الكلية الاسترالية ولا Gust ولا الجامعه الامريكية؟ من فيهم الاحسن؟ ضروري جاوبوني

[^^ROSE^^]

هلا حبيبتي
ماقدر ادش بعثة داخلية لان شهادتي الثنوي قديمة
لازم الشهادة تكون صايرلها سنتين اكثر شي
بس مو مشكله ادخل على حسابي
وبالتوفيق حبوبة

 

[^^ROSE^^]

ادعولي بنات باجر امتحان القدرات بقست الله يستر

 

[ام الشيخه]

بنات بعرف اسعار كورس الانجليزي بقيست .. ممكن؟؟

 

[^^ROSE^^]

اتوقع 900 وشي
اقل من ألف
هذا بالنسبة للمستوى الاول esl1
اما المستوى الثاني عادي ب 450 حاله حال باقي المواد ويصير تسجلين معاه مواد ثانية
بس المستوى الاول مايصير تظلين طول الكورس بس انجليزي

 

[ام الشيخه]

مشكوره حبيبتي على الرد وشلون طريقة الاقساط يعني لازم شهادة راتب وجذيه؟

 

[roro]

روز اول شي الله يوفقج بالاختبار ثاني شي معاير اختيار للجامعة اللي بدرس فيها تختلتف من شخص لي الثاني وانا اعتقد انج اخترتي جست لانها ارخص جامعة من بين 3 جامعات واللي اهم AUM& auk 7 Guest هذا اول شي لان لو بتشوفين المعيار الاساسي حق الجامعة اهو المناهج اللي بتدرسينها + البيئة

فاي شخص خريج امريكا سأليه عن اقوى الجامعات اللي منهم الامريكي و جست وAUM يعني جست متعاونه مع ميزوري و AUM مع بوردو والامريكيه ديرت ماوث سألي منو الأقوى راح تنصدمين ان بوردو من العشر الاول من الجامعات في امريكا يعنى مو هينه

ثاني شي البيئة ( الكتاب ينقرا من عنوانه ) لي دخلت جامعة و طريقة القبول فيها اهم شي النسبه ويالله هات فلوسك ومبروك مقبول بعرف اني بدخل سوق او بالاحرى مول فيه الكل الحابل والنابل يعني العناية في اختيار الطالب وميزاته واهو منو وشنو ما في جامعة ادقق عليه الا الشرق الاوسط اول جامعة بدت بهالاسلوب عشان تعرف تنتقي الناس الزينه حتى لو اللي مو قادرة تدفع (يقدر بعثات ) فيعني مستوى الطالب بيحدد لج مستوى المكان اللي بتدرسين فيه
وعلى فكرة وهذي صارت ان الطلبه ساعات اهم اللي يغيرون ويخلقون المكان مو الجامعة فلي صاروا هالطلبه سنعين عرفيي المكان شبيكون

وسلامتج وقولي لنا نتيجة اختبارج:tek:

 

[^^ROSE^^]

مشكوره حبيبتي على الرد وشلون طريقة الاقساط يعني لازم شهادة راتب وجذيه؟

هلا حبيبتي
الاقساط تكون عن طريق شركة المنار هي شركة تمويلية من طقة التسهيلات بس اسلامية
لا رحتي الجامعه يعلمونج طريقتهم بالضبط

 

[^^ROSE^^]

روز اول شي الله يوفقج بالاختبار ثاني شي معاير اختيار للجامعة اللي بدرس فيها تختلتف من شخص لي الثاني وانا اعتقد انج اخترتي جست لانها ارخص جامعة من بين 3 جامعات واللي اهم AUM& auk 7 Guest هذا اول شي لان لو بتشوفين المعيار الاساسي حق الجامعة اهو المناهج اللي بتدرسينها + البيئة

فاي شخص خريج امريكا سأليه عن اقوى الجامعات اللي منهم الامريكي و جست وAUM يعني جست متعاونه مع ميزوري و AUM مع بوردو والامريكيه ديرت ماوث سألي منو الأقوى راح تنصدمين ان بوردو من العشر الاول من الجامعات في امريكا يعنى مو هينه

