تعالوا معاي دبي :)

[جوري الحلوة]

شلونكم بنات

رحت دبي قعدت بفندق اتلانتس الصراحة شي مو طبيعي عجيب حيل عجبني، وتوه فاتحينه ماصارله حتى شهر يعني اتوقع بعد جم شهر يصير احلى واحلى، انا العادة اتسوق اكثر بس هالمرة مارحت السوق الا 3 مرات وماطولت اكثر قعدتي بالفندق انتي راح تستانسين وريلج وعيالج لان فيه اكوافنشر (مثل اكوابارك) ماتملين منها، يالله شوفوا الصور وتخيلوا انكم رايحين
وناااااااااااسه :ggdw:

طبعا شكله من بعيد حلو بس ماقدرت اصوره لان بالسيارة مايطلع واضح، هذا مدخل الفندق

هذي اول ماتدخلين تكون بويهج وااااايد حلوة غريبة والوانها حلوة قعدت مدة اطالعها

هذي من قريب

هذا من فوق كله زخارف وملون حلو

اهني سوينا check in

اهني للحين ب اللوبي رايحين الغرفة، طبعا ريلي مستغرب لان امشي واصور :dddds:

اهني ممر تدشين داخل علشان تروحين الغرف

نطروا ماخلصت

 

[جوري الحلوة]

هذا كافيه على بار مادري شسالفته بس الحلو بالفندق كل كافيه له لون معين، هذا درجات الازرق

هذا تنزلين تحت وتشوفين السمج حده يونس وتحت تلقين المطاعم والمحلات

هذا الممر حق المحلات

هذا المطعم ايطالي، ماقدرت اصور كل المطاعم لان لهم باب تدخلين بعدين يبين شكلهم

لما تتمشين السقف فيه كذا رسمة، هذي رسمي عجبتني ملونة تونس

ايه نسيت غرفتنا تطل على حمام السباحة مال اليهال

ماخلصت بنات

 

[جوري الحلوة]

تعشينا بمطعم نسيت اسمه، بس اخترناه لان كان منوع (ايطالي، صيني، هندي....)

هذا قسم الهندي

هذا قسم الايطالي بس حسافة ماقدرت اصوره كله لان الناس قاعدين يخزوني بس صورت اللازانيا لان شكلها يونس

هذا اتوقع القسم الياباني

الحين نروح صوب حمامات السباحة، هذي الزخرفة عجبتني على الطوفة

الصورة المفروض احطها اول شي هذي ب اللوبي بعد

هذا حمام السباحة مال اليهال

ماخلصت بنات

 

[جوري الحلوة]

حمام السباحة مال الكبار الرويال مااقدر احط صوره حسافة لان ماصورته بروحة احنا موجودين فيه

هذا صوب البحر اللي يبي يسبح بالبحر

اهني رايحين صوب اكوافنشر

اكوافنشر ماتدفعين حق التذاكر اذا انتي ساكنة بالفندق يعني طول الوقت تعلبين ببلاش من 10 الصبح للساعة 6
قعدت بشغلة مثل التاير حدها تونس وريلي يقولي شحقة يايبة الكاميرا الحين تخترب وانا اقوله لا لا ماتخترب
اهني صوب الشلالات الصغيرة، واشوى الجو كان حلو مو رطوبة

اهني تدشين مثل كهف عنونو

هذي وحدة من الالعاب طبعا ياخذج لفوق وينزلج عادي وبعدين ياخذج مرة ثانية ويقطج قطة تتمسخرين فيها
كاميرتي دش فيها ماي لما قالت بس

ماخلصت بنات

 

[جوري الحلوة]

طبعا كامرتي اختربت شوية وابجي وريلي زفني قالي شعندج تصورين كل شي :0bee2e8d89:

طبعا وديتها اصلحها بس قالنا تكلفة التصليح مثل سعرها لما شريتها لان وايد شغلات فيها ماي، شريت وحدة يديدة وريلي قال خلاص بياخذ القديمة قتله اخذها عليك بالعافية _03BA:

