النمسا ^فرنسا^ ايطاليا^ 2008 منو وياي تعالو نسولف

[bnt_7waa]

السلام عليكم

شلونكم بنوتات شخبااركم؟؟

منو ويااي بشهر 8 على طيران الامارتيه تاريخ 4_8 رايحه اسبوعين ان شاءالله

خلونا نفيد ونستفيد بأسامي الاسواق اهناك سواء الغاليه او الرخيصه و الاماكن السياحيه و المطاعم الي نقدر ناكل منها وتكون حلال

شنو ناوين تاخذون ويااكم اغراض ؟؟

انا عن نفسي راح اخذ وياي ماجله خفيفه مثل ككاو وبفك



واندومي وسخان ماي وكرواسون وكورن فلكس صغار



وباخذ مق حق الماي اهناك عشان اخذه دايم معاي وين مااروح



اي وابريج ماي تكرمون حق حماماتهم :dddds:

وبندول وبلاستر لاسمح الله حق الحاجه

واهم شي سياده وثوب وقران صغير


واليوم رحت بدي شوب خذيت لي ست الفراوله الحجم صغير معه الليفه وفوطه يعني بس اخذ الشامبو والصابونه



ومريت لوكستيان وخذيت هذا معطر ديودرنت على شكل كلنكس



وباخذ لي جم توب ومراح اكثر بالجينزات وايد وباخذ لي فلاتين وجوتي رياضه ومك اب شويه مو وايد وحمايه للشمس


وذكروني بعد ؟؟



اي صج وانا لمه ارجع من فرنسا ناويه اخذ مكياج من سيفورا تهقون عادي بالمطار يعدونه سواء مطار ايطاليا او الكويت ؟

ناطرتكم حبايبي:tek:

 

[bnt_7waa]

حق الي رايحين فرنسا اتمنى هلخريطه اتفيدكم


اسوقه فرنسا
(لافالي فلج) مجمع الاستوكات الماركات المعروف بفرنسا


صاير مثل القريه من داخل



(( محطة روزفلت بشارع افينيو مونتين))

لاتنسون بهشارع تاخذون الجواز وياكم عشان يحددون لكم الضريبه الي تاخذونها من المطار


يهبل مو بروح اخذه لوووول






سوق ماجنج بفرنسا

المنطقة التي يقع فيها السوق شعبية جدا ويشك الانسان للحظات بأنه في مدينة باريس اغلب او معظم القاطنين فيها من المهاجرين من شمال افريقيا ومن افريقيا بصفة عامة لذا يجب على الانسان ان لا يحمل أي شناط يدوية وان يكون مظهرة عادي ولا يوحي بأنه غنيمة او عرضة للأستهداف في هذة المنطقة سوق فليا ماركت ينقسم الى نوعين سوق ثابت على مدار الاسبوع وسوق البسطات والسيارات والذي يكون يوم الأحد تحديدا السوق تغير كثيرا عن السابق وتحديدا قبل 5 سنوات اثناء زيارتي له حيث كانت تنتشر انواع الجلديات والأكسسورات المقلدة بجميع اشكالها ولكنة اصبح حاليا خاليا منها تماما والسبب لأنهم منعو من بيعها وعليهم رقابة مشددة ولكن رغم ذلك يوجد باعة جائلون منتشرين على الطرقات وداخل السوق يبيعون هذة المنتجات ولكن بأسعار مرتفعة نوعا ما عن السابق. السوق يحتوي على كل المنتجات من ملابس واثاث وقطع الأثريات النادرة جدا والقيمة السوق بأختصار ينقسم الى جزئين حديت وقديم وهو اقرب الى كونة حراج رغم انه توجد قطع اثرية من الانتيك سعرها بالاف اليوروات كما توجد منطقة للمنتجات المستعملة من ملابس وجلديات واكسسورات بالأضافة الى الرسامين والصناع الذين يصممون لك وينفذون أي قطعة تريدها في السوق اشياء غريبة عجيبة تباع من ملابس الجنود في الحرب العالمية الثانية الى الأسلحة القديمة والساعات ولوحات الشوارع وصناديق البريد وكلها من العهود القديمة ويرتاد السوق مختلف طبقات الشعب الفرنسي والاجانب الذين يبحثون عن اشياء نادرة .وبالمناسبة السوق لا يبعد عن محطة القطار سوى 5 دقائق مشيا وهو مشهور جدا بمجرد خروجك من السوق يمكنك مشاهدتة او سؤال أي شخص عنه.السوق يبدأ نشاطة من الساعة التاسعة صباحا وحتى السابعة . وبالنسبة للأسعار فهي متفاوتة من محل لمحل وارخص قطعة سواء كانت لملابس او احذية لا تقل عن 5 يورو .

