ديوانية الأبلات مشرفات الإذاعة المدرسية " نبي الهمة العالية "

[james546613]

شوفوا ايام رمضان اسبوع تعليمات وتعارف للمتعلمات وبرامج خفيفة عن رمضان والواجبات فية وكلمات تشجيعية للمتعلمات ....وبعد ذلك توزعين جدول على الاقسام كلا على حسب يومة المميز والمناسبات الخاصة لكل قسم مثل التخضير للعلوم ...يوم الامم المتحدة للاجتماعيات وهكذا ..وبعدين تختارين برنامج مع الطلبة للمعلمات كل قسم فريق او مرحلة مرحلة من قبل المتعلمات ....ومرة سوي مقابلة مع المديرة ومرة مقابلة مع ولية امر متعلمة متفوقة ....الخ تعبت

 

[عيون سارة]

اب
وينكم

 

[سـكـر زيـادة]

أب مي تو

 

[بنت الكويت1]

حبيباتي انا وياكم متابعة وانا سعيدة بالتفاعل الحلو وبراسي فكرة عشان نسوي اذاعتنا بشكل مختلف يعني ودي بفكرة مجنونة تخلي المدرسة عمرها ما تنسى اني مسكت الاذاعة يعني يوم مهرجان للاذاعة المدرسية بس شلون نستضيف مسؤول الانشطة ما ادري ودي بمساعدة منكم لانكم مبدعات وصاحبات افكار مرتبة ومنسقة عشان جذي طرحت افكاري عليكم وناطرة ردودكم يلا نبي اذاعتنا غير يعني جت براسي فكرة الحين نستضيف مدرسة ثانية تقدم لنا برنامج مفيد مثلا برنامج من بنات الثانوي للصف التاسع وبجذي يصير في تبادل بين المدرس مثل الدروس الريادية شرايكم

 

[وجوده]

بصراحه موضوع رووووووعه


انا بشارك معاكم
بالنسبة للي تبي مهرجان للذاعه

مره قسم الاسلامية سو مسابقات على مستوى المدراس
وكان في تكريم للمدارس الفائزة

وقسم اللغه العربية
سوى احلى بطاقات للام
وكان في مشاركات من المدراس

انتي سوي مثل مسابقه او مشاركة من مدرسة اخرى

وسوي مثل موضوع واطلبي ترشيح للطالبات
ويكون في صندوق لجمع الترشيحات

بكذا راح يكون في حركة قوية بالمدرسة
والكل بينتظر منو اللي بيفوز بالترشيح

سواء كان ترشيحهم على موضوع معين
او فكره

انتي عاد دوري فكره مناسبه لمدرستج

وهذا اللي طرى ببالي الحين

 

[زيـטּ عَبْس]

قوة أبلات

تخيلوووو


مسويه مقدمة أذاعه حلوة .. وفيها اليوم والتاريخين الهجري والميلادي ودعاء الصباح

ولا الناظرة تقوول

غيري المقدمه شيلي اليوم والتاريخين والدعاء




صج مو كفواا نسنع اذاعتهم


حده تحطيم

 

[زيـטּ عَبْس]

بنت الكويت ..؟؟ متى مهرجان الإذاعه ؟؟ أي يتاريخ ؟؟

===
وجود

حلوين أفكارج

بس شرحيلنا أكثر عن المسابقات والترشيح لانها تشوووق

 

[عيون سارة]

وجود فكرة وايد رائعة ممكن استعيرها منك
افكر اسوي مسابقة للطالبات

وابلة خلود اشلون تقول لك شيلي اليوم والتاريخ غلط لازم فية تاريخ واسم المعلمة بعد عيل اشلون تعرف هذا شغل منو

 

[& مــشــايــخ &]

انا بعد وياكم

خووش تجمع ماشاء الله عليكم

انا اول مره امسك اذاعه ومافيها شي اذا اخطانا بالبداية عشان نتعلم وان شاء الله أعطيكم افكار وآخذ منكم

وبالنسبه حق جدول المناسبات رئيسة قسمي قالت وزعيه عالابلات يعني مثلا يوم التخضير العالمي ياخذونه قسم العلوم ومثلا يوم المعلم العالمي

ياخذونه الاقسام كلهم مثلا اللي بتكرم رئيسة قسمها واللي بتكرم الناظره وهكذا وان شاء الله اذا عرفت شي جديد بقول لكم

 

[روحـ روحه]

انا معاكم بعد هذي اول سنه لي بالثانويه ومسكوووني اذاعه يقولون لي انت جايه من الرووضه اكيد شاطره

<<< هذي المستخدمه سوف تتعرض للكراف

 

[وجوده]

بنت الكويت ..؟؟ متى مهرجان الإذاعه ؟؟ أي يتاريخ ؟؟

===
وجود

حلوين أفكارج

بس شرحيلنا أكثر عن المسابقات والترشيح لانها تشوووق

هلا حبيبتي

ممكن تسوين ترشيح من الطالبات

وتختارين من كل صف 5 طالبات

علشان تختصرين على نفسج الفرز

ام ممكن تحطي اعلان على الفصول بالترشيح

وتحطين صندوق واللي تبي تشارك تشارك

واختاري موضوع معين مثل :

