شنو شريتي اليوم ؟؟؟ شاركينا بالصور (الجزء الرابع)

[.]

عليكم بالعافيه بنات..

انا عندي مثل مال ايكيا رفرف بس مو عارفه شلون اثبته وكنت معلقته بباب الكبت وقبل جم يوم طاح خخخ ..

عاد كل مالي مغيره الشغلات اللي بللملونين اللي جنهم سلال مرا دلاغاتي مره اسبونج بوب ..

 

[باونتى]

عليكم بالعافيه

 

[FOZQ8]

مشتروات القرقيعان
ماقدرت اصور كل شي بس صورت اللي من عالم الحلويات الباجي 3 اجياس من الصيداوي قلت اسوي مكس بين هذا وهذاك
طبعا الحين اهما خالصين لان قرقيعانا الخميس ههههه ادري شي يضحك بس مع زوارتنا صااار
القرقيعان انا مسويته حق اليهال اهما خلصوا ببيوتهم وانا كل سنه متعوده اسوي لعيال خواتي واخواني قرقيعان على ذووقي
شوفي الخلاجين شسوي مو كله كاكاو وحلاو احب يتونسون بالالعاب السخيفه لووول
مسدس وساعه وعيون تخرع ومادري شنووو












عيون تخررررع ومعاها حلاو سخيف ههههههه




وكتبت هالمسج لخواتي "انتم مدعوين لحضور قرقيعان بيت " " يوم الخميس.. الرجاء الحضور بملابس القرقيعان وسيحرم من القرقيعان اللي يلبس كاجوال كأنه رايح المارينا "

بعدين اصور لكم واهوا مغلف


روونه انتي فيننن يابت مشتاقين لج

 

[ماريوتا]

لوووووووووووووووووووووووول اهم شي ان الحلاو سخيف والالعاب سخيفه والقرقيعان سخيف

لووووووووووووووووووووووووووووووووووول ذكرتيني بوحده عندها الدنيا سخافه لوووول


عليهم بالعافيه

وناطرين نشوف ابداعج بالتغليييف

واهم شي المسج ... مايمشون الا جذي ... عفيا عليييج شاطره

 

[FOZQ8]

شاريته من قبل رمضان اهوا وشي ثاني بس مادري وينه الشغله الثانيه اصلا ناسيه شنوو لووول
مالبسته ولا مره حق ايام الهالاقه



ملافع مادري ليش شريتها اخخخخخ بس لانها رخيصه
ولما رديت البيت بصراحه طلعوا حلوين مع ان الشكل العام يقول لأ




دلاغات ايد .. مادري شيسمونهم .. احنا معشر المحجبات نبتلش بالثري كوارتر مو معقوله بالحر بلبس بودي تحت واموت حرررر مو كل لبس اقدر البس بادي تحته .. والسوق كلووو هيك ثري كوارتر .. ترى عندي كل الالوان وهذيل زياده فوقهم الخمطه على ربع لوووول



كلينكس للجنطه يونسون لازم على طول اشتريهم



شباصات لأميراتنا وبناتنا لاحظوا معاهم حكااكه الريول مادري شيسمونها



هذي الشباصه بيصير عليها هوشه ادري وبموت لاني لقيت بس حبه وحده
صورتها لكم بروحها حدها كيوت


الله يستر بيصير الدم للركب
يالله اتفرج منو يفوز فيهم وياخذها له وبزودهم بعد بأدوات المعركه شحاطات تكرمون وماي للشرب لان اكيد بيتفلون على بعض
موبنات صبيان لووووول
لا كل وهذا وفجأه يصيرون بقمة الدلع والمياعه شلون مادري

 

[.]

هلا فوز ام هير..

شلونج..

و شريت جم شغله وطلبت جم شغله بس مالي خلق اصور..

انتي كل مايعجبني شي عندج تقولين لايام الهلاقه خخ ..

و دلاغات الايد من وين طالبتلي قميصين 3-4..

وعليكم بالعافيه واللي تتهاوش اخذي منها الاغراض..

والحلاو السخيف لو حصم ارحم عندنا مثلا سخيف بجد..


وتوني انتبه خخ انج تمين الجموم دلاغات مثلي خخ..