(( صور من السوق))







كلشي منقول لعيونكم

تعليقي بخط الاحمر

 

[bnt_7waa]

شدعوه ماكو ردود

 

[الطش والرش]

اختيارج حلو تروحين وتردين بالسلامة ان شاء الله بس بسال شلون راح تروحين لفرنسا وايطاليا بالقطار واي منطقة وتسلمين :tek:

 

[bnt_7waa]

الطش والرش

من فرنسا ليه ايطاليا طيران داخلي مو قطار واعتقد نفس الشي بين النمسا وفرنسا

ورايحه ميلانو ان شاءالله

شاكره مرورج

 

[Hello_kitty]

مشكوووووووووره على المعلووووومات والصووور الحلوه معني ما راح اروح فرنسا السنه ان شاء الله استفيد منهم

للمرات اليايه.......ما عندج صوور عن النمسا؟؟

 

[الطش والرش]

بقولج انا شنو اخذ معاي دايما بالسفر يمكن يفيدج وعلى حسب احتياجج

شرشف ما احب انام على شراشفهم
اوتي صغيرون
محارم ديتول ودايما اخليهم بجنطتي حق عيالي اذا احتاجوا الحمام بالطلعات وانتي بكرامة
معقم اليد مال الشايع او اللي بالجمعيات شكثرهم
نعال للحمام تكرمين لان الفندق ما يوفره مرات
شاحن موبايل
كراتين صغيرة حليب وعصاير اذا معاج عيالج

هذا اللي اذكره الحين حبوبة واذا طرا علي شي بقولج

 

[bnt_7waa]

مدينه ملاهي بفرنسا غير اليورو ديزني









وفيها عروض الدلافين






قضينا في مدينة الألعاب 6 ساعات ررررررررررررائعة وممتعة وبالمناسبة ملاهي استريكس اجمل بمراحل من دزني لاند لأن بها تقريبا 60 لعبة للكبار والأطفال بالأضافة الى العديد من العروض والفعاليات الممتعة وحجمها الكبير والمفتوح وعدم وجود أي ازدحام على الألعاب واسعار المطاعم والفاست فود فيها اقل بمراحل من اسعار دزني وهي فعلا تستحق الزيارة لأن المتعة بها غيررررررررررررررررر عن دزني والتي اخذت شهرتها من وجة نظري بالأسم بالأضافة الى وجود الشخصيات بها.
بعد ان قضينا وقت رائع عدنا عن طريق الباص الى محطة مطار شارل ديقول ومنها عدنا الى محطة شارل دي قول عند قوس النصر.

 

[سمبوسة]

الله ييسر أموركم حبيبتي
شوفي الأغراض بمر عليج باجر وأقولج ألحين دايخة وما أركز
أسواق النمسا
شارع الكارتنر ووراه شارع الماركات
شارع ماريا هلفر
مجمع سود
وما أذكر بعد بس ترى مو زود, فرنسا أحلى بالسوق
وليش ما يطوفون المكياج بالمطار؟؟ دام ان مو بجنطة ايدج عااادي يعني خليه بجناط السفرومحد له شغل فيج وترى ايطاليا فيها سيفورا بعد

 

[bnt_7waa]

مشكوووووووووره على المعلووووومات والصووور الحلوه معني ما راح اروح فرنسا السنه ان شاء الله استفيد منهم

للمرات اليايه.......ما عندج صوور عن النمسا؟؟

ان شاءالله تروحين السنه اليايه وتستانسين

وخليج متابعه فيه صور عن النمسا

وشاكره مررج

 

[bnt_7waa]

