تجمع لمرضى السرطان(cancer)

[روح آلمشآعر]

،


آلحمدلله آلله يخلي لج آمج




قطوهـ

آلله يشآفي آمج ويشفي جميع آلمسلمين ~
ويخليهآ لكم ويطول بعمرهآ ~



،

 

[رحاب]

رد: تجمع لمرضى السرطان (can)

صباح الخير

انا كان فيني هالمرض الله يكافيكم شره
بس بالتوكل على الله ، الإرادة القوية ، الرقية الشرعية ، سورة البقرة قدرت احاربه لله الحمد والمنّه
والأهم من كل شي الثقة بالله تعالى

عالجته بالكويت 6 أشهر وكملت بلندن شهرين
ولله الحمد تماثلت بالشفاء



والموقف اللي صج يحيّر الأطباء إني رحت منهم للعمرة وكان الورم كبير حيل
ولما رديت للكويت وسوو الأشعة اختفى !
سبحانك يارب رغم الألم بيومها لأني كنت أتلقى العلاج الكيماوي إلا إنه كان أجمل يوم لما قال لي الدكتور انه اختفى


بس حاليا ً فيني ورمة بالثدي مع اني توني صغيرة والمفروض ماتطلع للي بعمري بس متوكلة على الله تعالى
ادعوا لي بدوام العافية

الله يشافيج حبيبتي ويلبسج ثوب العافية ... آمييييييييييييييييييييين يا رب​

 

[رحاب]

رد: تجمع لمرضى السرطان (can)

حبيت احط نبذه بسيطه للاخوات اللي يدخلون الموضوع

والحين بتكلم عن نفسي

امي اكتشفو ان عندها هالمرض الخبيث بالرحم حاليا بس مو متأكدين اذا انتشر و وصل لاماكن ثانيه او موجود بالرحم فقط وللحين ماحددو اذا كان خبيث او حميد .... وماتبي تسوي شي بالكويت ودها تسافر برى ومثل ماانتو عارفين الاجراءات للعلاج بالخارج راح تطول

اللي عندها خبره وتعرف احسن مكان للعلاج بالخارج لاتبخل علينا

وان شاء الله الفرج والعلاج من رب العالمين ...

اللهم ارنى عجائب قدرتك في شفاء مرضانا ومرضى المسلمين اجمعين

ادعو لها يابنات

ماتشوف شر إن شاء الله الوالده والله يقومها لكم بالسلامة ويخليها لكم ... آميييييييييييييييين يا رب​

 

[رحاب]

الله يشفي الوالدة وخليها لكم
انا خالتي صار فيها بالصدر واهي حامل بالشهر السادس واثناء الحمل قالولها لازم نستاصل الورم والصدر كله لأنه تطور بشكل سريع علشان لايتطور اكثر لأنه الحامل هرموناتها تنشط السرطان اكثر والمسكينه سولها العمليه وستاصلو الصدر كلة مع العلم انه صغيرة بالعمر وهي بالسابع وكانت حالتها حالة من تعب نفسي وجسدي ومن الم العملية والحمل بالسابع وبعد شهر من العملية ولدوها وكانت بنت وحطوها بالحضانه فترة لين اكتمل النمو وتحسنت حالتها بعدين قررت نسافر على حسابها وراحت امريكا (ولايه تكساس لمدة سنه تقريبا وبعدها ردة الكويت وقعدت عندنا 4 شهور والحين توها قبل سبوعين سافرت لتكملة علاجها ومحاصرت المرض علاشان مايتطور بس حالتها الحمدالله في تحسن والبنت صارت شحلوها الله يخليها لمها
الله يرجعها لنا بالسلامه مشافاه ومعافاة
ويشفي جميييع رضانا ومرضى المسلمين قادر ياكريم
انا اسالج عن اسم المستشفى اللي تتعالج فية واردلج خبر لأنه اهو افضل مستشفى لعلاج مرضى السرطان ومن بعد فضل رب العالمين

ماتشوف شر خالتج والله يقومها بالسلامة .. آمييييييييييييييييييييييين​

 

[رحاب]

اللهم يبعد عنكم هالمرض ويشافي كل مريض انا امي متوفيه بسبب سرطان القولون الله يرحمها وعندي اختي اللحين فيها بصدرها وشالو لها صدر واحد الله يشفي كل مريض يارب

حبيبتي الله يرحم الوالدة ويسكنها الجنة ,, والله يشفي أختج من هالمرض ... آميييييييييييييين​

 

[رحاب]

فيوليت الله يشفي امج ويشفي آل خزف شفاء تام ان شاء الله

انا بنت خالي حللو قالولها فيج خبيث بالرحم ولازم ينشال بس قامت تقرا البقره 5 مرات باليوم بعد كل صلاه وتشرب ماي زمزم وتغسل بطنها ورحمها فيه وتدعي
وراحت حللت مره ثانيه الطبيب يقولها انا مو مصدق رحمج نظيف اميه بالاميه الله يتمم عليها ان شاء الله

الله يتمم عليها العافية والصحة ... آميييييييييييييييين​

سبحان الله ماكو شي صعب على الله​

 

[رحاب]

آل خرف الحمدالله على سلامتج حبيبتي والله يديم عليج نعمه الصبر يا رب وقوه الايمان

فيوليت ليدي حبيبتي عسى ربي يشافي امج وامي لانهم تقريبا شبه نفس الحاله


انا امي تونا اكتشفنا ان فيها ورم سرطاني بالمثانه البوليه والورم عمره 6 شهور
المهم شالوو على مرحلتين بالمنظار ( مستشفى الفروانيه ) اول مره شالو جزء والمره الثانيه شالو الجزء الثاني المهم حللوه وطلع ورم سرطاني خبيث

وقال لها الدكتور لازم تاخذين علاج بمكي جمعه كل 6 اسابيع يحطون لج حقنه بالمثانه يكون فيها دوا ما يخلي الورم يرجع ...

وكل 3 شهور تدخلين المستشفى انسوي لج منظار انجيك اذا رجع الورم والا لا ؟

المهم انا خذيت هذي التقارير ملوت الفروانيه ودزيتهم المانيا وقالو لي علاجها عندنا افضل وايد من علاج الكويت

وان شاء الله راح اوديها اهناك بس انطر باجي تحاليل وتقرير مكي جمعه النهائي

بس اول شي ان شاء الله بوديها العمره وبعدين المانيا ..

بس بغيت اسألج حبيبتي امج تدري ان فيها هالمرض ؟؟؟

اذا ما تدري اشلون قلتو لها انا مو عارفه افاتحها بالموضوع كلش وخايفه عليها من الصدمه

امي همها بالدنيا انا لان ما عندها غيري وحيل تخاف علي وانا متأكد انها ما تحاتي نفسها اتحاتيني انا وايد ..

فما ادري اشلون اقول لها ...

امي الحمدالله ايمانها بالله قوي وقاعده تقرا قرآن كل يوم وتمسح بماي زمزم مكان المرض

بس والله مادري احس اني مشتته ومو عارفه افكر ابشي ادعو لها ان الله يفكها من هالمرض

الله يشافيها حبيبتي ويخليها لج والله يعينج ... وروحي العمرة لا تخلين وإن شاء الله ترجعون وكأنه شي ما صار ... آمييييييييييييييين يا رب​

 

[رحاب]

الله يشافي جميع المسلمين يارب


انا فيني ورمة برقبتي من 3 سنين ورحت العسكري وقالو جيس دهن وقررو لي عميلة ويوم العلمية وانا داخل غرفة العمليات وملبسيني المريول الابيض وصل دكتور مصري وشاف الورمة الاخ مايدري شنو العملية اصلااااا قالي (((مين الحمار الى آل انو عملية ))) انا انصدمت وقلت دكتور عندكم باكستاني قالي قومي ياماما ومدام ماكبرت ولا تعورج خلاص


وهالسنة كبرت الورمة وانا ميتة خوووووف باجر عندي موعد بياخذون منى عينة ادعووو لي انها تكون جيس دهن موشي ثاني

سلامتج حبيبتي وماتشوفين شر وإن شاء الله تكون شي بسيط .. ياريت تطمنينا عليج​

 

[رحاب]

