رودي للاستشارات الهندسية

[أم ورود]

اختي رودي

موضوعي بقسم الديكور ياليت تشوفينه لانه محد جاوبني عليه حاليا حدي محتارة

 

[اخت فروحه]

مرحبا رودي اشلونج حبيبتي

شفت سيراميك عجبني حق حمام لونه برتقالي فاقع شوي ومنقش بذهبي

اشرايج ادخل معاه لون اسود او بيج انا ابي أطعم فيه الحمام (البرتقالي) يعني خط وراء المغسلة والكابنيه
وهل يصلح لحمام الضيوف ولا اخليه حق حمامي الخاص؟؟؟


انا لقيت سيراميك ثاني هم عجبني لونه بني محروق وفيه خطوط ملتويه اسود( مثل الشخبطه) قلت ادخل معاه موزاييك ذهبي والسيراميك الباجي بيج ذهبييكون السادة اهوا الاساسي

اي واحد للضيوف واي افضل لحمامي؟؟
مشكورة حبيبتي

 

[TWEETY]

مشكوووووورة حبيبتي...فكرة المكتبة اعجبتني

 

[rudy]

مرحبا رودي اشلونج حبيبتي

شفت سيراميك عجبني حق حمام لونه برتقالي فاقع شوي ومنقش بذهبي

اشرايج ادخل معاه لون اسود او بيج انا ابي أطعم فيه الحمام (البرتقالي) يعني خط وراء المغسلة والكابنيه
وهل يصلح لحمام الضيوف ولا اخليه حق حمامي الخاص؟؟؟


انا لقيت سيراميك ثاني هم عجبني لونه بني محروق وفيه خطوط ملتويه اسود( مثل الشخبطه) قلت ادخل معاه موزاييك ذهبي والسيراميك الباجي بيج ذهبييكون السادة اهوا الاساسي

اي واحد للضيوف واي افضل لحمامي؟؟
مشكورة حبيبتي

انا افضل البيج بالذهبي للضيوف شكله رسمى وفخم ويمشي مع اثاث غرف الاستقبال اما البرتقالي خليه لك ودخلي معاه سيراميك بيج وبتعدي عن الغوامج وذلك عن تجربه الا اذا كانت مساحات الحمامات كبيرة ​

 

[اخت فروحه]

مشكورة حياتي

 

[اخت فروحه]

اشلونج رودي شخبارج؟


ازعجتج بس ماعليه اتحمليني والله يجعله في ميزان حسناتج يارب

انا عندي صالتي الاستقبال معزولة عن البيت مع حمامها ومغاسلها طولها 14م وعرضها 7م وباب المدخل بالنص يعني صاير عندي صالة عاليمين والثانية عاليسار

المهم مفكرة ارفع الصاله اللي عاليسار درجتين واحط درابزين حوالينها وبالنص الدرجتين

الصاله كلها ودي ديكورها ولونها ورخامها بيج فاتح والاثاث ادخل فيه لون بس الصاله المرتفعة ودي اسوي العكس يعني اخلي الارضيه والصبغ غامج والقنفات فاتح اوف وايت مثلا وكوشيات ملونه بس مادري اي لون :هل احط لون الارضية رخام اسود او بني والصبغ ادخل معاه نفس اللون ؟؟؟


اشرايج؟؟؟؟؟؟؟؟؟وسوري عالاطاله ياقلبي

 

[اخت فروحه]

مشكووووووووورة يالغالية شيوخة رايج اعتز فيه




وخنشوف بعد راي رودي

 

[rudy]

مرخبا اخت فروحة

انا راح اقولك رايي ومو شرط يعجبك لأن الناس اذواق وانا احترم كل الأذواق

بس لو الغرفة غرفتي ماسوها مستويين لعدة اسباب من بينها ان سقف الغرفة راح يقصر
وبسبب ان الناس ساعات تطيح من العتبات وبعدين لو ودك تسوين فيها حفله شلون راح ترقصون :dddds:
وبعدين فكرة الدرابزين مادري انا من راي شوشو واذا حابة تقسمينها قسميها بالأثاث والطاولات واكيد انتي محتاجة الى طاولة طعام يعني 14 متر يدوب تكفي غرفة استقبال راهية مع طاوله طعام ​

 

[nono78]

فروحه لو مكان طاولة الطعام منعزله عن الأستقبال

رفعيها اشوي وحطي الأرضيه اغمج من الصاله يطلع روعه

بس لا ترفعين الصاله

واحترم رايج وراي باجي البنات بس من تجربة البيوت الي نمر عليها ونشوف شنو الصح وشنو الغلط

