانه صغير مايقدرون البسونه قبل 16 سنه ! و اذا متاثر اشيلونه و يحطون ماده مثل الدوا لين يكبر شوي اسم الله عليه يحشون العصب .. العلاج يعتمد على اصابة العصب فلازم تسوين اشعه باسرع وقت لان احتمال يكون سليم و التاخير اهو اللي يموته ..

وطمنينا عليه

 

[دكتورة أسنان]

السلام عليكم ،،،،،،

شلونج اختي الدكتوره،،،،،،،،،

انا قبل فترة مسوية جراحة رفع لثة والدكتور قص من اللثة لاني لما اضحك تبين لثتي شوي بس ليما الحين اللثة شوي تبين

والدكتور قالي ان هذا اقصى حد ممكن اقص من اللثة لان اذا قصيت اكثر راح يبين عظم السن بعدين راح يكون حساس

شرايج دكتورة بالموضوع ارجع اسوي رفع اللثة مرة ثانية ،،،،،

ويعطيج الف عاااافية

وعليكم السلام ورحمة الله و بركاته

بخير عساج بخير ..

لا حبيبتي ديري بالج .. في ارتفاعات معينه اذا زدتي عنها تنقلب المشكله ضدج و تتعبين .. سمعي كلام الدكتور لانه سليم 100%

 

[دكتورة أسنان]

يمسيكم بالخير
شلونكم جميعا؟؟

مشكورة دكتورتنا على هالموضوع الرائع
ممكنن تقولين لي شنو احسن معجون اسنان ؟
كولجيت والا كرست والا كلوس اب والا اكوا فريش ؟
وهل كولجيت Total Advanced Whitening هذا مال التبييض زين ؟
ومادري هل فيه فلورايد والا لا ؟
هذا رابطه:
http://www.colgate.com/app/ColgateTotal/US/EN/Products.cvsp#Product_TAWPaste

هالمعاجين اللي فيها تبييض فعلا زينة؟

بنات شنو تستخدمون ؟

​

هلا حبيبتي حياج الله

المعجون ممتاز و حاصل على اعتراف جمعية الاطباء في امريكا و بلد المنشا وفيه قلورايد بالنسب المقبوله

Colgate Total® toothpaste is #1 recommended most often by dentists and the first to be approved by the FDA and accepted by the ADA to fight plaque and gingivitis.

هذي اهم جمله ادورينها بالمعجون ..

و بالنسبه للتبييض اطلعي على موضوعي المثبت الخاص بالتبييض .. طبعا ماراح يكون التبييض واضح لانه تم باستخدام معجون اسنان و نسبة المواد المبيضه لااااازم تكون فيه قليله ..

 

[الجوهرة الكويتية]

مشكووورة اختي الدكتورة يعطيج الف عاااافية عسى الله يجعله في ميزان حسناتج

 

[حنين الروح*]

دكتورة:
أبي مساعدة!!

عندي الضرس اللي يم الناب داخل شوية
الكل يقول ركبي تقويم وآنا مو راضية
صج انه يتعبني بالتنظيف ويجمع يبقايا أكل بس عادي
المشكلة: ضروس العقل 2 سوسوا وشلتهم
بعدها حسيت ضروسي تغيرت
إذا قعدت أقرا بسرعة يطق الفكين ببعض ويعوروني!!!

تهقين التقويم هو الحل؟؟

آسفة أذيتج بس صج مترددة ..

وما تقصرين مقدما ..

 

[نــوف]

وعليكم السلام ورحمة الله و بركاته

الف لا باس عليه .. اذا عمره 8 سنين معناته السن دائم .. لزم تسويله اشعه تشوفين العصب تلف ولا لا اذا مافيه شي اسوولج حشوه لانه صغير مايقدرون البسونه قبل 16 سنه ! و اذا متاثر اشيلونه و يحطون ماده مثل الدوا لين يكبر شوي اسم الله عليه يحشون العصب .. العلاج يعتمد على اصابة العصب فلازم تسوين اشعه باسرع وقت لان احتمال يكون سليم و التاخير اهو اللي يموته ..

