مدارس العاصمه الابتدائية...بليز ادلي بدلوك!!

[(كويتيه عسل)]

انا بالميدانبي طبيت بمدرسه بالعاصمه استغفرالله !!
الله يستر وين راح اتعين

شسمها؟

 

[وسمة-العبره]

السلام عليكم
انا الصراحه شدني الموضوع وحبيت اشارك
اول شي كل معلمه وشخصيتها : اخيتي كوني حبوبه ورسميه بنفس الوقت عشان تكتشفين اللي حولج بهدوء وتعرفين شخصيات زميلاتج
ثاني شي انا كنت بالعاصمه ميداني واول سنه تدريس كانت الاداره يعني نص ونص بس يراعوني بالتأخير والاستئذان بدون توقيع المدارس تختلف والناس تختلف ومهما لفيتي مدارس الكويت ماراح تلقين الا نفسج وشخصيتج اللي فرضتيها على الناس
ثالث شي اول ماتدخلين المدرسه اقري المعوذات وادعي عن تجربه حسيت براحه بعدها صج اول الايام متعبه بس بعدين غير
وبالنسبه للتوجيه توجيه الاجتماعيات كان روعه وموجهتي حيــــــــل طيبه
وعلى فكره الابداع والفعاليات بالعاصمه اقل من مستوى الفروانيه وحولي ومبارك الكبير والاحمدي
انا الحين انتقلت للفروانيه للسنه الثانيه و داخله بالثالثه شفت حريه اكثر بس شده بالتوقيع والاستئذان وكثاااافه الطالبات بالفصل كبيره بالعاصمه اقل واكثر راحه
واخيراااااااا عسى الله يوفقج بالمدرسه الحلوه والزماله الطيبه والأداء المتميز

 

[مبدعة]

انا ادرس بالعاصمة

بالعكس التوجية شغله صج وايد لكن ما يدققون سويتيه او لا

و بعدين يعتمد عالاداره و القسم بس على فكرة توجيه العاصمة اقل توجيه من بين التواجيه من ناحية الشغل

و مدارس العاصمة اقل في عدد الطلاب من بين باجي المناطق التعليمية

 

[كيتي]

شكرا لكل اللي شاركوا بس ابي اعرف اسماء مدارس اكثر

الحين عرفت ان قرطبه اولياء امورهم شويه يحبون المشاكل والباجي ماعرف عنهم

 

[(كويتيه عسل)]

كيتي ماقريتي ردي في الصفحه اللي قبلها؟
رديت عليج وهم تكلمت عن مدرسه في الخالديه

اللي تعرف مدرسة عن مدرسة نسبيه بنت كعب

ياريت تقولي صارلي مده أسأل عنها محد معبرني؟

 

[(كويتيه عسل)]

انا ادرس بالعاصمة

بالعكس التوجية شغله صج وايد لكن ما يدققون سويتيه او لا

و بعدين يعتمد عالاداره و القسم بس على فكرة توجيه العاصمة اقل توجيه من بين التواجيه من ناحية الشغل

و مدارس العاصمة اقل في عدد الطلاب من بين باجي المناطق التعليمية

والله العظيم برب الكعبه صح كلامج احلف بالله والله صج سألو مجرب ولا تسألون طبيب

انا ادرس ماده اساسيه لا موسيقى ولا العاب ولا رسم ولا حاسوب المهم

جربت حولي جم اسبوع والحمد الله حظي ماكان لي تقرير عندهم لاني يديده

هناااااااااااك وايد كرف عندهم كل ساعه والثانيه الموجهه تطلب من الابلات

يسوون شي حق معرض اذا بسوون مثلا وسيلة تعليمية حق المعرض يكون معاها تقرير

وتسوين تقديم وماادري شنو ووايد يسوون معارض ومسابقات على مستوى منطقة حولي التعليميه

ودقيقييييين وشديدين وعندهم شلل واحزاب ولا شي من العاصمه

العاصمه من قلب وااااااااااايد ارحم

وتدرين شنو قالتلي موجهه حولي

وانا قاعده اسولف معاها قالت اول سنه مايعطون امتياز حق الابلات اليدد

يعني حتى لو شاطره ماكو امتياز

العاصمه ياحلاتهم يعطون امتياز

وطريقة تحضيرهم كلا مختصره وخفيفه

بالنسبه لطريقة التحضير حولي عذااااااااااب وطريقيتهم طويله ومعقده

الدرس اللي فيه 3 اهداف سلوكيه في العاصمه

في حولي نفس الدرس له 8 اهداف سلوكيه معقدين الصراحه

اشوه اني سمعت كلام ابوي وانتقلت والحمد الله حظي ماكان لي تقدير

بس طلبة حولي اشطر من طلبة العاصمه

وطلبة حولي مبلتعين وحرجين طلبة الابتدائي اسلوبهم اسلوب كبار

طلبة العاصمه دلاليع ولا يدرسون

واولياء امور حولي وايد يهتمون بعيالهم وينشفون ريج الابله على نص درجه

اولياء امور حولي اذا يبون يشتكون على الابله يشتكون عليها لانها نقصت الطالب درجه ولا ماعطته امتياز

اولياء امور العاصمه مووايد يهتمون خصوصا الابتدائي علشان مافي رسوب ونجاح

يشتكون على الابله اذا زفت الطالب ولا اذا الابله ماعطته هديه ولا استيكرز

 

[هوفه]

زين مدارس الابيتدائي بنين في منطقه الروضة ( عمرو بن العاص) والعديلية والخالدية اي وحدة ترشحونها لي لان يمكن يخيروني بين كذا مدرسة وخاف اتوهق

ما انصحج بعمر بن العاص

الخالديه وااااااااايد زينه

وناظرتهم فاطمة الفهد اكثر من رائعه

بس تبي شغل

يعني ماكو امتياز بلاش

 

[SRM]

بعد عمري كويتية عسل ماتقصرين والله خنقتني العبرة .. احس نصايحج من قلب وصدقيني ماراح انساها صج نصيحة ذهبية .. يالله يسعدج ويوفقج قولي امين لاني بالتربية العملية ماتصورين شكثر ضعت بينهم حسيت اني طحت بحر وكانو يعاملونه بستصغار بس الطيبين ماقصروا والله صخر لنه بنات الحلال ودبرنا عمرنا تخيلي نادتنا الوكيله باول اسبوع وقالت عندكم حصة الحين قلنا لا قالت اني ورفيجتج اخذو قلم وورقه وسجلي اسماء البنات المتاخرات الصبح وجيبي الورقة عندي وبراءة وافقنا (عسكر) ولما مرت رئيسة قسمنا قالت عطوها ورقها هذا موشغلكم .. وهم كلفوني بشغله والله مستحيه اقولها اني اصب قهوة للمشرفين اللي يايين للدرس النموذجي باخر ايام لنا أنا قلت بساعدهم بالاستقبال اوتوزيع الاوراق مو صب قهوة بس وافقت لان رئيسة القسم طلبتني وقالت والله يعلم انتي الوحيدة الحبوبة اللي اقدر اطلب منها لان ابلاتها كبار وبينهم مشاكل صج صبيت فنجانين لين ماجت العاملة بس كرهت عمري ليش طعتها وليه ماتعذرت انا معلمه مو اكثر من جذيه وكان لي هذا اكبر درس .. ولهذا انا خايفه وايد لان الطيبه الزايدة ماتنفع باي مكان
اكرر شكري ياكويتية عسل وموفقة

 

[كيتي]

عسى الله يسعدج يا كويتية عسل وفعلا كلامج عسل مثلج ...

 

[(كويتيه عسل)]

بعد عمري كويتية عسل ماتقصرين والله خنقتني العبرة .. احس نصايحج من قلب وصدقيني ماراح انساها صج نصيحة ذهبية .. يالله يسعدج ويوفقج قولي امين لاني بالتربية العملية ماتصورين شكثر ضعت بينهم حسيت اني طحت بحر وكانو يعاملونه بستصغار بس الطيبين ماقصروا والله صخر لنه بنات الحلال ودبرنا عمرنا تخيلي نادتنا الوكيله باول اسبوع وقالت عندكم حصة الحين قلنا لا قالت اني ورفيجتج اخذو قلم وورقه وسجلي اسماء البنات المتاخرات الصبح وجيبي الورقة عندي وبراءة وافقنا (عسكر) ولما مرت رئيسة قسمنا قالت عطوها ورقها هذا موشغلكم .. وهم كلفوني بشغله والله مستحيه اقولها اني اصب قهوة للمشرفين اللي يايين للدرس النموذجي باخر ايام لنا أنا قلت بساعدهم بالاستقبال اوتوزيع الاوراق مو صب قهوة بس وافقت لان رئيسة القسم طلبتني وقالت والله يعلم انتي الوحيدة الحبوبة اللي اقدر اطلب منها لان ابلاتها كبار وبينهم مشاكل صج صبيت فنجانين لين ماجت العاملة بس كرهت عمري ليش طعتها وليه ماتعذرت انا معلمه مو اكثر من جذيه وكان لي هذا اكبر درس .. ولهذا انا خايفه وايد لان الطيبه الزايدة ماتنفع باي مكان
اكرر شكري ياكويتية عسل وموفقة

