رد: قولوا لنا قصص الخطاااب العاهات والتحفة واللى ماانولد منه غير واحد...
انا بقولكم سالفتي هذي صارت قبل رمضان
طبعا انا ادرس برا هذي السالفه صارت قبل لا يبدي الكورس
ولد اخت رفيجت امي يا خطبني و امي تحن علي الولد زين و هالكلام ---- مسكينه خايفه بنتها تعنس ههه -
و انا مابي طبعا اهم شي دراستي
المهم قلت حق امي اوكي و كل ما اسال امي عن شي تقولي مادري
اقولها وين يشتغل و شنو شغله مادري كله مادري و تستحي تسال هالسوالف ببس الي تعرفه انه خريج جامعه الكويت
المهم عاد انا شسويت ادق على بنت رفيجت امي الي من عمري و اهي حييييييل مع اخت الي خطب اقولها يا فلانه عطيني رقم امه او اخته و هي مارضت تقولي يا بنت عيب الامهات و عقب الحنه عطتني رقم اخته
من اللواته الي غيني اقوم ادق على اخته و اقولها معاج فلانه اهي انصدمت و اقوم اسالها عن اخوها شنو يشتغل و طبعه و مزاجه و شنو يحب و مايحب كل شي ههههههه الي يشوفني يقول ملجت و خلصت تبي تعرف عن ريلها
المهم امي درت مادري شلون بس اشوا الولد و امه ماعرفو و يوم كانو بيون ايشوفوني امي اعتذرت لهم عرفت اني مو ويه زواج هههههه احسن شي صح d:
و اذكر اول مره يوم احد يه و خطبني كنت ياهل ام 17 سنه و كنت مابي اتزوج عشان امي قلت اوكي خل ايون
و بيني و بينكم و الله الريال كان ذهبه مهندس و نظيف و حليو و مدين بس انا هبله
كان يسالني اساله و انا كنت اول سنه بالامارات امي وصتني قالت لي لا تقوليله انج تهيتين و قولي انج ساكنه بسكن و من هالجي عاد انا متعمده
اقوله اني 24 ساعه في دبي و وناااسه و ماحب ادرس وما اداوم و ماعرف اشتغل و اسوي شغل البيت خخخخخ الريل خاف و انحاش
اهو قال حق امه وامه قالت حق امي لي اليوم امي تعايرني فيه تقولي في احد يقول حق ريال هالكلام