الله يكافينا شر المرض ويشفي امـــــة محمد يارب


اول شي بقولكم سالفة امي الله يخليها ويطول بعمرها

الله يسلمكم امي كانت في ورمة بصدرها صغيرة واهملتها بعد فتره وديتها الهادي يكشوفون عليها واسحبوا عينه الدكتور على طول عرف وقال خل تروح تراجع مكي جمعه المهم رحنا المستشفى وفتحنا الملف وبلشت علاج هرموني اللي هو حبوب وقال الدكتور بعد 3 اشهر ترد اسوي لها تحاليل اشوف الورمه استجابت للعلاج واسوي لها العمليه المهم الوالده ما رضت تسوي العمليه بالبدايه بالكويت خافت اخذنا لها الموافقه للعلاج بالخارج لكن سبحان الله اخر لحظه مارضت تسافر قررت تسوي العمليه بالكويت لان ابوي متوفي واحنا اربع بنات اختي الصغبرهبالثانوية وامتاحانات قالت ابيكم كلكم حوالي لما ادخل العمليات والله دخلت العمليات والحمدالله شالوا لها الورمه والمستشفى وايد زينه من ناحيه الغرف والرعايه والدكتور اللي سوا لها العمليه هولندي اسمه باول

وبعدين اخذت فتره علاج بالاشعاع وما خذت كيماوي كلش لان ضغطها يرتفع وايد والسكر بعد وراحت مع المستشفى العمره وردت والحمدالله يارب هو قادر على كل شي لكن نفسيتي تعبت لما كنت اروح معاها كنت اقعد مع الحريم اللي يعالجون الله يكافينا ويكافيكم كل وحده قصه وسالفه الله يشافيهم يارب بس نصيحه ياب بنات اي ورمة بجسمج او اشي غريب لا تتهاونوون فيه مهما كان حجمه



ادعو الله يشافي كل مريض يارب

الحمدلله على سلامة الوالدة والله يخليها لكم إن شاء الله​

 

[رحاب]

اللة يشفيها انشااللة وانا وحدة من الناساللى يعانوووووووووووون من هالمرض ..........................والحمداللة علي كل حااااااااال

ماتشوفين شر حبيبتي والله يقومج بالسلامة ويلبسج ثوب العافية .. ياريت تطمنينا عليج أختي​

 

[رحاب]

Allah yshafeeha oo ygawemha bil salama ya rab
obooy kan feh cancer ektishaf ina feh bil 9dfah oo il7imdilla ma kan emwa9il lai mar7alat il kha6ar ...Seeda sawa ejra2at il sefar oo ra7 amercia 3ala e7saba 3ashan maet6awil il salfa .. ra7 mostashfa esma Mayo Clinic .. wayed ma3roof tegdereen etshoofeen il website malhum .. kan ta3amlhum wayed 7ilo oo aham shay ina nafseyat`hum kanat wayed 7ilwa ma3a il mareeth oo il7imdilla sawoolah il 3amaleya oo ma e7taj 3ilaj esh3a3i or kemawi oo now sarla taqreban 3 months min il 3amaleya oo il7imdillah now mafeeh shay bs ina lazim echayek bain kil fatra oo fatra cuz e7timal ina yerja3 il marath​

الحمدلله على سلامة الوالد والله يتمم عليه الصحة إن شاء الله​

 

[رحاب]

الله يشافيكم ويشافي كل مريض يااارب ويشافي امي من هالمرض اللهم آمين

الله يشافي الوالدة حبيبتي ويقومها بالسلامة ويخليها لكم يااااااااااااااااااارب​

 

[رحاب]

السلام عليكم
الحمد لله علي كل نعمه
اختي عندها سرطان الثدي اكتشفتها بعد اجراءت الفحوص وتلقت اول جرعه كيماوي في الكويت ومن ثم ابتعثت الي لندن لتكمله العلاج ولكنها تعاني منه والله يشافيها ويشافي كل مريض

يارب يشافيها ويشافي كل مريض ياااااااااااااااااااااارب​

 

[رحاب]

يا رب شافي مرضانا ومرضى المسلمين وتشفي خالتي من مرض السرطان ... اللهم آميــن

الله يشافيها ياااااااااااارب ويقومها بالسلامة​

 

[رحاب]

srabeel الله يرحم حماج ويسكنه الجنه ويعوضه بدال الدنيا بحياة أفضل .. آمييييييييييييييييييييييين يارب​

 

[رحاب]

انا ولد عمتي كان فيه سرطان معده <<<< لانه كان دايماااااااااااااااااا ياااااكل اكل مطااااااااعم وخرابيط عمري ماشفته ياكل اكل صحي او يشرب ماي !!

