شرينا الغساله الاوتوماتيك وذبحنا مصرف الصابون!!

[سمسميه]

بنات انا استاذيت وايد من غسالتي العاديه ام حوضين باناسونيك كل شوي خربانه ونصلحها يمكن قطيت على تصليحها اكثر من سعرها الاساسي!!
المهم قلت بشتري اوتوماتيك
رحت الغانم والي يبيع عيز يمدح لي بهالغساله

Daewoo DWDE1211R

الي صار اني توهقت
اهيا فيها اكثر من برنامج للغسيل
على حسب نوعية الملابس
انا اخترت البرنامج الرئيسي الي يصلح لاغلب انواع الملابس
بس الصابون ذبحنا المصرف
والله ان الخدامه قامت كل 4 ايام تبي علبة صابون يديده ام 2.5 كيلو!!!!!!!!!!
شي مو طبيعي!!!
هذا غير انها وايد اتطول
واحنا غسيلنا وايد
توني اسالها جم مره تشغلينها باليوم؟؟ تقول 4 مرات
حشا حشا طقيت على راسي قلت لها يمكن المصبغه ما يغسلون كثرنا!!

بنات شالحل؟
احس اني ابتلشت فيها!!
اشلون احل المشكله؟؟

بانتظار خبراتكم وتجاربكم

 

[al_gardenia]

رد: شرينا الغساله الاوتوما تيك وذبحنا مصؤف الصابون!!

حبيبتي لا تعتمدين على الخدامه في تشغيلها

اول شي راح اتخربها لج

ثاني شي انا عندي غساله توماتيك ال جي اتهبببببببببببببببل

انا احط الهدوم وانا اشغلها والله والله ومالج علي حلف امن الصابون يت عندي فوق الشهرين

واحنا 7 اشخاص بالبيت ومشالله اتخلص وكل يوم احط دفعة اهدوم سااااااااااااعات احط مرتين

واكثر المرات اشغلها بليل وانام عشان اليهال مايلعبون فيها مع ان فيها نظام القفل

كل يومالخدامه اتطلع الهدوم الصبح وبس تضربهم على طول اوتي اتكون الغساله امنشفتهم 100 بال 100

وساعات احطها تنشيف مثل الاوتي بس اطلعهم واتصفطهم

وثالث شي صابون مال الغساله التوماتيك مايرغي مثل صابون الغساله العاديه وخدامت تلقينها اتغسل هدومها حسبالها الصابون شويه

وحيل اتزين ولا تكرمين اتغسل الحمامات بنفس الصابون فهميها السالفه واشتري لها الصابون الي يصير 10 حبات بدينار هذا الي يفي مع الخدم

طبعا الغساله الاتوماتيك مايصلح لها صابون الغساله العاديه راح يرغي الصابون وايد داخله وتخترب الغساله بسرعه ديري بالج

اعذريني بس انا ماحب الاعتماد الكلي على الخدامه

واي سؤال انا حاضر بالتوفيق انشالله

 

[سمسميه]

رد: شرينا الغساله الاوتوما تيك وذبحنا مصؤف الصابون!!

حبيبتي والله مشكوره على ردج
بس انا ما عندي وقت لهالاشياء
افضل اخلي وقتي للياهال افضل من الاعمال المنزليه
علشان جذي محتاجه اني اعلمها الطريقه

 

[Snow-White]

رد: شرينا الغساله الاوتوما تيك وذبحنا مصؤف الصابون!!

الظاهر الخدامه مو عارفتلها عدل..وتحط الصابون مع كل غسله..بس اهيا طريقتها تحطين الصابون مره وحده وتغسلين فيها كذا مره لانها تنزل الماي الوصخ بروحها...وعقب كذا غسلة واذا عندج هدوم وايد تنزلين الماي كله اللى فيها وتحطين صابون مره ثانيه..وفيه انواع صابون تخففينه بالماي قبل لا تحطينه يعني يصير اوفر

انصحج اقري الكتالوج عشان تعرفين الطريقة بالضبط

 

[سمسميه]

رد: شرينا الغساله الاوتوما تيك وذبحنا مصؤف الصابون!!