 

[FOZQ8]

ماريووتا اخخخخخخخخخخخخخخخخخخ اي والله لا يعني اقصد العاب مو جد جد يعني شغل اي كلام بس عشان يغيرون عن الحلويات


روونه . يالله عاوزين نشووف .. انا عاجبني بعد بس انتي مو فاهمه علي ايام الهلاقه مو يعني موحلوو لا اقصد اليوم الي مابي اكشخ والبس شي سبور وبسرعه بسرعه ومع تكرمين جوتي رياضه هذا اللي اقصده .. لان صج في ايام استغفر الله مالي خلق اركب شي على شي فأتل هذا والبسه
دلاغات الايد الله يسلمج "اشوا في احد يسميها هيك غيري" شوفي في محل بالايوب تحت فيه وحده ايرانيه ومرات معاها شايب ايراني دشي عليه قوليهم سلامن عليكم جيتوري آغا طاعلي على يسارج تلاقين اشكال والوان شي قطن وشي بيزووو وي الله يرحم ايام البيزو بيزو اخخخخ مادري الفيزو المهم
القطن موشي لان يضغط على الايد
البيزو او الفيزو يتمقط زين .. الوان قوس قزح كلها عندهم
وعلى نص مو ربع ترى لوووول

 

[دهن عود مبخر]

عليكم بالف عافيه بنات
FOZQ8
تخيلي اقولج لا مو اهو المحل :tongue22:

لا ياقلبي اهو اللي قلتي عنه
وصح فيه دراريع حلوه وناعمه للبيت
اما للاستقبال مادري حسيتهم شوي خبه ولويه
مع ان اسعارهم وااايد ارخص من بره

ضحكتيني على سالفة دلاغات الايد ههههههههههههه
ياحلوج والله

وعليكم بالعافيه القرقيعان
وعسى الله لايفرقكم عن بعض



:ggdw:​

 

[زلابيا]

عليكم بالعافيه ماريوتا وميوزك ورفروف وفوز .. وكل البنات

فوز عجبتني دلاغات الايد لووووووووووووووول وصفج عجيب

 

[FOZQ8]

اي نسيت ترى ما يغلى عليج والله مو ملبوس

 

[FOZQ8]

دهن عود مبخر .. تصدقين ول مره شفت عنده حق الاستقبال مادري ما ثبت شفت مالوت البيت على خواتي حدهم ذربين موشغل انتي وخدامه حماج لابسه نفس الشي ههههههههههههه
يعافيج ياقلبوو تسلمين ودلاغات الايد مالقيت لها اسم ثاني
تدرين او ما طلعوا الامطه سميناها في البيت دلاغات راااس لان كنا نلبسها ندخل الويه كله بعدين نطلعه ههههه صج نفشل


زلابيا .. يعافيج حبوبه ودوم تضحكين يارب

 

[ام كتكوت]

ماشاءالله عليكم بالعفايه اغراضكم

ماريوتا ماشالله ايد اختج مال عضضضضضض ماشالله لا اله الا الله عمممممممممممري تشوقت اشوفها اتصدين


رفرف عليكم بالعافيه انتي والاميرات

الديرفه كانت مهبط ذكرياتي انا وخواتي ماشالله كنا خمستنا نركب وندووووووووووووووور طبعا كل شوي وحده تدز واخوي ماكان يركب ههههههههههههههههههههههههههههههه

كنا 24 ساعه نلعب غير ميزان حلوه ههههههههه مادري شسمها اللي جنه ميزان

فيني بجيه ابي

 

[أفرض هيبتي]

عوافي.....

 

[رفرف]

فزفوووزه ..

الكبت والكرسي من سنتربوينت حولي كانو توهم يايبينهم وفي سلال ملابس وشغلات حلوة بس ما حبيت ازحم دارهم اكثر ..
بس حسافة ما حصلت كرسي ثاني شكلي بروح الفحيحيل دام دليته انشالله احصل حق كوكي كرسي كسرت خاطري توها صبويا نايمة والليتات طافية ادور اختها الا قاعدة بالخرمس بالكرسي وساكته عاجل على غير العادة شكلها ما صدقت اختها تنام والكرسي يفضا ..
وتوبج مال ايام الهلاقة اشحلاته مسكين مطيحه حظه بهالكلمة

رونه
احنا مثبتينه بمسامير بالطوفة


وي بنات طلعتو كلكم يهال وتبون الديرفة ؟؟
هذا وانا ما صورتلكم النطاطية العودة ..
شفت يرانا هنود أمنت وقطيت البرستيج على كتر قمت اناقز مع بناتي تخيلو عاد صج ما يبين الا صماخي بس هم فشله ..
لين انصدمت صدمة حياتي لما دريت ان البيت الي جبالنا كويتيين وعندهم خيمه بالسكة (دوانية) بعد .. ويا ويلتي ويلتااااااااااااه ..