وطمنينا عليه

يعطيج العافيه دكتوره
اليوم رحت للصحه المدرسيه وماحصلت رقم ان شاء الله باجر بوديه واطلب من الكتور اشعه

 

[مناوووي]

دكتوره الله يطول بعمرج عنددي سؤال

مسويه تقويم وقعد 4 سنين ونص لان لثه وحووسه المهم شلته انا

والحين عندي المتحرك حطيته كذا مره ومع الايام احس اسناني رجعت مثل اول واكثر

وعرسي شهر واحد ان شاء الله شسوي

اروح لعياده خاصه يسوونه لي بهالفتره هذي

والا شلوون بالضبط

وعندي الاسنان بسوي لها تنظيف من بعد التقويم لان فيها سواد مدري شنو امي تفول جير مدري شنوو

اتوقعين يروح بالتنظيييف


شاكرتلج دكتووره ادري طولت عليج

ناطره الرد

 

[CANDLES]

عندي ضرس فيه حشوه دائمه .. واهوا اساسا يبيله تلبيس
المهم
لما اشرب شي بارد او حار يعورني شالسبب ؟؟ :eh_s(10):
معني تمضمضت بماي وملح ونفس الشي :bbbiu:
ويعطيج العافيه

 

[CANDLES]

اسناني فلم

عندي ضرس عصب في حشوه مؤقته اكبيره قالتلي الدكتوره لاتاكلين عليه الا لما انعالجه لان الحشوه يمكن اطيح لانها اكبيره
واليوم لاني سويت الصوب الثاني حشوه دائمه وقال الدكتور اليوم لاتاكلين عليه عشان لاطيح ابتلشت قمت واكلت صوب الحشوه المؤقته وطاح اشوي منها
وانا اساسا يوم الخميس الصبح عندي موعد له عشان العصب يعني انطر يومين ولا لازم اروح المستوصف احط حشوه مؤقته معنى اشوي طاحت موكلها يعني ياثر ولالا ؟ لان هم اقول بروح المستوصف يحطون حشوه مؤقته وبعد يومين بشولونها المستشفى عشان موعدي علاج العصب فمادري عادي يعني انطر ؟

 

[دكتورة أسنان]

مشكووورة اختي الدكتورة يعطيج الف عاااافية عسى الله يجعله في ميزان حسناتج

حياج الله حبيبتي الله يعافيج مشكوره

 

[دكتورة أسنان]

دكتورة:
أبي مساعدة!!

عندي الضرس اللي يم الناب داخل شوية
الكل يقول ركبي تقويم وآنا مو راضية
صج انه يتعبني بالتنظيف ويجمع يبقايا أكل بس عادي
المشكلة: ضروس العقل 2 سوسوا وشلتهم
بعدها حسيت ضروسي تغيرت
إذا قعدت أقرا بسرعة يطق الفكين ببعض ويعوروني!!!

تهقين التقويم هو الحل؟؟

آسفة أذيتج بس صج مترددة ..

وما تقصرين مقدما ..

هلا حبيبتي ..

ممكن تحطين تقويم حق الضرس اللي راجع بس اذا تقدرين تنظفينه خلاص ماله داعي لان التقويم عباله و تعب .. اما بالنسبه للعقل الي شلتيهم نفس الجهه فوق و تحت ؟؟ و متى شلتيهم ؟؟ و اللي يعورج مفصل الفك صوب الاذن ؟؟

حياج الله حببيني ناطره ردج

 

[دكتورة أسنان]

يعطيج العافيه دكتوره
اليوم رحت للصحه المدرسيه وماحصلت رقم ان شاء الله باجر بوديه واطلب من الكتور اشعه

الله يعافيج

حبيبتي الصحه المدرسيه روحي مبجر او طرشي البطاقه المدنيه مع السايق من الفجر اروح اوديها على ماتقعدين وليدج الا دوركم وصل ..

طمنينا عليه

 

[دكتورة أسنان]

دكتوره الله يطول بعمرج عنددي سؤال

مسويه تقويم وقعد 4 سنين ونص لان لثه وحووسه المهم شلته انا

والحين عندي المتحرك حطيته كذا مره ومع الايام احس اسناني رجعت مثل اول واكثر

وعرسي شهر واحد ان شاء الله شسوي

اروح لعياده خاصه يسوونه لي بهالفتره هذي

والا شلوون بالضبط

وعندي الاسنان بسوي لها تنظيف من بعد التقويم لان فيها سواد مدري شنو امي تفول جير مدري شنوو

اتوقعين يروح بالتنظيييف


شاكرتلج دكتووره ادري طولت عليج

ناطره الرد

هلا حبيبتي الف مبروك مقدما ..

روحي لدكتورج اللي سواه لج .. اسنانج ارجعت لانج مالتزمتي بالتقويم عدل و الجير اروح بالتنظيف ان شاء الله و طلبي اسوولج بوليش ..

