تجمع اتصالات والملاحه

[I dOn'T kNoW]

مرحبا

مبارك عليكم الشهر

بليز بنات شنو احسن تخصص بالمعهد ؟

وصج اللي تييب امتياز تختار التخصص اللي تبيه ولا بس كلام ؟؟

 

[فاطمه المستقله]

يا هلا حبيبتي لا مو شرط اللي اتييب امتياز بس اذا كانت نسبتج مرتفعه تختارين التخصص القوي اللي ما يدخله الا اصحاب المعدلات المرتفعه..

والله في وايد تخصصات حلوه ان شالله لا دخلتي راح نعلمج على كل تخصص وشنو مواده وشنو تشتغلين لا تخرجتي وانتي تحكمين
يعني انتي اللي تقتنعين فيه دخليه ما عليج من كلام احد

 

[فاطمه المستقله]

نسست اقولكم
انا خريجه الكورس الياي ان شالله يعني كورس رابع وتخصصي برمجه

 

[فاطمه المستقله]

الدوامات 6-10 ان شالله

 

[Sandoos]

مبارك عليكم الشهر
وبالتوفيق حق الكل

 

[فاطمه المستقله]

علينا وعليج حبيبتي
اجمعين ان شالله

 

[toota_86]

قوه بنات شلوكم مبارك عليكم الشهر

بليز بنات منو تعرف متى نستلم الشهادات؟؟؟؟؟؟؟؟؟؟؟؟؟

 

[الـمـزيـونـه]

نسست اقولكم
انا خريجه الكورس الياي ان شالله يعني كورس رابع وتخصصي برمجه

مثلي حتى أنا يعني راح تتخرجين وياي :ggdw:

 

[فاطمه المستقله]

عدل عدل يالله موفقين ان شالله

والشهادات اتوقع مع بداية الدوامات للادراه

 

[Sandoos]

الشهادات اتوقع تطلع عقب العيد انشالله
او اخر شهر 9

 

[toota_86]

مشكورين تسلمون

 

[a7La^JeKaRa]

هايي .. السلام عليكم وصباح الخير


شلوونكم بنات شخباركم ؟؟



انا بعد معاكم بالاتصالات والملاحه وهالكورس أكون خلصت التمهيدي وبدش كورس اول انشالله


بس حبيت اسأل متى امتحانات الدوور الثااني ولا عليكم امر ؟؟

 

[فاطمه المستقله]

هلا حبيبتي
حيااج معانا
مواعد اختبارات الدور الثاني
من الاثنين 22/9/2008 الى الاربعاء 24/9/2008


وان شالله اول ما تداوم الادراه راح اروح اشوف لكم الجدول واحطه لكم..

 

[مغتربه بقلبه]

بنات موفقين



الي عندهم دور ثاني خليشدون حيلهم


ترا الي تعيد ماده يخلونها تعيد الكورس كله ديرو بالكم بنات


وانشاء الله كلكم تنجحون

 

[I dOn'T kNoW]

مشكورة حبيبتي فاطمه

بس قبل التخصصات حبيت اسأل عن مسمى الدبلوم للمعهد هل يسمونه دبلوم تدريب او لا ؟

لان البعثات الداخليه ما تقبل دبلوم التدريب وانا ان شاء الله ناويه اكمل واخذ بكالريوس

 

[I dOn'T kNoW]

up

up

up

 

[فاطمه المستقله]

مشكورة حبيبتي فاطمه

بس قبل التخصصات حبيت اسأل عن مسمى الدبلوم للمعهد هل يسمونه دبلوم تدريب او لا ؟

لان البعثات الداخليه ما تقبل دبلوم التدريب وانا ان شاء الله ناويه اكمل واخذ بكالريوس

والله بهذي عندي شك شوي لان احنا نقدر نكمل ببعثات داخليه وخارجيه بعد..
بس راح اسأل واتأكد بعد ولا تحاتين
العفوو ولوو

 

[I dOn'T kNoW]

سوري فاطمه تعبتج معاي

في انتظارج حبوبه

بشنو تنصحوني صيانة كمبيوتر ولا هندسة ؟؟!! >>> بليز بنات حدي محتاره :gr4uu:

 

[فاطمه المستقله]

اثنينهم حلوين
الصيانه تكونين عالخامسه وثلاث علاوات بعد
لا افا عليج اللي تبينه قوليه لا تستحين انا بخدمتكم

 

[جعدة أمي]

السلام عليكم


خواتي انا انقبلت معاكم.. في المعهد .. يعني مستجده وبصراحه ابي اعرف عن المعهد جم شغله واتمنى تساعدوني ادري فيكم ... اطيب منكم مافي

ابي اعرف التخصصات اللي تكون موجوده شنو اهي ؟؟

والدوام متى ؟؟

والبدايه حق المستجات يكون الدوام صبح ولا عصر ؟؟


صج ان في لقاء باجر بعد الفطور انشالله بس ماني قادره اصبر ممكن تساعدوني ...




شكرا مقدما :hjy5jewf: