مرحبا ...أعرفكم على تخصصي جني أعرفكمعلى نفسي:)

[دكتورة]

مرحبا ...أعرفكم على تخصصي جني أعرفكم على نفسي

السلام عليكم ... في البداية أنا دشيت هالمنتدى لأني كنت أدور موديلات وتصاميم للقرقيعان ولما اكتشفت المنتدى وااااايدعجبني لأنة محترمة ونظيف والأهم ماكو شباب

انا تخصصي علاج سمع ونطق ويتضمن كل حالات الـتأخر اللغوي والتخلف والشلل الدماغي و التأتأة وعيوب النطق و حالات الشفة الأرنبية و طبعا الحالات الخاصة مثل بطيئي التعلم وضعاف السمع والمتوحدوون و الداون .
وبالنسبة لحلات الكبار : ضعاف السمع وزراعةالقوقعة " الصغار والكبار"
والبحة الصوتية والاورام الخبيثة والحميدة على الأحبال الصوتية والسكتةالكلامية الناتجة عن الصدمات النفسية وغيرها................
وأتمني اني أساعدتكم في استفساراتكم


اختكم : بيرل :tongue22:

 

[الغاليه نونو]

حيااااااااااج الله يااادكتووره منوره ونتشرف بوجودج بيناااا ياقلبي "

هذا اعتبريه بيتج الثاني ون ماااشالج المنتدي تشيلج عيوووووني وعيون بناته ياقلبي>>>> تتمصلح من الطبيبه هههههههههه


اتغشمر معاج بس انشاء الله بغثج بالاسئله بس مو الحين لمااااا تبلعين ريجج وترتاحين ونصير زبااينج ذيج الساعه ابشري بسعدج من القرقه "

 

[xxx]

هلا اختي

نورتي المنتدى

وان شاءالله تفيدين وتستفيدين

 

[دنيا جديده]

نوووووووورتي المنتدى

 

[كويتيه كويت]

ياهلالالالالالالالالالالا وغلا والله عاد انا ببدي باستفسارين؟؟
-عندي ولد حماتي عمره 6 سنوات ويتأتأ بصوره فضيييييييييييعه؟؟
عالجته عند دكتور حكومه بس ماكو فيده؟؟
((الولد امه وابوه منفصلين وكثر ردو السبب لهاشي انا فاقد ابوه
وبمجرد مايرجع يرد نطقه عادي؟؟
_وثاني شي والأهم انا ولدي عمره 4 سنوات وسار يقلده وانا اتنرفز واصرخ عليه
واخاف اسوي رد فعل معاه؟؟

فاياليت تفديني جزاج الله خير..:q8:

 

[ii DareeN ii]

نورتي القسم دكتورة

 

[dr_enshalla]

هلا والله
انا منص دكتورة بقالي سنة واتخرج
وانشالله منج نستفيد
بس شنو تخصصج بالانجليزي ؟

 

[dr_enshalla]

clift lip عندهم مشكله بالكلام ؟

 

[BaTTy]

هلا فيج
حياج الله بيننا
انا امي سووت عملية زراعة قوقعه من سنتن تقريبا
بس ما استعلمت الجهاز الي يتركب
يعني مااا استفادت من العمليه الي سوتها كلش
و شكثر نحاول نقنع فيها ماااكو فايده لبستها مره وحده و طبعا شوي أثر عليها الصوت لانه شي يديد عليها بس قطتها عقب
و كاهي السماعه محطوطه طاحت بجبدها
و بعدين من فتره لي فتره ايلها عوار صووب العملية هل هالشي طبيعي ؟؟

 

[رفرف]

حياج الله بين خواتج وانشالله تفيدين وتستفيدين

 

[AnGel GirL]

حياج الله حبيبتي ومنوره المنتدى

 

[Emanova]

انتي دكتوره يعني متخرجه من الطب بعديين ماخذه زماله بالنطق و السمع ولا انتي خريجه كليه البنات قسم النطق و التخاطب ...لان الفرق كبير بيناتهم

 

[sweeta77]

حياك الله دكتوره.....واعتبري المنتدى بيتك......والله احنا شخصيا ما نعرف بعض هني بالمنتدى .... بس صدقيني اي شي تحتاجين الخوات يساعدون ويفيدون

 

[حناينq8]

رد: مرحبا ...أعرفكم على تخصصي جني أعرفكم على نفسي

موفقه حبيبتي

 

[نووووونا]

حياج الله بينا دكتوره ,,

ويا هلا ومرحباااااااااااااا ,, ان شاءالله تفيدين وتستفيدين معانا

 

[دكتورة]

حياتي واللةاخجلتوني
ومشكورين عالرد
وبالنسبة للأسئلة :
بانسبة للشفة الأرنبية : بعد أي عملية للطفل أو الشخص البالغ لعملية تجميل وترقيع مكان الانشقاق يحتاج المريض الى تدريب النطق عن طريق جلسات علاجية مرتين بالاسبوع في مركز سالم العلي لعلاجالسمع والنطق وفي مستشفى التأهيل في الصباح أيضا .

وبالنسبة للـأتأة فهذة مشكلة كبيرة وتزيد معدل وسرعةونوع التأ تأة في مواقف معينة مثل :التكلم أمام مجموعة من الناس و التكلم بالتلفوون وفي فتراة العصبية . أتمنى من الأخت أم الطفل الذي يعاني من التأتأة ان تاخذ تحويل من المستوصف تبع البطاقة المدنية لمستشفى سالم العلي في الصباح .
اممممممممم أنا شااااااااكرة ترحيبكم فيني , أنا هذة أخر سنة امتياز وميداني ومشروع تخرج باذن اللة , وبالنسبة لسؤاال الزمالة حبيبتي هذا التخصص نادر في الكويت والي متخرجين الباجي من أمريكا وعددنا تقريبا بالتخرج 200 بالكويت كلها ....وماكو زمالة

وحياااااااااااااااااكم

 

[سمسميه]

نورتي القسم دكتورة وحياج الله بين خواتج

 

[الشايعية]

حيـــــــــــــــــــــــــآجـ الله دكتـــــــــــــوره منوووره

لــــــــــــــــي عوده

 

[دكتورة]

اللة يحييكم ويبجيكم
في وحدة من الخوات سألت عن اسم التخصص بالنجليزي : communication disorder & language science
special education in medical field
وحياكم

 

[دكتورة]

هلا فيج
حياج الله بيننا
انا امي سووت عملية زراعة قوقعه من سنتن تقريبا
بس ما استعلمت الجهاز الي يتركب
يعني مااا استفادت من العمليه الي سوتها كلش
و شكثر نحاول نقنع فيها ماااكو فايده لبستها مره وحده و طبعا شوي أثر عليها الصوت لانه شي يديد عليها بس قطتها عقب
و كاهي السماعه محطوطه طاحت بجبدها
و بعدين من فتره لي فتره ايلها عوار صووب العملية هل هالشي طبيعي ؟؟

سلامتها وماتشوف شر ......الصراحةانا تضايقتلما عرفت انالوالدة ماتلبس السماعة
لأن شنو فايدةالعملية اذا ماركبت السماعة وتعودت عالأصوات , وبعدين كل اسبوعين ثم 10 شهور يتم برمجة قنوات السمع عندها ومدام الوالدة ماتلبس السماعة شلون تتم البرمجة؟؟
حبيبتي فهمي الوالدة وخلي الدكتور الي سوالها العملية يكلمها والي تراجع عندة أول معالج السمعيات لأن جذي ما استفادة
واللة يعين ان شاءاللة [/COLOR:0bee2e8d89:]