* love story *
بما انج قلتي علقو على كل صورة..
راح اقرقج بتعليقاتي
بالنسبه للصورة 1
احس الشي الاساسي بالصورة كل بجزء واحد من الصورة
اللي اهو فيه الوزّه بالبداية والريال من ورا وطبعاً
يشمل الماي والشجر والسماء....
فـ حسيتها لو كانت بالطول ممكن تطلع افضل..
الصورة 2
اما انج تدشين زوم اكثر على البطتين مثلا
او انج ترجعين لي ورا اكثر..
بحيث ان ما تطلع لج اجزاء مقطوعه
مثل البط بالزاويه
الصورة 3
صورة حلوه وهاديه جداً..
تبين لنا هدوء المكان
الصورة 4
جميله.. وزاويه جميله ايضاً..
بس حسيت توهج الشمس زايد شوي
الصورة 5
برايي افضل وايد من 2
لان احتوت الصورة على البط كامل مو مقصوص
البحيرة والشجر وايضاً السما طالعه شحلوها..
والاهم من هذا كله اضافه الزرع بمقدمة الصورة للتكوين
ضاف لمسه اجمل للصورة...
الصورة 6
مشالله شكله الجو كان وقتها موطبيعي
الصورة 7
صورة جميله.. بس يمكن لو قللتي المسافه اللي فيها البحيرة
وطلعتي لنا جزء شوي من السما بتكون متكامله...
شكراً على الصور الجميله وعذريني على الملاحظات الطويله
بس هالملاحظات برايي تهمنا كـ مصورين مع اختلاف اراءنا طبعاً
في تقديم الافضل وتصوير الافضل دايماً..
بالتوفيج