 

[عاشقة الرشاقة]

عليكم بالعافية........

 

[ماريوتا]

فوز

اي والله على قوله رونه كل مااشوف شي حلو عندج تقولين حق ملاقه لووووول

حلوين دلاغات الايد من وين انا مره شفت لون ابيض بس مااشريت ماكان لي خلق لوووول

لو اقولج انا شسمي دلاغات الراس تموتين ضحك لوووووووووول

عليج بالعافيه يارب



ام كتكوت ماطلبتي شي حيااج تعالي عندنا وشوفيها لووووووووووووول

 

[أمواج البحر]

عليييييييييييكم بالف عافيه جمييييييييييعا

ماريوتا .. حلوه اغراضج عليج بالعافيه

رفرف ... يشوق الكرسي و الكبت عليكم بالف عافيه

فووووز... اقولج شي !! ما ادري ليش توقعتج مو متحجبه *_* هههههههههه صج والله طول هالمده حاطه ببالي انج مفرعه

بس عجبوني دس الايد بس سؤال حلوين باللبس لان مثل ماقلتي اذا كان التوب ثري كوارتر حرررر نلبس تحته بدي

وعليييييج بالعافيه

 

[FOZQ8]

رفرف بايعتها انتي بالاحمدي سيتي وتسوين جذي ههههههه
صج يا ويلتي ويلتااه
شخبار الاحمدي وياج ؟؟ وبالليل للحين ظلمه خرمس وهدوء ؟؟


ماريوتا اسم الله عليها تهبل البنوته والله تستاهل تشترون لها الله يحفظها
اي البراعه اقصد البراءه كلها تمثيل بتمثيل تشوفين عيونهم واهما خابصين شي كأنج انتي اللي خابصه الاغراض ..
لا ومسويه من التلفون شال بعد هههههههههه
دلاغات الراس شتسمينهم ؟؟ غششيني

 

[FOZQ8]

وي يا أمواج محجبه من ايام الغوص والله ههههههههههه غريبه جم مره احط ملافع شاريتهم هااااو كام حاطه ببالج اني مفرعه هههه حلوه مفرعه

اممم شقولج .. اهوا مرات ينفع ويبين مثل الكم عادي ومرات لا بس مضطرين .. القطن أذرب شوي بس وااي فقص ايدي وانا ايدي مو متينه بعد بس مادري ما ريحني .. شوفي في شغلات لابد تحتاجينها بيوم منها دلاغ الايد .. خصوصا بالصيف ..

 

[الشيرازيه]

قوووووووه بنوتاااات قلت احطلكم شنو شرييييييت طبعا قبل اسبوعين هي هي هي :eh_s(6): بس مالي خلق اصور الجنطه توها نازله بالموقع مال قس دشت بخاطري وفي منها ورديه بس عجبتني هذي. لحد يسأل شنو فيها سئلو كنديه اغراضها هههههه اختي غزت علي الجنطه بالعاااااااااااااافيه عليها كنديه عيل انا فلسطيينيه علي الشماغ ماقصرتي اشوفج تقولين لفيه علي ساعتها يصير خير بس تصدقون صراحه لي لفيته علي رقبتي اهني ماشوف اله العرب يخزون يدرون خليجيه :krkrkr: ونظارتي versace لازم مع الشماغ شكلي مافيا هع هع هع <--- ضحكه مافيه عيم
وهذي اهي بالموقع عجبتني وايد

عليج العافيه ممكن ا السايت الي طلبتي منه الجنطه​

هلا والله حبيبتي السدره طلبتها من www.guess.ca بس مادري شفيهم نزلو هلون الي شريته يمكن يوم واحد والحين بس فيه الورديه وهذا عنوانها بالموقع يمكن تعجبج الورديه

http://www.guess.ca/ProductDetails.aspx?style=VY060104&category|830=&image=VY060104-RSE

وماتغلي عليج يالغاليه​