من هي قدوتك من المعلمات

وعلى فكرة انا كنت مسوية شخصية لقسم الرياضيات
ومسميته رقوم وله صوره

واي فعاليات للرياضيات

سواء برامج او مسابقات احط صورته
مثل مسابقات رقوم للعيد الوطني
مسابقات رقوم العلمية

وهكذا


وبصراحه سوى ضجه بالمدرسة
وحتى البنات حبوه وايد

ممكن تسوون شخصية للاذاعه
وتسوين لها لقب
واي فعاليات ترزينها تصير تدل على الاذاعه
واي فكره برجع لكم

 

[وجوده]

وجود فكرة وايد رائعة ممكن استعيرها منك
افكر اسوي مسابقة للطالبات

وابلة خلود اشلون تقول لك شيلي اليوم والتاريخ غلط لازم فية تاريخ واسم المعلمة بعد عيل اشلون تعرف هذا شغل منو

كلي تحت امرج حبيبتي

 

[& مــشــايــخ &]

بنات شنو أفكاركم حق يوم المعلم؟؟

 

[زيـטּ عَبْس]

وجود حلوين أفكارج .. جزاج الله خير في هذا الشهر الفضيل والله ماقصرتي ياعمري

===========
دودي .. مادري عن ناظرتنا تخروها أحينا

وهمن اليوم قالت مابي برامج اذاعيه الوقت قصير عاد ماقالت من قبل
والمسكينه أبله علوم جديده جايبه قشها للمشهد

يالله ماعليه


======================

 

[زيـטּ عَبْس]

أبلات أنتوا أكيد راح تمسكووون نشاط الإذاعه صح ولا بتغيروون ؟؟

إذا نفسي بتمسكون الإذاعه ان شاء الله

فنبي أفكار


طرت علي فكرة .. ان ألبس البنات وشااح بنات الإذاعه
يعني غير الكرنيهات اللي عليها اسمهم

بس مادري وين اسويهم ؟؟

واللي عندها أفكار تفيدنا

 

[& مــشــايــخ &]

خلوودة تلبسيهم على طول اليوم ولا بس الصبح لما يقدمون البرنامج؟؟

مادري انا افضل كارنيه وبس عشان اذا نزلو ملابسهم بالاللعاب وجذيه مايضيعون

ماقلتو لي بنات افكار عن يوم المعلم شرايكم اسوي توزيعات للمعلمات بس شوزع عليهم؟؟ شرايكم بقصيدة عن المعلم مطويه وملفوفه بشريط ستان ومعاها كاكاوه ومعاها عباره عن يوم المعلم واسمي

نبي همتكم بنات

 

[وافية*]

السلام عليكم
حبايبي بغيت برنامج حلو ومميز واذا ممكن يخص الرياضيات وراح ادعيلها اللي بتساعدني من كل قلبي واللة متوهقة مادري شسوي مع ان الناظرة قالت موشرط عن المادة نفسها
فاللي عندها شي لاتبخل علينا تكفون

 

[عيون سارة]

أبلات أنتوا أكيد راح تمسكووون نشاط الإذاعه صح ولا بتغيروون ؟؟

إذا نفسي بتمسكون الإذاعه ان شاء الله

فنبي أفكار


طرت علي فكرة .. ان ألبس البنات وشااح بنات الإذاعه
يعني غير الكرنيهات اللي عليها اسمهم

بس مادري وين اسويهم ؟؟

واللي عندها أفكار تفيدنا

ياحلاتك ياخوخة سامحيني قاعدة ادلعك

شوفي انا العام لبست البنات مثل الجاكيت بس صدق مثل ما قالت الاخت مو عملي افكر اسوي لهم كارنية وخلاص
واذا على الافكار والله ما براسي شي للحين داخلة بغيبوبة حالتي صعبة الله يعين
عاد تصدقين من جد حبيتك من كل قلبي شكلك حبوبة

 

[زيـטּ عَبْس]

عذووب

الوشاح يلبسونه بس وقت الإذاعه .. الصبح وبعدها يعطوني اياه ووقت النشاط يلبسونه وجذي يعني
وعن فكرتج ليوم المعلم حلوة والله سويها وتوكلي على الله

====
وافية .. أذكر أبلة رياضيات برنامجها قالت شعر عن الرياضيات بس حلو وطريف كان
مادري دوري بالنت يمكن تلقين
والطالبة كانت حافظته وقالته وبعدها كان برنامج استخدموا في مسابقه بين طالبات وكانوا معاهم مكعبات ودوائر ومادري شنو
شغلات جذي
حق ابتدائي بس كان سريع وخفيف

=================

dodi1980

ياعمري انتي والله
حتى أنا حبيتج
وحبيتكم كلكم وأعزكم مثل خواتي

ومثل ماقلت ان الوشاح يكوون بس وقت الإذاعه الصبح ووقت النشاط

بس الظاهر شكلي بهون عنها دام على قولتكم مو عملية

 

[زيـטּ عَبْس]

يلااا ياا أبلات نبي أفكار ليوم المعلم

عجبتني فكرة المقابلة مع الناظرة والوكيلة والأبلات

بس شلون التطبيق ؟؟؟؟؟ عطونا أفكاار