والله العظيم باقسم بالله براس امي الغالي ان الكلام اللي كتبته طالع من قلبي لاني حاسه فيكم

انشالله اذا اشتغلتي لا تسوين اي شي الا بتكليف رسمي من الادارة (((((وانتي توقعينن عليه)))))

لان كل شغل تسوينه يوثقونه ويسجلونه عندهم

يعني ماتوقفين تسجلين اسامي المتاخرين مثل الميداني الا

بدقتر رسمي من ادارة المدرسة اسمه (((دفتر المناوبات))) دفتر رسمي مكتوب

عليه وزارة التربية واسم مدرستج وياي من الوكيله ومكتوب اسمج فيه (((وانتي توقعين عليه)))

غير جذي لا توافقين في الابلات حسبي الله عليهم يستغلون

الابلات اليدد واهما يحطون ريل على ريل ويوزعون شغلهم على الابلات اليدد

واذا صادفتي وحده لا سمح الله قالتلج اخذي حصة الاحتياط قوليلها مشغوله

او اذا انتي صج تبين الصف اللي عندهم احتياط روحي حق الوكيله قوليلها ابي الصف اللي عندهم احتياط بدال الابله اللي ماتبيهم

علشان اذا صار بالابله شي مثلا انحاشت طلعت وصارلها فيها شي انتي اللي بتتوهقين لازم

يكون عند الوكيله ي علم وهم علشان مايعطونج احتياط مره ثانيه لان الاحتياط محسوب

نفس الشي الاحتياط و المناوبات لا تروحين حصة احتياط و مناوبه الا بتكليف رسمي من الادارة

دفتر المناوبات أو دفتر الاحتياطات مكتوب فيه اسمج ((((وانتي توقعين عليه )))

واذا صادف عندج احتياط وماوقعتي في دفتر الاحتياطات وانتي ماتدرين وماردحتي

محد له يحق يسويلج شي لانح ماوقعتي بالعلم

((ماوقعتي = يعني ماتدرين )) ترى انا مره صادفني هالموقف وبغوا يسوولي افاده (يعني انذار لاني مااشتغل)

وانا يديده مااعرف شي ماادري شسالفه بس الحمد الله الله سخرلي ابله قالت للوكيله انا موموقعه

فما سوولتي افاده

ونصيييييييحه اذا تبين تبدلين حصه ولا تاخذين صف لازم تقولين للوكيله ويكون عندها علم علشان تتتفادين

المشاكل يمكن الابله اللي ماخذه صفها تييلها الموجهه فجأه وراح تصير مشاكل انتي بغنى عنها

وترى ساعات ابله صادفها ظرف طارئ واستاذنت وماعندهم ابله فرئيسة القسم او الوكيله تقولج

اخذي هالصف سمعي كلامهم وساعديهم راح يستانسون منج ويقولون عندج متعاونه

يعني لا ترضين ولا تسمعين كلام احد الا من الوكيله او المشرفه او الناظره اهما مسؤولينج

غير جذي انتي سمعي كلام الابلات بس ماتنفذيه سمعيه من اذونج اليمين وطلعيه من اذونج اليسار

 

[(كويتيه عسل)]

ونسيت اقولج لا تاخذين طالب من حصه الا بعلم ابلته

علشان لاتصيرلج مشاكل يمكن فرضا يات امه ولا ابوه والابله تقول موجود

انتي الي راح يحاسبونج

ولا تخلين ابله تقص عليج مثل ماابله سوتها فيها حسبي الله عليها

كان عندها درس نموذجي وعندها طالب مشاغب وايد ماذيها فخافت يفشلها

قالتلي مخاليف تخلينه عندج بحصتج لان عندي درس نموذجي واهوا وايد مشاغب

انا على نياتي خذيته ماتدرين شصار صارت مشكله وامه اشتكت

وآخر شي طلعت انا الغلطانه وانا كنت ابي اساعدها على نياتي

وديربالج من بعض الابلات يستغلون الابلات اليدد وياخذون شغلهم ووسايلهم

انتي لا تعودينهم لاتعطينهم وي وتخلينهم ياخذون اتعبج وشغلج اللي تعبانه عليه

وديربالج لاتقولج ابله تعالي ساعديني صلحي معاي الكتب او الامتحانات

انتي مالج شغل الا بشغلج وصفج الا اذا قالتج المشرفه صلحي ساعديها ووقعي علشان يبين انه تصليج

ونفس الشي اذا ابله غابت وقالتلج المشرفه اخذي صف ابله غايبه ودرسيهم

اذا صلحتي وقعي في كتب الطلبه وكتبي التاريخ وااااايد مهم

هالشي راح يفيدج بعد لما الموجهه تبطل كتب الطلبه وتشوف تصليحج وتحته توقيعج والتاريخ

بتاخذ عنج فكره زينه انج تساعدين الابله ومتعاونه

وسوري طولت عليج

اي شي موعارفته للامانه اعتبريني اختج الكبيره ولا يردج ا لسانج


والله يوفقج

 

[(كويتيه عسل)]

عسى الله يسعدج يا كويتية عسل وفعلا كلامج عسل مثلج ...

تسلمين حبيبتي هذا من ذوقج

لللامانه اي شي موعارفه سأليني اعتبرني اختج الكبيره

ولا يردج الا لسانج

والله يوفقج

 

[(كويتيه عسل)]

SRM + كيتي
شفتوا هالموضوع

http://www.q8yat.net/showthread.php?t=83620

هالموضوع وايد حلو ومفيد عن تقويم الكفاءه شلون المشرفه والناظره والموجهه

يقيمونكم ويحطونلكم تقدير

 

[كيتي]

واللهي يا ناس عسل عسل .... رحت و شفته و خزنت الصور عشان اراجعهم على رواقه يا قمر

قلبي عسولة بعد نبي منج نصايح لخواتج الصغار

 

[حنون المزيون]

أختى تقصدين الخالديه ملا سليمان للأولاد وإلا مريم عبدالملك الصالح للبنات لأن هذيله اثنيناتهم بالخالديه

ولدي بملا سليمان من خلال تعاملي مع ناظرتهم عرفت معني التعاسه في إدارتها بصراحه وقسم الإنجليزي هناك المترديه والنطيحه عندهم وحده شاطره وأظنها صارت رئيسو قسمهم أسمها زهره والباجي مشكل

بس نصيحة إخت روحي لمريم عبدالملك الصالح نموذجيه وناظرتهم يقولون جنها أمنا حقانيه وحبوبه والله أعلم

 

[dlo3a81]

كويتية عسل مشكورة على النصايح اللي قاعده تقدمينها للبنات بصراحة انه واااااااايد استفدت منها وراح اطبقا في المدرسة اليديدة اذا انتقلت قولي يارب معاي ويعطيج على قد نيتج

 

[كيتي]

يارب يارب يارب ترزقني بمدرسة زينه و ناس طيبين...

 

[نور83]

حبيبتي كويتية عسل ما ادري ...........بس ترى مو حلو ان الواحد ما يساعد يعني انتي تقولين لا تساعدين بتصليح و غيره

اعتقد في اوقات و ظروف معينه لازم الواحد يساعد فرضا شفت زميلتي تعبانة او عندها ظرف معين و كان عندها شغل معين تصليح او غيره ترى انج تساعدين زميلتج شي وايد طيب مو حلوه قسم واحد كل واحد ما عليه من الثاني يعني ما نساعد بعض و لو نصير على قلب واحد ؟؟؟؟ شي بايخ حيل

انا ما احب اتكلم عن نفسي بس اذكر مواقف وايد ضغطت على نفسي و تحملت شغل غيري لان كا عندهم ظروف انا ما اقول ان الوحدة تصير خبلة و مقصة بس هم في شي اسمه تعاون وحده تساعد الثانية لان في النهاية اللي معاج حسبت خواتج تشيلينهم و شيلونج .................ا انا هذا راي المتواضع

 

[كولوراديه]

شسمها؟

عمره بنت حزم

 

[(كويتيه عسل)]

واللهي يا ناس عسل عسل .... رحت و شفته و خزنت الصور عشان اراجعهم على رواقه يا قمر

قلبي عسولة بعد نبي منج نصايح لخواتج الصغار

تسلمين حبيبتي هذا من ذوقج انتي العسل

في شغلات اجباريه لازم الابله تسويهم كل كورس

1- نموذج درس على مستوى المدرسه

(درس تدرسينه في الصف والناظره والمشرفه وابلات قسمج يحضرونلج وساعات الوكيله
واذا تبين تعزمين ابلات من اقسام ثانيه)

