منو ودها تمتن برمضان... دشي .. شجعيني واشجعج

[غزالـــQ8ـــه]

اي مو تنسين نووووووووووور

اهم شي لايخرب نظامج ترى مابقى شي على العيد والعروس بظهره

 

[~memo q8~]

9هلا حبيبتي غزالة
انا الحمد الله ماشيه بالخلطة كانا اطلعتلي خدود لوووووووووووووول

 

[غزالـــQ8ـــه]

صج مشالله

اي انا اول ماكليتها على طول خدوووووودي كبرت بعدين متنت

 

[~memo q8~]

اي واالله انشاء بعد امتن
علي فكره حطيت نوتله مثلج

 

[غزالـــQ8ـــه]

وين بالخلطه

تصدقين توته صايره اكل صمونتين فيها نوتله متنت لا اله الا الله

جربيها

 

[~memo q8~]

اي بالخلطه وثلاث مرات باليوم
حتي انا احط النوتله بالصمون اصلا اموت بالنتوله بس مره وحده
بعد شنسوي ما بقي شي للعيد يارب نمتن

 

[غزالـــQ8ـــه]

اي زين تسوين
وا اكلي صمونتين نوتله وشربي حليب بوووده او سوستاجين

 

[فراوله بينك]

خووش تجمع واللله

انا الحمد الله برمضان امتن مااضعف يعني بعد الفطور الشهية مفتوحة الحمد الله

وزني قبل شهرين كان 46 الحين صرت 55 طبعن من النو موالاكل وونسه الحين عندي خدود وزنود لووول

مشكلتي بالدوام من يبدا الدوام خلاص ابدا افش مادري شسوي

 

[غزالـــQ8ـــه]

فراوله حسافه حاولي ماتضعفين أكلي بالداوم عدل

خلي بجنطتج فول سوداني وانتي تمشين اكليه

ولاتنسين تريقي عشان تحسين بالجوع وتتغدين ولاتنسين الكاكاو بين الوجبات

 

[غزالـــQ8ـــه]

بنات شرايكم بهالشراب ؟؟

المقادير:

موزه وحده

2/1 علبة حليب سائل

2/1 ملعقه صغيره عسل+وشوي بندق

2/1 ملعقه صغيره نارجيل(جوز الهند) مبشور


الطريقه:

تخلط ...و تشرب

ملاحظة: يشرب فورا مع التحريك ويشرب مرة وحده باليوم

وصحتين وهنا

 

[Regina]

مساء الخير خواتي

ها شلون نظامكم ؟

انا قاعده احاول اساعد نفسي على الاكل لأنه تدرون برمضان تنسد شهيتي على الاكل

وغزاله صج الفول السوداني زين ويمتن بس هم في نوع من انواع المكسرات اسمه ماكميديا هذا طعمه حلوو ويمتن اكثر انواع المكسرات فيه دهون اعتقد بس اخذوه من الرفاعي ويكون ماكميديا بالجبن وايد لذيذ انا احبه ذكرتيني فيه بروح اشتريه واخليه بجنطتي واكله بأي مكان اكون فيه

 

[كلي انوثه]

ما تسالون اشدعوا يبا ما فقدتوني ادري ما فقدتوني زعلت
غزول حركات شنو هالصوره نظره على الماشي
المهم اخير بديت امتن يا حبايبي والفال للكل

 

[كلي انوثه]

فراوله شنو نظامج اكو حبوب او شي تاكلين هيلب مي بليز

 

[فراوله بينك]

لا والله ماعندي نظام كلش ههههههههه

نظاممي اوبن .. فري نظام ... كل شي آآكل اكل البيت العادي عالفطور التشريبه والعيش والدياي
وهم بعد ترا حليب الككاو كي دي دي اشحلااااته ويمتن اشرب اثنينا باليوم وحتى بالدوام رح احاول اشربه مابي اهده

وببداية العطله كنت آكل كبوسلات حلبه طبيعيه .. ولمن خلصو صرت اشرب الحلبه

غزاله انا راح اسوي نفس نظامنا بالروضه أول .. بشتري جنطه صغيره كلهااا اكل خو محاضراتي كلها ورا بعض واقعد آكل من قاعه لي قاعه

 

[كلي انوثه]

فراوله بالتوفيق وانا بسوي نفسج هما

 

[فراوله بينك]

يووووووووووفقج يا حوبيييييييييييي

تسلمين

 

[عيون كحـال]

نـووور ياقلبي عين ماصلت على النبي اقري على نفسج الاذكـار
صج الناس ماتعطي خير
واذا وحده قالتلج شي قوليلها بوجها الله واكبـر

وانشـالله بالعيـد زايـده اكثـر واكثـر

 

[عيون كحـال]

بنـات هـذا حليـب الصويـااا ولا لا لاني مااعرفه وشريت هذا ؟؟؟؟؟؟؟

 

[غزالـــQ8ـــه]

مساء الخير خواتي

ها شلون نظامكم ؟

انا قاعده احاول اساعد نفسي على الاكل لأنه تدرون برمضان تنسد شهيتي على الاكل

وغزاله صج الفول السوداني زين ويمتن بس هم في نوع من انواع المكسرات اسمه ماكميديا هذا طعمه حلوو ويمتن اكثر انواع المكسرات فيه دهون اعتقد بس اخذوه من الرفاعي ويكون ماكميديا بالجبن وايد لذيذ انا احبه ذكرتيني فيه بروح اشتريه واخليه بجنطتي واكله بأي مكان اكون فيه

ماكميديا اول مره اسمع فيه يبيلي اجربه اخاف تقصدين كازو ؟؟

 

[غزالـــQ8ـــه]

ما تسالون اشدعوا يبا ما فقدتوني ادري ما فقدتوني زعلت
غزول حركات شنو هالصوره نظره على الماشي
المهم اخير بديت امتن يا حبايبي والفال للكل

هلا كل انوثه والله تعبت من كثر ماسال مادري وينكم خخخ

اي صوره ههههههههههههه



زيييييين والله مبرووك شدي حيلج باقي جم يوم