بقولج انا شنو اخذ معاي دايما بالسفر يمكن يفيدج وعلى حسب احتياجج

شرشف ما احب انام على شراشفهم
اوتي صغيرون
محارم ديتول ودايما اخليهم بجنطتي حق عيالي اذا احتاجوا الحمام بالطلعات وانتي بكرامة
معقم اليد مال الشايع او اللي بالجمعيات شكثرهم
نعال للحمام تكرمين لان الفندق ما يوفره مرات
شاحن موبايل
كراتين صغيرة حليب وعصاير اذا معاج عيالج

هذا اللي اذكره الحين حبوبة واذا طرا علي شي بقولج

اي انا ناويه اخذ معطرات ديتول ونعاله حمام تكرمين

وذكرتني بشاحن الموبايل

والاوتي

مشكووره حبيبتي على تعليقج

 

[bnt_7waa]

الله ييسر أموركم حبيبتي
شوفي الأغراض بمر عليج باجر وأقولج ألحين دايخة وما أركز
أسواق النمسا
شارع الكارتنر ووراه شارع الماركات
شارع ماريا هلفر
مجمع سود
وما أذكر بعد بس ترى مو زود, فرنسا أحلى بالسوق
وليش ما يطوفون المكياج بالمطار؟؟ دام ان مو بجنطة ايدج عااادي يعني خليه بجناط السفرومحد له شغل فيج وترى ايطاليا فيها سيفورا بعد

النمسا مراح اتسوق فيها بخلي السوق حق ايطاليا اكثر شي

وزين قلتي انه يعدوني بالمكياج مو هذول كل يوم طالعين بقرار

وزين بعد انه ايطاليا فيها سيفورا عشان احمل بالنهايه_03ba:

ومشكوره على المرور

 

[bnt_7waa]

up up shd3waa makoo msharkat

 

[المـاسة]

تروحين وترجعين بالسلامة بس حبيبتي أنا محتاره ودي اروح لفر نسا وجنيف بس يقولون غالية وابي أعرف جم تكلفني المصروفات والتسوق خفيف ((لشخصين)) وزوجي يبيني أروح لاستراليا وشرق اسيا بس الطيران متعب

 

[bnt_7waa]

تروحين وترجعين بالسلامة بس حبيبتي أنا محتاره ودي اروح لفر نسا وجنيف بس يقولون غالية وابي أعرف جم تكلفني المصروفات والتسوق خفيف ((لشخصين)) وزوجي يبيني أروح لاستراليا وشرق اسيا بس الطيران متعب

حبوبه انا اول مره اروح اوربا فما اعرف شنو الاسعار

بس انا حاطه حقي بروحي ميزانيه 800 بس مصرف خايفه انه مايكفوني

 

[R&N Store]

تروحون و تردون بالسلامه بنات

بالنسبه للمكياج و العطور و الكريمات او اي شي سائل اذا اكثر من 30 مل
لا تحطونه بالهاند باج اللي وياكم

حطوه بالجنطه الكبيره






على فكره ايطاليا "ميلانو بالتحديد اخر شهر 7 الى نص شهر 8 عطله
يصكون اغلب محلاتهم
ما تلقين فاتح غير زارا و h&m و هالمحلات الرخيصه
بوتيكات الماركات يصكون لي بداية شهر 9











فرنسا "باريس"

الاسواق: الشانزيليزيه خصصي له يوم كامل من الصبح
ترا فيه محلات و دواعيس حلوة

جاليريا لافاييت مجمع حلو بس غالي نوعا ما و في ماركات "مايكفيله يوم يبيله يوم على الاقل و جمعي كل الفواتير ملوت يوم كامل و روحي سوي التاكس فري بالسرداب يطلع لج مبلغ محترم !"

الحي اللاتيني "كارتار لاتان"
سوق شعبي ايونس و تلقين فيه محلات حلوه و عندهم اشياء حلوة
روحي له الصبح لان يخرع بليل
بس هم بليل حلو لان يسوون فيه حفلات و اغاني لول..
اذا رحتيله
ترا نادر ما تلاقين تكسي فيه
اكو جباله محطه اندر جراوند..