سنو وايت
هذي المشكله ان بالكتالوج كاتبين لازم تعبي مكانين تعبئة الصابون فل!!

 

[شكليطه]

رد: شرينا الغساله الاوتوما تيك وذبحنا مصؤف الصابون!!

والله انا من تجارب امي الله يحفظها وخالاتي ..ما يمدحونها

يقولون غير الصابون.....حتى الماي تصرف بالهببببببببببببل

وساعات تكون مو عمليه......يعني مثلا انتي عندج شويه هدوم بيضا غسلتيهم والماي ظل نظيف تقدرين تغسلين فيه باجي الهدوم

بالغساله العاديه عادي وممكن....لكن بالاوتوماتيك ماتقدرين لانها تغير مايها بروحها



مادري احس ان الاوتوماتيك تصلح حق اللي غسيلهم شويه....وماعندهم وقت اساسا يجابلون الغسال

 

[سمسميه]

رد: شرينا الغساله الاوتوما تيك وذبحنا مصؤف الصابون!!

شكليطه
كلامج صح
واحس اني توهقت فيها

 

[شكليطه]

رد: شرينا الغساله الاوتوما تيك وذبحنا مصؤف الصابون!!

الله يعينج..........انتي فكري......شوفي اشكثر تصرفين عليها......وحسبيها خلال سنه

راح يطلع لج مبلغ محترم

ف تداركا للخساير بيعيها واخذي وحدة انتي متعودة عليها احسن لج


بس فكرررررري قبل لا تتخذين هالقرار

والله يعينج

 

[سمسميه]

رد: شرينا الغساله الاوتوما تيك وذبحنا مصؤف الصابون!!

اشلون ابيعها@@

شكلي بنقلها تكرمين حق حمامي الخاص واغسل فيها اندر ويراتي
بدال الغساله الصغيره الي عندي
وبشتري ثانيه للبيت

 

[شكليطه]

رد: شرينا الغساله الاوتوما تيك وذبحنا مصؤف الصابون!!

ليش ماتنباع؟

على راحتج حبوبه ....... بس اتوقع تمديداتها اذيه

اخاف تخرب ديكور حمامج تكرمين

 

[قلبي ابيض]

رد: شرينا الغساله الاوتوما تيك وذبحنا مصؤف الصابون!!

لاااا تختارين الا الصابون اللي حقها عشان سالفة الرغوة بس

 

[سمسميه]

رد: شرينا الغساله الاوتوما تيك وذبحنا مصؤف الصابون!!

شكليطه
صح! راح عن بالي سالفة التمديدات!!
يا ربي اش هالوهقه!!

قلبي ابيض
شنو الصابون الي ترشحينه عفيه كتبي اسمه

 

[فورلا]

رد: شرينا الغساله الاوتوما تيك وذبحنا مصؤف الصابون!!

الأوتوماتيك تحطين شوي صابون

 

[manarah]

رد: شرينا الغساله الاوتوما تيك وذبحنا مصؤف الصابون!!

انا كانت عندي الغساله العاديه وتوني من جم شهر غيرت للاوتوماتيك .. بس عن تجربتي استهلاك الصابون قل عندي .. انا غسالتي اذا كانت عندي الهدوم شويه ممكن اتحكم بكميه الماي وتحطلي نص الكميه والصابون بعد هم ممكن اقلله .. بس انا دايما احطه فل وهم اقل من لما كنت استخدم العاديه ...

 

[ღALNOoOoryღ]

رد: شرينا الغساله الاوتوما تيك وذبحنا مصؤف الصابون!!