يعني بعد ماتحدد المشرفه معاج اليوم اللي بتسوينه فيه درس نموذجي

تشوفين شنو الدرس اللي يصادف اليوم اللي تسوينه فيه نموذج درس

ولو تهزينه قبلها بفترة احسن بس حسبي حساب يمكن تشوفين درس وتقولين هذا راح

ادرسه في تالتاريخ اللي حددته مع المشرفه ويمكن يصادف عطله واذا الطلبه بغيبون او

في يوم مفتوح في المدرسه او حلفه او يمكن لاسمح الله يصيرلج طرف وتغيبين

والدرس اللي انتي تقولين بتدرسينه يطلع الدرس اللي وراه او قبله


تحضير الدرس

حضري الدرس بالكمبيوتر وراعي ان الاهداف السلوكيه تكون صح وتحضيرج ووسايلج كلها كامله واوكي

اخذي راي المشرفه بالتحضير لان عندها خبره واهيا ادرى بالصح والغلط

حضري درسج بالكمبيوتر ونسقيه بشكل كشخه وفيه صور مثلا وزخارف وطبعي درسج

__ صوري نسخ ملونه حق الناظره والمشرفه والوكيله وممكن تقدمينه حقهم في سله او معاه

ورد او في علبه انتي وابداعاتج

__ وصوري نسخ بالابيض والاسود للابلات اللي معاج بالقسم لان فيه ابلات ياخذون تعبج وتحضيرج بدارده

مبدره وفي الكورسات اليايه يمسحون اسمج ويحطون اسمهم


الوسايل والحصه

نصيييحه استخدمي الداتا شو واللاب توب لان في بند في تقويم الكفاءه

(الدفتر اللي يكتبون فيه تقييمهم لج ) يشوفون اذا انتي تطورين من نفسج وتستخدمين وسايل متطوره

وسوي معاه وسيله فيها فكره وفنتك يعني شي كشخه وسوي في الحصه نشيده مسابقه بين الطلبه او

شاركي الابلات معاهم سوي جو حلو لا تكثرين من الوسايل ترى كثرت الوسايل تخربطج

اكتفي مثلا بداتا شو و ومعاهم بطاقه ونشيده ومسابقه علشان وقت الحصه

ييبي للطلبه هدايا تشجيعيه واستيكرس

وراعي وقت الحصه وقسمي وزعي التمهيد والمقدمه وعرض الدرس والتطبيق حسب وقت الحصه وعطي كل جزء حقه

خلي التمهيد مرتبط بالدرس يعني له علاقه بالدرس او خلي واحد من الطلبه يقول لغز انتي كاتبته في بطاقه

واللغز لازم يكون ل علاقه بالدرس او تقولينهم قصه


كتب الطلبه

وصي الطلبه لح ينسى كتابه و دفتره

لازم كتب الطلبه تكون كلها مصلحه لان الناظره والمشرفه اذا حضرولج راح ياخذون كتاب جم طالب

ويفتحونه ويتطمشون عليه يشوفون انتي قاعدين تصلحين كل الدروس ولالأ ( يعني متابعه الطلبه )

وبوقعون على الدرس يوم وفي بند في تقويم الكفاءه ( الدفتر اللي يكتبون فيه تقويهم لج)

هل انتي متابعه الطلبه ولا لأ؟

الصف

اذا مثلا درسج النموذجي الحصه الثالثه قولي للمشرفه تقول للوكيله او انتي قولي للوكيله

ماتعطيج حصص قبل درسج النمودجي علشان تجهزين اغراضج وترتبين الصف وتستعدين نفسيا

نادي الفرشات خل ينظفون الصف ويرتبونه

طلبي من الفراشه تييبلج كراسي وتحطينهم آخر الصف بشكل مرتب او وزعيهم بالصف انتي وطريقتج

وهم طلبي طاوله كبيره تحطينها عند الباب تحطين فيها هدايا للضيوف او ماعون حلو او

وشاي وقهوه وماي او وعصير وجم طبق حلو ومعجنات يعني بوفيه صغير او كيفيج ماتبين تسوين ترى مواجباري

بس اللي شفته وعرفته ان الابلات يموتون بهالسوالف البوفيه و الهدايا وهالخرابيط حتى لو درسج موحلو ومو شي