ثاني شي البيئة ( الكتاب ينقرا من عنوانه ) لي دخلت جامعة و طريقة القبول فيها اهم شي النسبه ويالله هات فلوسك ومبروك مقبول بعرف اني بدخل سوق او بالاحرى مول فيه الكل الحابل والنابل يعني العناية في اختيار الطالب وميزاته واهو منو وشنو ما في جامعة ادقق عليه الا الشرق الاوسط اول جامعة بدت بهالاسلوب عشان تعرف تنتقي الناس الزينه حتى لو اللي مو قادرة تدفع (يقدر بعثات ) فيعني مستوى الطالب بيحدد لج مستوى المكان اللي بتدرسين فيه
وعلى فكرة وهذي صارت ان الطلبه ساعات اهم اللي يغيرون ويخلقون المكان مو الجامعة فلي صاروا هالطلبه سنعين عرفيي المكان شبيكون

وسلامتج وقولي لنا نتيجة اختبارج:tek:

هلا حبيبتي تسلمين على الرد ماقصرتي
وانا الحمدلله قدمت الاختبارات الانجليزي ماشي الحال بس الرياضيات باخذ تمهيدي ان شاء الله

بالنسبة للجامعه اللي اخترتها انتي الله يهداج مسكتي جانب واحد وتركتي باقي الامور اللي ذكرتها

جامعة الشرق الاوسط انا معاج ماخذين معاهدة مع بوردو ومن اقوى الجامعات وكل شي على عيني وراسي
بس الادارة بتكون بالكويت والقرارات صادرة منهم وغير جذي الجامعه لحد الحين مابدت الدراسة فيها
يعني انا اكيد لما ايي التحق بجامعه مهما تكون دعايتها قوية ومتعوب عليها لابد بنطر ردود افعال الناس اللي درسوا فيها
لان الشي مهما تهتمين بتفاصيله لابد وتطلع اخطاء
وهذا شي طبيعي بس تصحيح الاخطاء بياخذ وقت وممكن هالهفوات او الاخطاء تأثر علي

انا وضحت اكثر من مرة ان انا مو صغير انا بدش الثلاثين و كنت بجامعة الكويت وماخذة مواد بيزنس وهالمواد عادلوها لي بقست عشان ادخل على سنه ثانية دايركت ومواد الاختياري كلها عادلوها
يعني دايركت بدش بالتخصص

لو اني سجلت بجامعة الشرق الاوسط جان بنطر الدفعه اللي معاي يخلصون اول سنه عشان يفتحون مواد اقدر اخذها لانهم دام الطلبة شوية وعددهم محدود وكلهم اول سنه طبيعي ماراح يفتحون مواد محد يسجل فيها الا لما يكون في عددكافي
وهالشي بيأثر سلبا علي انا وحدة ابي اخلص ماعندي وقت اتأخر اكثر من جذي

وغير هذا مسألة الفلوس اللي قلتي عنها انا شي طبيعي طالما بدرس على حسابي بختار المكان اللي نياسب ميزانيتي يعني بعد ما اقعد اطر ولا اتسلف ولا انتف عمري على بو بدرس بجامعه احسن من اللي انا فيها
بالنهاية الناس اللي بينصحوني ماراح يدفعونلي انا اللي بدفع
يعني ال 75 دينار فرق المادة الوحدة لما نضربه ب 5 مواد بيطلع مبلغ وقدره انا من ناحيتي يفرق معاي هالمبلغ انا مو مليونيرة ولا شي
بس طبيعي ابي شهادة من جامعه ممتازة ولها مكانتها ومايمنع اني اختار اللي يناسب ميزانيتي

وغير هذا كله ماقدر اداوم بجامعه اروحلها بنص ساعه وارجع منها بنص ساعه
امس انا رادة من قست الظهر حزة الدوامات ماخذا مني الطريج اكثر من 10 او 12 دقيقه
تخيلي الفرق سبحان الله اتعب ولا احتاج شي من البيت او ناسية شي او عندي فراغ ساعتين ارجع بيتنا ارتاجح وارجع جامعتي
بس لاصار الطريج نص ساع شيردني بالفراغ؟ ولا تعبت لا سمح الله وين بطق طريج من اخر الدنيا عشان ارد البيت؟
انا مسألة الطريج تهمني وايد مهما قلتوا الكويت صغيرة والشارع ماشي بس محد يدري شيصير بعدين
حتى لو احد بيمرني ولا بيوديني ولا بيرجعني الا قست يمي بدقايق واصلين عندي

كل هالاسباب مجتمعه خلتني اختار قست مو بس السعر ولو ان السعر شي اساسي بالنسبة لي لان الفلوس ماتطيح علي من السما بس غير الفلوس في اسباب ثانية اللي وضحتها لكم