لا فالي دي يورب "يفتح كل يوم حتى الاحد بس يوم الاحد تفتح بس القريه و المجمع اللي يمه اللي فيه محلات مثل جاب و هالسوالف ما يفتح الاحد"
سوق اوت لت حلو خارج باريس
بالقطار يبيله نص ساعه
المحطه اللي قبل ديزني (ديزني المحطه الاخيره)


اذا تبون تروحون ديزني حجزوا التذكر من محل ديزني اللي بالشانز
احسن لكم من الزحمه و الطوابير اللي اهناك






النمسا اسمحيلي ماقدر افيدج
رحت لها من فتره و ما اعجبتي و مانصحج فيها..

 

[brettey]

ما اقول الا عليج بالعافيه ويارب تتهنين بسفرتج ويرزقني يارب
ماشاء الله عليج بالعافيه

 

[كويتيه أنيقه]

تروحين وتردين السلامه

 

[زلابيا]

عليكم بالعافيه بنوته تروحون وترجعون بالسلامه

كنا مخططين ان نروح فرنسا بس الله مو كاتب ..

ننطرج لما ترجعين انشاءالله بالسلامه وتعطينا تقرير حلو عن سفرتج

 

[sa7ab]

هلا هلا باهل النمسا وفرنسا وايطاليا


ااااه على السباغيتي والباستا اكلي عني تكفييييين هناك سباغيتي


شوفي تروحون وتردون بالسلامه وان شاءالله بتستانسون


ماعندي فكره وايد بهالدول بس اول شي شيكي بالنت الجو عشان تعرفين شتودون معاكم هدوم
و لا تكثرون ديروا بالكم من الوزن

وليش عاد كل هالاكل ترا كل هالسوالف تحصلينها هناك لا تثقلون على عمركم والله روحوا خفاف عشان لي رديتوا تترسون الجناط


وترا لا تتوقيعن سوقتهم او معيشتهم رخيصه

بس شوفوا وين الاماكن السياحيه جهزيهم وطبعيهم خليهم معاج واذا تقدرين خططوا منالحين وين تروحون

والفنادق والشقق هم شيكوا عليهم من النت كلشي تقدرين تحجزين انتوا بتروحون مع قروب والا بروحكم ؟

وما انصحج بالابريج الله يعافي بطول الماي

اذا برد ومطر لا تنسون الشمسيه واذا حر نصيحه اخذي معاج مهفه لانه ماعندهم تكييف مو مثلنا هني

وديري بالج لا تشيلين معاج الفلوس حطيهم بخزنه الفندق وشيلي على قدج يوم بيوم
وانتي رايحه هم حاولي توزعين الفلوس لا تخلينهم بالجنطه وبمكان واحد

الله ماكثر الحراميه


وانصحج وخري عن العرب هناك مالكم شغل فيهم اقصد اللي عايشين هناك يقصون عليكم ويمكن يطلعون حراميه



و بفرنسا لا تنسين تروحين محل ديزني خمي منه حق اليهال عيال اختج بيستانسون عليه
وحاولي تاخذين جنطه مو صغيره ولا عوده عشان تحطين فيها اغراضج حق الدرب نظاره كلنكس معطر " ديتول " هذا مايخله من جنطتي بطل ماي كاميرا كلنكس عادي علج اي شي يسليج

والاهم الادويه هم خلي معاج بجنطتج بندول


مممم شنو بعد ياربي


ترا التنقل بالقطااار وااايد حلو بتشوفين منااظر مو طبيعيه
بس ما افضل السفر اذا معاج اغراض وايد لان اللي بيشيلهم بيتعب انا جربتها رحت من فرنسا لي بلجيكا بالقطار

صج وناسه واحلى من الطياره بس مو لنا احنا

كانوا معانا ناس شفتي جنطه الظهر هذي جنطتهم مكودين فيها كل شي
واحنا جناطنا شكبرهم وثقاااال لان كنا رايحين فرنسا وبلجيكا والمانيا وهولندا فاغراضنا وايد وتعبنا كنا انزلهم بالدري ونصعدهم


بس صج بتستانسووون

عليكم بالعافيه


وانا خاااطري بايطاليا ان شاءالله اروح لها


واذا تذكرت شي بعد بقولج