&&>>تجمع لاولياء امور طلبه مدارس المستقبل <<&&

[booba]

انا ولدي في مدرسة شيخان الفارسي بس للاسف مو فاهم ولا شي ؟؟
ولدي في اولى ابتدائي ؟
وانتي يا بوبا ولدج اي صف ؟

هلا والله حبيبتي ام ناصر انا ولدي بثانيه وهالسنه الصراحه كلش مو عاجبني ابلاته مو شي غير عن العام وانت ولدج عند من باولى ؟:bbbiu:

 

[المتالقه دائما]

بنتى صف 1/3

حسافه مومع بنتي

 

[ryoonah]

صج يالله ماعليه المهم انهم بنفس المدرسة

 

[المتالقه دائما]

صج يالله ماعليه المهم انهم بنفس المدرسة

حبيت اسألج بالنسبه لي لبس الشتوي لازم يكون عليه شعار المدرسه صح؟

بصراحه حصل موقف في بنتي وايد ضايقني ان طلعوها من الطابور وخالفوها علشان موحاطه الباجه وتخيلي ماادري عن هذا الموضوع الا من طالبه تصير لنا ولما بلغتني ضاق خلقي اصلا المدرسه ماوزعت باجه او ارسلت لنا ورقه او نبهونا على ان لازم يكون باجه او شعار فوق الجاكيت مو اليونيفورم وحرام بنتي مودينها الناظره ومخالفينها طيب مولازم يقولون عن هالموضوع ووضحون لنا يعني لولا اللي تصيرلنا فهمتني الموضوع ولا جان اكثر من مخالفه حصلتها بنتي ليش الاحراج بصراحه في امور تصير بالمدرسه مايبلغوني عنها شنو افسره ؟؟؟؟؟؟؟؟؟؟؟

 

[لوكريسيا]

صج بنات لازم شعار المدرسة على الجاكيت ؟؟ شلون يتخيط؟؟ و لا قصدج باج البدنية اللي فيه جلاب نحطه على الجاكيت؟

 

[NuNu4]

والله حبيبتى المفروض ماتسكتين شنو الى يخالفونها علشان الباجة او شعار خل يهتمون باشياء اهم من جذى

نفس بنتى درت كل السوق من اول السنه ليه الحين علشان تنورة الرياضه وماحصلتها الابله قايله لها بحط لج صفر اتخيلي الواحد شنو يقووول

 

[المتالقه دائما]

والله حبيبتى المفروض ماتسكتين شنو الى يخالفونها علشان الباجة او شعار خل يهتمون باشياء اهم من جذى

نفس بنتى درت كل السوق من اول السنه ليه الحين علشان تنورة الرياضه وماحصلتها الابله قايله لها بحط لج صفر اتخيلي الواحد شنو يقووول

حبيبتي روحي النصر الرياضي تلقين هالتنوره

وبصراحه ماراح اسكت بروح لهم ان شاء الله وبتفاهم مع الناظره على هالموضوع يطلعونها من الطابور واهي توها سنه اولى وموفاهمه شي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ على بالها تكريم من المدرسه بصراحه ماني فاهمه سياستهم ؟؟؟؟؟؟؟؟؟؟

 

[المتالقه دائما]

صج بنات لازم شعار المدرسة على الجاكيت ؟؟ شلون يتخيط؟؟ و لا قصدج باج البدنية اللي فيه جلاب نحطه على الجاكيت؟

ولله ياحبيبتي انا ماادري عن نظام هالمدرسه يتم مخالفة الطالبه بدون تبليغ الاهل وانتي بحثي او تلقي المعلومه بالصدفه هذا اللي حصل معاي؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[البيداء_77]

المتألقه المدرسه مالهم حق يعاقبون طفله اولى ابتدائي ما تدري شالسالفه؟؟؟؟؟؟؟؟؟

المفروض يبلغون الاهل اكثر من مره واذا الاهل ما التزمو الاهل يتعاقبون مو الطفله لانه مالها ذنب


هذا الي فالحين فيه شعار ما شعار وجوتي والتدريس اخرررررر همهم ......... المظاهر صارت الشغل الشاغل لادارات اغلب المدارس علشان لا زارهم ضيف يقول والله الناظره ضابطه الطلبه
انا مدرسه واعرف هالسوالف

 

[لوكريسيا]

قوة بنات

شلونكم وشخباركم؟

و الله حتى مدرسة ولدي يقوللي الصبح يطلعون المخالفين اللي مو حاطين الشعار

عندي سؤال عن منهج الرياضيات 2 ابتدائي بكتاب التلميذ صفحة 26 .. ماني فاهمة و لا ولدي فاهم عليهلا واجب

منو يعرف الاجابة ؟؟؟؟؟؟؟؟؟؟؟؟؟؟؟؟؟

 