تصدقون عندي غساله ال جي اتوماتيك سعتها 10 كيلو ونص توني شاريتها من 3 شهووووور كلش مو حلوه
ماهمني الصابون ولا الماي بس المهم التنظيف ..
والله اني مثل مااحط الملابس اطلعها وصخخخخخخخخخخخخه
ماتغسل زين ابد ..
على كثر مامدحوها طلعت العكس..
ناس قالو لي يمكن الصابون شويه زدت كمية الصابون مافاد
شريت كل انواع المنظفات ((فانش بانواعه المكعبات والبودر حق البقع))نفس الشي
اسهل البقع عصير البرتقال وربي مايروح اذا كان منقط على ملابس بنتي
بايخه لابعد حد بصراحه

مريحه صح بس ماتنظف ..ياليتني ماغيرت غسالتي القديمه تهبل وتطلع الغسيل نظييييييف ..

على فكره غسالتي اللي مافيها عمود بالنص ..كل من قالي عشان كذا ماتنظف
ويوم اشتريها واسال محد قالي عن العمود ابد ..يوم شريتها طلعت العذاريب

باختصار الغساله الاتوماتيك فاااااااشله ..

 

[ملكة زماني]

رد: شرينا الغساله الاوتوما تيك وذبحنا مصؤف الصابون!!

تصدقون عندي غساله ال جي اتوماتيك سعتها 10 كيلو ونص توني شاريتها من 3 شهووووور كلش مو حلوه
ماهمني الصابون ولا الماي بس المهم التنظيف ..
والله اني مثل مااحط الملابس اطلعها وصخخخخخخخخخخخخه
ماتغسل زين ابد ..
على كثر مامدحوها طلعت العكس..
ناس قالو لي يمكن الصابون شويه زدت كمية الصابون مافاد
شريت كل انواع المنظفات ((فانش بانواعه المكعبات والبودر حق البقع))نفس الشي
اسهل البقع عصير البرتقال وربي مايروح اذا كان منقط على ملابس بنتي
بايخه لابعد حد بصراحه

مريحه صح بس ماتنظف ..ياليتني ماغيرت غسالتي القديمه تهبل وتطلع الغسيل نظييييييف ..

على فكره غسالتي اللي مافيها عمود بالنص ..كل من قالي عشان كذا ماتنظف
ويوم اشتريها واسال محد قالي عن العمود ابد ..يوم شريتها طلعت العذاريب

باختصار الغساله الاتوماتيك فاااااااشله ..

نفسي اول ماشريتها طلعت انا اللي مااعرفلها مسكينه

يوم شفت الكتالوج اتعلمت واستفدت منه واااااااااااااااااااااااايد

وصج الملابس صارووو انظاااااااف حدهم خاصة البيض ايننون

نصيحة اقري الكالوج عدل مدل وراح تلقين النتيجة الي ترضيج انشالله

 

[سمسميه]

رد: شرينا الغساله الاوتوما تيك وذبحنا مصؤف الصابون!!

بنات
يعني الحين انتوا تعبون المكانين ملوت الغسيل بالصابون في كل غسله؟؟ مع العلم ان كل مكان ياخذ كوب من الصابون!
وجم مره تشغلون الغساله باليوم؟؟
وكم مره تغسلون بالاسبوع؟؟

ادري كثرت الاسئله بس بليز محتاجه اعرف وضعنا طبيعي او لا

 

[أميرة الحلا]

رد: شرينا الغساله الاوتوما تيك وذبحنا مصؤف الصابون!!

الله يعينج
والله ماعندي فكرة
لان غسالتي قديمه مو اتوماتيك

 

[خربوشة ملونة]

رفع

 

[خربوشة ملونة]

يقولون ارستون غساله مع نشافه 100% احسن نوع انا افكر اشتريها ما يحتاح كوي على الدولاب على طول..بعد ادن صاحبه الموضوع الي يعرف عنها يفيدني.تنظف زين ولها صوت والا لا.؟؟؟.............:stars::stars::stars:
اما بالنسبه لغسالتك..اقري كتيبها زين..واتاكدي ولو مو مترجم وديه المحل يترجمون لك مافيها شي..او اي احد
وجر بي تحطين نص كميه الصابون..ومره اقل وشوفي النتيجه عقب نضفو والا لا...لا تتسرعين وتجيبين وحده ثانيه لما تتاكدين