وغير هذا كون بوردو اقوى جامعه بامريكا مو معناته ان ميزوري مو زينه او مستواهااقل
لا بالعكس جامعه عريقة ومعروفة ولها سمعتها وحتى مخرجات قست بالكويت معروف انه يتهافتون عليهم الشركات والقطاع الخاص وهذا شي معروف
طبعا مو بس قست حتى الامريكية
وباجر الشرق الاوسط مثلهم
لان طالما اسلوب التدريس امريكي ومتطور بيكون في تميز
ومايصير يكونون كل جامعاتنا الخاصة نفس الطقة لازم كل وحدة لها اسلوب يميزها

وبالتوفيق ان شاء الله للجميع

 

[^^ROSE^^]

الحمدلله نجحت بامتحان الانجليزي ماراح اخذ تمهيدي
هم وانزاح
عقبالكم يارب

 

[*الماضي على ويش نعيدهــ*]

الحمدلله نجحت بامتحان الانجليزي ماراح اخذ تمهيدي
هم وانزاح
عقبالكم يارب

مبروووووووووووووووووووووووووك والفال لي انشالله :dddds:

 

[^^ROSE^^]

آمين يارب الله يوفقج حبيبتي
انتي مقدمة على قست ولا مكان ثاني؟

 

[m e m e]

انا اكتشفت ان الجامعه الامريكييه حق المصخره و زقااير و لبس فاصخ و نفسيه و الكل يتحجى انجليزي تفلسف بالعلم اني كنت عايشه اب امريكا بس عمري ماتفلسفت جذي

تهاوشت وياهم لأن ماعادلوولي الانجليزي و قالولي اخذي ١٢ وحده لغه
الحين انا بالخليج يحلاتهه من جامعه مبنى حلو و نفسيه عسل و عادلولي الانجليزي و موادي و حيل مرتاحه وياهم واي سؤال انا حاظره

 

[^^ROSE^^]

هلا والله ميمي
المثل يقول لو خليت خربت
ودايما الخير يخص والشر يعم
يمكن فعلا تكون الامريكية فيها سوالف وعلني بس هم في ناس داشين يتعلمون ويتثقفون وماننكر مستوى الجامعه الاكاديمي والله يهدي الجميع

بالنسبة لقست انا وااااايد مرتاحة لها من جميع النواحي
سبحان الله اموري بسرعه تسهلت فيها وانقبلت وعطيتهم كشف درجاتي مال جامعة الكويت سألتهم متى اعرف جم مادة عادلتولي قالولي بعد اسبوعين ولهيت ماراجعتهم
تسجيلي بيكون اخر 9 قبل العيد تسجيل المستجدين
والدوام 5 اكتوبر بعد العيد
بس بروح ان شاء الله بعد اسبوعين ادفع اول دفعه عشان يفتح لي سيستم التسجيل وعسى الله يسهل والقى مواد
انا نجحت بالانجلش وبيحطوني اكاديميك دايركت
بس الماث لازم تمهيدي
بسالج دام انتي نفسي محوله من جامعه لي جامعه
المواد اللي حولوها لج ياخذون درجتها ولا بس ينقصونها من الوحدات المطلوبه للتخرج؟

 

[BusinessWoman]

انا بلامريكيه صح عندنا ملابس على قولتكم فاضحه وزقاير وعندنا وسكي وكل شي تدرون ليش ما سأتوا نفسكم

الجامعه هذي مو ماسكتها الكويت ماسكتها السفاره الامركيه يعني الداخليه والكويت مالها شغل فيها من داخل السور الجامعه امريكا لكويت مالها شغل فيها والسالفه فلطلبه عايشه جنها عايشه بره مو بالكويت واكثر الطلبع 70% مو كويتين في امريكان وفي جنسيات مختلفه وتقريبا95% الدكاتره امريكان وكل واحد وثقافته عدل اما اللي تقول تفلسف زايد وكلهم يتكلمون انجليزي سوري بس ضحكتيني عيل ليش داشين الامريكيه عشان نتكلم عربي ؟؟ وبعدين تدرين اللي يشوفونه يتكلم عربي اولا ما يتعلم ثانيا ممنوع والله ما يصير نتكلم عربي ثانيا صح قست مبنى بس وتكنولوجيا بس اسمحيلي تدريس ومناهج ولا شي 0 بالنسبه للامريكيه

واي استفسار ما يردج الا كيبوردج

 

[^^ROSE^^]

الله يوفق الجميع ان شاء الله بالمكان اللي يختارونه

 

[رعشة الاحساس]

هاي بنات
شلونكم ان شاء الله بخــــيــــر

حبايب انا انقبلت في جامعه الشرق الاوسط الامريكيه وانا بلانجليزي بلمررررره يعني مو شاطره كلــــِش