 

[اخت فروحه]

اهلين ياحلوين انا الاستقبال اللي اتكلم عنه فقط استقبال ومعزول بروحه

عندي صاله ثانية فيها مكان طاولة الطعام والمعيشة

اللي سألتكم عنها بس صالة استقبال بروحها ومعزولة وعشان جذي ودي اسوي حركه لان البيت كله مافيه رفعات او دوائر او شي ثاني

رودي انا عندي سرداب فيه صالة كبيرة لوبسوي حفلة ولا مناسبه راح ينفعني

يعني قلت بسوي حركه بهالصاله وعلى فكرة رودي السقف عندي رافعته يعني لو برفع جزء من الصاله درجه ولا ثتنين ماراح يأثر


ابي رايكم مرة ثانية رودي وشيوخة ونونو
:tek:

 

[ام وهابي]

انا رايي من راي البنات احب الاماكن الواسعه وخاصه الصاله احس رفعت الصاله راح تخليها اصغر بنظري
وراح تصعب عليج التاثيث وتوزيع الاثاث انا صالتي نفسج تقريبا بس اكبر شوي و معزوله عن البيت وكنت مفكره مثلج بس لما اخذت رايي الناس اللي افهم مني مثل امي وخالاتي وعماتي وكلهم ما شاء الله خبره تراجعت وشلت الفكره من راسي والمساله بالنهايه راجعتلج وكلها اذواق تختلف من شخص لي شخص

 

[اخت فروحه]

يسلموووووووووووا كل اللي ردوا على ورايكم على عيني وراسي

 

[Loora]

أخت فروحة
وأنا بعد ما أبد رفعة جزء من لصالة لأنة أحس يدودهة
و صاحب الشركة لتدميدات الكهربا خسافة كلمنى وبسافر وأتكلت علة ويبت غيرة

ومحتارة يالأر ضيات والجمع بين رخام وباركية واايد حلو ينكن أسوية
والحين

شغالين بنظام الستالايت وأنتركم ودكات تكييف قبل الديكور وبعد نظام التهوية لمطابخ رئيسى وتحضيرى والحمامات
وربنا يسهل و بس

 

[rudy]

هلا مرة ثانية اخت فروحة
اذا انتي بخاطرك تسوين مستويين بالغرفة مالك شغل براينا سويه بس مع مهندس ديكور وخليه يوزعلك الأثاث وخلي هذي الجلسة فيها خصوصية مثلا حطي فيها فير بليس ( مدخنه - شمني ) او خلي ستايلها شرقي بالوانها الغامقة يعني فصليها عن بقية الصالة.

هذا الي في بالي الحين والله يسهلك وتصير خوش غرفة

 

[اخت فروحه]

ثانكيو فري متش رودي

 

[المتميزة*]

الله يعطيج العافية اختي رودي على الاجابات اللي تجاوبينها حق العضوات واحنا نستفيد منها
الله يجعل هذا العمل في ميزان حسناتج
والله يهني كل وحدة في بيتها .

 

[ورد طائفي]

هلا رودي بعد كم شهر بسكن بيتي صالة الاستقبال كبيره اليسار 12في 9 واليمين 6في 7 ابي اعرف لون الصاله شنو وهل اصبغ اليمين غير عن اليسار والستاير 4يسار و1يمين كلهم استايل واحد ساعديني بليزززز

 

[sunshine22]

للبنات اللي يسألون عن وين يودون الرسيفر في تلفزيونات الحائط البلازما وال سي دي


انصحكم تحطون الرسيفر ورى التلفزيون والبلاك تبع الرسيفر والتلفزيون ايضاااا عشان اللي يطالعون يستغربون وين البلاك ووين الرسيفر


مجرد معلومه حبيت انكم تعرفونها

وممكن تسووون اطار عند النجار مثل البرواز حول التلفزيون

 

[اخت فروحه]

رودي اشلون الريسيفر وراء التلفزيونة ؟؟؟؟ظ البلاك سهل لكن الرسيفر شنو يعني نحفر له ولا نطلع التلفزيون جدام؟؟؟؟؟؟

 

[داريني]

بلييييييييييز ابي رد سريع خلال هاليومين
انا مسويه قعده عربيه ستايل مودرن
وحايره بنوعيه الخام
انا ودي شامواه بس حايره ناس تقول مو شي
شنو احسن شامواه ولا مخمل بس موو مخمل الثقيل مالوت الاستقبالات
مخمل العادي المعتاد