حياج الله حبيبتي

 

[أمواج البحر]

يعطيج العافيه دكتورتنا

عندي مشكله بفكي ... لما اكل علج بالاخص بعده احس فكي موثابت تعرفين لما تبين تثبين شي وموراضي يثبت جذي احس

ويطلع صوت حتى!!! و يعورني في بعض الاحيان ... وتلقيني اظل افتح فكي واسكره لمااااا احس انه خلاص ثبت وماقام يتحرك

ما ادري اذا فهمتي علي او لا ...شنو علاجه؟

 

[دكتورة أسنان]

عندي ضرس فيه حشوه دائمه .. واهوا اساسا يبيله تلبيس
المهم
لما اشرب شي بارد او حار يعورني شالسبب ؟؟ :eh_s(10):
معني تمضمضت بماي وملح ونفس الشي :bbbiu:
ويعطيج العافيه

حببيتي احتمال الحشوه مو مضبوطه و جزء منها مكسو او مو مسكر عدل و احتمال صار تسوس تحتها المهم لازم تسوين اشعه و تلحقين عليه .. ماله شغل المضمضه

الله يعافيج حبيبتي

 

[دكتورة أسنان]

اسناني فلم

عندي ضرس عصب في حشوه مؤقته اكبيره قالتلي الدكتوره لاتاكلين عليه الا لما انعالجه لان الحشوه يمكن اطيح لانها اكبيره
واليوم لاني سويت الصوب الثاني حشوه دائمه وقال الدكتور اليوم لاتاكلين عليه عشان لاطيح ابتلشت قمت واكلت صوب الحشوه المؤقته وطاح اشوي منها
وانا اساسا يوم الخميس الصبح عندي موعد له عشان العصب يعني انطر يومين ولا لازم اروح المستوصف احط حشوه مؤقته معنى اشوي طاحت موكلها يعني ياثر ولالا ؟ لان هم اقول بروح المستوصف يحطون حشوه مؤقته وبعد يومين بشولونها المستشفى عشان موعدي علاج العصب فمادري عادي يعني انطر ؟

والله حبيبتي مبين اسنانج بسرعه تسوس فانصحج تحطين بدالها يومين بياثر معاج احتمال يلتهب العصب اذا خليتي جزء من الضرس مبطل ..

 

[دكتورة أسنان]

يعطيج العافيه دكتورتنا

عندي مشكله بفكي ... لما اكل علج بالاخص بعده احس فكي موثابت تعرفين لما تبين تثبين شي وموراضي يثبت جذي احس

ويطلع صوت حتى!!! و يعورني في بعض الاحيان ... وتلقيني اظل افتح فكي واسكره لمااااا احس انه خلاص ثبت وماقام يتحرك

ما ادري اذا فهمتي علي او لا ...شنو علاجه؟

الله يعافيج حبيبتي

اي فهمتج عندج مشكله بمفصل الفك اسبابها راح نعرفها اذا سويتي اشعه للفك راجي قسم الجراحه و اهم سوولج الاشعه و اقولولج السبب .. مؤقتا اذا حسيتي بعوار اخذي المسكن اللي ترتاحيله اي نوع يناسبج و اذا ما عندج مشاكل صحيه طبعا .. لا تاكلين علج لانه ازيد المشكله .. ولا اي شي مثل التوفي .. ولا تبطلين حلجج حيل خللي التبطيله صغيره و قسمي لقمتج خليها صغيره .. و حطي كمادات دافيه اذا ما تتحملين العوار ..

 

[CANDLES]

حببيتي احتمال الحشوه مو مضبوطه و جزء منها مكسو او مو مسكر عدل و احتمال صار تسوس تحتها المهم لازم تسوين اشعه و تلحقين عليه .. ماله شغل المضمضه

الله يعافيج حبيبتي

اي صح اهوا موامسكر عدل يعني في حشوه دائمه وفي بينه وبين الضرس الي يمه فراغ علبو ان يلبسونه لي خذيت له موعد تاريخ 21\12

 

[أمواج البحر]

مشكووووووووره دكتوره

بس ترى مو العوار اللي يحتاج مسكن ... تعرفين لما تطقين اصابعج شلون يكون العوار وقتي جذي بالضبط

وانا صراحه خايفة لما اسوي اشعه اضطر بعدها اسوي تدخل جراحي

وعلى سالفة تبطيلة الحلج امي دايم تقولي لا تضحكين وايد لا يتعلق فكج ههههههههه حبيبتي تضغطني

وعساج عالقوة

 

[حنين الروح*]

هلا حبيبتي ..

ممكن تحطين تقويم حق الضرس اللي راجع بس اذا تقدرين تنظفينه خلاص ماله داعي لان التقويم عباله و تعب .. اما بالنسبه للعقل الي شلتيهم نفس الجهه فوق و تحت ؟؟ و متى شلتيهم ؟؟ و اللي يعورج مفصل الفك صوب الاذن ؟؟

حياج الله حببيني ناطره ردج

هلا دكتورة:
آنا شلت واحد من فوق يمين
وواحد من تحت يسار ..
والمفصل مايعورني
اللي يعورني الأسنان الأمامية تطق ببعض
رحت لدكتورة خاص من زمان وقالت لي لازم تقويم لأن الفكين مو على بعض!!!

شراااايج؟:bbbiu: