بنات دشتي اسئلة بخصوص رجيمكم

[ام مصعب]

السلام عليكم
شلونكم بنات ...
ابي شوركم وابي نصايحكم وتوجيهاتكم ما استغني عنها
الله لا يحرمني منكم
انا يا طويلات العمر يبيلي 10-15 كيلو واصير تمام التمام وما لي خلق رجيمات
بس قلت رجيم دشتي سهل واكل اللي ابي واقدر اروح مطاعم
فسؤالي هو ...
هل يمكنني ان اكل النجتس (فيه شويه بقصمات)؟ وحلقات البصل والتشيكن كريسبس
يعني في خيارات حلوة بمطاعم الفاست فود بس اخاف ادلع نفسي بقليل من البقسماط وبعدين ما اضعف
اللي جربوا هالريجيم وكانوا ياكلون نجتس وسوالف جذي يقولولي بليييييييز
والشي الثاني اقدر اشرب قهوة ؟ اهوا كاتب في سايته من غير كافيين وفي بنات كاتبين قهوة وجاي ودايت عادي فما ادري
ثالثاُ واخبرا.. هل هذا الريجيم للأوزان الكبيرة جدا او يناسبني كوني ابي 10 بس ؟ او 15 افضل طبعا
كله احس ما راح اضعف منه لاني اكل دهوووووووون
اي اخر شي يصير اكل حب (حب شمسي مثلا) ؟؟؟

سامحوني على التفصيل وكثرت القرقة وان شاء الله كل وحده ترد على يكون بميزانها يوم القيامة انها ساعدتني


بانتظار ردودكم يا الطيبات
مع السلامة

 

[Japanese]

سويته من زمان ,, وتغيرت اشياء وايد فيني منها الكسل !! صرت نشيـطه ومانام وايد جني ميته

وغير جذي شكل جسمي وايد تغير ,, بصراحه كفايه اني صرت انشط :/ عكس الدايتات الثانيه الجسم مايكون فيه طاقه



اول شي ,, كل شي فيه كارب بأول مرحله لازم تهدينه ومنه البقسماط .. لازم لازم تلتزمين عدل بالدايت

لأانه اي خربطه بتخربلج الدايت فوق تحت :/

ثاني شي ... الكافيين .. ممنوووووووع هدي القهوه وهالسوالف

اما بخصوص الدايت كوك والسفن آب وغيره .. جنه بس مسموح فيه لمره وحده باليوم

انا كلش ماكنت اشربه لأانه يزيد الكرشه تحملي s:

المهم

وبعد .. بخصوص الأوزان الثقيله .. والله مدري انا كان وزني 55 يوم سويته ونتفه ترى مب سالفة رشاقة

ومالاحظت وايد ع الميزان النزول

بس جسمي اللي تغير @@ وكنت مرتاحه نفسيا اني مب قاعده ايوع عمري .. اول اسبوعين بس كانو صعبين بعدين تعودت

والله يوفقج

 

[ندووو]

ودي اروح للدكتور حسين دشتي بس احس صعب الريوق بدون خبز

انا يبيلي 10 كيلو

 

[الحــــــلا كله]

انا مفكره اسويه
شرايكم نتجمع ونطبقه
ما ادري عن سالفت البقصمان تصدقين نبهتين عاد انا اموت على نجتس ماكدونالدز ومستانسه على السالفه

بالنسبه للقهوه افضل تتركينها
والشاي تشربينه بسكر رجيم سويت اند لو الوردي

 

[ام مصعب]

يله ما عندي مانع نسوي تجمع بس يا ريت احد يوضحلنا سالفة البقسماط والقهوة حتى العربية ما يصير ؟؟؟؟

 

[ام مصعب]

بنااااات وينكم

 

[زينة2008]

حبايبي انا عندي كتاب الدكتور وماكو مشكله اذا شربتي القهوه التركيه وطبعا باستخدام سكر سويت ان لو
وبالنسبه حق البقصمات اهي كربوهيدرات والكربوهيدرات ممنوعه خصوصا بالمرحله الاولي من البرنامج

 

[frfr]

http://www.drdashti.com/program_stages.htm

هذا الموقع تقدرين تستفيدين منه وبنسبه للبقصمات ممنوع واذا تبين قهوه تقدرين تسوين لج بدون كافيين مثلا نستله فيه بدون كافيين و طبعا سكر رجيم

اذا التزمتي عدل بالرجيم اول اسبوعين تنزلين 5 كيلو ويعدها كل اسبوع راح تنزلين كليو او نص كيلو يعني على شهر او شهر ونص انتي نازله الوزن اللي تبينه

بس اهم شي الواحد يلتزم عدل

وبنسبه للريوق تقدرون تسوون اومليت حلو ولذيذ وبدون خبز بعد

 