عمره 17 سنه ..

تعالج بالكيماوي 6 اشهر ... توفى لانه ماحتمل العلاج !!

الله يرحمه ويغفر له ويسكنه الجنه يااااااااااااااااارب​

 

[رحاب]

أم جوري .. الله يرحم الوالدة ويسكنها الجنة ياااااااااااااااااارب ..

جزاها الله خير مرت أبوج تلقاها عند ربها إن شاء الله

 

[رحاب]

الله يشافي الجميع يا ربعورتو قلبي والله
انا ابوي الله يرحمه توفى بالغزو بالسعوديه من هالمرض وكان بالمخ بس شنو داخل الأعصاب وملتف على العروق يا سبحان الله فجأه طلع فيه وخلال ثلاث شهور توفى افتحوله فتحه بالراس ومدوا منها واير علشان يطلع الماي لأنه الماي يضغط على الورم والورم يخليه يدش بغيبوبه وبعدين اتييله حاله مثل الصرع بين فترة وفتره
الله يرحمك يا يبه ويغمد روحك الجنه يا رب ويرحمنا ويرحم جميع المسلمين الحيين والميتين ويشافي كل مريض يا رب

والله عورتوا قلبي يا بنات انا خوفي كله من هالمرض عندي بنتي مريضه بالكلى وكل 3 شهور يصير معاها فقر دم ويصرفون لها دوا حديد وكالسيوم واتصير زينه ولما تقطع الدوا يرد لها فقر الدم وغير جديه كل سنه يسوون لها اشعه نوويه علشان يشوفون وظيفة الكلى عندها

وزوجي من سنه قام ينزف بطنه دم يعني وانتوا بكرامه لما يدخل الحمام كأنج صابه بطل فيمتو بالمرحاض وانتوا بكرامه وما عرفنا السبب دخلناه مستشفى السلام الخاص وسووله اشعات وتحاليل ومنظار قالوا ماكو شي بس ادا تكررت الحاله لازم انسوي اشعه خاصه للعظم والحين بين فتره وفتره ينزف بطنه والله خايفه عليه وما لنا غيره بهالدنيا لو يصير فيه شي كلنا نضيع

وانا الحين صار لي 6 شهور صدري اليسار يعورني وبين وقت ووقت يفرز مثل الماي واثناء الدوره يصكني عوار ابجتفي مو طبيعي وتعالو شوفو ريولي من تحت كلها امورمهواعروقها ناطه شنو السبب ما ادري غير لوعة الجبد وبين وقت وقت تييني حالات اغماء واغيب عن الوعي ثواني وزوجي يقول خليني اوديج اسويلج تحاليل وسونار خايفه لأني عارفه نفسي راح انهار
وكله امحاتيه هالمرض لأني شفت حالة ابوي وشفت شنو صار فيني لما توفى

الله يبعد عن الكل الشر والعين والحسد يا رب الناس نشوفها تضحك واتروح واتييي واهيا بداخلها الف عله

الله يرحم الوالد ويسكنه الجنه .. ومايشوفون شر زوجج وبنتج والله يطمنج عليهم إن شاء الله .. حبيبتي لا تخلين نفسج وروحي فحصي وإن شاء الله ماكو إلا العافية​

 

[رحاب]

أبــــــــــــــــــــــــــشــــــــــــركم


الحمدلله النتائج سليمه اللهم لك الحمد ياربي


اشكر كل اللي تفاعلو بالموضوع ودعوا لها

والله يفرحكم كلكم بشفاء مرضاكم

الحمدلله امي كانت مداومه على قراءة سورة البقرة وشرب ماي زمزم وراحت العمره والكل كان يدعي لها

اللهم لك الحمد والشكر يااااااااااارب

ألف الحمدلله على سلامتها ويخليها لكم إن شاء الله .. والله إني فرحت لها ..

أنا أول مرة أشوف الموضوع وكنت أمشي من الأول وتوني أشوفه​

 

[آل خزف]

رحاب

الله يجزيج الجنة قولي آمين