إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عهود الحب]

رد: إذا أنتي مطلقه شاركينى؟

لوووووووول الزين بدعتي حدددج ههههههههههههههههه
كل هذا مشتاقه للدوام
ماشريت شي للحين لدوامي انا
بس ناوية اداوم وعقب نشتري لاحقين
اصلن ماكو فلوس مقحطة ههههههههههههههه
الي عندي بخليه مصرف لعيالي فديتهم






سمراء اكيد حلوة ومملوحة بعد
اختيارج حلو يدل على شخصيتج



ماتشوفيني انا واختياري ههههههههههههه
عهود حب < هههههههههههه وادور الطلاق امحق عهود حب عساني اتطلق عن قريب واحب غيره يارب

 

[رحاب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

حبيبتي عهود الحب .. تقبل الله منج ومأجورة إن شاء الله​

 

[هدوء]

رد: إذا أنتي مطلقه شاركينى؟

مساء الخير


اخيرا وصلت للصفحة الاخيرة .. صار لي 3 ايام اقرا الموضوع وكل شوي داتا بيس ايرور !!!


عهود الحب .. الله يعينج ويفرج همج ان شالله ومهما ضاقت اكيد بإذن الله راح تفرج


انا سالفتي طويلة وعريضة وصار لي بالمحاكم سنتين ونص .. وفي النهاية اخذ الولد مني صار لي شهر ونص ويمكن اكثر مادري عنه ..

ماني عارفه روحي اذا كنت مطلقة والا معلقة .. اخذت حكم بالطلاق من عشر شهور وسوا حضرته تمييز .. فصرت مو على ذمته بس ما اقدر اتصرف لاني ناطره ورقتي اللي علقها لما رفع التمييز


وفيني حرقة وقهر على ولدي اللي ما اعرف عنه شي والمدارس قربت .. واحاتيه

 

[>عين أبوي<]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

اول شي اشكر عهود الحب على الكلام اللى قلتيه لان عطيتينى امل بالدنيا
وانا مثل عهود الحب كنت معلقه و زواجى استمر سنه وشهرين
وتونى اقل من شهر تطلقت وافتكيت منه
وشعورى ما يوصف من سعاده لان كنت عايشه بجحيم واهانه
والحمدالله الناس والاهل ما سمعت منهم كلمه تضايقنى كلا يقولون لى زين سويتى والله يعوضج باللى احسن منه
وانشالله كل بنيه مرت بتجربه زواج فاشله الله يعوضها بالرجل الصالح

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

والله يا بنات حبيتكم لله والله يعوضنا خير انشالله

 

[حلاوي]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

عهود الحب تسلمين ..

الحمد لله انا مو ناقصني شئ ولا احس بشئ يضايقني ..

بس اني اتضايق لما اشوف اخوي اللي اصغر مني لاني ادري انه يبي يكون عنده احد يهتم فيه غير امي ..


امي شقولج عنها تطلقت من ابوي وهي بالكليه تدرس وما تزوجت ..

ومو مقصره معانا تسوي لنا اللي نبيه بس عشان ما تحسسنا بالنقص ..

بس مهما تسوي لنا وجود ابونا وصوته معانا ناقصنا ..

اظن وجود الابوو له دور كبير بحياته عياله لانه ياثر عليهم وعلى شخصياتهم

وحتى على مستويااتهم بالدراسه ..


وبسسسس...

 

[سمراء كويتية]

رد: إذا أنتي مطلقه شاركينى؟

الله يفرج لج همج حبيبتي والله عورتي قلبي ​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

موشرط يا حلاوي ان وجود الابو يكون افضل للعيال

صدقيني اعرف ناس بنفس وضعكم بس الي يتمنونه بعد ابوهم عندهم ..

مرات الطلاق يكون أفضل حتى للعيال وصدقيني لو امج كانت شايفه ان يصلح

جان ما طلبت منه الطلاق .. والله يخليها لكم​

 

[ما عندي سالفة!]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا صارلي شهرين والطلاق كان خلعي .. لانه فعلا ما يستاهل ..

بس مادري .. انا الحين بازمه نفسية ..احس اني احبه

بس بعدين اتذكر الي سواه فيني .. وحتى ولده مو راضي يسال عنه ! وقال انه ماراح يعترف فيه لين يصير 18 سنة !