المهم نكمل هذي صورتها باليوم الثاني، اسمها قفزة الشجعان انا طبعا مو شجاعة مالعبتها بس ريلي لعبها

في العاب وايد ماصورتهم لان خلاني احط الكاميرا باللوكر في كذا لعبة عجبتني السيل الجارف، النهر الثائر ومكان روعة حق اليهال مثل بيت كله ماي ويلعبون فيه حسافة ماصورته، ودشيت لعبة حلوة مثل زحلاقية بس ظلمة ولعبت فيني لعب
واخر شي تدخلني مكان مثل حوض السمج طبعا فيه فاصل بيني وبينهم وتقعدين تطالعين السمج جنج تسبحين معاهم واحلى شي بعدين استوعبت ان في ناس يطالعوني من بره يعني رياييل واقفين مغترين وكاشخين وانا داخل تايري احوس بين السمج :krkrkr:

وهذي بوابة الفندق

هذا شكلة من بره يم البوابة

بنات الصراحة صج استمتعت هالمرة بدبي غير عن كل مرة، انصحكم فيه

وان شاء الله عجبكم الموضوع، ويالله ابي ردودكم الحلوة :tek:

 

[جوري الحلوة]

شدعوى 15 وحدة شافت وماكو ولا تعليق :0bee2e8d89:

 

[dalalcollection]

الصراحة حدج شوقتينا.....
المكتن وايد راقي...

الله اهنيج يارب

 

[dalalcollection]

لول المكان

 

[batoulizm]

حمدلله على السلامه
وتسلم ايدج على التقرير الحلو

وايد عجبني الفندق

 

[الأم الصغيره]

واي اناسه خليتينا نساااااااااااااااااااااااااااااافر ههههههههههههه مشكور حبوبه

 

[أم ملاك]

عليج بالعافية ..حده عجيب .. وشي موغريب على دبي مو فنادقنا يدفعون للناس عشا يحجزون فيهم ..

ولا عليج امر نبي الاسعار التكلفه بهالفندق مثل كمبنسكي ..

وشي ثاني شنو محلات فيه ؟؟

مشكورة

 

[طويلة البال]

واااااااااااي حده وناااسه


الحمدالله ع سلامه..


والحمدالله انكوم استانستوو

 

[زيـنـه]

روعه .. جم كان ريت الغرفه ؟؟ و من وين حجزتوا له ؟؟

و مشكوره

 

[bambena]

خوش رحله ماشالله عليكم بالعافيه ممكن اعرف معدل الاسعار بالفندق من وين تبدي؟

 

[ظلال القرآن]

عليكم بالعافيه

 

[جوري الحلوة]

الصراحة حدج شوقتينا.....
المكتن وايد راقي...

الله اهنيج يارب

مشكورة حبيبتي على الرد

 

[جوري الحلوة]

حمدلله على السلامه
وتسلم ايدج على التقرير الحلو

وايد عجبني الفندق

الله يسلمج، ومشكورة على الرد

ونصيحة روحي الفندق راح تستانسين

 

[جوري الحلوة]

واي اناسه خليتينا نساااااااااااااااااااااااااااااافر ههههههههههههه مشكور حبوبه

العفو حبيبتي

 

[جوري الحلوة]

عليج بالعافية ..حده عجيب .. وشي موغريب على دبي مو فنادقنا يدفعون للناس عشا يحجزون فيهم ..

ولا عليج امر نبي الاسعار التكلفه بهالفندق مثل كمبنسكي ..

وشي ثاني شنو محلات فيه ؟؟

مشكورة

الله يعافيج حبيبتي

دزيتلج على الخاص

 

[جوري الحلوة]

واااااااااااي حده وناااسه


الحمدالله ع سلامه..


والحمدالله انكوم استانستوو

الله يسلمج ومشكورة حبيبتي