واخذت تمهيدي لاول سنه>>
الي ابيه اعــرفه أنه هل راح اواجه مشاكل اول سنه مع اللغه وتعاملي مع الاساتذه بما اني ما اعرف انجليزي

ياليت تفيدوني وانا عارفه انه جامعتي يديده بس ابيكم تفيدون من خبرتكم والي مروووو بالي انا فيه ياريتتتت لو تفيدونـي لاني من جد خايفه
وهالشغله حييييييييييييييل شاغله بالــــــــــــــــي

 

[aaaa1]

حبيبتي ترا عادي لاتخافين راح تتعودين وبعدين كل البنات اللي معاج بالتمهيدي هم مايعرفون انجليزي

والله يوفقج حبيبتي

 

[رعشة الاحساس]

مرســي خيتووو aaaa1

طمنتيني حبيبتي

الله يوفق الجمممميع يارب

بس عندي استفسار صغـــــير للبنات الي بلجامعات الخاصه

حبيت اعرف اذا ينصرفلهم إعانه او لاء ؟؟!!!
لانه انا ماعندي اي خلفيه عن الجامعات الخاصه .,.,

البنات في موضوع الاعانه قالولي فــي وهو قرار من شهر واحد

بس انا حبيت اتاكد منكم لانكم انتووو طلاب جامعات خاصه ؟؟؟ ياليت تفيدونــــــي

^^^^
سوري على الاطـــاله!!

محبتـــــــــــي:aha:​

 

[^^ROSE^^]

هلا حبيبتي
الف مبروك على القبول وان شاء الله تتوفقين يارب

بالنسبة للانجليزي تعتقدين كل اللي داشين جامعات خاصة هذولي فلته ولا دارسين بمدارس اجنبيه؟
عادي ياقلبي اخذي تمهيدي شالمشكله؟
تدربي عالانجليزي وتصيرين من احسن مايمكن

وبالنسبة للاعانة اي تاخذينها
روحي فتحيلج حساب ببنك
او اذا عندج حساب بس طلب شهادة تحويل راتب انتي قولي للبنك ابيها حق الاعانه مالت الجامعه وهم بيعرفون
وبس هالورقة تقدمينها بالجامعه عاد سأليهم بالجامعه وهم بيقولون لج وين تعطينها
وتنزلج ان شاء الله كل شهر 100

 

[Xga6waX]

بنات اانا بجامعة الخليج .. وعندي رفيجات بالاستراليه و الامريكيه ..
احنا جامعتنا يبيلها انظباط .. تمشين سيدا وتدرسين .. بشري بالدرجات والقريدات .. ماكو واسطات .. وعليهم حركات أرعه .. يعني ادارتنا مو ذاك الزود .. بس قويه وشهادتنا اقوى شهاده من الجامعات الخاصه .. وبعد التخرج اييبونلج قطاعات التوظيف لي عندج بالجامعه تسجلين .. ويعطونج كلاسات حق دورات عشان ال cv لي تخرجتي يكون بيرفكت ..
الack .. الدنيا سايبه عندهم .. وانا رحت جم مره الصراحه جنه سوق .. امشي الصبيان يقطون كلام .. واللي يقول بس بس ومادري شنو .. و غير جذي ماكو غيابات .. ما يحسبون .. بس ينقصون من الدرجات .. وشغلهم ومعاملتهم مع الطلبه جنه اطفال روضه .. يعني زين حق اللي ما يحبون الدراسه .. يهتمون بالطالب اكثر شي ويدورون وناسته .. يعني الكورس اذا مافيه عطل .. يعطونهم اسبوع من كيفهم عطله .. وغير ال events والكرنافالات وهالسوالف .. وسهله وايد .. وشهادتها دبلوم .. بس الحين تقدرين تكملين سنتين زياده وتاخذين البكلريوس .. بس حق تخصصات معينه يعني ..
الامريكيه الصراحه انا ماشوف انها تصلح حق وحدا كانت مدرسة حكومه .. وايد فرييييي .. و ستايل انقلش سكووول .. يعني مو ستايل كويتي .. بس هم شهادتها قويه وايد يعني بس مو اقوى من قست .. وهم صعبه .. واحلى شي مكان الجامعه .. شرح و قريب من كل شي وعالبحر ..

و اللي حابه تسجل لازم تروح اهي بنفسها بعد تشوف الوظع بالجامعات وتسأل اكثر ..

انشالله اكون فدتكم