وبالنسبة حق كلام الناس .. الناس يتكلمون على كل شي .. واصلا انا ما اختلطت باحد عقب الطلاق ..
بس الي صدمني اعز رفيجاتي .. احسهم تشمتو فيني جنهم كانو ناطرين يصير فيني جذي ..

 

[هدوء]

رد: إذا أنتي مطلقه شاركينى؟

تسلمين سمراء كويتية ما قصرتي

الله يفرج هموم الكل

انا متأكدة ان ربي ما يبتلي الا العبد اللي يحبه

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ما عندج سالفه ..!!

شسالفة البنات الي تتطلق واهي تحب الريال الي تطلقت منه ؟؟؟

اذا انتي حبيته .. وشفتي فيه أمل أو على الأقل صفه زينه ليش تطلقتي ؟؟​

 

[حلاوي]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

سمراء الكويت بالعكس ..

امي صحيح ماقالت بس انا احس انها تبي ابونا عندنا وابوي طيب ومافيه منه ..

وعلى حسب فهمي ان سبب الطلاق مشاكل بين امي وعماتي والا امي وابوي ما بينهم شئ

وبالعكس ابوي دايم يقووول حطوا امكم بعيوونكم وامي نفس الشئ ماعمرها كرهتنا بابوي او قالت شئ عنه

دايم تمدحه وتكبررررره بعيوونااا ..

بس هذا نصييبنا بالدنيا والحمد لله على كل حاال..

 

[Om_3aYSha]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

حبايبي ما يهم مطلقة او متزوجة اهم شيء تكونين راضية من نفسج وبس ، ما عليج من كلام الناس وجم مطلقة أحسن من مليون متزوجة

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

حلاوي الله يعوض امج خير انشالله بصراحه اصعب الطلاق الي في عيال ...

ام عايشه والله كلامج ملييون مره صح <<< وايد متزوجات يقولن لي انتي عايشه حياة احنا
نتمناهااا لو يوم واحد .. الحمدالله على كل حال محد عاجبه حاله ​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

يا بنات انا ما شفت ولا يوم حلوووو بزواجي .. صدقوني ولا يووووم

وانتو بعد نفسي ولا احسن مني ؟؟:bbbiu:

 

[*الحالمه*]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

هههههه

سمرا اكيد كان فيه لحظات حلوه لو مو يووووم بس ساعات المر يطغي عالحلو

فبحبشي مني منااااك و بتلاقين

حرييييم قلوبنا رقيقه

عني انا في الـ 15 يوم شفت لحظات مو أيام .. لحظات سعيده

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

هههههه

سمرا اكيد كان فيه لحظات حلوه لو مو يووووم بس ساعات المر يطغي عالحلو

فبحبشي مني منااااك و بتلاقين

حرييييم قلوبنا رقيقه

عني انا في الـ 15 يوم شفت لحظات مو أيام .. لحظات سعيده

الحالمه ..
حتى اللحظات الحلوه كانت وراااهااا مصلحه .. يبي فلوس <<<< هذ كان همه الأكبر
اللحظات الحلوه اهي تصير من القلب لي القلب بدون مصلحه << هذا الي اتكلم عنه

 

[*الحالمه*]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

و الله اللي من القلب للقلب

يبيلها كاشف كذب عشان نعرف صجه من جذبه

بس عموما انا اشوف ان اللحظه اللي كنتي وقتها سعيده حتى لو كانت

من باب مصلحه له " و انتي ما تدرين عن نيته " تعتبر من اللحظات الحلوه

==<< قامت تتفلسف هههه جد و الله هذي نظريتي

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

كنت عارفة نيته الحالمه بس كنت اجدم الخير واجذب نفسي

 

[*الحالمه*]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

هذا من اصلج الطيب يا حياتي ... صدقيني بيندم و قولي الحالمه ما قالت

===<< عن تجربه بعد فتره بسيطه يندمووووووون ^_^

المهم قطي الماضي ورى ظهرج و خلي الدروس للي استفدتي منها

تنفعج بحياتج الجايه ان شاء الله ... و تأكدي ان ربج بيجازيج على كل خير سويتيه

دعواتي لج بالتوفيق و ان ربي يعوضج خير و يرزقج من حيث لا تحتسبين