[البيداء_77]

هلا لوكريسيا شلونج حبيبتي وشخباركم؟؟


والله هالرياضيات عقدنا ودي اخدمج بس للاسف الكتاب مو عندي


انا اذا ما عرفت الاجابه كتبت للابله استعصت علينا الاجابه ههههههههههه

 

[لوكريسيا]

هلا و غلا .. احنا بخير دامج بخير

صج تهقين أكتبلها جذي ؟؟

لأن على قولتج صج مووووو فاهمين شي

 

[ryoonah]

والله صج المدارس صايرين مايفكرون بالتدريس كثر مايفكرون بمخالفات وعقاب ومادرى شنو


مشكور حبيبتى بروح النصر وبشووووف انشالله اليوم

 

[لوكريسيا]

رحت اليوم الصبح مدرسة ولدي و شريتله باجات و شعارات زيادة للوهقة .. و سألتهم نحط الشعار على الجاكيت و لا بس القميص .. قالتلي لازم على القميق و على الجاكيت تحطين باج البدنية المدور عرفتوه اللي فيه جلاب

و واجب الرياضيات راح المدرسة و ما عرفنا نحله .. الله المستعان

 

[البيداء_77]

اي انا اسوي جذي احط الباج على الجاكيت .........

ولدي هالايام مشغول بماده العلوم لانه طالبين عليهم حيوانات واهوه شاري ارنب وحده مستانس فيه



فيوتشر سكول وبنك دريم حديييييييييي فاقدتهم عسى المانع خير ؟؟؟؟؟؟؟؟؟؟

 

[م فطومه]

بنت بن فهد بنتج اي صف

المتالقة دائما (( شكلي ادرس بنتج لاني بروحي الى صفي كان فيه انقلش ورياضيات ))


تعالي قوليلي منو بنيتج

 

[ryoonah]

صباح الخير جميعا

 

[م فطومه]

على طاري المخالفت خل اقولكم سالفة


ههههههه ياحبي للسوالف

كل يوم احد تقريبا في تفتيش ( الغرض منه نشوف الزي المخالف) لان في بنات يلبسون الجاكيتات اخضر واحمر وجينز
المهم انا من رايي ان البنات مالهم ذنب الذنب ذنب الاهل... المهم اتييكم السالفة

عندي بنوتة لابسة جاكيت ابيض ياحلوها وياحلو جاكيتها بس للاسف اهوا مخالف لان لازم كحلي.. جان اتييني ابلة الالعاب شاطة عمرها بتطلعها( يعني انا الى صايدتها) اهي مصرية ( المعذرة مو قصدي شي)
قتلها ماتطلعينها وتقعد تصرخ بالطابور وانا اقول لها هذي بنتي وانا اعرفها اهيا ماتخالف يمكن جاكيتها فيه شي والدنيا برد يعني ماتلبس شي يدفيها المهم تعاندت معاها.. انا همست باذن بنوتي طالبتي وقتلها باجر لاتلبسينه لبسي الكحلي تخيلوا البنت قعدت مكتابة طوووووووووووول اليوم مع انها ممتازة.. لا وطلعت بعد عمري ناسية الجاكيت بالخزانة مالتها اول مادخلنا الصف فصخت الابيض ولبست الكحلي بدون صوووت


((( بيني وبينكم انا ماسكت))) اموووت ولا احد يكسر بخاطر بنت باولى ابتدائي جان اروح حق الوكيلة واقولها السالفة جان تقول مدام انتي ابلتهم انتي الى تتصرفين اهيا مالها حق



وهذي السالفة يا حلوييييينن

 

[م فطومه]

ريونة اشلون بنوتج تبيني اطل عليها الحين واهيا بالصف خخخخخخخخخخخخخخخخ

 

[لوكريسيا]

م فطومة ----> الله يكثر من أمثالج .. صج و الله مو ذنب الياهل شعليه .. الاهل اهم اللي يلبسون عيالهم الصبح .. يمكن عندهم ظرف ما يقدرون يروحون السوق هالأيام .. يعني انا في بداية البرد كنت أتنسى و مالي خلق حتى روحي و جبدي تقلب و حالتي حالة و ما اقدر اوصي ريلي يشتري ما يعرف حق هالسوالف .. يعني لازم يعذرون يعني الياهل ما راح المدرسة و اهوه صابغ شعره و لا معلق ترجية و لا لا كروكس و لا صندل و لا تكرمين جوتي أخضر .. في اشياء بسيطة لازم الواحد يحط لها جم عذر و عذر .. أحس لما يخالفونهم جنهم معادين اليهال و لا جنهم يقولون حق الاهل ان عاقبنا عيالكم و السبة انتوا

مادري في اشياء الواحد ممكن يتغاضى عنها شوي .. مو ؟

بيودة ----> ازيك يا جميل؟