[@ربانة العود@]

يارب نضعف

 

[Haboona]

أنا اختي سوته من قبل سنه و كانت مثلج يبيلها 15 كيلو تقريبا ... و كانت تاكل النجتس عادي و الحمد الله ما اثر بس اهوا المفروض لا و الحمد الله مشى معاها ... ان شاء الله تضعفيون ابصحه و عافيه ياااااااااااااااا رب

 

[ام مصعب]

مشكوريييييييين حبايبي على ردودكم ومشاركاتكم
هبونة اختج نزلت ال 15 ؟ بشكثر ؟؟؟
يا ريت كل وحده جربت تسولف لنا عن تجربتها

 

[ام مصعب]

وييينكم خن نسولف عن ريجيم دشتي

 

[الجوري28]

السلام عليكم
واللة انا مشيت على ريجيم دشتي شهر بس قطعتة لان بنتي تنومت بالمستشفى فخرب الريجيم كلة بسبب الكابة المهم الريجيم ممتاز ويهبل وخسارة اني هديتة وصدقيني تتعبين اول يومين بعدين تتعودين علية ولا تشتهين الممنوعات وبصراحة انا تغير شكل جسمي وراحت الزوائد والكرشة خفت بشكل كبير وانصح اللي تبي تضعف تمشي علية

 

[malgoofah]

بنات اللي جربت رجيم دشتي اتفيدنا ابتجربتها بلييييييييز اذا تركناه انرد الوزن اللي نزلناه ابسرعه؟ انا كل ما سألت اللي سوووه يقولون ردو وزنهم دبل و اخترب جسمهم بس بتأكد منكم لانه حده عاجبني بس خايفه اردهم دبل

 

[أحلى عنابية]

ما اعتقد تردين وزنج لأنه مب بسرعه ينزل الوزن يعني الجسم يتعود على الاكل اللي تاكلينه بعدين في المرحله الرابعه يكون تثبيت الوزن

أنا بديت الرجيم من 11 يوم والحمدلله نزلت خمسه كيلو والله شكلي تغير ويهي ضعف و جسمي نحف يعني ملابسي اللي ما كنت اقدر البسها صرت اقدر البسها و الحمدلله ادعو لي يا بنات اكمل والله يصبرني
طبعا انا ما اقرب الكافيين مع اني مدمنه قهوه عربية و صرت ابدلها بالسفن اب دايت و اكل زبدة فول سوداني بعد الاكل احلي فيها
مااكل ناجتس و لا اي شي فيه خبز او طحين او حليب
وانشالله راح اكمل الاسبوع الثالث والرابع من المرحله الأولى بس مع حبوب راديكتال
وزني صار الحين 85 وأنا أبي اصير 60 أو 55 يعني ابي انزل 30 كيلو والله يساعدني

من يوم السبت راح أمشي نص ساعه و ابدا بالحبوب

بس على فكرة الرجيم سبب لي خموووووووووووووووووووووووول كله نايمه و عقلي مب معاي ههههههه بس نتحمل عشان الرشاقه

 

[زينة2008]

حبيبتي احلى عنابيه بغيت اسئلج عن زبدة الفول السوداني يعني وين احصلها وشنو اسمها بالضبط
والكميه الي تتناولينها مشكوووووره

 

[ام مصعب]

زبدة الفول السوداني اهيا البينت بتر Peanut Butter
بالجمعيات
تصدقين ما طرت على بالي احلي فيها لانها حالية تمشي الحال
شكرا على الافادة
واختي ليش ما تشربين كافيين يعني مو زين ؟ نا احيانا اشرب قهوة عربيه تعدل راسي

وسلامتكم

 

[زينة2008]

زبدة الفول السوداني اهيا البينت بتر Peanut Butter
بالجمعيات
تصدقين ما طرت على بالي احلي فيها لانها حالية تمشي الحال
شكرا على الافادة
واختي ليش ما تشربين كافيين يعني مو زين ؟ نا احيانا اشرب قهوة عربيه تعدل راسي

وسلامتكم

هلا بالغاليه انا كتاب الدكتور عندي وكاتب فيه ان لازم نقطع الكافيين لاته استخدامه يساعد على زيادة الأنسولين الظاهر الكافييين أأثر على هذا النظام فإذا اتحبين تشربين قهوه في نسكافيه لونها حمره متوفره بالجمعيات
وبعد تقدرين تاكلين جيلي الرجيم .....واي سؤال انا حاضره

 

[ياشايل الظبى]

انا ودى اجربه لانه حلو ومشبع ... بس يبيله التزاااااااااام

 

[ام مصعب]

شكرااااا زينة 2008
بس شنو جيلي الريجيم
يعني مكتوب عليه جيلي قليل الدسم
؟؟؟؟