من وين أشتري المبخره الكبيره .. اللي يحطون عليها الكنابل وأحط تحتها المبخر ..؟

[خشف المطران]

بنات عندي وحده قديمه شاريتها من زماااااااااااان ... من يوم البحار. .. وعتق عندي .

عاد أبيلي واحد جديد وكبير.. للكفرات . والكنابل ..


ما تعرفون وين أحصل .. ؟؟

 

[اشواق2008]

والله ماعرف بس اقولج طريقتي انا احطهم على المنشر وتحتهم المبخر حتى الملابس والملافع والكفرات

 

[فوزانه]

اذا الي قصدج شكلها مثل الستاند تعلقين عليه ومن تحت المبخر

في بأمل الكويت بس على ما اذكر غاليه شوي

 

[عطورات شرقيه]

اختي انا شفت اللي في امل الكويت والفودري غاليات ومافيها زود
وكنت بودي معي للسعوديه هدايا
لقيت في دكان البخور اذا مانيب واهمه
مكانه بالسوق اللي جنب المنشر بالسرداب اللي تحت قصر السلطان اعذريني انا سعوديه ومااعرف بالضبط اسامي المحلات
بتلقينهم رخاص واشكالهم حلوه وفيه الوان اخضر وبيج وبني
على ثلاثه و فيه بخمسه وفيه بثمان دنانير

 

[خشف المطران]

يجي شكله يا بنات .. على شكل مثلث .. للكفر .. مو مال أمل الكويت .. لالالا ..

أعرفه لهم براءة أختراع مالت . ما أدري على شنو .. مخترعين الذره .؟؟


وسعره بالميات .. لالا .. ذي تجي نفس المثلث .. وحتى يكونون دايم يزينونه بمسامير نفس مسامير الصندوق المبيت عرفتوها ..؟؟

حلوه حيل .. بس ما أدري تهقون أروح البحاره أعرفها... ؟؟

وعطورات شرقيه يا قلبي .. ما فهمت وصفج . المنشر بالفحيحيل .. السوق اللي يمه .. مجمع فيه مطعم السلطان ..؟؟ و شغلي موجود بنفس المجمع بالسرداب ..؟

بشوف لا رحت .. لأن ناويه أروح المنشر هاليوم .. طيحه بزلقه ..

 

[STYLISH STYLE]

في منجرة جمعية الشامية ايسونهم مرتبين

 

[خشف المطران]

في منجرة جمعية الشامية ايسونهم مرتبين

حياتي إنتي .. ويطقطقون فيهم مسامير الصناديق المبيته .. <<< أبي شكله تراثي .. :eh_s(6):



بس وين منجرة جميعية الشاميه .؟؟ ما عمري سمعت إنه فيه منجره ..؟؟ وينها عن الجميعيه و المول ..؟؟

 

[العطر 87]

اذا انا مو غلطانه قصدج نفس اللي بستقبال الاعراس يخي على شكل مبخر كبير اتوقع بسوق الجمعه

 

[خشف المطران]

اذا انا مو غلطانه قصدج نفس اللي بستقبال الاعراس يخي على شكل مبخر كبير اتوقع بسوق الجمعه

لا فهمتي غلط ... هذي إستعمالها .. مو يحطون عليها البخور .. إهي إصلا خشمبه ..

وضيفتها .. بس .. تبعد الهدوم عن المبخر اللي بتحطينه تحت .. وبس .. تخليهم يدخنون ... ويتشبعون بريحة البخور ..


ماقلت . مبخر كبيرههههههههه ....


ويسلمو أم غازي ياقلبي ..

 

[عطورات شرقيه]

ايه حبيبتي نفس اللي انتي تبينه
فيه مسامير زي الصندق المبيت ..
انا شفت اللي بامل الكويت والفودري مااعجبني اببببببببببببد
فيه معلاق ثياب فوق وخرابيط وغالي
مايسوى
انا اقصد محل اللي بسرداب قصر السلطان محل مواعين وخرابيط بيت مرررره حلو طحت عليه بالصدفه
شوفي محل دكان البخور عندي رقمه لان وصيت على عدد كبير اودي معي صوغه للسعوديه وقال لي كلميني على شان نشوف وصل الطلب او لا
وهذا رقمهم
3925308
كلميه وخذي الوصف والله ماعرفت اوصف صح ولا اعرف المناطق

 

[أسري إليك]

جنه بجمعيه الفيحا امي شاريتهم

 

[خشف المطران]

حياتي عطورات شرقيه ..

بدق وبقوله يوصف .. يسلموووووووووووووو ..

 

[supermarket]

وين صايرة منجرة الشامية؟

 

[@ دهن العود @]

تحصلينها عند دكان البخور فى ب 10 دنانيير وفى ب 15

تكون مثل الهرم الخشبى

 

[الحوور]

حبيبتي موجودين بيوم البحار

انا شايفتهم يوم الجمعة اللي طاف وكان ب4 دنانير

 

[خشف المطران]

لوووووووول .. الحور .. يعطيج العافيه .. ياقلبي ...

زين لأن مالتي الأساسيه شاريتها بيوم البحار ... بروح أشوف بس عسى كبار للكنابل .. و الفرش..

على هالشتى .. يا حلوه وإنتي متغطيه بكفرج دافي ..و ريحة البخور الطيب تعطعط منه .. وااااااااااي عذاااااااااااااااااب ...

 

[خشف المطران]

دهن العود .. إنتي صح .. هههههههه .. مضبوط شغلج ..

بس شهالفرق وحده تقولي ب 10 .. ووحده تقولي ب 15 ..و قلبي جايه تقول ب 4 ..؟؟

 

[كل شي فيني اكتمل]

انا من زمان شاريتها من يوم البحار خشب تحطين تحتها المبخر و تحطين عليها الهدوم

 

[العصيمية]

بالمباركيه بسوق السلاح مكوديييييين اشكال وانواع
صغار للملافع وكبار ووسط

 

[القرآن ربيع قلبي]

بنات الله يرضى عليكم اذا حصلتوهم بلغوني بالتفاصيل
وجزاكم الله خير