هالسوالف تخليهم يقولون الدرس حلو خصوصا اذا فيه اطباق غريبه ومسويه حركات وافكار

ورا الدرس بقذبونج ويقعدون يسألونج من وين شاريته هذا وقولينلنا المقادير

وييبي معطر او بخور وبخري وعطري الصف


الابله (انتي)

وانتي تكشخي ولبسه بدله كشخه موشايفينها عليج وصيري مميزه في هاليوم

<<<<<<<<<<ادري بقتولين حشا استقبال مو درس نموذجي ههههههههههههههه

وقت الشرح خليج واثقه من نفسج ولا تخافين ولا ترتبكين وانسى ان الناظره والمشرفه موجوده

ولا تطالعينهم اذا كنتي من خايفه ومرتبكه

وتدرجي ونوعي بطبقات صوتج يعني وقت اللي يحتاج ترفعين صوتج رفعيه ووقت ماتبين تنزلينه نزليه

هالشي يشد انتباه الطلبه وهالحركه يستانون عليها المشرفات حتى الناظره

واذا طالب جاوب غلط عطيه فرصه يفكر وشجعي الطلبه بكلمات تشجيعيه وبعد شجعيهم بهدايا لان الناظره والمشرفه راح يركزو على هالنقطه

حتى راج تشوفنها مكتوبه في الورقه اللي عند المشرفه اذا انتي تعطين فرصه للتلاميذ وتشجعيهنم ولا لأ

والطالب اللي تقومينه يجاوب لا تقومينه مره ثانيه عطي فرصه لغيره

علشان المشرفه والناظره بشوفونج ويقولونلج ويكتبون عندهم اذا انتي

عادله مع الطلبه وتعطين فرصه للكل يشارك ولا لأ


بعد الدرس

بعد ماتخلصين الدرس روحي للناظره راح تقولج تعالي مكتبي

راح تعطيج ورقه توقعين عليها الورقه الناظره كاتبه فيها تقييمها لج وملاحظاتها

وراح تقولج رايها وتناقشج

بعدين راح تروحين للمشرفه هم نفس الشي راح تعطيج ورقه توقعين عليها فيها ملاحظاتها وراييها فيج وبالدرس


حسب طريقة المشرفه ممكن بعد الدرس انتي والابلات تتيمعون او في يوم الاجتماع

تسأل الابلات شرايكم بدرس كيتي؟

اذا درسج حلو واينن في ابلات من الحره غصب بعطلون عليج سلبيات واغلاط وهالنوعيه من الابلات يبين

عليهم انتي لا تتضايقين ولا تهتمين مادام الناظره والمشرفه مستانسين منج لانهم الاهم اهما الللي

يحطونلج تقدير مو الابلات واذا وحده من الابلات تحسين زودتها ردي عليها وناقشيها بهدوء

في ابلات الزينين يبقولون رايهم وينصحونج ويقونلج ملاحظات انتي اخذيها بعين الاعتبار واستفيدي منها

علشان ماتكررينها في المستقبل


2- نشاط مدرسي

ابي اقولج شي علشان لاتصيرين مثلي اول كورس لما المشرفه سألتني شنو سويتي نشاطات هالكورس

علشان اكتبه في تقويم الكفاءه فقتلها ماادري ماسويت شي

انا ماكنت اعرف ولا ادري ان لازم نسوي نشاط

لازم تسوين نشاط بالمدرسه مثلا بروشور او مطويه او مجله او لوحه ..الخ

واذا انتي الحين ماعندج شي فكريلج وجهزي نشاط تقدمينه حق الكورس الياي

واذا جهزتيه وخلصتيه مبجر عطيه حق مشرفتج راح تستانس منج و وتكيف تاخذ عنج فكره انج نشيطه

وقوليلها انا زهبت وجهزت هالنشاط بالعطله حتى راح تاخذ النشاط اللي انتي مسويته

وتوديه حق الناظره وتتتشيحط فيه وتقولها ابله كيتي سوت هالنشاط


3- برنامج اذاعي

في مدارس يقولنلج لازم تسوين برنامج اذاعي وفي مدارس الزامي عندهم تسوين

فنصيحتي لج سوي برنامج لان راح ينكتب في تقويم الكفاءه وهالشي من صالحج

سوي مثلا تمثيليه او مسابقه او اساله او كرمي الطلبه المتفوقين

وكل مااتذكر شي بدخل هالموضوع واكتبه

والله يوفقج آميييييييييييين ياااااارب العالمين